من تجربتج افضل مدرسه خاصة بالكويت حاليا

[نونا**]

السلام عليكم ورحمة الله وبركاته

لان ولدي السنه اليايه راح يكون باولى روضه فمحتاره باي مدرسه ادخله

سويت بحث بالمنتدى وباكثر من منتدى 90% التجارب من 2009 واقدم

ولان المدارس تتغير وتتغير اداراتها نبي تجاربكم الحديثه

شنو احس مدرسه ورسومها وباي منطقه

بليز امهات نبي تفاعلكم لانكم راح اتفيدونا وايد ولكم دعوه الله يوفقكم ويوفق عيالكم :eh_s(7):

 

[AUM-]

التكامل / أتوقع بنسجلها باسمنا من كثر ما انه عيالنا كلهم فيها

صراحه ، عن تجربة أقترح عليج هالمدرسة و الروضة ( التكامل )

يمكن السلبية الوحيدة الي ما حبيتها انه الفصول تظل مختلطة ليما خامس ابتدائي

بس كـ اهتمام و انتباه على الطلبة و مستواهم الدراسي و غيره من هالأمور ، اهيه توب 1

و غير جذي تعاملهم وايد زين و الطلبة الي ما يمشون يفصلونهم ( سواء كانوا ما يهتمون بدراستهم ، أو من ناحية التصرفات )

يعني تضمنين عيالج مع منو يقعدون

موفقه حبيبتي

 

[نونا**]

يعطيج العافيه عالاضافه فعلا التكامل سمعت مدح عليها موطبيعي بس جنه سكر التسجيل للسنه اليايه والا كان خاطري فيه

في مدرسة في منطقة سلوى لبسهم ولون الباص كحلي باصفر هم عليها مدح بس مو عارفه اسمها ياليت اللي تعرفها تفيدنا بالاسم

 

[miss_uk]

انا جربت ال bsk سلوئ وايد مرتاحين الحمدالله

 

[حدوتة مصرية]

أنا عيالى فى مدرسة أجيال ثنائية اللغة فى الرقعى واعتقد انها مدرسة كويسة جدا وخصوصا بعد التغيرات اللى حصلت فى الادارة السنة دى

 

[نونا**]

مشكورين بنات حدوته زين عرضتي تجربتج لان المدرسه قريت جم رد انها اختربت بس مشاركتج حديثه مشكوره


اب اب



نبي تفاعل

 

[مارون جلاسيه]

المدرسه الي لبسهم اصفر بكحلي اسمها play grop
وايد ممتازه انا مدخله عيالي فيها ماشالله طلعوا متأسسين عدل

 

[للحين ناطره]

اجيال الرقعي
المنهج قوي والمدرسه قويه
لكن يعتمد عالمدرس
يعني حظ
خصوصا والاداره قاعده أتوفر فلوس على حساب مدرسين أجانب متخصصين
والله أنا قاعده أحاول اطلع ولدي منها
مابي اصبر ويصير فيني مثل الكثير من الأمهات وصلوا لي خامس وتوهقوا

 

[نسيانك صعب]

انا بعد ابي انقل بنتي من الحكومه للخاص السبب الاول الي خلاني افكر انقلها انه معاها سكر واداره مدرستها مو مهتمه حييل ابي مدرسه خاصه ادارتها قويه وتهتم باالطلبه الي عندها حالات مرضيه معينه وبعد يكون طاقم تدريسها زيين خبرتكم بنات فيدوناااا

 

[Om eLkakawiya]

اللي لبسهم اصفر وكحلي
انقلش بلاي قروب
انا مدخله بنتي فيها من الحضانه والحين ثانيه روضه
ابعبدالله مبارك

اتعب واقولج ممتااااازه من الحضانه يعلمونه مسكت القلم
الستاف حافظين اسامي الاطفال اللي من الحضانه وغيرهم

يهتمون بالاطفال اكثر من الام واي غلطه مايقصدونها ويطيبون خاطرج ويتعاملون مع الاطفال باهتمام لي درجه اليهال ما يبون يردون البيت

