موضوع للنقاش ....حياكم 

[فطوم 84]

هههههه نمله ذربه حلووووه شوته برا. مشكوره حبيبتي علي المشاركه

 

[نهى الأحمد]

صباحج ورد حبيبتي فطوم


اسفه للتأخير


اول شي رح اذكر موقف صار معاي من زمان
وموضوعج ذكرني فيه


في ناس الحمدالله والشكر مدري شقولج عنهم وشلون اوصفهم لج


مرة وحده من رفيجاتي الله يذكرها بالخير دقت علي وقالت لي انهم يدورون على عروس حق اخوها وقالت تبي تجي عندنا البيت اهي وامها

رحبنا فيهم وقلت لها حياكم الله


لما حضروا الجماعة قعدنا وسولفنا وصارت تتكلم عن اخوها


اختي الاصغر مني تقريبا 6 سنوات ما كانت متزوجةحزتها

ولما دشت البيت والجماعة موجودين سلمت عليهم وراحت غرفتها


لانه بالعادة اللي يدش يطرح السلام على اللي قاعدين


ولما انتهت الزيارة دقت علي رفيجتي بالليل وصارت تمدح فيني ومن هالكلام وماكو مثلج يانهى

الا اتفاجأ بكلام منها وتقول:


بصراحة يا نهى احنا اعجتنا اختج اللي دشت وسلمت علينا


امانه عليكم

عيب هالتصرف ولا لأ؟؟


انا اكيد احب الخير لاختي واتمنى لها السعادة واهي ماشاءالله عليها الحين متزوجة وعندها ولد وبنت


لكن رفيجتي يايه بيتنا اهي وامها علشان يشوفوني حق اخوها


وانا بنفس الوقت انهيت الموضوع معاها وقلت لها ماكو نصيب




شكثر نسمع عن قصص غريبه عجيبه من الناس اللي يبون يخطبون او اللي ينخطبون


حلو المدح لكن بحدود ومايلفت النظر


والاهم في الموضوع

اهو الاخلاق والسمعه الطيبه

 

[نجداويه نجد]

~

السلام عليكم ورحمة الله وبركاته

موضوعك طيب طيب الله أعمالك ولايخلو من الطرافه .. بارك الله فيك ..

ولايخلو اي مجتمع من تلك الشرذمه التي تنتهج هذا الأسلوب الهمجي في الخطبه .. وهؤلاء لايفلحون في زيجاتهم .. فالحمدالله الغالبيه بناتهم وأولادهم أهل خير ونعمه وأهل مناصب لكنها لاتنتهج هذا اللأسلوب الهمجي .. وعادة من ينتهجون هذا الطبع هم أساسا لم يتعود علي الخير ولم يألفوه فعندما اسبغ الله عليهم من نعمه أغتروا علي خلقه وقد يوافقني البعض وقد يخالفني لكن هذا المشاهد والناظر ..

..


هناك أسلوب وذوق في حال لم يتفق الطرفان .. والزواج قسمة ونصيب بالأخير


وفق الله الجميع

 

[فطوم 84]

نهوووي صاجه. ماعندهم ذوووق خلاص جايين علشانج ماله داعي يتكلمون عن اختج

ولحمدلله انهيتي الموضوع

انتي يانهوووي والله مافي منج. بنت ولا كل البنات. انشالله. الله يعطيج علي قد نيتج الصافيه الطيبه. الله يخليج. لعيون ترجيج ويخليج لكل بنات المنتدي اللي يحبونج


نجداوية نجد الذوووووق مشكوره علي المشاركه مرورج عطر الموضوع 

 

[نهى الأحمد]

نهوووي صاجه. ماعندهم ذوووق خلاص جايين علشانج ماله داعي يتكلمون عن اختج

ولحمدلله انهيتي الموضوع

انتي يانهوووي والله مافي منج. بنت ولا كل البنات. انشالله. الله يعطيج علي قد نيتج الصافيه الطيبه. الله يخليج. لعيون ترجيج ويخليج لكل بنات المنتدي اللي يحبونج


