منو تشجعني واشجعها.. نتحدا بعض

[ذهب ابيض]

وانا بعد معاكم

وزني فوق الاميه
وابي انزل 15 او 20 بالبدايه

طبعا لي يومين باديه
وريوقي بيضتين مسلوقات وخس ومرتدلا وكوب حليب

والان اشرب اعشاب
وربي يوفقنا ويتتم علينا

 

[كويتيه احب الكشخه]

اي انا بديت صار لي يومين
اتبع رجيم طالب وانا مشتركه بجروب اسمه منو تتحداني برجيم طالب الشمري ...
وبعد مشتركه معاكم الصراحه ابكم تشجعوني واشجعكم بنقس الوقت

وان شاء الله نضعف ونفتك
ونصير احلى من جم ميريام فارس
لووووووووول

 

[Um Ritaj]

اليوم الاثنين 17/1

الريوق

7 تمرات + حليب نصف الدسم

الغدا

لحم مرق كبر كف ايدي + خضرة مرق + سلطة + عصير برتقال فرش

العصر

قطعه وحده معمول

وبعدها جاي اخضر

العشا

للحين ما تعشيت بس خدامتنا مسويه بيتزا مفكرة اكل قطعه منها او اخذ روب بس

 

[كويتيه احب الكشخه]

اليوم الاثنين 17/1

الريوق

7 تمرات + حليب نصف الدسم

الغدا

لحم مرق كبر كف ايدي + خضرة مرق + سلطة + عصير برتقال فرش

العصر

قطعه وحده معمول

وبعدها جاي اخضر

العشا

للحين ما تعشيت بس خدامتنا مسويه بيتزا مفكرة اكل قطعه منها او اخذ روب بس

عفيه عليج حلو برنامجج
بس لو تاكلين بس روب احسن
ترا البيتزا تسمن

 

[بــ زايد ــنت]

صباااح الخيييييييير
ايه حبيبتي طلعت والحمدلله
انا عن نفسي ابغي اقط 30 كيلوا ان شاءالله
بس بيكون رجيمي تخفيف لين ماربي ان شاءالله
بدخل كل يوم بكتب شو كلت شو سويت من هالقبيل

صباح الخير فديتج
ان شاء الله ياربي تستاهلين السلامه ربي يوفقج
واكيد مع بعض

انا بدخل معاكم

انا وزني 79.9

ولازم اوصل للوزن المثالي 55

وانا اتبع رجيم المطوع

انا صارلي يومين مسويه رجيم وهاليوم الثالث

بقولكم امس الاحد تاريخ 16/1

ريوقي 3 شابوره + حليب نصف الدسم

وجمعت غداي ويا عشاي
2 تشيكن برجر مشوي + سلطة وقبلها شربت ماي

وبعدها بساعه شربت جاي اخضر ليبتون منقوع بزنجبيل ودارسين

وكليت حبة وحده معمول تمر وفنجان واحد قهوة عربيه


متى نوزن يا بنت زايد

هلا ام ريتاج منوره
رجيمج وايد حلوو بس بعد الغداء ماتحسين بيوع والا الغدا تخلينه متاخر؟

خليني اشوف جم بنت مشتركه معانا عشان نحدد يوم الوزن

حبيبتي اني معاج

وزني 75 اريد اوصل لحد 55 لان طولي 158

اني باديه من اسبوع برجيم عذاري

حياج معانا اختي
ننتظر يومياتج ورجيمج ونوع الرياضه

اسفة اذا ردي متآخر عشان الاختبارات المهم شدعوه اني ازعل انا موطويل وايد وان شاءالله ربي يوفقج انتي والبنات وتوصلون اللوزن الي تبونه :eh_s(22):

مشكوره الغاليه

بنات شرايكم نرسل معلوماتنا ووزنا وطولنا وهدفنا لاختنا بنت زايد
علشان تعرف عددنا وتنزل اسماءنا بالترتيب
وتحدد لنا يوم للوزن

هيه والله فديتج ابا اعرف جم بنت تاكد لي عشان نسوي قروب حلو واحدد يوم للوزن.. انا اترياهم وباجر بقول جم بنت ويوم الوزن متى
شخبار نفسيتج والرجيم ماشيه عليه

