موضووع للناس الأمينين فقط! منو الدكتور التجميلي الفااشل وإللي أنصدمتي من مستواه السيء

[اوووفه]

اب اب

 

[نمله ذربه]

للامانه انا ما سويت اي تجميل عند منذر العجمي

لكن نفسيته معاي كانت اوكي ومبتسم ما حسيت انه نفسيه!!!

 

[kookiz]

اب
اب خوش موضوع
عاد وحده تصير لي مسوية عند شرين ابو الفتوح والنتيجة كانت حلوة وانا كنت ناوية بعد ولادتي اروحلها بس خرعتوني
​

 

[وحيدة امى]

للامانه انا ما سويت اي تجميل عند منذر العجمي

لكن نفسيته معاي كانت اوكي ومبتسم ما حسيت انه نفسيه!!!

نمله ماسويتي شي بس سوي وشوفي

 

[وحيدة امى]

منذر العجمي لعدم مصداقيته حق وحهي بمواد مادري شني ولها صينيه ​

 

[yam_yam]

امبيه تجاربكم تخرع

انا ماسويت تجميل بس سويت علاج للبشرة عند قنال الصايغ هي و دكتورها المصري الله لا يحللهم
حسبي الله عليها سحبت مني فلوس لين قالت بس و اخرتها لا نتيجه و لا شي
و اقولها خافي الله باللي تسوينه و اللي سويتيه فيني



و بالنسبة للدكلتره الفاشلين من تجارب اللي اعرفهم شخصيا و شفتهم
سامح صادق فااااشل

 

[TqHr]

اوكي بقول تجربتي لكن الله يعينكم ما اعرف اختصر بالكلام

من سنة عملت شد بطني وفخوذي عند دكتوري الجار الله , لكن من وقتها فلّست وقلت باقي لي زنودي وجوانبي وصدري خليني اروح البابطين آخذ موعد

ورحت شهر 3 أخذت موعد عند الدكتورة صابرين لأني خلاص ما ابي رجل يسوي لي صدري , كانت راقية بالتعامل وحبوبة كإنها اخت كبيرة وناصحة صراحة , بس قالت انهم ما يسوون عملتين بوقت واحد اختار مكان يسوونه وبعدين احط موعد للمكان الثاني , طلبت موعد لزنودي لأنها الاهم عندي , وعلى شهر 1 اتصلت الدكتورة قال لي عمليتج عقب باجر ,, المهم دخلت قبل العملية بيوم ==>> ما ادري ليش بس تعطيل

وكان الواضح ان الدكتورة صابرين معاها دكتور اسمه حلمي هم يسوونها مع بعض ==>> يعني ما ابي رجل

يوم العملية ماشفت اي دكتور منهم ابد , واستغربت ان مافي احد حضر يخطط زنودي , خذوني للعمليات وجا دكتور البنج سأل ما خططوها ( طبعا هالكلام مو لي للسستر بالإنجليزي ) ردت عليه قالت يقولون مو ضروري ؟!؟!؟!
المهم تبنّجت ولا شفت دكتور منهم ولا احد قال لي شنو راح يسووون !!! كنت ناوية اقول لهم يسوون جوانبي الي تحت الابط مع زنودي لأن كل دكتور رحت له قال هذه مع الذنود تتسوى لكن للأسف ماشفت احد حتى اقول له .

