موآضيع وخلطآت مس انجل miss angel

[s7r 3yonk]

السلآم عليكم

كيفكم يآآاهل منتديآآت كويتيات انشاءلله تممام

الييوم فكرت اجمع لكم خلطاات المجربه للتاجرات والعضوات

وامس جمعت لكم خلطاات انل وهذا رابط الموضوع

http://www.q8yat.com/t1145061.html

واليوم بجمع لكم خلطات مس انجل

miss angel
1-((عنايتي بالمنطقة الحساسـه بطريقـتي ماراح تشتكون من السواد وراح تكون بيضة تلــق لـق))

2-غــــــسول للمـنطقة الحساسة ( يفتح + يمنع الافرازات والحكه + يرجع المتزوجة عروسة )

3-بدال لا تاكلين الكاكاو شرايج تحطينه على ويهج؟معاي بشرتج مشدوده وناعمه..ماســك الــعيد

4- عقب هالموضوع مابي وحده تدخل وتقول ابي حل للشعر الي تحت الجلد>لأن الحل عندي
Miss Angel

6-تبين اسنانج يصيروون بيض مثل ممثلات هوليوود ؟؟ تعالي اعلمج على طريقتــي

7-دوامات وبشرتج تعبانه من الشمس والميك اب ومالج خلق ماسكات ؟

8-شعرج خفيف ويتساقط وماتحبين الخلطات والماسكات؟؟عيل دشي شوفي تجربتي صار شعري زوغــــة

9-(الحمام المغربي الملكي) بالبيت روعـه انظف واوفر من الصالونات.سبووحي الكبير بالصــور..

10-◄شامبو من صنع ايدي.يطول,يكثف,يوقف التساقط ويعطي للشعر نعومة وحيوية والاحلى انه طبيعي

لا احد يرد الا بعد ماا اخلص الموضوع

 

[s7r 3yonk]

السلام ياحلوين

شلوونكم بناااات

طبعا الاغلب يعانون من هالمنطقة لأنه شي طبيعي تتعرض للسواد خصوصا من الرطوبة والحر بس اكيد هالشي نقدر نتغلب عليه بالعناية وبإذن الله اذا اتبعتوا طريقتي ماراح تعانووووون منها كلش ...

اول شي هالخلطة عجييييييبه للمنطقة تينن وراح تشوفين فرق باللون من اول استعمال لها



تتكون من :
زيت اللوز المر
زيت الجلسرين
سودو كريم
كريم درابولين
كريم الدوكين فورت

تخلطووونهم كلهم مع بعض وراح تكون جذي



طبعا قبل لا تحطون هالخلطة على المنطقة لازم تكون نظيفة مسحووها بأسكينول الليموون او مناديل ديتول او كير فري المهم الي عندكم



وعقب تحطون الخلطة على المنطقة الحساسة وبين الفخود وحتى الخلفية عادي ..

وبعدين لبسوا شورت قطن ابيض

طبعا بس تقعدوون الصبح غسلوا المنطقة بصابونة البابايا الي فيها قطع تهبل تبيض ..



وبس تطلعووون من البيت وحتى وانتوا قاعدين بالبيت دايما حطي كير فري انا وين ما اروح معاي هههه شوفوا هذول المغلفين حلوين واايد حق الطلعة او الدوام



وعقب كل دوره شهرية تكرمون لازم تتطهرون بمسك الغزال الاسود الصافي الي عند القرشي ويمنع الالتهابات بعد صح ريحته تلوع الجبد بس من تحطينه تنقلب ريحته وتصييير تينن



ولا تنسون الغسول الخاص بالمنطقة عندكم :

الغسول الطبيعي الي تكلمت عنه بهالموضووع

http://www.q8yat.net/showthread.php?t=667651

او

سيتيال

وهذي طريقتي بالعناية فيها والحمدالله المنطقة عندي بيييييضة وماشتكي منها ,,

وانشالله تكووونون استفدتوا من الموضوووع

حياكم الله حبيباتي :eh_s(21):
============================

 

[s7r 3yonk]

2-غــــــسول للمـنطقة الحساسة ( يفتح + يمنع الافرازات والحكه + يرجع المتزوجة عروسة )

اليوم سويت غسول عجيب ينظف المنطقة واذا فيج افرازات او حكه راح يمنعها وو ترى يضيق المتزوجه ويعتبر مطهر بعد الدوره او النفاس او الجماع

ومن الحين اقولكم ترى ينفع للمتزوجه والبنت وعادي تقدرين تستعملينه كغسول يومي مامنه مضره وبالعكس طبيعي واحسن من الغسولات الي بالجمعية او الصيدلية ما تدرين شحاطين فيهم

وللامانه انا ماخذة الوصفة من الاخت (مغربية اصلية) يعني منقول وراح احطلكم وصفتها وعقبها راح اراويكم تطبيقي لها مع بعض التغييرات علشات تسوون الي يريحكم والي متوفر عندكم

---------------------------------------
المهم هذا موضوع الاخت (مغربية اصلية)