طبعا هذي اللي بعبدالله مبارك

بس متحسفه عليها يقولون بالابتدائي مو قويه من جذي قاعد ادور الحين مكان ثاني
طبعا انا كان همي الاول والاخير انه ادخل بنتي من الحضانه لي ثانيه روضه يكون فيها اهتمام قوي جدا اكثر من الدراسه والحمدلله لقيت اللي ابي
بنتي مرت بحاله نفسيه عشان رفيجتها طلعت من الروضه وفقدتها..ساعدوني التيجرز و المسؤولات هناك عشان يغيرون نفسيتها و يخلونها مع صديقات تحبهم مثل القبليه وتغيرت يعني هذا موقف من المواقف بس
طبعا وايد ناس يقولون غاليه

 

[Om eLkakawiya]

امهات انا بعد ابي
والله محتاره
شسالفتهم الابتدائي كله اختلاط
حسافه المدرسه زينه بس اختلاط

وهالعمر يفهمون وخاصه جيلهم بعد
وين نلحق ع التربيه جذي

الله يسهل

 

[حدوتة مصرية]

كنت كتبت تعليق عن مدرسة أجيال بالرقعى وقلت انها تعتبر من المدارس الكويسة
لكنى اكتشفت انها تعتمد على المدرس بشكل كامل
يعنى لو مدرس الفصل كويس تبقى المدرسة ممتازة لأن منهجهم وكتبهم ممتازين وينقصهم المدرس الممتاز
لكن لو مدرس الفصل ما بيراعى ربنا وبيهمل الأولاد يبقى عليه العوض
وكمان اكتشفت حاجة عرفتها لأول مرة من اسبوعين بس
وهى ان الأولاد ملا فى جريد 1 المفروض ياخدوا كورس معين عشان يكونوا مستعدين لجريد 2
لكنهم بيكتفوا تقريبا بنصف او ثلثين الكورس ده فى جريد 1 وبعدين فى جريد 2 يبدأوا فى كورس جريد 2 عادى
وكده الطلبة بيكونوا غير مستعدين للسنة الجديدة وبيكون الكورس الجديد صعب عليهم فمستواهم ينزل وكل سنة بتحصل نفس المشكلة وكل سنة بتكون أصعب على الطلبة
هما قالوا فى المدرسة انهم بيغيروا المدرسين اللى مش كويسين وهيجيبوا مدرسين أحسن بكتير وان فى تغييرات كتير هتحصل السنة الجاية لكن انا قلت للأمانة أعرفكم اللى انا عرفته عشان ما تكونش مشاركتى السابقة سبب فى ان ام تدخل ولادها للمدرسة وبعدين تحصل معاهم اى مشكلة

 

[ام اغلى الناس]

حتى انا الف عالمدارس
اجيال مو راضيه تقبل ولدي لانه اقل من اربع سنوات
يدش مبجر
مدرسه البكالوريا الامريكيه بخيطان روعه والكل يمدحها بس اسعارها نار وصعبه حيل
اخر شي يمكن استقر على الرواد بالفروانيه
الباكستانيه مايقبلون الا اخوان الطلاب اللي عندهم

 

[ام اغلى الناس]

بناااات
نبي مدارس خاصه بالفروانيه
الكنديه بخيطان رفيجتي ماتمدحها

 

[ليلى رمضان]

لحد الان افضل المدارس البريطانيه اللي اعرفهم )الانجليزيه الحديثة ،الكويت الانجليزيه ،البريطانيه )
الامريكية (البيان ، الابداع بنات فقط ، الامريكيه العالميه قبال القادسيه،الامريكيه الدوليه )
هذا اللي حاضرني

 

[ليلى رمضان]

المدرسه الامريكيه بخيطان مالت الخرافي ما يمدحونها كلش وغاليه مادري على شنو

 

[om mido]

افضل المدارس اهي المدارس القديمه
الامريكيه الدوليه ... هذي عيالي فيها
الامريكيه العالميه

 

[ليلى رمضان]

اختي ام ميدو الله يوفقك عيالج يسهل عليهم

 

[ليلى رمضان]

شكله ولدي بيقبلونه بالامريكية الدوليه AIS لانه اليوم اختبروه وقالت المس well done

والاسبوع الياي راح يكون عنده تست بالبريطانيه اللي بسلوى BSK
اكتشفت اثنينهم نفس الغلاء ويعه انشالله ليييييييش اولى ابتدائي صار فووق ٣٠٠٠

 

[الزين 12]

بنات في أحد جرب أكاديمية الخليج البريطانية بشارع عمان؟