موضوع للنقاش !

[سلطانة القحطاني]

لفت انتباهي طول فترة خدمتي في التربية 10 سنوات
مسألة ازعجتني كثير
لما تتعين وافدة جديدة غالبا تاخذ امتياز من اول سنة
خاصة اذا صار الموجه اجنبي ورئيسة القسم كذلك
حتى لو كان مستواها رديء وعطاءها متواضع !

والمعلمة الكويتية تنذل ذل مو طبيعي لانها بنت الديرة
والمسكينة تراكض تسوي ندوات واصدارات وفعاليات
ومع ذلك يجيها الرد توج اول سنة ماكو احد او لايمكن احد ياخذ امتياز

ترى شفت هالشي بعيني
خاصة في زمن كان الاجانب مستولين على التوجيه ورئاسة القسم
لو نتكلم بكل صراحة اكثر الدفعات الجديدة من الكويتيات فيه اللي يذم فيهم وفي عطاءهم
لكن الانسان اللي يخاف الله راح يلاحظ انه حتى الوافدات الجدد والجايين من قرى
اسوأ من 100 كويتية مستجدة

وعلى قولة زميلة في موضوع تقدير ضعيف
يمكن تترقى وتصير موجهة :flower:

يا بناتنا نبي وقفة جريئة وصريحة منا لكل هالمظاهر اللي فيها تمييز وظلم وتعسف
واقلال وتحقير من قدر الكويت والكويتي

:blueSmCLR:​

 

[درة أهل الطولات]

رد : موضوع للنقاش !

اعرف وحدة وافدة أأسماء الاشارة ما تعرفهم خذت تقدير اعلى مني بواااااااااااااااااااايد


ليش؟؟


لان وافدة من جنسية رئيسة القسم

اما انا لي الله

 

[سلطانة القحطاني]

رد : موضوع للنقاش !

اعرف وحدة وافدة أأسماء الاشارة ما تعرفهم خذت تقدير اعلى مني بواااااااااااااااااااايد


ليش؟؟


لان وافدة من جنسية رئيسة القسم

اما انا لي الله

ولغتهم ركيكة وضعيفة
وشخصياتهم غير سوية
لكن الفساد يخلي هالنماين تعيش وتكمل

جم خبرتج يا درة ؟

 

[UM M&M]

انا مو باط جبدي الا جملة ( لا انتي اول سنه مايعطونج امتياز )

خلاص عيل اول سنه بلعب لعب دام ماراح يعطوني امتياز

 

[ضايعه بالطوشه]

رد : موضوع للنقاش !

موضوعج يعور القلب
عندنا وافده تدرس انجليزي المهم عليها شكاوي وايد من اولياء امور انها ما تعرف تشرح و رئيسة قسمها اتقول انها لا تصلح للتدريس و انها بتكتب هالشي بالتقرير المهم

بعدها يحطون لها جيد اشلووووووووووووووووووووووووووووووون معنا جذي انها بتكمل تدريس ( علشان موجها من جنسيتها ما يبيها تاخذ ضعيف و بعدون يكنسلون العقد )
واكلوها يا طلبة و طالبات الكويت

 

[سلطانة القحطاني]

رد : رد: موضوع للنقاش !

انا مو باط جبدي الا جملة ( لا انتي اول سنه مايعطونج امتياز )

خلاص عيل اول سنه بلعب لعب دام ماراح يعطوني امتياز

صاجه
توجه يشجع على التسيب وعدم احترام العمل
واحباط لكثير من الكفاءات الجديدة

 

[كرز حالي.]

رد : موضوع للنقاش !

كل الكراف والشغل على الكويتيه واخر شي تقدير منخفض
ويقولون مقصرين
الله يعين

 

[سلطانة القحطاني]

رد : موضوع للنقاش !

موضوعج يعور القلب
عندنا وافده تدرس انجليزي المهم عليها شكاوي وايد من اولياء امور انها ما تعرف تشرح و رئيسة قسمها اتقول انها لا تصلح للتدريس و انها بتكتب هالشي بالتقرير المهم

بعدها يحطون لها جيد اشلووووووووووووووووووووووووووووووون معنا جذي انها بتكمل تدريس ( علشان موجها من جنسيتها ما يبيها تاخذ ضعيف و بعدون يكنسلون العقد )
واكلوها يا طلبة و طالبات الكويت

احنا عندنا وحده علني دروس خصوصية
وتطلب واسطات من الطالبات
وكل شوي عليها شكاوى من الطالبات والامهات
لما صار الموجه من نفس جنسيتها
طار فيها وقام يمدحها
واكيد امتيازها عالي

حسبي الله عليهم

 

[سلطانة القحطاني]

رد : موضوع للنقاش !