السلام عليكم يا احلى عرايس ، اليوم جبت لكم موضوع من جهدي و تعبي الخااااااااااااااص ، و اتمنى انه يعجبكم و تستفيدون منه ، و ما ابي منكم غير دعوة صادقة من القلب ، و لي عجبها الموضوع و تحب تنقله عليها بالعافية بس ما تنساني من دعواتها الحلوة
بسم الله نبدأ

اول شي : ملعقة كبيرة من اكليل الجبل

ملعقة كبيرة من البابونج

ملعقتين كبيرة من الخزامى اي اللافندر

شوية من قشرة الرمان الجافة

قليل من الملحة الحية ما اعرف شنو تسمونها بالخليج بس هذه صورتها

ملعقة كبيرة ورد مجفف

الطريقة :
نحط كل المواد في اناء كبير و نغسخن ماي حار لدرجة الغليان و نصبه على الخليط

و ناخذه للحمام او غرفة النوم و نجلس فوق الاناء مو تقعدين على الماي و تحترقين بعدين تدعين علي ، لا ، تقعدين كانك راح تتبخرين و تخلين بخار الاعشاب يصعد معك تحسين بحرارة من داخل و ريحة اللافندر يا سلام ، و هذه الطريقة نسويها اثناء العادة الشهرية او في النفاس و ممكن مرة بالاسبوع لانها جدا مفيدة
الحين خلصنا من هذه المرحلة ، نخلي الاعشاب بنفس الماء تقريبا نصف ساعة بعدين نجيب مشخال - مصفاة - و نصفي الماي من الاعشاب

هنا بعد ما خليتهم نصف ساعة تقريبا

تابعوني ........

هنا جبت المشخال عشان اصفي خلطتي العجيبة و الريحة جنان ، اموت على ريحة اللافندر

و هنا الماي بعد ما صفيناه و صار جاهز

الحين بنحطه في المطارة - الترموس - و نخليه بالحمام و انتو بكرامة ، كل ما تبين تتشطفين - تغسلين - تحطين عليه شوية ماي حار لين يصير دافئ و تغسلين به ، هذا غسول طبيعي و مفيد بدل غاسول الصيدلية لي ما نعرف شنو مكوناته

هذا الغاسول مفيد للي تعاني من الافرازات او الحكة او برودة ،

---------------------------------------

تابــــــع

وهذا تطبيقي حفه بس فيه اشياء ماحطيتها لانها ما كانت متوفره عندي المهم

هذا المقادير وموضحتها بالصورة

واهني عقب ما حطيتهم وصبيت الماي الحار عليهم

وبعدين خليته ينتقع ساعة او نص ساعة عادي وصبيته

جربوووه ترى اينن هالغسول وماراح اتكلم وايد عنه لوول جربوا وانتو حكموا عليه :wqedqw:

حياااااااااااااااااكم :eh_s(7):​

 

[s7r 3yonk]

3-بدال لا تاكلين الكاكاو شرايج تحطينه على ويهج؟معاي بشرتج مشدوده وناعمه..ماســك الــعيد

السلام يا حلوين ​

شلووون تجهيزاتكم للعيد

​

المهم قبل كل شي وقبل الكشخه والاهتمام باللبس لازم تهتمين بشي اساسي انا بالنسبة لي الا وهو البشره ,,​

هالماسك رووووعه روووعه لو اتكلم عليه من الحين لي باجر مارح اوفيه حقه << هههه شدعوه

​

وانصحكم تجربونه بالعيد قبل لا تحطون ميك اب راح يعطيكم نظاره وتحسين ويهج فريش وفيه حياه

​

​

ماراح اطول عليه وسوري بنات الصور من النت مالحقت اصور الاغراض من عندي

​

المكونات :​

بودرة كاكاو (انا استخدم هالنوع احبه وانتوا كيفكم النوع الي عندكم )​

​

روب ​

​

عسل​

​

4 كبسولات فيتامين E​

​

وماحبيت ازيد على هالمكونات لاني مااحب اخبص خصوصوا انه للويه ,,​

طبعا قبلها تغسلون ويهكم عدل اذا فيه كريم او شي لازم ينغسل ولازم ينحط الماسك على بشره نظيفة​

تحطونه وتخلونه تقريبا نص ساعه ​

ومن فوايده : ​

-يعطي رطوبة واشراقة للبشرة
-يحافظ على جمال البشرة ويحارب التجاعيد
-به فيتامينات عديدة تغذي البشرة
-يساعد على نعومة ملمس البشرة
-ينظف البشرة بعمق ويزيل الاوساخ من المسام
-يساعد على بياض المنطقة المحيطة بالعين
يعني اذا اوصلنا القناع تحت العينين فلا خوف
كل مواده طبيعية ومفيدة​

وتقدرون تسوونه بعد ماسك للجسم واااااااي عجيب​

​

شراايكم

​

والي لها خلق تقوم تسويه الحين وتقولي النتيجه بس مو تاكلونه وانا ابتلش هههه

====================​

 

[s7r 3yonk]

4- عقب هالموضوع مابي وحده تدخل وتقول ابي حل للشعر الي تحت الجلد>لأن الحل عندي
Miss Angel



السلاااااااااااام بنات

طبعا الاغلب يعااني من هالمشكله (الشعر الي يكون تحت الجلد) وشكله مووو شي بقع سووده وهالبقع تكوون تحتها شعره وخصووصا بالساق ..

