موضووع للناس الأمينين فقط! منو الدكتور التجميلي الفااشل وإللي أنصدمتي من مستواه السيء

[بتبوتااا]

الله يعوضكم ياارب

 

[أم الأسلوب]

الوقــــــــــــــــــــايـــــــــــة خــــــــــيــــــــــــــــــر من الــعــــــــــــــــــــــــــــــــلااااااااااااااااااااااج ​

 

[~شوق الغلا~]

خوفتوني ياربييييي قاعده احااتي وخايفه لان بطني و فخوذي و صدري حيل حيل مترهليييييييين خاايفه اني اسوييييي ومايضبط وياي .. بنات شرايييييكم ب د. اشرف عبدالقااادر ناويه اسوي عنده

 

[xxx]

تنبيه

الموضوع عن التجارب الفاشلة بالعملية فقط

اتمنى ما اتعرضون لشخص الدكتور والالتزام بأدب الحوار

 

[حلوةودلوعة زوجي]

لا حول ولا قوة الا بالله
الله يكون بعونكم ويعوضكم يارب وياخذ حقكم من هالدكاترة
حشى جزارين

 

[el7ob Klah]

دكتور عادل قطينه اقسم بالله العظيم

فاشل جداً بعمليات الشفط

ساعه ونص يشفط البطن واحس بآلام كأنه يقصص لحمي

البنج عنده فاشل احس بالعمليه ولا جنا في تخدير

ساعه ونص شفط بطن بالاخر يقول مبروك شلت نص كيلو دهن !!!!!!!!!!!!

بغييييييت اموت

شكله تجاري بحت

 

[el7ob Klah]

الدكتوره نوره الصليلي حقنتلي فيلزر تحت عيني والله تشوهت و صار مكانهم بارز يوم رحتلها تقولي ايه عشان ما عندج خدود يبيلج بوتكس اشرايج؟؟؟

انا سوت لي فيلرز تحت عيني لان في كسره صوب الهالات

الحمدلله مافيني شي وضبط معاي :eh_s(15):

اهيا ممتازه كـ دكتوره جلديه والتجميل ماجربت منها الا ابره الفيلرز تحت العيون

 

[el7ob Klah]

وااااااااااااي بنااااات الله يعينكم ,, فكره العمليات احسها مجااااااازفه .. الله ياجركم ,,
انا احس اطبا لبنان احسن من اهني !! ولا كلهم نفس الشي !!

انا الحين بطني من اول بيبي تشوه كللللللللله خطووووووووووووووط ذابحني شكله ومحتاره مو عارفه شسوي بس يقولون لي وقفت ولاده الافضل انه اسوي ترميم وجذي .. فمادري في اشياء اقدر اسويها الحين من ليزر وغيره ولا شنو !!!

عندكم فكره عن هالشي !!
والله شكله مازم نفسيتي سبحان الله في حريم ايبون 5 و6 وماكو الا خطين يعتمد على نوع الجلد ,, الحمدالله على كل حال

نصيحه لي خلصتي حمل و ولادات

لما توقفين عيال احسسسسسن

لان اذا سويتي الحين وحملتي بعد سنتين او 4 سنين

راح يرد يخترب البطن وتضطرين تسوين عمليه مره ثانيه :eh_s(15):

 

[رومانس آيدياز]

والله التجارب تخلي الواحد يفكر مليون مرة قبل لايجازف بس المشكلة في ناس مضطرة والشي اللي يحير ان قاعدين نشوف بنات تغيرو ١٨٠ درجة للاحسن

 

[shahooda123]

دكتور فاشلة شرين ابو الفتوح والله وعن تجربة سواء بطن ولا فخوذ نفس الحالة ماكو شى ضبطته

 

[زهره الخليج]

الدكتوره نوره الصليلي حقنتلي فيلزر تحت عيني والله تشوهت و صار مكانهم بارز يوم رحتلها تقولي ايه عشان ما عندج خدود يبيلج بوتكس اشرايج؟؟؟