صحيت من البنج وحسّيت الموووووت جدامي ,, هذه مو اول مرة ادخل عملية ( باي باص + منظار للركبة + شد للبطن والفخوذ ) لكن اقسم بالله اني ما شفت الم في حياتي مثل المها , ما ادي شفيهم بخلاء بالمسكنات !
البابطين ما يتعامل الا مع شركة وحده بس للكورسيهات وهااشركة الي المفروض تجيب لي الكورسيه قبل العملية ما جابته لأن الموظفة الي مسؤولة عن التوصيل يومها بإجازة ومو فااااضية ترد على المكالمات ولا هم عندهم احد يسعفني بالكورسيه قبل العملية
تخيلوا صحيت من البنج اشوف ايدي كلها مجبسينها من فوق ليما اصابعي كلها والله الضباب كان جبس مو ضباب عادي لأني ما لبست الكورسيه بالعملية
كنت اطق راسي طق طق بالمخدة واصرخ من الألم اترجى يعطوني مسكن لكن لا حياة لمن تنادي الله يسامحهم كابوس كل ما اذكره اختنق وابجي , مع اني كنت معروفة ما اخاف من العمليات لكن عقدوني
أطلب منهم مسكن تخيلوا شنو يعطوني !!!!!!!!!!!! بنادووووووول والله عطوني بندول لا وحبة مو اثنين !!!!
الحين مر اول يومين وانا على امل النتيجة تخفف إلي فيني , ولما جابوا الكورسيه اخيراً والدكتورة قالت نشيل الضباب ونلبسج الكورسيه قلت فرجت وراح اشوف النتيجة إلي تنسيني الألم ( ترهلي كان كبير كبير حيل )
هنيه الصدمة , فتحوا الكورسيه والا أشوف الترهل نصّه موجود !!! لي الحين ايدي فيها جوانح ! وفوق هذا والمشكلة الثانية في خسفة فوق الكوع بإيدي الشمال شكلها غريب ومشوّه صارت ايدي طبقتين .
انا من الصدمة ما فتحت حلجي بكلمة , الدكتورة شكلها انصدم بس سكتت , الممرضة انصدمت لكن تلاحقت نفسها قالت هذا تورم لا تخافين اكيد راح يخف مع الكورسيه !!! هنيه رجع لي الأمل وقلت يمكن صج
مر اسبوع اثنين ثلاث والترهل على حاله والخسفة ما راحت ,,, وقتها رحت للدكتورة قلت لها انا منبطة جبدي من هالخسفة , قالت حتى انا منبطة جبدي منها هذا جلدج شد من نفسه بهالمنطقة اكثر من اللازم ! قلت اوكي والترهل !!! قالت احنا نخاف نشد كامل لا يفتح معاج الجرح بعدين تشتكين علينا !!!!!!!!!!!!!!!!!
عاد هذا كلام !!! جان قالوا لي من الاول , ومو لهالدرجة يخلون ترهل ( لكن انا افهم هم بالاساس انصدموا من درجة الترهل لكن الموضوع اكيد له دخل بالتخطيط قبل العملية والا خلال العملية شلون يعرفون درجة الترهل وانا نايمة مو قاعده على حيلي !!)
نسيت اقول لكم انا اكتشفت ان مو بس الدكتورة صابرين سوت العملية لي كان معاها الدكتور حلمي , هو استلم زند وهي زند والدليل انهم لما يبون يشيلون الغرز شالت هي لي غرز ايدي الشمال وقال الدكتور حلمي يشيل غرز اليمين لأنه هو خيطها !! حتى شكل الخياط والجرح مختلف بين الزندين
بعدها قالت لي لا تحاتين راح يخف بالكورسيه خلال شهرين ومر شهرين ما خف ولا شعرة , رحت لها قلت الحل قالت عملية ثانية لكن ننطر سنة او 8 شهور ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!
هنيه طبعا كرهت حياتي خاصة لما تخيلت اتعرض للألم هذا مرة ثانية ,, ما قلت شي ,,هذه مواعيدهم ما اقدر أتحكم فيها وانا بالاساس ما ابي اسوي عندهم خلاص ,, صحيح هم حريصين ومهتمين بالمريض لكن بالخاص غير , لكن شنو حدّك على المر
طلعت منها ورحت لكذا دكتور استيشره بالحل , كلهم اجمعوا وقالوا ايديج مرهلة كثير لازم عملية شد ثانية هذه ولا كإنها موجودة !! ومنهم دكاتره بالبابطين رحت لهم بالخاص
وطبعاً ماكان عندي المبلغ لكن التزمت صلاة الليل والاستغفار وربي فتحها علي بسلفة من البنك اخذتها ورحت للدكتور عبد الناصر وقلت بسوي كل شي باقي كل مرة وحده ما اقدر ادخل هالعذاب مرة ثانية , وانا كل ليلة ابكي من الخوف من اني ارجع اشوف الألم الي شفته اول مرة والله صارت فيني عقدة الحين اكتب والعبره خانقتني لأني تذكرت درجة الألم .

لكن الحمد لله رجعت سويتها وصحيت من البنج والألم مُحتمل ولا حتى اقول بسببه آي الف الحمد لله والشكر ,, حمدت ربي وشكرته على النعمه الي رزقني اياها ان الألم ماكان ولا ربع المرة الأولى
حتى خواتي لما دخلوني الغرفة كانوا مرعوبين لا يشوفوني مثل حالي بالانهيار الأولى لكن دخلت اضحك معاهم , ووحده فيهم هربانه للحمام ما تقدر تشوفني جان تناديها الصغيرة تقول لا تعالي قاعده تضحك

الف الحمد لله الذي لا يحمد على مكروه سواه , زندي الحين تصلّح والترهل راح نهائي , والخسفة راح منها 80% الحمد لله طبعا ما اقدر اقول اني اطلب اكثر من هذا لأني واقعية والدكتور كان يصّلح إلي عمله غيره .
هذه تجربتي
ما احط اللوم على الدكتورة صابرين بالخفسة إلي بإيدي لكن احط اللوم عليهم بالترهل الكبير إلي تركوه لأنهم خايفين من فكرة يفتح الجرح واشتكي !!! خوفهم ضيّعني