انا كنت اعاني من هالمشكله بس الحمدالله الحيييييين افتكيييييييت منها

المهم

اول شي قبل لا تشيلين لااااازم تسوين سكراب حق جسمج عدل بالليفة المغربية او اي ليفة ثانية ونوع السكرب الي يعجبج

وانا عن نفسي

سكر

+
زيت زيتون

ثاني شي كلكم قطوا الشيره والموووووس لانهم ساس البلا وانا وحده جربت الشيره وهم كنت اعاني من هالمشكله وجربت الموس وهم نفس الشي آآخر شي اكتشفت (الوااااكس) الا وهو الشمع

طبعااا احسن من الشييييييرة بوايد اول شي يشيل الشعره من عرجها يعني حتى اذا كان طالع شعر صغييير راح ينشال بالواكس ثاني شي نعووومة والشعر يطول على مايطلع والاهم من جذي الشعر الي تحت الجلد ماراح تشووفينه كلش ومن اول استعمال راح تشوفين فررق كبير

المهم انا استخدم واكس فيت الشرايح

ومراات اسوي بالصالون اريح ..

واكبر دليل شوفوا الاجنبيات ترى مايعرفون شي اسمه شيره كله يشيلون بالوااكس دشوا اليوتيوب وشوفوا طريقتهم وشحلات اجسامهم لا بقع ولا شعر تحت الجلد حتى بصالونات لبنان كله يشيلون بالواكس

المهم عقب مااشيل بالواكس اغسل جسمي بماااي بارد وعقب ادهن بسودو كريم

هذا بالنسبة للجسم

----------------------------

بالنسبة لمنطقة البكيني

انا كنت اشيل مرات بموس ومرات بشيره وطبعا الـ2 مو شي اولا الموس بسرعة يطلع ويغزز ولازم كل يوومين اشيل وكلش ماارتحت والشيره عوار وترهل..

المهم هالطريقة واااايد ارتحت من عقبها راحه ونظااافة لا عواار والشعر يطول على مايطلع ونعوووومة

اول شي عشان العوار استخدمت كريم املا المخدر

يووونس يخدر المنطقة وماتحسييين بالعوااار انا احطه وانطر تقريبا ساعة ونص وعقب اقرص نفسي عشان اتأكد انه تخدر المكااان

وعقب ابلش اشيل بماكينه براون الي فيها كذا راس وانا اشيل هالمنطقة بالراس الي يشيل من العرج

طبعا ماراح تحسين بالعوااار كلش ووناسة كل الشعر يطلع حتى الصغييير

وعقب مااخلص نفس الشييي اغسل بماي بارد واتدهن بسوودو كريم وبسس سلامتكم

================================

 

[s7r 3yonk]

6-تبين اسنانج يصيروون بيض مثل ممثلات هوليوود ؟؟ تعالي اعلمج على طريقتــي

شلووووووونكم بنااات

طبعا راح ابلش بالموضووع

راح اقولكم على طريقة تينن حق الاسنان والله بتشووفينهم صارووا بيض بعد 3 اياام

اول شي تحتاجين

بيكربونات الصوديووم
معجووون اسنان Enamel Care
غسووول فم سنسوداين

طبعا اول شي تحطين المعجون بالفرشة وترشين فووق المعجون شوي من بيكوبونات الصوديووم وفرشي

عقب حطي شوي من بيكربونات الصوديوم بالغسوول وخضيه وبعدين عادي تمضمضي فيه بس ديري بالج مو تبلعينه ههههه


وبس بعديييييييييييين ابتسوا على راحتكم :dddds:

 

[s7r 3yonk]

7-دوامات وبشرتج تعبانه من الشمس والميك اب ومالج خلق ماسكات ؟

قوووه ياحلوين

طبعا انا بشرتي بالدوامات حيييل صارت تعبااانه ومافيها حياة لووول وكلش مالي خلق ألطخ بالماسكات والكريمات المهم فكرت وفكرت قلت ليش ما اسوي هالحركة من زمان خاطري فيها ويااا وقتها ,,,

اهيا مو اختراااع لوول بس شي يديد وسهل والاهم من جذي ماياخذ منج وقت والاهم الاهم النتيجة الي بتشوفينها ببشرتج والنظارة والتعب اكيد كله بيروح ..:icon30:

تحتاجون

ماي ورد
شاي اخضر
مره
العكر الفاسي

اول شي خذيت المره والشاي الاخضر وخليتهم ساعتين بماي ورد علشان ينتقعون





ونفس الشي العكر الفاسي خلطته مع ماي ورد



وبعدين صبيهتم بقوالب الثلج وحطيت عليهم عواد هههه عشان اطلعهم بسهولة وحطيتهم بالفريزر





