موضوع يعور القلب

[لافه شعرها]

السلام عليكم

الموضوع يخص وحده عزيزه علي حييل

ومايعلم في الاانا وهي ومحتارين في حله

والله شي يحز بالخاطر وصدمه كبيره

لما مثلج يطيح من عينج صديقتي واخت دنيا

شافت ابوها المصلي والمسمي واللي يخاف ربه

والناس تضرب فيه مثل

شافته يخون امها مع الخدامه اااي الخدامه

راحت بيت اهلها الصبح تودي ولدها عشان تلحق


الباقي من الدوام امها موعد طبيب

ابوها والخدامه يبوسون بعض

شافوها لما شافتهم اهيا سكتت واطلعت من البيت

ابوها سكت ولا حاول يبرر ولا حتى يفسر

واهيا مو عارفه شتسوي تقول اليوم انا شفتهم

باجر مايندرى منو يشوفهم ويفضحونا

تقول حق امها ولا تسكت شلون تتصرف

 

[لافه شعرها]

رايك لو سمحتو

 

[البـنـدري]

والله موضوع يعور القلب صج

 

[RO0O7Y KUWAITYA]

لاحووووووول ولاقوة الا بالله العلي العظيم

 

[Combat]

خل ترسل حق ابوها نصيحة وتذكرة بالاخره وماباجي من العمر كثر مامضى وتسفر هالجلبة

 

[عازفة الذكريات]

والله ان قلنا يعور قلب صدق يعور القلب اذا قالت للمها يمكن تصير مشكله كبيره وتسبب طلاق بينهم واذا سكتت هم صعبه احس لو ترسل مسج للبوها او تكلمه شخصين وتنصحه وخدمه تحاول تسفرها او تقول للمها انو شافت من خدامه شياء مو زينه خليها تسفرها المهم انها تسفرها ماتجلس عشان ماتجيب فوق روسهم فضيحه بس لاتعلم انو مع ابوها تقول شافت رجال عندها بس مالحقت تنتبه منهو عشان لاتظلم ولا تسبب مشكله ع احد بس هالوصخه لاتتركها بالبيت والله يعين

 

[الريم 89]

انا من رايي تسكت اذا قالت لمها راح تصير مشاكل واذا تقدر خل تسفر الخدامه

 

[ام لعيال]

انا منها على طول بكفخ الخدامه تكفخ ماالمفروض تنسحب بسكات يمكن ساحره ابوها او ابوها.......

 

[ناتشوو]

من المواقف اللي لازم الواحد يكون فيها
قوي
اكيد تكلم أبوها من باب النصيحة
الموضوع
اكبر من سالفة خيانة ومشاعر أمها
في حديث شريف وصحيح
بما معناه الناس اللي لا ينظر لهم الله يوم القيامة
الشايب الزاني
والواحد كلما كبر بالعمر
المفترض يفكر اكثر بالقبر والحساب اللي ناطره
بس صج
الموضوع يوضح اشلون الرجل بصري
وممكن تعميه شهوته عن اي اعتبار ثاني
وخيانة الرجل ليش قالو أهون من خيانة المرة
لان الرجل احتمال كبير يخون بالشهوة فقط
عكس
المرة تخون بكل مافيها بدءا من العقل والمشاعر

 

[اشلون يعني &]

تقص للخدامه تذكره وتسفرها للمطار على طول
سبحان الله ما خلا رجل بامراه الا الشيطان ثالثهم

خليها تسامح ابوهم يمكن نزوه من الشيطان محد معصوم من الخطأ
بس لما تجيب خدامه ثانيه تفتح عينها باللبن

 

[لافه شعرها]

مشكورين خواتي

وهي قرت كلامكم

تقول صعب اكلمه هي كارهته وتقول

اخاف من ردة فعله

 

[عطاء أنثى]

انا دزيت لج ع الخاص وان شالله قدر افيدج

 

[futooosh]

لا تقول حق امها
بس خل تقنعهم يسفرون الخدامه

 

[ايمان الغساني]

الله يكون فعونها

 

[شادن33]

لا تكلم أبوها كلش وتعامله عااااادي

بس تحاول باي طريقه تسفر الخدامه بسرعه ولا تذكر السبب حق احد

وتحاول تنبه أمها ان أبوها محتاج لحنان وحب ودلع لو حتى كبير في السن

 

[صمت المرافئ]

المشكلة مو بالخدامة
المشكلة بالشايب اللي عينه زايغة
حتى لو تسفرون الخدامة
بيكرر نفس الموال مع كل خادمة تدخل البيت
الله يعينكم ...
انت ينطبق عليج المثل :

" إن تكلمنا ندمنا ... وان سكتنا قهر "

رايي لا تقولين شي لا لأمج ولا غيرها...
بس حسسي ابوج انه طاح من عينج ... وعامليه برسمية
ولا تحطين عينج بعينه ...
جود يستحي ويبطل فعايله ...
مع إني أعتقد ان اللي ما خاف من ربه ...
ما راح يهمه أحد
والهادي الله ...

