موضوع حلو .. افضل المنتجات اللي جربناها (كريم وبودرة الأساس)

[الولهانة]

رد : موضوع حلو .. افضل المنتجات اللي جربناها (كريم وبودرة الأساس)

جواكم الله وياكم بنت صلالة ابي افضل كريم اساس وبودرة للدوام مع العلم بشرتي دهنية بنات الكويت رررروعه في الشياكة والاناقة ووووووواروع مكياج في الخليج ... بنت صلالة

 

[brettey]

رد : موضوع حلو .. افضل المنتجات اللي جربناها (كريم وبودرة الأساس)

انا حق المناسبات كانيبو الاساس الكريمي مع البودره المضغوطه او كرستيان ديور رووووعه اما العزايم اساس لابريري السائل وفوقه البودره المضغوطه من كانيبو والصبح حق الدوام نيبو او ماكس فاكتور (كلور ادابت ) واحيانا بودره كانيبو المضغوطه والحين بعد شريت جيرلان دفينورا شكله حلو

 

[رفرف]

رد : موضوع حلو .. افضل المنتجات اللي جربناها (كريم وبودرة الأساس)

كويتيه اسم الكريم Svr 50 B وماركته Svr طبيه ومعروفة ويستخدم بروحه ماخلطه مع شي بس مرات احط فوقه بودرة ماربرت المضغوطة يطلع احلى واحلى ...

الولهانة حياج الله بيننا ومشكورة على هالاطراء ... وعندج الاستفتاء فوق ممكن يفيدج أو تقرين نتيجة خبرة البنات بنفس الموضوع واكيد بتلقين اللي تبينه ....

 

[رفرف]

رد : موضوع حلو .. افضل المنتجات اللي جربناها (كريم وبودرة الأساس)

بريتي فعلا اساس كانيبو وبودرته المضغوطه وايد حلوة والحين قمت استعمل بودرة ماربرت بس مو بروحها احطها فوق الاساس العادي وتطلع حلوة ولونها مناسبني ...

 

[شهد_الكويت]

رد : موضوع حلو .. افضل المنتجات اللي جربناها (كريم وبودرة الأساس)

مشكوره رفرف علي الرد يا قلبي ما قصرتي يا الغاليه

 

[عطر البوادي]

رد : موضوع حلو .. افضل المنتجات اللي جربناها (كريم وبودرة الأساس)

هلا وغلا بنات

أنا دوم استخدم الماكس فاكتور وايد حلو حق الدوام وبعد كلينك وميك أب فورإيفر اللون الوردي حلو بس طيعا حق مناسبات وعزايم
شارمل ما يصلح ألا حق المناسبات ونيفيا وايد طبيعي وعملي
ومال بدي شوب عملي بس عيبه ريحته شينه جنه ريحة صمغ
البودره المضغوطه من ماكس فاكتر وكلينك يهبلون
وبصراحه ودي أجرب كانيبو

 

[السفيرة عزيزة]

رد : موضوع حلو .. افضل المنتجات اللي جربناها (كريم وبودرة الأساس)

افضل كريم اساس
كريولان
بس قبل كنت استخدم كريستان ديور وايد حلو
و هم استخدمت لابرري هم حلو

بس الحين كريولان وايد حلو و يصفي الويه

اما بودره الاساس فانا ما احبها
مو ذاك الزود معاها

بس اللي عندي مدينه من قزاز
و عندي من نيبو من الهنود هذي شفتها عند الصالونات
وايد حلوه تصفي بعد

 

[رفرف]

رد : موضوع حلو .. افضل المنتجات اللي جربناها (كريم وبودرة الأساس)

عطر البوادي ..
مشكورة على المشاركة ....
وفعلا ماكس فاكتر حلو حق الدوام والطلعات ...
كنت استعمله ايام الجامعة ..

عزيزة ...
حياج الله ومنورة الموضوع

 

[سيدة الكويت]

رد : موضوع حلو .. افضل المنتجات اللي جربناها (كريم وبودرة الأساس)

شوفوا يا جماعه ............عندى لكم سر يخلى الوجه وردىىىىىىىىىىىى

اولا استخدم انا ((اساس ماك روعه الكل سالنى طبعا اول رقم الشئ الثانى استخدم ماكس فاكتر عملى مش بطال +++بودره كنيبوا روعه

المهم عشان يسير الوجه وردى اخذى بصبعج شئ اخذته من لاند مارك عصار + الأساس مالج يسير ويهج وردى.اذا عاجبكم اقولكم اسمه.