وبس عقب ما يجمدون مسحي الثلجه بويهج وشوووفي ويهج شلووون بيصير والله روعه قبل الميك اب وبس ارد من الدوام واغسل ويهي من الميك اب وهم قبل النووم لازم صارت عااادة عندي بس اهم شي على بشرة نظيفة ,,,

وتقدرون عقب كل سبوح تييبين 3 قطع من كل نووع تمسحوون فيهم جسمكم ترى حدددده عجيب وروعه وقوالب العكر الفاسي جربوهم بعد على شفايفكم راح يصيرون موردين وفيهم لووون وردي طبيعي :wqedqw:

ولا تنسوون فايده الثلج او الماي البارد يشد البشره ويسكر المسامات وينشط الدورة الدموية ,,

وهم تقدرين تسويين انواع ثانية مثل البابونج ,, النعناع ,, مغلي البقدونس ,, مغلي البرتقال او الليمون (حق الي بشرتهم دهنية) ,, والي بشرتهم جافة يقدورن يخلطون مع ماي الورد شوي من زيت اللوز الحلو ,,

وبس

واتمنى لكم بشره صااافية ومورده وحلوه على طوووووول :sfg:

حياكم الله ,,

 

[s7r 3yonk]

8-شعرج خفيف ويتساقط وماتحبين الخلطات والماسكات؟؟عيل دشي شوفي تجربتي صار شعري زوغــــة

راح ابلش بالموضوووع على طول :eh_s(15):

طبعا اول شي انا شعري قبل كان شحلاته بس طبعا من الصبغاات والسشوااار يعني لازم كل شهر شهرين اغير الصبغة بختصار لعبت بحسبته المسكين و صااار خفيف ومتقصف ومهماااا اقص الاطراف هم متقصف وفوق كل هذا تساقط يعني بس امشط شعري المشط كله شعر:flower:

والله اني اشووف صوري قبل سنه اقول وااي على شعري :eh_s(16):

المهم انا مثلي مثلكم امل واايد من خلطات الشعر يعني مالي خلق كل يوم خلطة وحنه وماادري شنو وماسكات

فا عنايتي بشعري بسيييطة جدا والحمدالله بهالعناية تغلبت على المشاكل الي كنت اعانيها من شعري

+ اني ماقمت اصبغ شعري والشسوار والستريت بس بالمناسبااات

اول شي خف التسااااااقط وااايد واايد مااقولكم مافي تساقط لأأأ بس خف وفرق عن اول واكيد مع الاستمرار ماراح يكون في تساقط كللش

وثاني شي احس شعري صار كثييف بس اسوي عنقووص لوول عنقووصي حلوو مو لما كاان خفيف عنقووصي يضحك :050103nbh_prv:

المهم شووفوا عنايتي بشعري

اول شي الزيوت



( زيوت دابر فاتيكا الي على الصبار - جوز الهند - اللوز ) و زيت دابر املا الذهبي و زيت براشووت جوز الهند (اخذوا الي لونه كله ازرق مكتوب من ورا صالح للاكل )

كل يوم ادهن شعري وانام والصبح بس اقعد اغسله طبعا مو كلهم مع بعض لأ يعني على المزاج يووم احط الصبار مع زيت دابر املا مع براشوت واليوم الي بعده احط الي على اللوز مع زيت ثاني ومرات احطهم كلهم مع بعض ( ترا ريحتهم عادية يعني مقبوووولة )

بس بنات تنبيه الي شعرها دهني لا تحطه وتنام لاني سمعت انه مو زين تنامين فيه او تقعدين وقت طويل بالزيت راح يتساقط شعرج وايد

( انا كنت خايفة اول يوم حطيت الزيوت ونمت بس الحمدالله النتيجة حلوه واييد لانه شعري من عادي لي جاف مو دهني يعني ماصااار فيه تساقط )

طبعا قبل كل شي لازم شعرج يكون نظيف يعني تكونين غاسلته قبل لا تحطين الزيوت

ثاني شي الشامبو



بانتين امتزاج الطبيعه - ايفا بالصبار - شامبو سورسير(من الصيدلية)

كل يوم اغسل شعري بنوع لانه الشعر مو زين يتعود على نوع معين لازم اغير وانا عن نفسي جربت تقريبا كل انواع الشامبو ولقيت هذووول الـ3 احسن شي

وبنات نصيحة تسبحوا بماي باااااارد وخصوصا الشعر انا طبعا مااتحمل الماي البارد فا عقب ما اخلص واغسل شعري وكل شي ابطل الماي الباااااارد وارش على شعري جذي على السريع علشان المسامات تتسكر وبجذي راح يساعد الشعر انه ما يتساقط

ثالث شي عقب السبوح احط على الاطراف سيروم لوريال الوردي او البرتقالي الـ2 حلوين لا تكثرون مسحه خفيفه على الاطراف بس وبعدين انطر شعري ينشف بروحه وعقب امشطه يعني لا تمشطونه واهوا مبلل لانه تكون مسامات يلده الراس رطبه فا بالتالي راح يتساقط الشعر



وبهالعناية البسييييطة صج تغير شعري واايد وبالعافية عليكم ودعوااااااتكم حبيباتي:eh_s(17)::eh_s(17):

حيااااااااكم

 

[s7r 3yonk]

9-(الحمام المغربي الملكي) بالبيت روعـه انظف واوفر من الصالونات.سبووحي الكبير بالصــور..