كل الكراف والشغل على الكويتيه واخر شي تقدير منخفض
ويقولون مقصرين
الله يعين

تقول لي مديرة مدرسة اغلبها وافدات
تقول عندي رئيسة فسم
كل ما صار برنامج اذاعي
او فعالية وبوفيه
قامت تضغط على الكويتيات
نقي يا الكويتية نقي
ولا ماكو تقرير زين
وترى ساعات يغشونكم
حزت التقرير يحطون شي ثاني

 

[Turquoiseya]

ودي اشارك بس اخاف اجيب العيد

والله ان قبل كنت اتقبلهم واحب اسولف معاهم لما كنت طالبة
لما صرت مدرسة وقعدت معاهم شفت الهوايل واللي العن الموجه اللي اذا مالقى عليج شيء بالحصة 00 قال درسيهم من برى المنهج 00 ليش يا ابلة مادربتي بناتج ان اذا اي احد سالهم بالانجليزي يعرفون يجاوبون (الكلام هذا عن اني ادرسهم بشئ ماخذوه ولا هو مقرر عليهم )

اول سنة تعيين كنت اشوف الوافدة تخلي البنات يشيلون اغراضها واهي برنسيسة تمشي معاهم ولما يحطون اغراضها على طاولتها تقول روحي يازفتة الطينة انت وياها (عزكم الله )
هالابلة هذي اعرفها عدل قليلة ادب بكل معنى 00 نمر على صفوفها تسمعين صراخها على بنات الابتدائية 000وتدريسها سيئ 00والحين صارت رئيسة قسم!!

واحنا الكويتيات بالنسبة لهم كوادر فاشلة حتى لو تفوقنا عليهم

 

[الأميرة نوونه]

الله يكون بالعون فوقنا ربنا يحاسبهم وانتي عليج بس تادين امانه التدريس والباقي عند ربنا
حاولي قد ماتقدرين ان الاشياء هذي ماتاثر عليج في مهنتج
لان من راقب الناس مات هما

صج شي يقهر بس هذا الزمن

 

[lajo0on]

السالفة مو سالفة نوع الجنسية سالفة لو في

(عدل) سواء كويتية أو غير كويتية كان عشنا بخييييير

يآما شفنا ناس تدرس بضمير ولكن للأسف ظلموهم ويآما شفنا ناس لا شرح ولا ضمير ويترقون بالواسطه

والله قهر .. بس احتسبوها عند ربكم

 

[مس لوتس]

ااه يالظلم واللي يقهر تجيج ماتدري وين الله قاطها تعطي الموجهه هديه اخر السنه وتاخذ الامتياز بارد مبرد

 

[^ حـلـــــوى و رهـــــش ^]

بصراحه صاجه بكل كلمـه قلتيهـا ..
ما شاء الله تبارك الرحمن ..
عندهم ولاء لبعضهم بشكل مو طبيعي ..
عكسنا بصراحـه :eh_s(14):

موجهتنا كانت أجنبيه .. وتشوفين شلون تسكت عنهم ..
وتخليهم على راحتهم .. وتطوف لهم شغلات وايد ..
واحنا على بون كويتيات ..
تقعد تتفلسف علينـــــا ..
شي شايفته بعيني بصراحـه ..

وتشوفين الموجهه والمشرفه ترزهم عند المديره وعند الاداره ..
انا ما أظلمهم بصراحه
في بعضهم يكونون يستاهلون .. وفي بعضهم لا والله بصراحه اشكره ..
يرزونهم .. ويطيرونهم السمـاء ..
شي يقهـر ..

وتعالي شوفي توجيهنا خاصه المواد الاساسيه كلهم أجانب ..
وما ينجحون بـ الاشراف الا ربعهم ..

الله يعيــــــــــن والله

 

[الاميره]

بعضهم ما يعرفون يشرحون واساسا فاشلات وكله درووس خصوصيه
بس ترزهم رئيسة القسم والاداره لانهم يعرفون شلون ينافقون
حسبي الله عليهم ونعم الوكيل

 

[سـكـر زيـادة]

رد : موضوع للنقاش !

موضوع حلو

بس لا تعممون ، لان في ناس تستاهل

سواء كانت كويتية او غير كويتية


لكن لازم يكون الانسان صادق مع نفسه وعادل في التقييم

لا تظلموا فتظلموا

 

[emohema]

رد : موضوع للنقاش !

جزاكم الله خيرا فعلا ومشكورييييييييييييييييييييييييييييييينننننننننننننننننننننن

 

[moon-kw]

رد : موضوع للنقاش !

مثل ما قالت أختي ,,, إطلالة قمــر

ما نبي نظلم أحد

أنا رئيسة قسمي أول سنة تعيين كويتية عطتني تقدير 86 تخيلوا
وأنا كنت أكرف كرااااااااااااااف وعمري ما قلت لا,,,, وصوتي ما يطلع ,,,, ما أحب أرادد أحد
وإذا كان عندنا أسبوع ثقافي كنت أقعد بالمدرسة لين الساعة 9الليل تخيلوا أسنع الصالة وأضبط الشغل
وطول الأسبوع الثقافي أركض وأسوي وأحط وأشيل وكان شغل اللاب توب علي طول الأسابيع الثقافية للقسم يعني ضغط نفسي وجسدي
وبالأخير عطت إلي نفس قبيلتها امتياز وأنا 86
ياما في المدرسة مظاليم ,,,, وكل من يشوف شغلي ومجهودي يشهدلي إني أستاهل الإمتياز
لدرجة إني بالتربية العملية ,,, التوجيه الفني بكبره كرمني وعطوني شهادة تقدير بس سبحان الله ناس ما أتخاف الله أتفرق على أساس إني مو من عايلتها وقبيلتها ,,, حسيت إني بالعصر الجاهلي استغفرالله
وألحين هاذي رابع سنة لي إن شاء الله وعادي ,,, وتستـــمر الحيــــاة

 

[سـكـر زيـادة]

رد : موضوع للنقاش !

مثل ما قالت أختي ,,, إطلالة قمــر

ما نبي نظلم أحد

أنا رئيسة قسمي أول سنة تعيين كويتية عطتني تقدير 86 تخيلوا
وأنا كنت أكرف كرااااااااااااااف وعمري ما قلت لا,,,, وصوتي ما يطلع ,,,, ما أحب أرادد أحد
وإذا كان عندنا أسبوع ثقافي كنت أقعد بالمدرسة لين الساعة 9الليل تخيلوا أسنع الصالة وأضبط الشغل
وطول الأسبوع الثقافي أركض وأسوي وأحط وأشيل وكان شغل اللاب توب علي طول الأسابيع الثقافية للقسم يعني ضغط نفسي وجسدي
وبالأخير عطت إلي نفس قبيلتها امتياز وأنا 86
ياما في المدرسة مظاليم ,,,, وكل من يشوف شغلي ومجهودي يشهدلي إني أستاهل الإمتياز
لدرجة إني بالتربية العملية ,,, التوجيه الفني بكبره كرمني وعطوني شهادة تقدير بس سبحان الله ناس ما أتخاف الله أتفرق على أساس إني مو من عايلتها وقبيلتها ,,, حسيت إني بالعصر الجاهلي استغفرالله
وألحين هاذي رابع سنة لي إن شاء الله وعادي ,,, وتستـــمر الحيــــاة

حبيبتي ،، لا تقولين قبيلة او عائلة او وافدة

اهم شي العدل ، مرات رئيسات الاقسام ودهم يعطون المعلمة بالتسعين لكن المديرة او الموجه يضغط عليها بان هذي المعلمة اول سنة وماهي خبرة ولا عندها المام بالمادة العلمية ، فتضطر هني تسكت من الناحية الفنية .

لكن لو انها مسجلة كل شي تسوويه المعلمة وتحاجج المديرة والموجه ، وان هذي المعلمة من الناحية الفنية كون ان هذي اول سنة جيد وان كل شي بالخبرة كان سكتوا

لكن كسل بعض رئيسات والمعلمات في تسجيل وتوثيق الاعمال يظلم المعلمة

 

[كل شيء عادي]

بصراحه انا مستغربه من كلامكم
أنا سعوديه وصار لي أدرس سنتين في مدرستين مختلفات
وفي المدرستين كانوا الوافدات قمه في الماده العلميه وكل شغل القسم عليهم وما كانوا يغيبون
وماعمرهم أخذوا أعمال ممتازه
وكانت رئيسة القسم كويتيه وتطلب من الوافدات يسوون شغلها وماعمرها طلبت من الكويتيات شي
بعدين عرفت أن رئيسة القسم تخاف من الكويتيات
لأنهم يعرفون حقوقهم وواجباتهم فكانوا يقولون لرئيسة القسم هذا شغلك مو شغلنا
والوافدات كانوا يخافون ومايقدرون يدافعون عن نفسهم حتى لو كانوا مظلومات
والكويتيات كان مستواهم في الماده العلميه عادي جدا والغياب بالهبل
بس كانوا يسوون أنشطه ودروس ويقطون فلوسهم بالهبل ويجمعون الفواتير ويودونها للمديره وقت التقارير