قلتلها لا مشكوره

اول ما دشيت عليها ما كلمتني قالت يالله يالله فيلر...سستر حطيلها مخدر و روحي غرفة الانتظار

خلاااااص 3 دكاتره فاشلين جربتهم أحمد المسلم..اسماعيل ندا و نوره الصليلي

ثلاثتهم مستعجلين و ما يسمعون و يقولولج السعر قبل كل شي


خلاص فهتم على الدكاتره الحين محد يقدر يقص علي

انتي نفس اختي حقنت لعيونها عشان تساوي وجهه يعني سمته وحده

الا انصدمت اهي ورفيجتها صاار منتخ ونفس كووره اهي اقل بس رفيجتها اكثر.


راحت لدكتور تجميل ماعرف اسه هم قال لها هذي ماده تنحط للمكوه مش للعين


وعلمت رفيجتها وراحت اهي ورفيجتها له الا قام يعتذر وقال مااقدر اسحب الماده

لانه اخاف تضرر عين


بعد خمس سنوات اختي راح الحمدلله بس رفيجتها نفس شي ماراح المسكينه لانه مكثر ماده

 

[mhra_uae]

دكتور احمد برغش كان ف دبي وراح مصر
دكتور علي النميري ف الامارات

 

[فديته]

بصراحه دكتور الصبيح الظاهر غرته الشهره وقام يخورها>>> انا سويت عمليه للخشم شهر 3 وللامانه اول شي حلو

وقالو بيصير احلي ويتعدل >> بس للاسف صار اسواا ليما اللحين عوج وان شالله اذا قدرت راح اصوره

الدكتور الثاني منذر العجمي >> مواده للحقن سببت لي الالتهاب والحمدلله عل كل حال


ملاحظه للبنات اللي يسوون دعايات خافوا ربكم حرام تطيرون دكتور بالسما واهو ولا شي

فجاه ادش المنتدي والقا وحده حاطه عن دكتور مو معروف من قبل فجاه صار يهبل >> يعني بذمتكم اي وحده قبل لا تسوي العمليه مو تبحث

وتشوف عن الدكتور!!! هالبنت شلون باعتها وراحت لدكتور مو معروف >>>> سبحان الله

 

[وحيدة امى]

منذر العجمي تفخت عنده تكورت الماده بخدي والحين مادري وين بروح مومبينه بس احس فيها

 

[مطيريه ذهب]

بلا منازع منذر العجمي تجربه فاشله بمعني الكلمه قطيت 1300 ع تغير بسيط بالخشم لو رايحه سوريا ابركلي ورد الانحراف اللي بخشمي شلون مادري 

 

[Diet pepsi]

دكتور هشام بطيبة كلينك خرب صدور وايد ناس ولا همه عادي

 

[ام عماري]

الله يخليكم ويرحم والدينكم اسوي بطني عند منو اشرف عبد القادر ولا كروز

 

[om.aly]

سامح صادق
اشك أن مواده مضروبه وتعبئه مغشوشه
تفخت خدودي عنده من 2003 وليومكم الماده موجوده وخربت وجهي
اللي يشوفني يقول متنانه او كبرانه بالعمر
حسبي الله ونعم الوكيل فيه
مع الايام شوهني وخدودي كل مالهم ينزلون لي تحت
والماده مو راضيه تفج
ورحت لدكتوره ثانيه ماابي اذكر اسمها عشان مااسوي لها دعايه وفرغت لي الماده
والله يابنات كل ماافرغ واقعد ارتاح اقول خلاص . تورم علي الماده وارجع افرغها
وانا اكلمكم فرغت خدي اليمين واليسار للحين فيه الماده الخايسه
حسبي الله ونعم الوكيل​

 

[Q8_ButterFly]