السلام بنات شلونكم

طبعا موضووعنا اليوم عن الحمام المغربي :eh_s(22):

انا بصراااحه مرات اتكيسل اروح الصالون واسوي مغربي لانه مثل ما تعرفون عقب الحمام المغربي بس ابي فراااااااش لووول فا احس لويه ارد البس واطلع برا والجو مو شي مااحس بالمتعه عددل

المهم راح احطلكم طريقتي بالحمام المغربي تينن وانا بصراحه اسويها كل اسبوع مره او كل اسبوعين (كل جمعه او سبت) يعني خصصي وقت دلعي فيه نفسج بنفسج ويكفي انها تغنيج عن روحه الصالون ,,

وطبعا كلنا نعرف فايده الحمام المغربي نظاااافة ونعوومة وبياض وتوحيد لون ونظاره للجسم ويشيل الجلد الميت يعني فوايده كثيره ولازم كل وحده منا تهتم بالحمام المغربي على الاقل بالشهر مرتين وطبعا الي تحس عندها مشاكل بالجسم مضايقتها مثل عدم توحيد اللون خل تسوي اكثر من جذي ..

واعتقد في كذا طريقة حق الحمام المغربي وانا راح احطلكم طريقتي صج صج عجيبه ..

اول شي تحتاجون خيمه البخار انا ماخذتها من اعلانات الوسيط الي تتسفط اريح واحسن من الي تتفخينهااا او من الثانية الي يكون فيها عواميد ..

(بنات الي ماتبي الخيمه مو شرط تستخدمها تقدرون بالحمام عزكم الله تسكرون الدرايش والباب يعني مايكون في تيار هوا وتبطلون الماي الحار وعقب تنطرون على يطلع البخار) << بس احس ممله وتخرب السقف

نبلش ,,

هذي اول ما وصلتني

معاها جنطه اذا خلصتي منها تسفطينها وتحطينها داخل

وهذا الخيمة جنها مركبة فضاء هههههه

وهذا جهاز البخار

طبعا اول شي احط الماي بالجهاز ( تقدرين تضيفين معاه زيوت عطرية او دهن عود او اعشاب مثل اللافندر او البابونج او نعناع) يعني الي يريحج وحطي داخل الخيمة الكرسي الصغير البلاستيك او الخشب .. << نصيحه حطي الي يكون في سنده حق الظهر لانه اول مره سويتها بكرسي عادي انكسر ظهري ,,

طبعا قبل كل شي عشان ابري ذمتي :::

الخيمة ما تنفع للحامل ولا الي فيها ضغط او خفقان بالقلب او الي فيها ربو ومشاكل بالتنفس ..

لا تفكرين ادشينها وانتي صايمة او مو ماكلة شي لانها تسبب حالات اغماء ودوخة ..

شربي مااااي او عصاااير من عقبها وحتى قبل لا ادشين عشان تعوضين السوائل الي نقصت من جسمج..

لما تقعدين بالخيمة وتردين تقومين منها وتغسلين بالماي انتبهي لا تتعرضين حق الهوا او حق مكيف بارد ..

-----------------------------------------------------------------

الحين تشغلين الجهااز على ماتنترس الخيمة بخار ..

وبهالوقت اخذي شاور بماي دافي او مايل للحرارة عالسريع و عقب حطي على كل جسمج (الصابون المغربي) << تقدرين تضيفين معاه عصره ليمون بس انا ماحطيت لانها جسمي يتحسس منه

بنات ملاحظة ::: لازم لازم يكون جسمج نظيف وماافي لوشن او كريم علشان جذي تاخذين شاور قبل لا تحطين الصابون المغربي وحتى لا تحطييين زيووت لااانه وقت التفرك مااا راح يطلع الوصخ عدل << هالمعلوومة قالتلي ياها وحده مغربيه ,,

عقب دشي السونا ... قعدي فيها بس (مو اقل من ربع ساعه ومو اكثر من نص ساعه) بس الافضل اكيد النص ساعه بس الي ماتتحمل ربع ساعه كافية ...

