منو شافت زوارة الخميس امس واخزياه

[^ليلاس^]

رد : منو شافت زوارة الخميس امس واخزياه

بعد جم سنة بتصير المسلسلات الكويتيه نفس العربيه يحطون رقاصات

 

[:: Diva ::]

كنت اشوفها مع حمولتي لوووووووووووووووووووول
عاد من الفشله ضحكت خخخخ
اشوا ريلي مو موجود و لا جان زفني لوووول
على المسلسل جني انا الي كاتبته

 

[ام جويسم]

سعاد عبدالله بعد ماكبرت دبرت


لو انها تقاعدت من الفن قبل تقدم هالمسلسلات الهابطه اشرفلها


ومسويه روحها ملاك بالمسلسل وادوارها متكرره بس ماقول الا عبدالحسين هو اللي خدعنا فيها والا احنا كنا معطينها اكبر من حجمها


هالمسلسل حته فيفي عبدو ماسوت نفسه


هذا كوم وهدى حسين كوم ثاني


الحمدلله والشكر


مسلسلات هالسنه فااااااااااااااشله لو حاطين بداله محاضرات دينيه افيـــد لنا

 

[عبير الاميري]

رد : منو شافت زوارة الخميس امس واخزياه

امبيه الحمد لله اني ماشفته والله وقاحة شنو هذا والله شوهو المجتمع االكويتي

 

[معشوقته]

رد : منو شافت زوارة الخميس امس واخزياه

اي والله يفشل
حتى غيرت القناة بسرعه لا اللي عندي يلاحظون

 

[Tulips]

لووول بنات عاد انا مافهمتها توني ادري منكم

 

[قطوة@@]

رد : منو شافت زوارة الخميس امس واخزياه

امبيه شفتها انحرجت حييل خخخخخ بعد جم سنه عاادي البوووس بين الزوج و زوجه خخخخ بحجه التمثيل

 

[غلاتي ♥ الكويت]

رد : منو شافت زوارة الخميس امس واخزياه

انا ما اتابع ولا شي ولا احب اتابع ولا ادري شسالفة لووووووول و التلفزيون بكبره ما احب اشوفه ,,,

 

[nono93]

ا ي صح المسلسل جري

 

[Tulips]

سعاد عبدالله بعد ماكبرت دبرت


لو انها تقاعدت من الفن قبل تقدم هالمسلسلات الهابطه اشرفلها


ومسويه روحها ملاك بالمسلسل وادوارها متكرره بس ماقول الا عبدالحسين هو اللي خدعنا فيها والا احنا كنا معطينها اكبر من حجمها


هالمسلسل حته فيفي عبدو ماسوت نفسه


هذا كوم وهدى حسين كوم ثاني


الحمدلله والشكر


مسلسلات هالسنه فااااااااااااااشله لو حاطين بداله محاضرات دينيه افيـــد لنا

ما اايدج .

يعني برايج وحده بعمر سعاد عبدالله شنو بيكون دورها ؟ اكيد المره الطيبه اللي تحب الكل .. ماراح يكون لها مساحه تمثل فيها غير دور الام اللي دايما تحاتي على عيالها

اما هدى حسين فمادري عنها مايعجبني تمثيلها وماتبعتلها شي صراحه

 

[كلي أنوثة]

انا الي مضايقني الملافظ الي بالمسلسل خاصة لمن تقول موزة حق فيصل:تف عليك يالنيس
وعز لمن يقول السوار الي حصله من النون حق الصاحبة...و الله انا لو انا مو كويتية و عارفة اهل الكويت جان حسيت انه الكويتيين لسانهم وصخ و الحريم ماعندهم شغلة غير يبوقون الرياييل، انا مع انه يطرحون قضايا جريئة بالمسلسلات مثل لمن يتحرش زوج شاهة بدلال لان هالاشياء موجودة و يبيلها توعية في ناس صج ماتعرف تتصرف..بس ضد السب و الكلام الوصخ.. و انه الصاحبة جنة شي عادي مو قلة ادب..و طبعا اميمة نفس الكلام (مسلسل تعليم الاطفال انواع السب)

 

[تعبتوني]

رد : رد: منو شافت زوارة الخميس امس واخزياه

الكاتبة بامكانها توصيل المعلومه بطريقة

فيه ادب وذوق اكثر

لانه جميع فئات الاعمار تتابعه

يعني ممكن كان تحط لقطه

مشاده بالكلام واعتذار منه لها انه ما قدر يسوي شي

بس ماله داعي

منظر السرير ..والعرق ...والحمام...والبطله متغطية بالكفر جنه صج مفصخه

فوفو

ايه والله صاجه

 

[متفائلة2010]

ولا ولا بحلقة أمس لما شجون تقول لأخوها تعال تعال واركب معاي !!
العن ابو المصخره ماكو شغل يركب معاها !! لا ووراها بعد !

