.... [ من تجرأ من قطف هالياسمين ] ....

[cute princess]

كيووووووووووووووووووت في بارت اليوم:$

لووول اي حياتي انشالله
بس مو الحين توني راده البيت خل اخلص من جم شغله وابدي اكتب انشالله

 

[Zozαĺiиaђ]

Chan Tan6er ! ~ Wainich ?

 

[cute princess]

chan tan6er ! ~ wainich ?

كا الحين ببدي اكتب :\\\ يعني ساعه ساعتين تلقينه :\

 

[فيلجـ كول ـاويه]

كتكات قصدي كتكوت يوووه شفيني؟؟؟اي كيوت ناطرتج على ناااااااااااااااار حبيبتي

 

[Danya =)]

لوووووووووووووووووووووووووول
دانيا ضحكتيني لوووووووووووووووووووووووووول
حلوه رواية المساكيين لووول​

لوووووووووووووووووووووول

قلبي رهييف :krkrkr:

 

[UNiQe^PRiNceSs]

:botetoo::botetoo:

:botetoo::botetoo:

 

[cute princess]

البارت السادس



بدر : فيج شي ؟
ياسمين : لا ليش ؟
بدر : مادري جنج متضايقه
ياسمين : يتراوالك .. بروح انوم خلود
بدر : نوميه اهني
ياسمين : لا الليت مبطل ماراح ينام ...
طلعت وخلته...

راحت ياسمين نومت خلود وردت الغرفه لقت بدر منسدح عالفراش يبي ينام... طالعته وماقالت شي ....
بدلت هدومها .. لبست شورت وردي قصير وتوب ناعم ... انسدحت عالفراش وعطت بدر ظهرها...
تذكرت عمر ... صوته .. كلامه ... حست بخوف من بدر ... خافت انه يدري ... خافت لا يحس ... التفتت عليه وقربت منه.. ومسكت ايده !!
بدر : اشفيج ؟
ياسمين : ولا شي
بدر : تعالي...
قرب شوي .. لمها ونامو .....

مر اسبوع وكانت ياسمين قد ما تقدر تتحاشى المكان الي يقعد فيه بدر عشان ما يبين عليها شي ... بس ماكانت تدري عن عمر ولا تسال ساره عنه ....



بليل ....

ياسمين كانت قاعده بالصاله وماسكه خلود .... دش بدر البيت
بدر : قومي قومي قومي
ياسمين : اقوم وين ؟
بدر : قومي بسرعه خلصيني !!!
ياسمين : اشفيك ؟! شنو ؟!
بدر : قومي بره يلا !
ياسمين : بره وين ؟ شتقول انته
بدر : قومي لبسي بنطلع ثلاثتنا يلا
ياسمين : وين ؟
بدر : نتمشى ونتعشى بره
ياسمين : يلا الحين اقوم البس واقول حق الخدامه بعد
بدر : تقولين حق الخدامه ليش ؟
ياسمين : خدامة خلود.. عشان تمسكه شوي
بدر : لا لا ... بس ثلاثتنا نطلع... يلا بسرعه
ياسمين : اوكي مسكه عيل شوي على ما البس ...
راحت ياسمين لبست وحطت كحل خفيف ومسكرا وقلوس وعدلت شعرها شوي .. خذت خلود من بدر لبسته وطلعو ...
راحو تمشو شوي وتسوقو....
بدر : يلا وين تبينا نتعشى
ياسمين : لا بدر خل نرد البيت ... خلود شكله بينام وبعدين بياذيني وانا اتعشى
بدر : ناخذ تيك اوي ؟؟
ياسمين : امممم شرايك نرد البيت وانوم خلود وانا اسويلك عشى ونقعد مع بعض ونسهر
بدر : ليش ما ناخذ من مطعم ونرد تنومين خلود ونسهر مع بعض ... مصممه تدشين المطبخ يعني ؟
ياسمين : حاط مطعم ابالك وتبي تاكل منه صح ؟
بدر : تقدرين تقولين جذي
ياسمين : هههه يلا على راحتك