تطلعين وتغسلين جسمج بس بماي مايل للحرارة عشان المسااام يضل مفتوح مانبيه يتسكر من الماي البارد ...وعقب تييبين الليفة المغربيه السودة وتبلشين تفركين بحركة دائرية

(( بنااات بس شوي شوي خفوا ايدكم اذا بالغتوا بالتفكرك راح ينجرح جلدج او يتسلخ لانه وقتها بيكون الجلد طري وليّن وحساس,,))

طبعا فركي عدل بضمير كل جسمج وركزي على الاماكن الي لونها غامج وطبعا راح تشوفين شي مثل (البلالييييييييييييط) والسباغيتي (شي يشبه المحاية) ههههه

طبعا لازم مانهمل الظهر وعشان توصلينه عندج الفرشة مالت بودي شوب

خلصنا تفرك تردين تغسلين جمسج بس بماي والحين وقت السنفره

طبعا تقدرين تستخدمين السنفره الي تعجبج لا تتقيدين بسنفره معينه

بالنسبة لي تسنفرت بسنفرتي القهوة وجور الهند (مو شرط سنفرتي عشان لا تقولون دعاية تسنفرني بللي تبينه وهذوول المفضلين عندي فاا اختاري الي تبينه)

عقب ماتسنفرت حطيت ماسك على كل جسمي وهذي مكونااااته (اينن هالماسك) حتى حق ويهج تقدرين تحطين مايضر وخليته ربع ساعه

تقدرين تحطين اضافات من عندج على كيفج بس انا مابي اخبص فا اكتفيت بهالمكونات وكافي مفعووولهم العجيب

عقب غسلت جسمي كله من الماسك وبعدين تسبحت بصابونتي القهوة والزنجبيل (تسبحوا بالصااابونة الي تبونها ماتفرق عادي الي يعجبج تسبحي فيه )

الحيييييييييين خلصنا بس آآآخر شي رشي جسمج بماااي بارد عشان المسام يتسكر ,,,

انا حاطه مكعبات المسك ملوت القرشي بماي ورد ,, وانا بالحمام ( عزكم الله ) اكته على جسمي كله وشوووفي بعدين الريحه الحلوه

بعدين بس تخلصوون وتنشفووون لا تنسووون تحطون مرطب بس يفضل مايكون عطري يعني اكتفي بشي خفيف مثل فازلين بزبدة الكاكاو او الي يعجبج,,,

عقبها واااي احساااس بالنظافة والنعووومة مو طبيعي اينن عجيب يشوق حق النوم وبس هههه :hjy5jewf:

وطبعا مايصييير كل هذا نسويه وماتبخرووون نفسكم :icon30:

,,,

جذي خلصنا

طبعا الموضوووع من تعبي وجهدي وتجربتي الخاصة يعني ماأحلل اي وحده تنقله وتنسبه لنفسها الي بتنقله تكتب اسمي ومنتدى كويتيات :denya: <<< ترى بصير زعل ههه

 

[بنك بااستا]

Thank u

 

[s7r 3yonk]

10-◄شامبو من صنع ايدي.يطول,يكثف,يوقف التساقط ويعطي للشعر نعومة وحيوية والاحلى انه طبيعي

السلام عليكم

شلونكم بنات :nbvppw:

سويت شامبو عجيييييييييييييب والله يا بنات كلمه عجيب شوي عليه :rerrerek:

والاهم انه طبيعي ومايضر الشعر حتى لو يوميا تتسبحين

انا بصراحه يوميا لازم اتسبح وتخيلوا كل يوم شامبو على شعري وتدرون انه هالشي مو زين خصوصا شامبوات الجمعية تتلف الشعر وتضره مع الوقت !!

طبعا الشامبو الي سويته فايدته :

يطول الشعر + يوقف التساقط + يكثف + ويعطي حيويه ونعومة للشعر :rerrerek:

جربوه ومارح تندمون

ببلش ,,

المكونات :

1- صابون غار طبيعي

2- صابون غار سائل (انا ماخذته من جمعية القادسية ومادري اذا في منه بجمعيات ثانيه )

3- شامبو بانتين ضد تساقط الشعر ( حطيت منه شوي بس مو وايد )

4- اكليل الجبل (الروز ماري)

5- زعتر

6- ماي حار

------------------------------------------

الطريقة :

1- تبشرين صابون الغار ( انا بشرت صابونتين )

2- عقب بشر صابون الغار حطي عليه صابون الغار السايل كله وشوي من شامبو بانتين

3- تحطين شوي من اكليل الجبل والزعتر بجدر ( لحد يسألني جم قفشة وجم مقدار لانه انا احط بالنظر )

4- تصبين عليهم الماي الحار و تخليهم ينتقعون تقريبا نص ساعه او ساعه

5-عقب ما ينتقعون تييبين المنخل وتصبين الماي على صابون الغار والشامبو

آآخر شي جذي يكون شكله

ولما حطيته بالعلبه

وبس خلصنا من المكونات والطريقة

تابع ,,,

 

[s7r 3yonk]

الحين راح اقولكم فايدة المكونات :

(صابون الغار الطبيعي )

1- تغذية جذور الشعر ومنحه الحيوية و التخفيف من تساقط الشعر
2- يساعد علي القضاء علي القشرة ويقوي بصيلة الشعر ويوخر ظهور الشيب يعطي الشعر ملمس ناعم ولمعة طبيعية

(اكليل الجبل)

ينعم ويرطب ويكثف ويسود ويطول الشعر

ملاحظه : الي شعرها مصبوغ تشيله من الخلطة لانه يسود او تقدر تستبدله ببابونج

(الزعتر )

