من وين احصل بارتنر لوف

[راح حبيبي]

بنات سمعت وايد عن كريم بارتنر لووف والكل يمدحه مدح مو طبيعي انا جربت كريم روك للسلوليت بصراحه عجبني بس بطيء نتايجه يعني من ثاني علبه يالله بين معاي ...


من وين احصل كريم بارتنر لوف وله اضرار ولا لأ


يا ليت تفيدوني بنات ​

 

[mn.mn]

أنا بعد قريت عن وحدة وايد تمدحه

عندهم وكيل بالامارات والزلفي

كتبي بقوقل بارتنر لوف بالإنجليزي ويطلع لج موقعهم

أنا راسلتهم وسألتهم فيه توصيل بالكويت قالولي إيه

بس مادري شلون طريقتهم جربي معاهم وإذا نجحت المحاولة عفية راسليني عالخاص أنا أبي واحد

 

[Miss LiLi]

انا شريته من أحمد المغربي (محلات الفلبن اللي جبال الصالحيه) و جربته امبي اتحسين جنج قاعده على دفايه من كثر ما يحرق و مره وحده قالت لازم تحطينه و تسوين رياضه اتهقون عادي احطه و اقعد بالسونا ؟

 

[Om ToOoTa]

بعد نبى توضيح اكثر

وانا بسالج عنه

انشاءالله تلقينه والقاه

 

[راح حبيبي]

والله يا ليت ما اعتقد ينفع مع السونااا بروحه يحرق


بس بسأل ينفع مع المشد الاندونيسي ولا لا

 

[أم سلمان]

حبيبتي روحي جمعية الخالدية تحت عند الحواج ب6 ونص وماكاسرته.إذا كاسرتيه بيعطيج أرخص.

 

[mn.mn]

أم سلمان شاريته توه ولا من زمان

أستعملتيه وفاد معاج ؟

 

[دمووع الذهب]

مرحبا يالغاليات
بالنسبة لكريم بارتنر لاف الصيف كله ادوره ادوارة واذا لقيته لقيته بسعر غالي يعني بـ 13 وبــ7 دنانير وبالأخير لقيته في حواج موجود بالفحيحيل عند مكتبة الواضح اللي قبال مجمع الدبوس وبــ 3ونص يبيعه المهم اشترت لي حماتي واحد وجريته يمكن خمس مرات وكانت حرارته بسيطة على جسمي ما أدري ليش مع اني مو من اصحاب الوزن الكبيرة ،، ولا تقول لي حماتي انه يبيله استمرارية ورياضة عشان يبدأ مفعوله
والله يوفقك يا اختي ويرجع حبيبك بسلامة

 

[AFRoDiT]

شوقتوني .. شنو هذا المستحضر؟؟

انا مره جربت واحد لونه برتقالي ناسيه اسمه
بس اينننننننننن خطيييييييييير
رجعت دورته مالقيته والمصيبه ناسيه اسمه

 

[لورا الغرام]

والله انا شايفته بحواي جمعية القرين جمعيه 3 وسعره 6

 

[أسولة]

حبيبتي تلقينة في الفحيحيل بسوق الشاهبندر 3 دنانير ونص تقريبا مو أكثر

 

[mn.mn]

وين صاير الشهبندر بالضبط

 

[راح حبيبي]

بنااات نبي توضيح اكثر الله يعطيكم العافيه ينفع مع المشد الاندونيسي ولا ولأ

 

[janirek]

اسفة على التدخل أختي بس من كم يوم شفت أوبرا مقابلة طبيب وقال لها بالحرف الواحد انه لا يوجد أي كريم في العالم كله يروح السيلولايت, ممكن مساجات خاصة أوتغير النظام الغذائي والرياضة والأجهزة الخاصة بالسيلوليت أما كريمات فلا يوجد واسفة اذا أزعجتك

 

[Dloool_q8]

بفاشن مل السالميه

 

[راح حبيبي]

ادري رفعت الموضوع واهوه شوي قديم وكل عام وانتوا بخير


بس محد رد علي هالكريم ينفع مع المشد الاندونيسي

 

[أم كشة]

سوالي حروق من الدرجة الثانية
وعالجت والدكتور عباله اني كاته ماي حار على بطني
نصيحة حطو على منطقة عنونة قبل لا تدهنون كروشكم او خصوركم او اي منطقة

 

[MYloVE]

عند أحمد المغربي بسوق الفلبن ب دينارين ونص ، تحياتي للجميع:eh_s(21):

 

[JaDeL]

الصراحة يخوف هالكريم مدام يحرق :/

 

[هاى كلاس 44]

حبايبي آنا شريته عجيب حده تلقونه بسوق الفلبن بشرق شفتو الصالحيه روحو سيده عند زهور الجره ويمه خياط الملابس نسائي جباله دشه يمين دشت المسجد يلف فيج الشارع تلقون محل كبير أسمه ( أولادنا ) معروف دشو بالعماره مالته المسافط
وروحو الدور الثاني تلقون محلات الفلبن وكريماتهم يمكن 5 محلات لفوهم كلهم تلقون أنواع وايد فيه البارد والحار بس بصراحه آنا مثل هالكريم ماجربت علبته مربعه حمرا ( partner love) وسعره 3ونص آنا قصيت على خدامتنا خليتها تمسجني كل يوم طبعا علمتها الطريقه لأني جربت وايد مساجات بكل الأماكن وعرفت الطريقه خدامتها ماشاءالله عليها إيدها مرزبه تدهن بطني وفخوذي وتفركهم شوي بس ماخليها تعورني وعقب ألبس المشد الأندنوسي على بطني والبس شورت قطن أدفي نفسي وشوفي النتيجه وإدعيلي بس نصيحه بنات الكريم حار يعني جربي أول يوم لا تحطين وايد وإذا خفيفه حرارته كثري اليوم اللي عقبه وهكذا بس لا تنامين بالكريم لأني مره نسيت وماسبحت ونمت فيه بليل صار حار حيل شبت ريولي علي لأنج كثر ماتتدفين يحتر زيادة فلا تنامون فيه قعدي جم ساعه فيه وبعدين إخذي شور وشغلو الخدم عندكم وعطيها 10 دك أحسن من بره 150 دك وطمنوني أبي النتايج .