وظلت ياسمين طول الطريج ساكته وبدر يحاول يسولف واهيه ترد على قد كلامه.....
راحو خذولهم من المطعم ووصلو البيت... ياسمين عطت خلود حق خدامته وراحت قعدت مع بدر تتعشى....
بدر : ياسمين ما رحتي بيت اهلج هالاسبوع
ياسمين : مالي خلق بعدين اروح
بدر : متهاوشه معاهم انتي ولا شنو ؟
ياسمين : لا ليش ؟
بدر : مادري الاسبوع الي طاف راده مالج خلق وهالاسبوع ما قلتي بروح
ياسمين : مادري راح عن بالي... باجر اروح
بدر : لا باجر لا .... امي عازمتنا
ياسمين : اممم اوكي
بدر : اذا ماتبين اقول حق امي تاجلها يوم ثاني عادي
ياسمين : لا لا عادي اروح...
خلصو عشا وسهرو مع بعض وكانت ياسمين تحاول انها تقرب منه اكثر من قبل عشان ما تبينله انه فيها شي او انه بالها مو معاها ... وبدر كان وايد مستانس منها ذاك اليوم لانه حس انها صج كانت تحاول تقرب منه اكثر ...



ثاني يوم ( عند اهل بدر )

اول ما دشو البيت ...
ام بدر : هلاااا والله اهلين ... نور البيت
ياسمين : بوجودج خالتي ( باست راسها )
بدر ( بايده خلود ) : شلونج يما ؟
ام بدر : هلا حبيبي... ييبو حبيبي ييبوووو ( خذته من بدر )
بدر : يما شدعوه لميتيه وبستيه قبلي
ام بدر : اي هذا الغالي بس راحت عليك انته الحين !!
دشو داخل وسلمت ياسمين على خواته وابوه ..
راحو تغدو وخلصو وقعدو يسولفون...
ياسمين لاحظت خالتها لابسه سوار وايد حلو وناعم
ياسمين : خالتي ماشالله سوارج وايد حلو يهبل
ام بدر : ويي عندي من زمان من جم سنه ولا لبسته ولا مره
ياسمين : لا ماشالله وايد حلو عليج بالعافيه
قامت ام بدر فصخته وعطته ياسمين
ام بدر : هاج ما يغلى عليج
ياسمين : لا لا خالتي مو قصدي والله
ام بدر : ميخالف اخذيه ... انتي مرت الغالي وام الغالي بعد
بدر : يعني يما مايصير مرت الغالي وبس ؟؟؟ لازم ام الغالي ؟
ام بدر : اي لازم... خلود يعيش مثل الملك اهني
بدر : صبري عليي ان ما تبريت منه ! ماشي ماشي




خلصو سوالف وطاف الوقت بسرعه وصار الليل وردو البيت .....



ثاني يوم ياسمين دقت على بدر واهوه بالدوام وقالتله انها بتتغدا ابيت اهلها وقالت حق الخدامه تسويله غداه ...
راحت ياسمين تغدت وعقب ما خلصو خلت خلود نايم عند امها وراحت قعدت مع ساره ...
ساره : ترا ليلحين يدق يسال
ياسمين : بس عفيه ساره الله يخليج لا تقوليلي ... قاعده احاول انسى واتعدل مع بدر... مابي شي يخرب بيتي الحين عندي ولد حرام ينظلم بينا
ساره : وين هالحجي قبل ؟
ياسمين : مادري... لما كلمته حسيت اني بخسر بدر واهوه ما يستاهل اسوي فيه جذي وماراح القى مثله... صج ليلحين احب عمر بس مابي اظلم بدر ولا اظلم ولدي
ساره : الله يهديج



