موضوع للنقاش: الخاين ..اللي مايدري عن بيته ...ليـــــــش ؟؟؟

[جرح الليالي]

والله ياعطر كلامج صح انا بعد جذي خاني مع ياهل ولما واجهته حاول يحط عيوب الدنيا فيني بس ماقدر يدري فيني مومقصره بحقه بس اهو موكفو بس اضطريت اسامحه عشان بيتي وعيالي شسوي بس الجرح للحين موجود
بس ما اقول الا الله يهديه وانا رحت حق امه وطلعت خياسه بس طبعا نكر وانا والله مومقصره بحقه لكن هذا الدنيا
والله موشرط ساعات تشوفين حريم مايدرون عن رياييلهم ويلوعون الجبد حتى بيتها ماتنظفه وكله قاطه عيالها عند الخدم وماتدري عنهم وكله هايته وتلقين الريل يطالع خاطرها مطالع ويموت عليها ولا يرضى عليها

اي والله يا اغلى الناس ساعات المرة تكون لوووعه والريال يداريها مداراة
قالوهاا الحظ ما يقوم الا حق الشلقة والبلقة وشينة الخلقة

الله يحنن قلب ريلج عليج وانشالله يبرد قلبج ويرتاح بالج :eh_s(15):

 

[جرح الليالي]

شوفي أختي الغالية كلامج صحيح 100% بس ماينطبق على كل الحالات والله يالغالية آنا أعرف وحدة ملتزمة ويشهد لعائلتها بالطيب والعطاء ومتزوجة وعندها عيال لفت على ريال عن طريق زوجته قامت تدز النقصات وحدة ورا الثانية وبي أساعدكم في مكتبكم وىناوآنا ورسايل بينها وبين الزوج يعني مساعدة وشغل ودارت وراه ليمن طلقته من مرته إهنيه بالحالة هذي منو الغلطان ؟؟؟؟؟

هلا فيج قلبي
انا قلت ان ما ينطبق على كل الحالات
بالنسبة للي قلتيه

انا بسالج

زوجته وينها ؟ لي صارت الثانية تدز نقصات وتساعدهم بالمكتب المرة وين راح دوورها؟؟

الزوجة غلطانه الف بالمية لا تقولين سنعه ومو مقصرة

اقلها لو تمدح المرة جدامه بتلفت انتباهه وهي ما تدري او عن حسن نية

الله يسهل امورها ويرد زوجها لها ولعياله

 

[zoba]

خنقول ان المره قصرت مع ريلها هل هذا يعطيه الحق انه يخونها؟ ليش اهو مايقصر معاها كلش؟ ماتوقع.. ماكو انسان كامل بس الحين صاير كل شي عادي مافي قيود نفس قبل ماكو شي عيب الريال يسوي اللي يبي والمره تسوي اللي تبي وماكو احساس بالمسؤوليه نفس قبل وماكو وازع ديني. المفروض اذا الريال شاف قصور من مرته ينبهها مره ومرتين وثلاث ويتغاضى ويستر عيوبها (ان لا يقبح لها وجها)ونفس الشي المره بس وين الحين الريال مايستحمل على اقل غلطه ولا هوشه تلقينه طلع مع ربعه وشافله وحده تنسيه اللي صار لانه ماله خلق يتعب شوي مع مرته ولا له خلق يتاسف منها او يلومها من هالباب تبدا الخيانه
لو ان الريال يحط اب باله ان هاذي مرتي ولا مالي غناة عنها ولا عندي غيرها اكيد را ح يتغير تفكيره ولو يعاملها على انها نعمه من رب العالمين ولازم يحافظ عليها هم راح يتغير تفكيره بس بعد شقول .. الله كريم

 

[a7la_sanfoora]

صح كلامج حبيبتي .. بس (بعض) الرياييل ما يملي عينهم غير التراب
اكيد لازم تحاسب نفسها اول شي بس احيانا يكون الريال اهو السبب
وما انكر ان في حريم مقصرين بحق راييلهم
يسلموووو حبوبه

 

[جرح الليالي]

حياكم الله

 

[سمار الشمس]

الموضوع مهم ومحتاج انا نعلق عليه شوفي حبوبة اكيد اكو حريم مقصرين مع رياييلهم وخانوهم بس اهم اكو رياييل يخونون لطبع وبوطبيع ما يخلي طبعه يعني تخيلي انا اعرف وحده صوتها ما يطلع ولما خانها ريلها قالتله ليش انا شقصرت فيه قالها ما قصرتي بس صوتج عالي بالله عليج هذا عذر والله الريال يبي عيال ويبي جسم ويبي اهتمام ويبي موظفة ويبي طباخ ويبي سنع ويبي كل شي واهوا ماله شغل بشي وفوق هذا مايبيها تقصر طيب اوكيك ما قصرت بنت الناس ليش تخون؟؟




ما يحطلها عذر بالعكس يقول مقصرة ويطلعله عذر عشان يخون












انا اقول الي جذي يدورله اخطبوط يتزوجه هذا اذا وافق الاخطبوط بعد

 

[nice-girl]

حبيبتي اشقاعد تقولين؟
علشان المرة تهمل, هل شي يحلل حق الزوج الزنا؟؟؟
انتي سألتي ليش الرجل يخون
انا اقولج ليش
الأ الحكم الشرعي بالزاني للأسف لايطبق
وله تخيلي معاى لو لو لو فرضا يطبق الرجم للزانيين
جم عدد الرجال راح يتبقى بالكويت؟؟؟
ولاتقوليلي الرة هاملة نفسها, لانة الرياييل مايملة عينهم إلا التراب

صاجه والله لو يطبق محد يفكر يسوي الزنا اعوذ بالله

 

[مريوش]

انا اختلف معاج في الراي
الرجل الشرقي خاصة والرجل عموما لا يرى الخيانة عيب لانه مثل مايقولون الرجال شايل عيبه
ومو دايمن المراة تكون اهيه السبب في خيانته فهناك اسباب اخرى مثل التربية والاصحاب والانفتاح على العالم
ومثل ما قالوا البنات يعطيهم العافية انه المراة الذكية اهيه اللي تحافظ على زوجها بكل الطررررررررررررررررررررررررق
لانها لو اكتشفت خيانة زوجها ماراح تلوم نفسها

 

[سفيرة العشق]

والله البنات صاجيين والريال الخوان الخيانة تمشي بعروقه

وحتى لو مرته مو مقصره بشي

وانا اقول السبب الاول التربية ورفقاء السوء طيح الله حظهم

وكل واحد بيثبت رجولته

وصارت موضة

 

[بسبوووسه]

واي واي وااااااي دشييت ولا قرييت ولا موضوووع وايد حجي بس بالنظر تعبت خخخخخخخخخخخخخخخخ


اللله يعييينكم

 

[روحـ روحه]

وفيه نوع غريب عجيب ما تدرين شنو يبي ... كلامج صح وهذا النوع من الفطريات منتشر هالايام

 

[جرح الليالي]

هههههههههههههههههههههه يسلمووو مباحث

خوش وصف

 

[جرح الليالي]

وين البقية ؟