نجداوية نجد الذوووووق مشكوره علي المشاركه مرورج عطر الموضوع 

هلا وغلا ياقلبي

بعد عمري والله مشكووووره على الدعوة اللي تسر البال وتجبر الخاطر
ولج بالمثل

وكل شي قسمة ونصيب

الحمدالله على كل حال

 

[طموحه بزياده]

شدعوه هالمداحر داشه تحدي القوة لوووووول


صراحه احس اسلوب المره دليل على قلة ادبها وقلة حياءها وماتعرف بالاصول ولا تعرف تتكلم اصلا واحس اللي بتاخذ ولدها مقروووووده على هالخاله


عموما بالنسبه للموضوه ككل


ما مر علي مواقف فحص سلعه لوووول


لالا صج تذكرت


وحده خطبت وقالت ابي بنتين لعيالي اثنين >>> يعني بالجمله تبيهم لوووول


المهم اول ما دشوا اللي يبون يخطبون ولا الام تدخل بناتهم الثنيتن عساس المره تبي تشوفهم اثنيناتهم

ولا تقول اي ترا احنا نظامنا كل يوم على وحده تطبخ الغدا وهم بيتها كبير وحموله كبيره يعني عندها 4 متزوجين ونظامها كارفه زوجات عيالها عالطبخ وهيك <<< عايشه ايام اول تبي تكرف البنات


عشتممممم الحين البنات يبون استقلاليه الوحده تبي شقتها ومطبخها بروحها تبي تطبخ لزوجها ولنفسها وممكن كرم منها تطبخ للوالده اما للحموله كلها ويييييييييييع وفوق هذا لازم البنات يشتغلون مانبي بطاليات خخخخخخخ ماعينوا خير


المهم اخر شي رفضواا البنات اللي خطبهم ويييع اذا هذا اوله ينعاف تاليه ... حشا يبونها خدامه للحموله

 

[ظبية بوظبي]

زين لو فرضنا ان الخاطب جا وشاف البنت
واهل البنت ينتظرون الرد منه الرد بالموافقه
ايش تنصحون به؟؟؟
هل يدقون ويسالون هل وافقتوا عالبنت؟
ولا خلاص ماله داعي ينزلون نفسهم لان لو يبونها كان هم دقوا ؟؟
طيب ممكن يستنون الموافقه من اهل البنت
عاد هني صدق موقف محير


*******

والسؤال الثاني

لو مثلا دقت ام البنت تسال عن السب وليش ما دقيتوا
وطلع ان الرجال ما عجبته البنت
طيب اش المفروض يكون رده .. هل يكتفي ويقولون مافي نصيب؟؟
ولا يوضحون ويقولون البنت مب لهناك؟؟
اختي تقول لا عيب ... احسن يقولون مافي نصيب وبس
وانا اخالفها الراي وقول لا احسن يذكرون السبب... عشان لا يروح بال اهل البنت لبعيد ويفكرون ان ممكن سمع شي مب زين عن البنت او اهلها

وعاد تقوم الوساوس تشتغل
فمن المستحسن ان يقولون ان البنت ما عجبت الولد وبس

هاه اش رايكم
بجد كلامي جديد وبغا اراء سديده

 

[فطوم 84]

ظبيه ابوظبي تاج راسي فديتج

شوفي سوالج الاول عادي يدق اهل الخاطب ويسال عادي مافيها شي. يسالون ها موافقين ويشوفون ردة الفعل جدا عادي

سوالج الثاني

يقولون. والله مافي نصيب
انا انصحج لاتذكرين السبب احتراما لشعور البنت حراااام تقولين ماعجبتنا او ماعجبت الولد حرااام قولوا ماكو نصيب وبس قولوا الزواج قسمه ونصيب وماكو نصيب


و
بس





طموحه زياده مشكوره علي مرورج. عطرتي موضوعنا

 

[ظبية بوظبي]

يا لبي يا فطامي

بس ترى سؤالي الاول م فهمتيني خربطتي
قصدي هل اهل البنت يدقون ويسال هل الرجال موافق عالبنت ولا لا ؟؟