بعد 6 شهور ...
بدر وياسمين العصر قاعدين بالغرفه .....
بدر : ياسمين انتي ليلحين تاخذين حبوب ؟
ياسمين : اي ..
بدر : مو ناويه تقطينهم ؟
ياسمين : لا ليش ؟ ترا خلود بعده صغير
بدر : وين بعده صغير عمره 8 اشهر... على ما تحملين وتييبين ياهل بيكون عمره سنه ونص تقريبا يعني مو صغير !
ياسمين : بدر ليش مستعيل عاليهال ؟ تو الناس خل بدور يكمل سنه ويصير خير
بدر : ترا مو من اول ما تقطين الحبوب راح تحملين !
ياسمين : انت شدراك ؟ يمكن من اقطهم راح احمل .. وانا ما عندي استعداد الوي مع اثنين ! خلود كافي الحين
بدر : شضارج فيه خلود ؟ كاهي خدامته عنده ! يعني لما تييبين ياهل الخدامه تجابل خلود شوي اكثر وانتي جابلي الياهل اليديد
ياسمين : لا بدر مابي بعدين افكر بالموضوع
بدر : على راحتج
باس راسها وطلع قعد بالصاله...
ياسمين تضايقت شوي من الموضوع وراحتله الصاله وقعدت يمه...
ياسمين : زعلان ؟
بدر : لا
ياسمين : احلف
بدر : امممم
ياسمين : بدر انته مو حاس فيني ترا مجابل اليهال صعب !
بدر : قلتلج على ما تحملين وتولدين بيكون خلود كبير !
ياسمين : ولو ! هم بيصير لويه وحوسه !
بدر : خلاص قلتلج على راحتج شحقه لاحقتني لي اهني ؟
ياسمين : بدررر
بدر : .....
ياسمين : بدووووورو
بدر ( ابتسم ) : عيونه
ياسمين : لا تزعل
بدر : في احد يزعل على قلبه ؟
ياسمين : يعني مو زعلان ؟
بدر : تقطين الحبوب ؟
ياسمين : هففففف راح تحن ليما تاخذ الي تبيه صح ؟
بدر : اي
ياسمين : خلاص ماشي




بعد شهرين ...
الصبح قبل لا يروح بدر الدوام....
ياسمين : شنو تبي الغدا اليوم ؟
بدر : عادي اي شي من ايدج حلو
ياسمين : هههه من متى انا الي اطبخ ؟
بدر : يعني قاعد اجاملج طوفي
ياسمين : انزين ميخالف وانته راد تمر الصيدليه ؟
بدر : ليش شنو تبين ؟
ياسمين : اختبار حمل ....
التفت عليها بدر وماقال شي بس ابتسم ...
بدر : تبين شي ثاني بعد ؟؟
ياسمين : لا سلامتك
طلع بدر وقعدت ياسمين تحاتي اذا كانت حامل او لا ....
رد بدر البيت وياسمين كانت ناطرته تحت وحاطين الغدا
بدر : السلام
ياسمين : هلا وعليكم السلام ... يلا بدل بسرعه وتعال تغدا ميته يوع
بدر : ماكو غدا قومي
ياسمين : ليش ؟!
بدر : حللي اول شي حامل ولا لا
ياسمين : بدر خلها عقب الغدا
بدر : ماكو ماراح اتغدا الا لما اعرف
ياسمين : افففف منك مادري ليش مستعيل يلا قمت
قامت ياسمين خذت الاختبار من بدر وراحت الحمام ... وبدر قاعد ينطرها بره
طلعت ياسمين عقب جم دقيقه .... طالعت بدر وماتحجت ...
بدر : هاا ؟ شنو طلع ؟
ياسمين : انا حامل ( ابتسمت )
بدر : صج ؟؟ (قام لمها )
ياسمين : اي بس باجر بروح العياده احلل اهناك
بدر : خلاص اخذ اجازه وايي معاج
ياسمين : لا مو لازم... اروح بروحي
بدر : خلاص على راحتج...