 

[الزين كويتي والدلع جهراوي]

رد : موضوع حلو .. افضل المنتجات اللي جربناها (كريم وبودرة الأساس)

قوووه سيدة الكويت

ممكن تقولين اسم العصار ؟؟

انا دايما استخدم بودي شوب حق الدوام اما الحفلات والاعراس شارمل

انطر الاسم سيده

تحياتي

 

[سيدة الكويت]

رد : موضوع حلو .. افضل المنتجات اللي جربناها (كريم وبودرة الأساس)

هلالالا اختى الزين كويتى بنت الجهراء

شوفى العصار ماركته((رفلون))Revlon اسمه سكن لايت وفيه منه الوانأنا استخدم الوردى عشان يسير الأساس طبيعى وكمان فيه حمايه ضد الشمس....يعطى لمعه حلوه ....وحطى بعدهم \فرشهبو لمعه انا شاريتها من دبى بس اكيد موجوده بالكويت روحى لا ند مارك ....كمان لآند مارك عندهم علبه زرى خفيف نفس الماركه رفلون لونها ورى ...اذا انتى بيضه وصغيره تسير جنان عليج))))))))))))))جربى انا اخذتها من لاند مارك الأوقاف....أكيد موجوده بأفرع الأخرى..وأى شئ فى الخدمهز

 

[رفرف]

رد : موضوع حلو .. افضل المنتجات اللي جربناها (كريم وبودرة الأساس)

ٍسيدة الكويت
مشكورة على الاضافة وكثري من هالخبريات الحلوة

 

[shahoda]

رد : موضوع حلو .. افضل المنتجات اللي جربناها (كريم وبودرة الأساس)

بنات شنو اكثر اساس يوحّد اللون ؟
انا بشرتي فاتحه بس مشكلتي في اماكن اغمج من لون البشره فحيل تبين وياي
ومو عارفه شلون استخدم الكونسيلر للهالات السوداء وهالسوالف

ممكن تنصحوني؟ بليز

 

[رفرف]

رد : موضوع حلو .. افضل المنتجات اللي جربناها (كريم وبودرة الأساس)

شهوده ..
استعملي كريم اساسج العادي بس لا تختارين درجة فاتحة .. اخذي شوووووي اغمج من لون بشرتج بيكون شكله حلو ويغطي السواد .. واخذي نوع تغطيته تكون قوية بالسنبة لي ذكرت النوع اللي استخدمه وتغطيته ممتازة ..
لأنج لو السواد خفيف عادي استعملي الكونسيلر بس لو كان واضح راح يقلب اللون على رمادي ويعطي شكل مو حلو ..

 

[shahoda]

رد : موضوع حلو .. افضل المنتجات اللي جربناها (كريم وبودرة الأساس)

مشكوره رفرف عالرد
انزين لو حطيت لون اغمج من بشرتي شوي عادي مثلا احط عليه كريم اساس ثاني يعني يكون افتح؟ حق المناسبات والعروس مثلا والا احط بودرة درجتها فاتحه؟
وبالنسبه لكريم اساس كانيبو وبودرته وين احصلهم؟

 

[شهد_الكويت]

رد : موضوع حلو .. افضل المنتجات اللي جربناها (كريم وبودرة الأساس)

شهووده صج صج انصحج بودرت كنيبووو شنو روعه انا حق الصبح استخدم رقم 102 وحق بليل رقم 101 واستخدمها مع ماااي شوي بس صج روعه وتحصلينهااا بجمعية الشاميه او بمحل عروس البحر الفروانيه بس انصحج تاخذينها من الشاميه

 

[وردة الجلاس]

رد : موضوع حلو .. افضل المنتجات اللي جربناها (كريم وبودرة الأساس)

انا جربت السوق كله لدرجة اني مليت استخدم ماركة بعدها بشهرين نفس الماركة نوع جديد
اخذت من رد ايرث اساس بس وااااااااااااايد حلو على بشرتي انا ما امدحه يمكن غيري مايناسبه
بس ملاحظتي عليه :* وايد ناتشيورال طبيعي
*اخترت لون افتح من بشرتي (وهذا لازم) مائل للوردي ...طايحيين فينا الخبيرات نفس الدرجة او اغمق خطأ بتصيرين مجفيه(يعني لونك رمادي)
وخصوصا ان بشرتي دهنية فاخت راحتي واحط قبله كريمات العناية بدون خوف او احاتي اللمعة.

 

[وردة الجلاس]

رد : موضوع حلو .. افضل المنتجات اللي جربناها (كريم وبودرة الأساس)

سوري صبايا بشرتي جافة ...وانا اعاني من هالمشكلة كريم الاساس يدهن معاي لاني استخدم قبلها كريمات بس رد ايرث ارتحتله...له فرع في سوق شرق

 

[رفرف]

مشاركة: موضوع حلو .. افضل المنتجات اللي جربناها (كريم وبودرة الأساس)

شهوده ..
اذا حطيتي اساس غامج وفوقه بادرة فاتحة بيقلب لونها على رمادي ماراح يطلع حلو ..
انتي لا تحطين ايد غامج لا اخذيه اغمج بدرجة حتى حق المناسبات المهم يتوحد اللون ..
وكانيبو تحصلينها بأغلب مراكز التجميل انا ماخذتها مرة من جمعية القرين 1 ومرة من مشرف ..


شهد الكويت ..
مشكورة يا قلبي على المرور والافادة وصاجة كانيبو اتهبل ماعليها كلام ..



وردة الجلاس
مشكورة على الافادة .. وماركة ريد ايرث حلوة ومعروفة بس ماعمري جربت اساساتهم

 

[الكويتـ80ـية]

شكراً لكي اختي الكريمه على هذا المشاركة