لان فالعاده الرجال هو الي ينتظر موافقه البنت مب العكس

و من ناحيه رايج الثاني اي صحيح أنا معاج الجواب من كلا الطرفين في حال كان في طرف رافض لازم الجواب بس يكون مافي نصيب وانتهى الموضوع

 

[فطوم 84]

فديت قلبج ظبية ابو ظبي وفديت دار خليفه وزايد

فديت قلوب اهل الامارات الطيبه

انا من رايي مايدقون اهل البنت. والشي من الذوق. لانه صدقيني لو دقوا وتكلموا. بعدين اذا صار نصيب زوجها علي اتفه سبب يعايرها. اهلج لزقه

وحمولتها انتوا قطيتوا نفسكم علينا ودقيتوا وقلتوا. تعالوا. لاتحط نفسها بهالموقف والله نصيحه.

حلاة الشي اللي متقدم اهله يدقون مره ٢. ٣. بس اهل البنت لا لايدقون


 

 

[ظبية بوظبي]

وجان استحي هههههههه

وصحيح كلامج تسلمين

 

[فطوم 84]

شنو. جان. استحي؟؟؟؟

ظبية ابو ظبي ؟؟؟
مافهمت شقصدج.

ياقلبي

 

[*مطبخ الذواقة*]

يعني مثلا في حريم اذا طلعت البنت كاشخه وقاعده. تقول الام. :مافي عندج غيرها*
طلعي باجي بنات. شدعوه *مو اثاث ترا *البنت لها مشاعر احترموا مشاعرها *

بصراحه حركه حدها مافيها ذوق



====))


صااااجه والله الحركة حدها بايخه

يعني الحين ام المعرس رايحه تخطب حق ولدها اكيد تعرف جم عمره والمفروض لما تتصل على ام البنات تقول عمري ولدي كذا والناس يحددون منو من البنات تناسبها ..

مو طلعي البنات كلهم !!!!!!!!!!!!!1


شكو دراريع حق رمضان هههههههه==)) مع الموسم ...




والله اذكر وحده من البنات قالت لنا عن خالتها لما اخطبتها قالت

ولدى ما يحب البنت الا بالنقاب ...

ولدي ما يشوف التلفزيون ..

ولدي راح يسكن معاي ....



تقول وافقت ولما تزوجت ... قالي قطي النقاب !!

ويشوف تلفزيون ورسيفر والولد " ازقتري "حتى النخاع ...

وعقب 4 شهور من العرس خذا لها شقه بروحهم يقول اريح !!!!!!!!!




يعني عكس كل شي قالته حق اهل العروس ...

الظاهر انها كانت تحاول اطفشهم واصدموها بالموافقه .....





فعلا في حركات من امهات المعاريس بدعه !!!


واغلب الشروط التعجيزية تكون من الام والولد ما يدري عنها اصلا




شكرا يافطووووووووم خوووووووش موضوع


==)) حلو للحش ههههههههههههه


​

 

[فطوم 84]

مطبخ ذواقه فديت قلبج

والله انا بحياتي. مااحب الحش. والذنوب. هذا موحش.
انتقاد لامهاتنا وخواتنا علشان يراعون مشاعر البنات. لما يروحون يخطبون. لانه في بنات حرام تتعقد وتكره الزواج بسبة. "مواقف من بعض الحريم

وانشالله يكون كلامي تنبيه لهم


 

[يمامة أيوب]

ياربي قهررر الام مادري لمن تروح تخطب جنهم يعني متعطفين على البنت واهلها واونه من البدايه لازم يرفعون الولد عشان البنت ماتشوف نفسها عليه ياكرررهي لها النوعيه

عاد وين الفشيله لمن حد من اهلج يشتغل خطابه يدتي فديتها الحين مره كبيره حيل ماتقدر تشوف ادعولها بالسلامه لكن قبل الكل يروح لها و اهي ادور و ماشاء الله وايد توفقوا على ايدها
لكن نحن يدتي متحلفه لنا الاا هي اللي تزوجنه ههه اول ما طلغت الاسماء بالراديو بعد الثانويه ثاني يوم خطاطيب خخخخخ
يدتي كانت تقولي انتي ما ياخذج اي ريال انتي بطلعين عيونه تستقوين عليه يبيلج واحد يكسر راسج مادري شفيها علي كانت و انا بعدني مادري شتقصد كنت 17 هههههه

