السلام
انا لي سالفة ما انساها كلش وكرهتني بمصر حتى اليوم .. اتذكر في 81 رحنا مصر وكنا صغار اول يوم وصلنا اخذتنا زوجة ابي تفسحنا عند الكازونهات اللي على النيل وبعد ما خلصنا الا هذول المصاروة يضربون بأثنين من السعودين انا بغيت امووت وراح لهم ابوي وقال ايش فيهم قالوا عليهم 60 جنية وما ادفعوها واحنا نأدبهم المهم ابوي الله يرحمة عطاهم الستين جنية وهدوا السعوديين .. هذا عند كازنوا ابو الفدا بالضبط ما ادري موجود والا لاء ...المهم بعد يومين بعد رحنا صوب النيل الا مصريين يضربون سعوديين ايش السالفة ؟؟ عاد هالمرة ما معانا ابوي انا دقيت الوجهة اسوي مثل ابوي ايش فيهم عليهم هالمبلغ وجمعت اللي عندي وعند اخواني وعطيتهم اياه ... ورجعنا البيت عشان ما عندنا فلوس ... وقمت راجعة البيت وراسي الف سيف خلاص رجعوني ايش هالبلاد اللي كل ليلة يضربون فيها الخليجين وابوي يحاول يفهمني ليش يضربونهم وليش هالرجاجيل ما يدفعون وانا راسي الف سيف رجعوني رجعوني وبس عشان اخواني صبرت الشهرين بس صرت ما اطلع بالليل الا جنب البيت بس ..و صار ابوي بعد هالسالفة يعطيني كل يوم مية جنية زيادة غير مصروفي عشان ان لقيت حد ينضرب ادفع عنه وما رجع الجميع مفلس بس رغم قدم هالسالفة والله اذكرها الى الان وحتى يوم رحت مصر ثاني مرة وبعد كبر احاول امشي تحت الحيط انا وزوجي اللي مسكين عانى من تعقدي هذا اللي بس جلسته فيها اربع ايام ورجعنا ....
وبعد سالفة ثانية كنت بالندن وفي سلفرج بالضبط تحت مكان الادوات المنزلية كنت بالمطعم اكل واشوف الناس تيجي عند منتج معين وتوقف احذاه وبعد ما خلصت اكل ركضة اشوف هالمنتج وكان معاي زوجي واخذت افتح هذا المنتج واسكرة جيت بجنب زوجي وااحط يدي وراى ظهره وامسح على بطنه وانا اقوله صج هالانجليز مجانين ساعة وانا اشوفهم يفتحون ويسكرون هالجدر وما فيه شئ هذا كله وانا لاصقة فيه وامسح على البطن واطقه واقول له لازم تخفف هالدبة الا ارفع راسي الا الرجال مش زوجي وكان يتكركر ومستانس وزوجي جاي مسكين ركضة صوبي يبي ينبهني بس ما قدر يكمل مشي من الضحك والله كان قمة الاحراج وانا ادز الرجل من بطنه واقلب عيوني واينك واينك ...وزوجي والانجليزي فطرانين من الضحك ...
اما سالفة العرب في فرنسا صج قمة النذاله معانا كم مرة يصير لي نفس الشئ لين نتوهق يكلمونه بالعربي عاد اما انا ما يهموني عرفت طبع الفرنسين ردوا ما ردوا اكلمهم بالانجليزي وهم يحبون الخردة يردون غصب ...
وتذكر مرة كنت رايحة عمارة عند ناس اعرفهم بالندن وكنت اتكلم بالتلفون عند باب العمارة لان برع برد وكان الرسبشن جدامي مسكين ما قال شئ لاني اتكلم بالهدوء الا مرت عيوز طلعت وبعد ثانية رجعت وكلمت الرسبشن اللي جاني وقالي انها بتشتكي عليه لو ما طلعت او سكرت التلفون المهم كانت المحتدثة مهمة جدا جدا لان فيها سالفة طلاق وانا احاول اهدي طلعت الا العيوز تضحك وتقولي بالعربي طردوكي هاهههههه والله جنها شعشبونه وقامت تصارخ اخر زمن شفنا العرب الجرب عندهم تليفونات واسيادهم ما يستخدمونه .. وانا ما ارد عليها لاني متأثره بقصة اللي بالتلفون وهي ماتت وصارت اطالعني باحتقار عند الدرج من فوق لي تحت تبي تجر الشكل يا عرب قرب يا عرب قرب عاد انا هنا طفح الكيل قلت لها(( عدال يا الانجليزية انت ايش غير عربية )) (( هنا افرحت اني رديت قالت لاءءءءءءءء انا مش عربية انا !!!!! )) رديت عليها من زين ما تفتخرين به هذا للاعنه الله بالقرأن قدرك )) قامت تقولي يالقربة لا تفتخرين بحجابك ده ده الا خرقة صادة نافوخك .. وعاد انا هنا خلصت التلفون وتفرقت لها الا اقول بصوت مثل صوتها ..على الاقل الخرقة دي ساترة شعري مش زيك مخلية الصلعة طالعة يا الصلعة .. بس قبل ما تروحين تعالي شوفيني داخله المكان اللي كنت تظني اني مطرودة منه والله بعد لحظة ماشفتها الا رايحة وهي تتحندى ومغتاظة...
وسلامتكم
