Bs.ana
New member
- إنضم
- 7 مارس 2008
- المشاركات
- 3,650
- مستوى التفاعل
- 0
- النقاط
- 0
اول شي بنات الحمدالله على سلامتي انا توني راجعه البيت من بعد ماسويت عملية شفط بس حق فخذوي تصوري بس فخوذي وكنت ولازلت بموت من العوار
المهم خل اقولكم سالفتي
انا عقب مافكرت وشفت نسي ضعفت وفخوذي موعاجبيني لاني انشقيت شق بالنادي وماصغروو وكل شي بيرفكت اله فخوذي يبيلها 4 سايسات عشان اصير مثل افخاذ المودلز
المهم قلت احسن من ما امي تقط افلوسها مني ومانك قتلها بسوي شفط وشد حق فخوذي امي وخواتي حاولو يقنعوني
بس ولا جني اسمع كان المهم اني اشيل فخوذي
كابوس كانوا معنن الكل يقول شكله طبيعي اله انا اشفهم واي اخرعون
افتريت على كذا دكتور ونصهم مارتحت لهم قبل الاخير رحت حق الدكتور عصام وسويت تحاليل بس باقي احدد موعد العمليه ماادري ليش مارتحت جان يمدحولي مستشفى العرف وروح وسأل وقعدة مع الدكتور وسويت سيرش عن المستشفى والكل يمدحه والدكتور حده محترم ويقط بالويه طبعاً مارضى اسوي شد قالي ماتحتاجين ونطري لي 6 شهور تبين النتيجه النهائيه للعمليه وبعدين اقولج اذا تحتاجين وله لاء ( طبعاً مستحيل اسويها بعد الشفط)
وسويت التحالي وقررت موعد العمليه 25\4 الي اهوا امس الساعه 8 الصبح
رايحه وانا حدي لا تعليق وخايفه ومو خايفه مو عارفه شعبر المهم لبسوني لبس العمليات والقبعه
وحطولي ادرب او طقوني ابرت حساسيه وانا قلبي يدق ويدق من الخوف
يه الدكتور معاه قلمين احمر وزرق ويرسم خرايط على فخوذي بس بصراحه حدي منحرجه كنت
لانه فشله بس اهوا دكتور وهذي شغلته ( ولي بدش وتقولي حرام وتفتي ترى انا بغنه عن فتوته )
المهم انا اذكر نوموني بالفراش ويسحبوني ودخلوني غرفه فيها دكاتره وايد وسيسترات وبعدها ماادري شصار
...................................................
قعدة على صوت السسترات والدكتور يقوليلي قومي قومي واهما يلبسوني الكورسيه
انا ابجي اقوله دكتور بردانه غطوني وغطوني يقولي هي دي دموع الفرح وله الالم
انا عطيته سكب لانه مو وقته وكل ما ابي ارفع راسي ادوخ نمت ودني الغرفه
وحطوني بسريري وشوي وله بقولهم بروح الحمام :|
جان اقولولي روحي ياله قومي شالوا لدرب ويبوني اروح وانا امشي
انا اهني توهقت حدي حصرانه ولازم اروح فاحاولت اقوم ولا احس الدنيا تلف فيني وطيح
مادري شصار عقبها قعدة يبوني اشرب ماي وعصير
شربت اشوي
وله بعد ساعه يابولي اكل وكليت نتفه لايعه جبدي
والحين المصيبه يبوني امشي واقعد وانا بمشي وله تيلي الدوخه وانا ابجي بطيح بطيح قعدوني ويابولي عصير وكاكاو
عشان السكر هبوط ومو ماكله شي زفاني الدكتور زف لاني مااكل قالي اكلي مو على ساس بتصيرين ضعيف تموتين نفسج
انتي اضعيفه وانا مستغرب انتي اقل وزن ايي يسوي شفط
طبعاً وزني 77 وطولي 170
واليوم طلعت الحمدالله عدت على خير بس صج كجازفه تذبح وماانصح اي احد يسوي عمليه يحلات الرجيم والرياضه
بلا عوار بلابطيخ ولويه وماادري شنو
وعلى فكره سحبو مني 6 لتر وااايد حده بنسبه بس للافخاذ
وكلفني كله بالضبط 1000 دينار
واذا مارديت على استفسارتكم يمكن نمت خو انام ومااحس انا بس برد عليكم انشالله
المهم خل اقولكم سالفتي
انا عقب مافكرت وشفت نسي ضعفت وفخوذي موعاجبيني لاني انشقيت شق بالنادي وماصغروو وكل شي بيرفكت اله فخوذي يبيلها 4 سايسات عشان اصير مثل افخاذ المودلز
المهم قلت احسن من ما امي تقط افلوسها مني ومانك قتلها بسوي شفط وشد حق فخوذي امي وخواتي حاولو يقنعوني
بس ولا جني اسمع كان المهم اني اشيل فخوذي
كابوس كانوا معنن الكل يقول شكله طبيعي اله انا اشفهم واي اخرعون
افتريت على كذا دكتور ونصهم مارتحت لهم قبل الاخير رحت حق الدكتور عصام وسويت تحاليل بس باقي احدد موعد العمليه ماادري ليش مارتحت جان يمدحولي مستشفى العرف وروح وسأل وقعدة مع الدكتور وسويت سيرش عن المستشفى والكل يمدحه والدكتور حده محترم ويقط بالويه طبعاً مارضى اسوي شد قالي ماتحتاجين ونطري لي 6 شهور تبين النتيجه النهائيه للعمليه وبعدين اقولج اذا تحتاجين وله لاء ( طبعاً مستحيل اسويها بعد الشفط)
وسويت التحالي وقررت موعد العمليه 25\4 الي اهوا امس الساعه 8 الصبح
رايحه وانا حدي لا تعليق وخايفه ومو خايفه مو عارفه شعبر المهم لبسوني لبس العمليات والقبعه
وحطولي ادرب او طقوني ابرت حساسيه وانا قلبي يدق ويدق من الخوف
يه الدكتور معاه قلمين احمر وزرق ويرسم خرايط على فخوذي بس بصراحه حدي منحرجه كنت
لانه فشله بس اهوا دكتور وهذي شغلته ( ولي بدش وتقولي حرام وتفتي ترى انا بغنه عن فتوته )المهم انا اذكر نوموني بالفراش ويسحبوني ودخلوني غرفه فيها دكاتره وايد وسيسترات وبعدها ماادري شصار
...................................................
قعدة على صوت السسترات والدكتور يقوليلي قومي قومي واهما يلبسوني الكورسيه
انا ابجي اقوله دكتور بردانه غطوني وغطوني يقولي هي دي دموع الفرح وله الالم
انا عطيته سكب لانه مو وقته وكل ما ابي ارفع راسي ادوخ نمت ودني الغرفه
وحطوني بسريري وشوي وله بقولهم بروح الحمام :|
جان اقولولي روحي ياله قومي شالوا لدرب ويبوني اروح وانا امشي
انا اهني توهقت حدي حصرانه ولازم اروح فاحاولت اقوم ولا احس الدنيا تلف فيني وطيح
مادري شصار عقبها قعدة يبوني اشرب ماي وعصير
شربت اشوي
وله بعد ساعه يابولي اكل وكليت نتفه لايعه جبدي
والحين المصيبه يبوني امشي واقعد وانا بمشي وله تيلي الدوخه وانا ابجي بطيح بطيح قعدوني ويابولي عصير وكاكاو
عشان السكر هبوط ومو ماكله شي زفاني الدكتور زف لاني مااكل قالي اكلي مو على ساس بتصيرين ضعيف تموتين نفسج
انتي اضعيفه وانا مستغرب انتي اقل وزن ايي يسوي شفط
طبعاً وزني 77 وطولي 170
واليوم طلعت الحمدالله عدت على خير بس صج كجازفه تذبح وماانصح اي احد يسوي عمليه يحلات الرجيم والرياضه
بلا عوار بلابطيخ ولويه وماادري شنو
وعلى فكره سحبو مني 6 لتر وااايد حده بنسبه بس للافخاذ
وكلفني كله بالضبط 1000 دينار
واذا مارديت على استفسارتكم يمكن نمت خو انام ومااحس انا بس برد عليكم انشالله