بصراحة كنت ارد اللي اييونه لاني كنت ابي ادش جامعه واكمل ابد مو في بالي العرس وويدتي مال اول لمن تطلع البنت للشوفه لازم تكون لابسه عباه وانا كله احتج عليها صح ماكان في بالي اتزوج بس عشان ماتزعل كنت اطلع للناس لمن ماتكون موجوده ماالبس عيايه
ولا شرطها الثاني الريال بس يوقف عند البباب مايدش داخل مسكين يتم واااقف اول شي منزل راسه بعدين يرفع راسه ويتبوسم و مستحي والام تقعد بكوعها جنه تقوله سكر حلج ههههههه انا تكون فيني ضحكة وامي تكون محذرتني ماسوي حركات والام عاد هاااا شرايج في ولدنا طول وعرض وجسم وااايد تقعد تمدح فيه انزين شنو تبيني ارد فششششله يعني ماصادفني ام اداحر بالعكس كلهم يمدحون بولدهم وكله يكون واقف انزين نطري شوي خفي علي
لمن يدتي تكون محد ابوي عادي عنده يدخل الريال ويقعد وياخذ راحته والام تكوم مستانسه عاد هاالمره صج نفشلت قلت يدتي محد ماراخ البس عبايه والبس بدله واطلع قصتي اول ما طلعت قبل ممر الصاله جان امه اتيي تركض تهمس باذوني ليش ماراح تلبسين عبايه؟؟ عيب يشوف جسمج جان تصير عيوني @@ قلت ان شالله دشيت حطيت عبايه راس و طلعت خخخخ الصاله بمرافقه امي عشان الشوفه الولد فز من مكانه ووقف ظل واقف يطالع عاد انا استحيت و انخشيت ورا امي جان يقولي شلونج قتله بخير وووطيرااان دشيت الدار

لكن قلت لامي نووووو شنو امه على كيفها تقولي ليسي وخلي مابي جذي وبس اخر موقف كان هذا شكله انتشر اني كنت ارفض الزواج ههههه دخلت الجامعه اتخرجت واشتغلت بعدين ياني نصيبي

طبعا الجواب كله يكون ماكو نصيب مني لاني صج ابي ادرس واشتغل

 

[يمامة أيوب]

اخوي لمن بغا يخطب ماكنت اروح مع امي صراحة كانت عنده شروط و انا ماكنت احب اروح وانا عارفه شروط اخوي و البنت ماتطلع مطابقه ماحب كسره الخاطر يعني اشوفها كاشخه وقاعده ومتامله ومافيها شي لكن ادري انها مو مطابقه فخلاص هي مره وحده وعقبها مارحت احس فشله

ممادري احس الولد لاززم يشوف البنت يقعد معاها مو ياخذ على اختيار امه ولو امه اختارت بعد هو لازم يشوفها ويقعد معاها لازم يصير قبول وله بيحس انه انجبر عليها

ان شالله ولدي لمن اخطبله بصر عليه هو لازم يشوفها يكلمها هذا بعد ما يندرا جيل باجر بعد قصه حب اخاف اييني اخطبيلي فلانه احس وااايد راح اغار ويمكن اطلع فيها عذاريب الدنيا خخخخخخ يالله سنه الحياه

المهم قبل الشوفه الخطبه البنت او الولد لازم يحط في باله كل شي نصيب و مب شرط يصير قبول ولازم تقنع نفسها انه خيره لها والله كاتب لها او له الاحسن عشان جذي افضل مايقولون السبب مره اهلي ردوا خاطب اختي قالوله ماصار قبول

الله يرزق كل وحده بزوج صالح

 

[فطوم 84]

يمامه ايوب فديت قلبج. مواقفج حلووووه وصحيح اهم شي النظره الشرعيه علشان يشوفون اذا في. قبول. بين الطرفين

مشكوره قلبي علي المشاركه فديت الامارات واهلها