قلبج على قلبي توني كنت بقول هالتعليق

صج صج مسخرة وانا وخواتي قمنا انطالع

بعض من الصدمة

بنات مراااااااااام باطة جبدي حيل حيل

زين تزوج عليها ريلها..​

 

[ms.al7lwa]

رد : منو شافت زوارة الخميس امس واخزياه

لوووووول مودري ماانتبهت عدل ..
بس امي و اختي ويهوم حممرت !!

 

[تعبتوني]

رد : منو شافت زوارة الخميس امس واخزياه

هالمقطع هاذا اي بس ان يشوه صوره المجتمع الكويتي غلطانه اختي

انا موقصدي ان هالمقطع يشوه صورة المجتمع الكويتي انا اقصد قصص اغلب المسلسلا ت الكويتية يطلعون اشياء بايخه ويصورون المجتمع الكويتي انه فري حده وان البنات يتزوجون بدون علم اهلهم

لا ومثل مسلسل عقاب حاطين اخت سعاد عبدالله نسي اسمها مدري شنو حسن انها دكتوره وتحب طالب تدرسه وتطلع وياه وجنها مراهقة

والله عيب تراوالي دكتوره بالجامعة مو بهالصوره وغيرها وغيرها بس ما اتذكر
وشوووكرن

 

[تعبتوني]

رد : رد: منو شافت زوارة الخميس امس واخزياه

ههههه مو بس هاللقطه في جم قطه بعد يفشلون:

بالحلقه الاولى لما تطلع اختبار الحمل من زبايلهم

و لما قالها المنصور عن مرام انها مو حامل قالتله شدراك قالها ولدج كله بالحداق شلون بتحمل المره بالمراسله خخخخخخ

و لما البريجي قال حق ولده اطلع عندي سالفه ويا امك يقوله ولده عادي قولو ماراح اسمع كاااااااك

و لما البلام يقول حق مرته انا متزوج عشان امارس حقوقي معاج ههههههه

و شنو بعد خل اتذكر

اي لما فيصل يقول حق مرته البنات اللي عرفتهم ابيهم بس حق رغبه جسديه و بعضهم ماعرف اساميهم يعني نايم وياهم و مايعرف اساميهم لووووول

و لي تذكرت شي بعد ايي اقوله

امبيه شنو هذا وين قاعدين اشوا اني ماشفتها
انا اصلا مو متابعه المسلسل بس بالصدفه شفته

 

[متفائلة2010]

هلا والله ب متفائلة2010 ،،،:33_1185028183:

افا عليج زوارة خميس بدخل موسوعة غينيس بنتقاداتي لهم _03BA: ،

عيل زواره وكلهم أهل البيت منو اللي زايرهم ؟؟؟؟؟ :080402ask_prv: ههههههههههه :krkrkr:

الحمدلله والشكر بيت وبيت (بروي):gathering:

____________

في جعبتي الكثير :jbdwjbd: الكثير بعد عن أميمه ودار الأيتام أو شاليه الأيتام !!:eh_s(13):

******​

هههههههههههههههههههههههههههههههههه الله يعطيج العافية

يلا ناطرة انتقادج عن اميمة

بس احس اقل نقد من زوارة خميس :eh_s(3):

لاني متابعة هالمسلسل وبشغف هههههههههههههههههههههه حلوة بشغف ​

 

[تعبتوني]

رد : رد: منو شافت زوارة الخميس امس واخزياه

اهي صج اللقطة اتفششل
وكنت اتمنى لو هبة قدمتها لنا بـ طريقة " ارقى " من جذي
بس هم وصلت لنا الرسآلة اللي تبي توصلهآ لنا
ومبين من اول المسلسل انه حق الكبآر مو الصغآر
فـ لا تخلون عيآلكم يطالعونه
واللي مو عاجبهم ترى ماكو اسهل من طقة الريموت

وبعدين شكوو يشوه المجتمع الكويتي
يعني هالشي اللي بين الريال ومرته ما يصير الا بالمجتمع الكويتي
عيل المجتمعات الثآنية شلون يابوا عيال لووول