منشط لجلده الراس يكثف الشعر ويمنع تساقطه

(شامبو بانتين )

حلو للتساقط وتقدرين تستبدلينه بأي نوع شامبو تحبينه بس مثل ما قلت تحطون منه شوي مو وااايد بس مجرد انه يعطي ريحه حلوه للخلطة


---------------------------------------

ملاحظات :

1- الشامبو ينفع لكل انواع الشعر (الجاف والدهني والعادي )

2- في بعض البنات ما يوالمهم صابون الغار ويجفف شعرهم كل الي عليكم تسوونه مجرد مسحه من اي بلسم للاطراف فقط

3- عقب ما تخلصين سبوح تحطين على شعرج واهوا رطب سيروم على الاطراف
( انصحكم بسيروم لوريال الي لونه اصفر وايد حلو :rerrerek: )

---------------------------------------

وعندي لكم خلطة زيوت تينن تينن للشعر احطها بليل لشعري 3 مرات بالاسبوع وانام فيها والصبح اغسله بالشامبو الي سويته (شعري جاف)

هذي زيوووتي و دثرتي ههههههه

طبعا ما خلطت كل هذول مع بعض

الخلطة عبارة عن ( زيت جوز الهند باراشوت + زيت الحيه + زيت حبة البركة + زيت الصبار )

تينن جربوها :rerrerek:


وبس

بجذي اكون خلصت موزووووعي الجميل :eh_s(10):

اتمنى الي تنقل الموضوع لأي منتدى تذكر المصدر وتحط الصور مثل ما اهما مو تقص الاسم فاهمين ياحلوين :rerrerek:


وانشاءالله كلكم اشوووف شعوووركم جذي​

 

[s7r 3yonk]

11-★خلطتي الشامله لمشاكل الجسم(تنعم-توحد اللون-تخفي السترتش مارك وتبيض هديه مني لكــم★

قــوه ياحلوين شلوونكم

Miss u All

من زمان ما نزلت موضوووع بس أكيد رااادة لكم وبقوة مع هالخلطة العجييييبة صج يا بنااات تينن والي ما تجربها خسرااانه

طبعا اول شي خل اقولكم قصة هالكريم الي سويته .. بنت خالتي توها طالعه من الاربعين وفترة الاربعين كلش ما اهتمت بجسمها ولا سوت لا خلطات ولا شي اللهم تدش الحمام (عزكم الله ) وتتسبح بشور جل ديتول وتطلع على حسب ما قالتلي لوووول

المهم طلبتني وقالتلي عن المشاكل الي بجسمها والي اعتقد اي بنيه تعاني منها وخصوصا الي توها واالده

( سواد ببعض الاماكن + الخطوووط البيضة والحمرا + بقع بالجسم + ترهل + جفاااف ):eh_s(2):

المهم طلع مني هاللوشن الي كلمه يهبل شويه عليه واهي صارلها تقريبا اسبووعين ووشوي تستخدمه كل يووم تحطه عقب الشاور واليوووم دقت علي طااايره من الفرحه ومن الفررق الي شافته لانه شااامل حق كل مشاااكل البشره

(تقوول بطنها صااار لونه فااتح والخطووط حيييل خفوا وطبعا هذا من عدا البقع الي بجسمها شبه اختفوا )

( طبعا انا قبل لا تبلش بالخلطة قلتلها طلبتج صوري قبل وبعد وقالتلي اشووف ويا فرحه ما تمت ريلها ما رضى :rgewrg: )

واايد قرقت صح

يلا نبلش


مكونات الخلطة :

زبدة الشيا + زبدة الكاكاو + زبدة المانجو (من جراس يعطيها ألف عافية :eh_s(7)




فازلين تجديد البشره + جرجنز العناية الليليه (من الجمعية )



سودو كريم + جليسوليد (من الجمعية)



زيت اللوز المر + زيت السمسم + زيت الجلسرين + زيت الليمون (من الحواي)



زيت الشاي الاخضر + زيت جنين القمح (من الحواي)




كبسولات فيتامين E (من الصيدلية)




خلصنا من المكونات

الطريقة :

1- أول شي ذوبت زبدة الكاكاو حطيتها بحمام مائي ( ماذوبت الشيا والمانجو لانهم لينين وما يحتاجون بس الكاكاو كانت يابسه شوي فا علشان جذي ذوبتها )



حبيباتي راح احطلكم المقادير بالضبط يعني مو تيي وحده تسألني جم قفشه وجم علبه اوكي فديتكم والله

1- زبدة الشيا ( حطيت نص العلبه لانه ماشاءالله كميتها كبيره )
2- زبدة المانجو ( العلبه كاملة )
3- زبدة الكاكاو ( العلبة كاملة )
4- فازلين البنفسجي وكريم جرجنز ( العلب كاملين )
4- السودو كريم ( الحجم الصغير كامل )
5- الجليسوليد ( العلبة كاملة بس طبعا في منه احجام حطيت العلبه الي بـ495 فلس)
6- الزيوت الي اول شي الكبار ( نص الغرشة )
7- الزيوت الصغار جنين القمح والشاي الاخضر ( الغرشة كامله )
8- فيتامين E ( حطيت 15 حبه )