السلام عليكم

بكتب لكم تجربتي مع الدكتور عاصم كامل اللي بمركز الربيعة الطبي طبعا وايد بنات بالمنتدى مدحولي اياه وصولوه السما سويت عنده شد وشفط حق بطني وفخوذي والله يابنات ان مافيني شي تغير بس بدال مايجل شوهني والله ان بطن محد لاحظ اني سويت شد حق بطني وفخوذي الشق مال العملية تخيلو من فوق الركبة لين خط البكيني هذا كله تشوه جني محترقة حروق من الدرجة الثانية لما قتلة بعد 3 شهور مابرى الجرح والجرح يطلع ريحة اقول يقولي كل منج انتي موملتزمة بالقوانين وكنتي تتحركين يعني شلون اقعد طول عمري ماتحرك وهو قايلي بس اسبوعين ومارسي حياتج عادي عقب 9 اشهر رحت له ماني مرتاحة من العملية كلش ولابطني ولا فخوذي تغير فيهم شي قتله صلحلي العملية يقولي ماقدر وبصراحة تهاوشت معاه وقتلة برفع عليك قضية يقولي رفعي 100 قضية موهامة طبعا على قولتكم في جواسيس وايد بالمنتدى انا كنت كاتبة قصتي ان هو فاشل ياين ناس وقايلين له طبعا انا ماهمني لاهو ولا اللي وصل له الحجي لان انا سلمته روحي وجسمي وفلوسي بس للاسف طلع فاشل ولما طلعت من عيادتة دقت علي السكرتيرة وقالت لي اذا تبين يصلحلج العملية دشي المنتدى وكتبي ان انا مااقصد ان الدكتور فاشل وان عدلي العملية قتلها يعني تبيني اجذب على حساب الدكتور ان ينشهر جان تقول لابس رفعي الموقف قتلها اسفة اجذب واقول شاطر وهو العكس ربي فوقي بيحاسبني على كل شي

وهذي قصتي مع الدكتور عاصم وماقول الاحسبي الله ونعم الوكيل الله فوقة انشالله ياخذ حقي منه
وعلى فكرة هو موموجود بالكويت صارله اكثر من شهرين حتى الاعلان اللي بالجريدة شالوه

هالدكتور انا اسميه التمساح مسوي حق خواتي الثنتين بطنهم واقولهم شلون تسوون عنده خل يشيل كرشته بالأول بعدين يسوييلكم كلش ما كنت مرتاحتله واهم يقولون لا شاطر وبالعكس وهم اخت رفيجتي سوت بطنها وفخوذها


وطبعا وحده من خواتي بطنها يلوع الجبد والخياط يفشل

والثانيه ظلت سنه كامله جرحها مبطل واخر شي بغت تموت عنده بالعياده وراحت للحكومه الفروانيه ودكتور الحكومه راح وكلمه وقام يصرخ عليه وطرده ولما اختي قالتله ابي تقرير منك ولانه خايف قالها ملفج ضايع شلون يضيييييييييييييييع وعقبها لما قالتله انا بشتكي عليك ودكتوري الي بالفروانيه شاهد عليك انحاش من الكويت ثاني يوم

 

[Q8_ButterFly]

وانا عن نفسي سويت شفط وشد مرتين اول مره قبل لا اييب عيال و مره بعد العيال


اول وحده عند هاشم عياد بطيبه كلنك وقتها كنت ضعيفه حيل بس عندي كريشه عنونه بصراحه شالها لي بس سوالي خرييييييييييييييييييييييييييطه بخياطة الجرح الشكل يلوع الجبد واصل لي الخاصره شدعوه جذي وهذا انت مو شاد وايد لانه ماعندي جلد مترهل.



والتجربه الثانيه عند اسماعيل ندى :eh_s(4)::eh_s(4)::eh_s(4)::eh_s(4):


سويت بطني شفط وشد و ظهري شفط وزنودي هم بعد بس شفط واقول حرااااااااااااااااااااااااام كل فلس خذاه مني ما سوالي شي كلششششششششششش
نصاب جذاب بوصماخ ويقهروني البنات الي عنده ويتشرقون فيه امبيه على شنوووووووووووووووو