شوفي ياحبيبتي في الغالب والمتعارف عليه مسلسلات الكبار يكون وقتها متأخر شوي ومسلسلات الصغار دائما بعد الفطور
لما كنا صغار بعد الفطور ركضة عند التي في وحطينا المخدات وتسدحنا وننطرنا الابريق المكسور وطقته ياحلوهم

مسألة مااخلي عيالي يطالعونه شدراني قالوا اجتماعي ويازينه ومدري شنو ليييين انصدمت

ههههههههه تشويه المجتمع الكويتي مو قصدي بهاللقطه اقصد لقطات ثانية

ضحكتيني

 

[شادنٌ]

رد : منو شافت زوارة الخميس امس واخزياه

:eh_s(7):

ياحلوكم بنوتات كلامكم صح 100%

أصلا من بداية المسلسل مبين الجذب الخيالي ، ومشكلتي إني بين المطبخ والصاله أسوي فطوري

وأتابع المسلسل مع خالتي (اللي تمووووت علي مثل موزه بالضبط!)

المهم : غير قلة الأدب والحركات البايخه بالمسلسل في أشياء مبالغ فيها منها :-

عيل في وحده تحب جناينها لهالدرجه وماترضى عليهم؟ جذب!

في وحده تقول لزوجها أخذ أي خاتم بالتجوري وعطه لولدك يهديه لزوجته ؟؟ جذب! شنو أي خاتم هااا ؟؟؟

في تجار عيالهم ساكنين معاهم بنفس البيت (بدون مخارج ثانيه لشققهم؟) جذب!

في جناين يتجمعون مع بعض عالريوق والغدا والعشا؟ جذب! جذب! جذب! (عدا مسلسل نور هههههه)

في اخوان كل واحد منهم عنده قصه ثانيه مع وحده غير زوجته بوقت واحد ؟؟؟ جذب!

في وحده بكرسي كل يوم رازه ويها عند الناس لاوبتدخل الحمام بعد وتعزم بنت عمها لبيت

الناس شدعوه الترفيهيه! ؟ جذب! ليش الصاحيه ماتروحلها !

في ناس هاي هاي يحطون عجوز بربعه بالصاله والبيت يهبل (شنو الركن التراثي!!!) جذب!

في وحده ترد من الصالون وموغاسله شعرها من الحنه وتمر على حموانها تحلطم كأنه شي عادي؟؟؟!!! وااي وااي وااي جذب!

والمطاوعه بروحهم قصه الله يجزيهم خير!! جــــذب! كرهوني بالدينين . آسفه ،،

و.... و.... و.... و.... إلخ .

إن ذكرت شي برد وبنتقد ،،،،

(( عيني قويه كل يوم أتابع اللي ألحق عليه وانتقد بعد ، لاتلوموني مره هههههه))

*************

لوخليت خربت

الدنيا بعدها نظيفه ..ولا تعممين

والمطاوعه .. المدينين اول مرا اشوف مسلسل يطلعهم بصوره زينه مع انهم مايحتاجون يعني الله يزيدهم انشالله ونصير منهم :eh_s(7):

 

[تعبتوني]

رد : منو شافت زوارة الخميس امس واخزياه

لا المشهد أبدًا ماهو عادي ..

واللي تقول اليهال ما يفهموون .. إنزين شنو موقف اللي قاعده مع أمها وأبوها وأخوانها تشووف المسلسل ويحطون هاللقطه !!

أنا كل يووم أشوفه وياهم إلا هالحلقه الحمدلله كنت قاعده بروحي بالدار !! وإلا جان انقص ويهي والله !!

بققت عيوووني وانصدمت !! ما توصل الجرأه لي هالدرجه ! إهيا متلحفه وأهوه يقووم معرق ويقول آسف ! وبعدين يقوم يتسبح !

ما كان ناقص إلا يقول شنو سبب الأسف بعد !!!!


نفس مسلسل الفطين قبل سنتين تقريبًا لما حسين المهدي يتزوج فاطمة الصفي وبليلة العرس يكتشف إنها مو بنت ويعصب عليها ويسألها ...

أذكر كنت أشوووفه ويا أمي وأبووي .. ويوم صار هالمشهد قمت أبولع بريجي وويهي قام يقط ألوان .. جان أتسحب شوي شوي وأروح

غرفتي .. حتى أمي قالتلي لما قمتي أبووج قال صج ما يستحوون شهاللقطه ! حتى البنيه تفشلت وقامت !!

يسلم بؤك