(طبعا هالكمية طلعتلي 3 علب كبار لاني سويت حقي بعد ) فا الي تبي اقل من جذي تنقص من المكونات :eh_s(15):

اهني لما حطيت المكونات كلهم فوق بعض وبلشت بالخلط






وطلع احلى كريم للجسم :rerrerek::rerrerek:






طبعا افضل وقت تحطينها بليل تتسبحين وتتفركين عدل بأي خلطة صابون عندج وتتسنفرين وتركزين على الأماكن الي فيها سواد

وعقب تنشفييين عدل تدهنين جسمج كاااامل وحتى المنطقة الحساسة من برا هااا ديروا بالكم مو تحطون داخل وعقب لبسي بجامه قطن افضل شي ,,

ولما تقعدين الصبح غسلي جسمج بصابونة فير اند وايت واااايد حلوه او اي صابونة انتي مرتاحه عليها

ومو الحين تقولولي سويلنا الخلطة وبيعيها ترى المكونات سهله ومتوفره عندنا بكل مكان يعني لا تتكيسلون وصيروا خووش بنات

والي تجربها وتنفعها ماأبي الا تدعيلي دعوه من قلبها وتحط تجربتها للبنات عشان يتشجعون يسوونها :eh_s(7):

 

[s7r 3yonk]

12- ++ سنــفرة للجـــــسم روعة اهي نعومة اهي بياض تينن بنات ومن اول استعمال++ miss angel


بنااات هالمقشر روعه والله من اول استعمال راح تلقين جسمج يلق لق من البياض والنعومة :sfg:

طبعا المقادير على حسب الكمية الي بتسوينها

جربوها ترى ماراح تندمون:eh_s(22):

الصور منقوله من النت

يلا نبلش بالمكونات

( سكر اسمر )

(زيت زيتون)

(كريم كاب)

(عيش مطحون)

(ترمس مطحون)

(بيكربونات الصوديوم)

وبس وانا كانت طريقتي ::

اول شي قبل لا اتسبح دهنت جسمي كله (بزيت الجلسرين خلطته مع زيت اللوز المر)

طريقة ثانيه وانشالله راح اسويها : قبل لا اسنفر جسمي راح احط ماسك ( الهردة ) على كل جسمي وعقب اتسنفر فيها


وبس


ملاحظة : تقدرون تستخدمونها حق الويه بعد ترى تينن :rerrerek:


اذا سويتوها واستفدتوا مابي غير الدعـــاء منكم يا بنات فديتكم ;***

:eh_s(21): حياكم :eh_s(17)::eh_s(17):

 

[s7r 3yonk]

12-خلطــــة بيااااض ونعومة وفوق كل هذا تحسين نفسج فريش على طوووول

قوووووة بنات شلونكم:eh_s(21):

بنات هالخلطة عجيييييبه تينن وترى الخلطة انا مسويتها من نفسي وكل يوووم احطها بعد الشور على كل جسمي وخاصة الاماكن الحساسة لانه اهيا مثل اللوشن وعقبها شوووفوووا البياض والنعومة :rerrerek:

مكونات الخلطة:dfgl:

سودو كريم (حق الالتهابات والحساسية ومع الاستمرار يبيض)

زيت زيتون (يخفف نمو الشعر + نعومة)

ماي ورد طبعا الكل عارف فايدته

زيت اللوز المر(نعومة ويصفي البشرة + يجدد خلايا البشرة)


كريم اسكينول (تبييض)


كريم ولوشن جليسوليد (ترطيب + يصفي البشرة ويوحد اللون)


بودرة فيم فريش (تقدروون تحطون بودرة جونسون عادي )


بنات تقدرون بعد تحطون عالخلطة ليمون بس انا ما حطيت لان بشرتي حساسة بس الي يقدرون يحطون الليمون على جسمهم يحطونه مع الخلطة

وهاذي الخلطة طبعا بعد ما قضيييت عليها ومن عقب ما جربتها وشفت النتايج الحلوه حطيتها لكم والحين قاعده اسويلي وحده ثانيه



وبالعافية عليكم:aha:

وترى الموضوووع من مجهووودي ومو منقووول

جربوووها وادعوولي

 

[s7r 3yonk]

خـــــلآص خلصت الان من يبغى يرد يرد ترى الرد ببلاش مجآآن

الموضوع من تجميعي

اختكم

s7r 3yonk

منتديآآت كويتيات

 

[s7r 3yonk]

Thank u

كل الشكر لكي ولهذا المرور الجميل

الله يعطيك العافية يارب

خالص مودتي لكي

 

[ع ـهود]

مشكووره

 

[تبيني آرضى عليك]

يعطيج العااااااااااااافيه

 

[النويره]

تسلم ايدج من كل شر ما قصرتي الله يكثر من امثالج