امبيييييييه خنقتني العبرة حسيت بضيقة عمري ماحسبتها من قبل خنقه .. حطيت نفسي مكانج وحسين فيج امبيه بنفسج الله يعينج ربي ويفرجها عليج وبعد عنج عيال الحرام (وخصوصا الدكاترة اللي ماعندهم ذمة ولا ضمير )
واي والله بغيت اسوي عملية لزنودي بس تراجعت .... منو تنصحيني اسوي عنده ؟
وبغيت اسالج عم جار الله قصدج علا الدكتور الكويتي اللي عنده مركز جارالله التخصصي؟
شلون عمليتج عنده ؟ ومن متا تسوين عملية شد وشفط البطن؟ لانه وايد بنات يتذمرون من ندبات العملية وشكل السرة ؟ وانتي شفط ليزر ولاشنو ؟ ياليت تتكلمين عن عمليتج بتفاصيل

 

[TqHr]

وسوري علا البدلييااات شابكة من الفون :/

 

[اوووفه]

اب اب

 

[ملح الكويت كله]

الدكتوور منذر العجمي فاااااااااااااااااااشل حاط حق وحده اعرفها ( ماده دايمه )ببخدودها ووهوا يحلف ويكفر ان الماده 6 اشهر وترووح ... الجذب عنده حلال .. والمشكله هالماده ماتروح وبالخد تصير مثل الصخر ! مسكينه

 

[وحيدة امى]

ملح خل رفيجتج تراجع البابطين يحلون الموضوع سهالات ولا جنها صارت - بنات روحوا البابطين واذكروها

 

[ملح الكويت كله]

شيسوون بالبابطين يعني يسحبون الماده ؟

 

[وحيدة امى]

هلا ملح يشوفنها سوي موعد مع عهدي البدر او مصطفي المصري
ويقررون بس يقولون موملتهب ماله دداعي

انا اتجهت للخاص لان مافيني صبر عليمواعيدهم بس للامانه زيين وعندهم خبره
بس انا مالي مقاقه ​

 

[أم وهابي]

الدكتور الفاشل والنصاب
محمد موسي مركز النهيل


ديروا بالكم منه كله مواده اكوا لفت ماده دائمه

والحريم صق عصي عليه

سويت خدودي والتهب ويهي
رحت ابيه يسحب الماده طردني يقول لى روحي الحكومه قلت له اشتكي عليك روحي اشتكي علي المركز لعبت فيه لعب ومسحت فيه الارض واخذيت فلوسي وطلعت والحين ويهي ملتهب وراح اموت من العوار

عفيه ابيكم ترشحون لى دكتور زين بلبنان انا حرمت اسوي شي بالكويت

 

[ملح الكويت كله]

نبي الموضوع يتثبت .... رجاء للاهميه لان في مواضيع ونصايح من مجربين ياريت تثبيت الموضوع

 

[نيزك]

افشل دكتور من خلال تجربتي الدكتور ايلي غاريوس في لبنان طبعاااا الله لا يوفقه

والدكتور نادر صعب.... نصاب رحت له قبل شهر في دبي وانا عارفه انه مايسوي عمليات للي مسوين قبل وهذا دليل فشله بس عشان ياخذ فلوس كشف والسعر مبالغ فيه مع اني ماقعدت عنده الا اقل من دقيقه لا وتخيلوا رحلتهم فالليل والموظفات الي عنده يستقبلون المراجعات والمكالمات ويقعدونهم في الانتظار يبون ياخذون اكبر عدد ممكن من الكشف المهم لمن شفت الزحمه قلت للموظفه رحلتكم الساعه 9والحين الساعه 5حرام تجمعون هالعالم بدون فايده وبس هذوللي الي جربتهم طبعا صاحبتي مسويه خشمها عند نادر صعب ومو راضيه عن النتيجه خشمها زي نانسي معفوص ماعرف شلون صاير

 

[عاليه q8]

اب اب اب

 

[عاليه q8]

رررررررفع ررررررررفع

 

[وحيدة امى]

الدكتور الفاشل والنصاب
محمد موسي مركز النهيل


ديروا بالكم منه كله مواده اكوا لفت ماده دائمه

والحريم صق عصي عليه

سويت خدودي والتهب ويهي
رحت ابيه يسحب الماده طردني يقول لى روحي الحكومه قلت له اشتكي عليك روحي اشتكي علي المركز لعبت فيه لعب ومسحت فيه الارض واخذيت فلوسي وطلعت والحين ويهي ملتهب وراح اموت من العوار

عفيه ابيكم ترشحون لى دكتور زين بلبنان انا حرمت اسوي شي بالكويت

انصحج روحي لعهدي بدر اذا ملتهب يسحبون الماده البابطين بنفس الوقت -------

ال

 

[وحيدة امى]

ارجوج بنت الكويت ساعدينا نبي تثبيت الموضوع والله لنا اجر كلنا وعشان الدكتور الفاشل مايجرب بغيرنا ارجوج