​

 

[معي احلى]

اللي شافت ابوها هي من تعرف كيف تتصرف معه بحكم انها خابره ..طبعه .. وايش ممكن تكون ردت فعله ..


موضوع انه تسفر الخدامه .. طيب وبعدين .. ممكن قبل ماتسافر تحط طريقة تواصل مع الاب ويسافر لها.. لو هي ساحرته زي ماقالوا بعض البنات .. ويمكن الاب يرفض يسفرها بعدين ايش بيكون موقفها .


ولو سفرها ممكن الاب .. يشوف له شوفه جديده مع خدامه جديده ..


البنت .. مقهوره على امها من جهه .. ومصدومه من ابوها من جهة ثانيه ..

موضوع انه تسفر الخدامه .. وتقول لامها .. تعطي الاب جرعة حنان زائده .. ممكن يدخل الشك بقلب الام ,, علشان تزامن سفر الخدامه بالموضوع هذا

وفعلا تحصل مشكله..وممكن الام ماتشك بس الاب يتوقع ان البنت قالت لامها ..اذا الام استجابت لكلام بنتها وعطت الاب جرعة حنان زائد .. وكمان تحصل مشكلة ..

ولو قالت لامها .. مباشرة . عن الموضوع .. الام مابتقبل تظل معه .. ممكن تطلق وكلام الناس .. من غير سبب يخترعوا قصص .. ويبهروها بطرق مختلفه .. وينفضحوأ ..



اني من رايي .. أنه لو تعرف ان ابوها ممكن تتفاهم .. معه .. وهي عارف انه ممكن .. ماتكون ردت فعله .لها تأثير سلبي .. تجلس .. معه .. تعرف ايش اسبابه .. وتقول له .. أنت مصلي صائم مسمي لاتضيعها بلحظه .. تروح اللذه ويبقى الذنب .. اذا في تقصير من الوالده حاول تتقرب لها .. تقول لها .. ايش ينقصك .. مابك سخى تدخل النار ..وانت داري انه من الكبائر ..


واذا تعرف ابوها ممكن ردت فعله .. ممكن تاذيها او تاذي امها .. <<تدعي ان الله يفرجها من عنده ..


واولا واخيرا .. الله امر بطاعة الوالدين .. ماينفع تجفي ابوها .. ولو انه الموضوع صعب عليها .. على الاقل علشان امها .. ماتحس على شيء وتتأذى نفسيتها ..
​

 

[Perfume]

بصراحة لو مكانها مادري شبسوي
يعني مثل ما قالوا البنات لو سفرت الخدامة ممكن يكرر الشي مع وحدة ثانية
والأم يمكن تدري وساكتة مو شرط تكون ماتدري
الله يعينها مادري شنو الحل بس تحاول تكلم ابوها افضل

 

[#laloo]

استغفر الله هالريايل كلش مختربين صايره شهوتهم تسيطر عليهم لدرجة كبيرة !!!
والله صدمه كبيره لها ابوها عزوتها وسندها تجوفها بالوضع الخايس
من رائيي لا تقول لامها لان حزتها بيطيح من عينها ويمكن يخرب البيت وحياتهم
اذا لها اخو كبير خل تفهمه الموقف وتطلب منها يتدخل
يسفر الخدامه والا يفضح ابوها كيفه بس على الاقل تجوف رائي احد من اهلها
وابوها كلش لا تسلم عليها وتعامله ببرود وايد وتبين ان مشمئزه منه
ومب شرط يكون التقصير من امها الاالريايل صايرين مايترس عينهم شيء يبون المره فكل وقت ولا يملون
وتلقين المساحل والاسلوب للغريبه وزوجته نفس الخدامه
الله يكون بعونهم

 

[مدّهره !]

لاحول ولاقوة إلا بالله ...’

مصيبه صرااحه