يتبع..
​

 

[Zozαĺiиaђ]

Thank Youuuuuuuuuuuuuuuuuuuuu 3ala al part <3<3<3<3
el Part Raw3aaaaa

:s142:

Mn Awal ma Radait Mn el Skol O ana 7a6a 3ala Riwaytich o Kil Shway Asawi Reload

a5eeran Yasmen Gamt Tit3adal Ma3a Badooor 7ada Taw El Nas lool

y3a6eech el 3afyaa ;****

Waitinggg !!! :eh_s(10):
:sfg:

 

[MeeMeeYoo_2]

زيييييييييييييييييييييين ياسمين حست على دمهاااااااااااا


يعطيج العافيه حبيبتيييي

 

[UNiQe^PRiNceSs]

ليش احس راح تعر على بدر ;x

مو مرتاحتلها انا ;x

خل تتعدل وما تسوي شي يأذي بدوري احسلها ;x

شكرا ;x

​

 

[G!RLooNa]

الله يهديها ياسمين انشالله و عمور كاسر خاطري شوي بس خلاص البنت راحت بعد :d

 

[ReRez]

وسعو وسعو انا معصبه من هالبدر

شنو يعني الرياييل عبالهم الحمال كبسة زر ومايتعب وبعدين منو قال ان عمر السنه ونص كبير

هم يبيله مجابل تره

يعني تعابل بحمالها وبولدها بعدين ترد تعابل باللي بطنها اول ماينولد

صج الرياييل مايهمهم الا نفسهم

ادري بتقولين ياسمين راضيه بس كيفها مالي شغل فيهم انا اتكلم عن وجهة نظر الرياييل اللي يبون ورى بعض
عبالهم مكينة تفريخ احنا

خلاص طاف لا تعلقين علي بس طلعت اللي بقلبي وارتحت

وادري التعليق طويل يمكن حاشتني العدوى من شيسمونه

 

[شيخهـ ..~!]

nice part
thnx cuta :**
:tek:

*****

ReRez لا تعصبين على بدر :eh_s(22):
اهوا اسف خلاص ماراح يعيدها :eh_s(22):
ميخالف مسحيها بويهي هالمرة :$ :$
بس هالمرة :$ :$ عشاني :$

 

[^ليلاس^]

تسلمين كيوتة :eh_s(15):

 

[zooz92]

اشووه ياسميين حست على روحها شوي =\

الله يهدييها ..

يعطيييج العااافية على الباااارت كيووت

ناااطرينج ..~

 

[طماطه وبطاطه]

زين تسنعت شوي ياسميييييين

وبدر يهبببببببببببل يهبببببببببببببببل بس تفكيره بسالفه اليهال مليق شنو المره مكينه 24 ساعه يبونها تفرخ:/:/ يعني انطر ما فيك صبر تنطر علاما ولدك يكبر:/:/ والله هالرياييل ينرفزون يحسسوني ان المره قطوه :/ اهما مرتاحين والمره المسكينه تكرف

المهم ثااانكس قلبي على البارت .. ولا تصدقين سالفه الجمله ان سويتيها يا ويلج

 

[so_what]

يسلمووو على البارت

 

[marshmelo0o]

تسلمين على البارت

ناااطرين البارت الياي

 

[almynoona]

القصة روعة حياتي
تسلمين قلبي
ناطرينج

 

[أروسا]

وسعو وسعو انا معصبه من هالبدر

شنو يعني الرياييل عبالهم الحمال كبسة زر ومايتعب وبعدين منو قال ان عمر السنه ونص كبير

هم يبيله مجابل تره

يعني تعابل بحمالها وبولدها بعدين ترد تعابل باللي بطنها اول ماينولد

صج الرياييل مايهمهم الا نفسهم

ادري بتقولين ياسمين راضيه بس كيفها مالي شغل فيهم انا اتكلم عن وجهة نظر الرياييل اللي يبون ورى بعض
عبالهم مكينة تفريخ احنا

خلاص طاف لا تعلقين علي بس طلعت اللي بقلبي وارتحت

وادري التعليق طويل يمكن حاشتني العدوى من شيسمونه

رزرز قلتي اللي بقلبي كـــلــــــــــــــه حسيت قلبج متروسه خخخخخخخخ :eh_s(15):

كت كت يا مااااااااال العافيه حبيبتي مبدعه :sfg: