منو يقدر يفيدني ..

[غالية زمانها]

السسسلام عليكم ..
اشلونكم وشاخباركم يامهاات ؟؟
انا ولدي عمره سنتين و9 شهور تقريبا .. وخاطري اودي حضانه
ابي حضانه زينه .. يعلمونه ايات ارقام احرف .. لان يقولون لي
اذا علمتيه واهو صغير ..احسن يرتكز المعلومه في باله ..
وابي شي قريب يم قرطبه .. ماعندي مشكله اذا بجنوب السره او السره
المهم انها اتكون زينه
الله يخليكم فيدوني لاني توني ام جديده بالنسبه للحضانه
وراح ادعيلكم من كل قلبي ​

 

[غالية زمانها]

اشدعوااا ماحد يقدر يفيدنييي

 

[حروف من ذهب*]

ان شالله البنات يفيدونج

 

[ام كويتية]

حبيبتي عندج حضانة المبدعون بجمعية احياء التراث عنج في قرطبة
و الروضة يمكن فيها 3 حضانات كل وحدة احسن من الثانية و الفيحا فيها حضانة لتيل ..... ما ادري شنو
و النزهة حضانة كدز فور فن اتوقع عن الصافي
و سلامتج

 

[حلم الطفولة]

حضانة إحياء التراث بس أظنهم ياخذون من عمر ثلاث سنوات ..
حضانة مرتقى لإعداد القاده في الروضه << أنصح فيهم بشده
وأظن سمعت إن عالمي الممتع في الروضه عندهم حضانه ...
فيوتشر جينيريشن بحطين بنفسي داشتها وشايفتها وعجبوني وايد ..
حضانة درر بالشاميه تابعه للاستاذه غنيمه السنان >> أنصح فيهم بشده : خبرتهم روعه في الروضه والتعليم لسن ولدج.

 

[غالية زمانها]

حروف من ذهب

تسلمين ياقلبي

 

[غالية زمانها]

حبيبتي عندج حضانة المبدعون بجمعية احياء التراث عنج في قرطبة
و الروضة يمكن فيها 3 حضانات كل وحدة احسن من الثانية و الفيحا فيها حضانة لتيل ..... ما ادري شنو
و النزهة حضانة كدز فور فن اتوقع عن الصافي
و سلامتج

اشرايج بحضانه احياء التراث زينه ؟؟؟
مجربتها ؟؟انا اقرب لي قرطبه .. ماقدر على الفيحا
ولا على الروضه والنزهه .. تسلمين ياقلبي على ردج

 

[غالية زمانها]

حضانة إحياء التراث بس أظنهم ياخذون من عمر ثلاث سنوات ..
حضانة مرتقى لإعداد القاده في الروضه << أنصح فيهم بشده
وأظن سمعت إن عالمي الممتع في الروضه عندهم حضانه ...
فيوتشر جينيريشن بحطين بنفسي داشتها وشايفتها وعجبوني وايد ..
حضانة درر بالشاميه تابعه للاستاذه غنيمه السنان >> أنصح فيهم بشده : خبرتهم روعه في الروضه والتعليم لسن ولدج.

احياء التراث سالت ياخذون حتى من عمر سنه ..
بس مادري عنها اشلونها ؟؟
الروضه بالنسبه لي بعيده ماقدر .. باشوف اللي بحطين ؟؟
عندج رقمهم ؟؟ ياليت اتفيديني فيه
وشنو تنصحيني اللي بقرطبه ولا اللي بحطين ؟؟
تسلمين ياقلبي على ردج

 

[سيدة الكويت]

حضانة فيوتشر جنريشن موزينه كلش

فى حضانه اجنبيه بقرطبه اجنبيه ناسيه اسمها وايد يمدحونها

شوفى حضانة المدارس ..............تسير وايد اقوى من لما تسير حضانه بروحها

 

[غالية زمانها]

سيده الكويت ..

اشلون مو زينه حضانه فويشتر جرنيشن ؟؟ من اي ناحيه تقصدين ؟؟
حاولي تذكرينها اللي بقرطبه عفيه وانا ناطرررتج

 

[سيدة الكويت]

اقصد بس يكودون اليهال وخلاص تعليم ماكو وكلها بدون

انصحج ...تشوفين حضانات المدارس الخاصه تسير وايد اقوى وتمشى على نظام ومنهج معين

والله ما اعرفها الى بقرطبه بس اذكر وحده قالت عنها انا ولدها استفاد بس ما اذكر

 

[غالية زمانها]

سيدة الكويت

ياليت لو اتعرفين اسمها اتعلميني ..
تدرين انا ام يديده وماعندي فكره وخليفه بالهشي ..

 

[برعم الخوخ]

رد : منو يقدر يفيدني ..

حضانة احياء التراث الي بقرطبة فوق الوصف
من ناحية التعليم عجييييبة ولدي ماشالله عمره سنتين حافظ سور قصيرة
و يعرف الأحرف بالعربي و الانجليزي وحافظ اناشيد

أنا دخلته من يوم كان عمره سنة ماكان قاط البامبرز
و الفضل لله سبحانه ثم لهم بقطعة ولدي من البامبرز

و رحلات على طول

وكل شهر يدرون لج اعمال ولدج ورسماته والمنهج مال الشهر الياي

وأمنين لذا وده لعبه يحطونها معاه
واذا غاب يوم ويبتي مرضية يردونلج اليوم
وصج تستأهل امتياز مع مرتبة الشرف
و طبعا يعرف الاذكار