هلا والله بنت زايد
معذوره ياقلبى
وماتشوف شر خالتج الله يشفيها ويعافيها ويردكم بالسلامه

تسلمين الغاليه الشر مايجييج يارب

 

[بــ زايد ــنت]

وانا بعد معاكم

وزني فوق الاميه
وابي انزل 15 او 20 بالبدايه

طبعا لي يومين باديه
وريوقي بيضتين مسلوقات وخس ومرتدلا وكوب حليب

والان اشرب اعشاب
وربي يوفقنا ويتتم علينا

حياج معانا حبيبتي
اي حبيبتي حتى انا فوق الميه وكبدايه ابي انزل 20 او 15
كتبي لنا يومياتج عشان نعرف نظامج
امين يارب

اي انا بديت صار لي يومين
اتبع رجيم طالب وانا مشتركه بجروب اسمه منو تتحداني برجيم طالب الشمري ...
وبعد مشتركه معاكم الصراحه ابكم تشجعوني واشجعكم بنقس الوقت

وان شاء الله نضعف ونفتك
ونصير احلى من جم ميريام فارس
لووووووووول

حلو .. عادي حبيبتي بس اهم شي هنيه تكونين متواصله وتكتبين لنا يومياتج واذا في رياضه شو نوعها وجم المده
ان شاء الله يارب

اليوم الاثنين 17/1

الريوق

7 تمرات + حليب نصف الدسم

الغدا

لحم مرق كبر كف ايدي + خضرة مرق + سلطة + عصير برتقال فرش

العصر

قطعه وحده معمول

وبعدها جاي اخضر

العشا

للحين ما تعشيت بس خدامتنا مسويه بيتزا مفكرة اكل قطعه منها او اخذ روب بس

هلا ام ريتاج
نظامج مرتب بس مب جنه البيتزا بالليل ثقيله
شرايج تخلينها روب مع قطع اناناس او قطع خيار والبيتزا خليها عالغدا اذا خاطرج فيها عشان بالنهار الحركه تكون اكثر وتقدرين تحرقينها

 

[بــ زايد ــنت]

حبايبي انا بكتب لكم البنات المشتركات ويانا
وبحدد يوم للوزن

دقايق بس

 

[بــ زايد ــنت]

بـــاكـ

الحين بكت اسامي البنات اللي مشتركين واللي ما تكتب يومياتها اكثر من 3 ايام بحذفها من القروب عشان نكون واضحين بنات


أ_يا شايل الظبي
الوزن المراد انقاصه: 15كم
ب_حلوه وجذابه
الوزن المراد انزاله:8 كم
ت_LuxuRy
الوزن المراد انقاصه:15 كم
ث_شيخه الغراشيب
الوزن المراد انقاصه:30 كم
ج_ورووووده
الوزن المراد انقاصه: 10 كيلو
ح_كويتيه احب الكشخه
الوزن المراد انقاصه: 8 كيلو
خ_um ritaj
الوزن المراد انقاصه: 25 كيلو
د_nhnhnhnh
الوزن المراد انقاصه: 20 كم
ذ_ذهب ابيض
الوزن المراد انقاصه: 20كم



الاخت shoOshoOo ما اكدت لي ولا قالت جم مجموع الوزن اللي تبا تنزله


واذا في حد يبا يشتر معانا حياه باجر اخر يوم بستقبل اشتراك البنات عشان اسوي مجموعتين شرايكم بنات؟؟ تراه يهمني

 

[Um Ritaj]

البيتزا عجينتها خفيفه وشغل بيت مافي دهون نفس الجاهزة

 

[الكادي 2011]

اليوم فطرت بيضتين سلق وشاي بدون سكر
والغداء تونه وسلطه

العشاء شابوره وقطعه جبن

 

[ذهب ابيض]

امس احس اني جعت
جان اخربها واطلب بيتزا
تهبل ياحلاتها
وعقبها شاي اخضر بالزنجبيل

ووماتعشيت طبعا

اليوم ريوقي بيضتين وكوب حليب

وعلبها للحبن

 

[كويتيه احب الكشخه]

السلام عليكم
اليوم اول ما قعدت من النوم حدي يوعااانه
بس سويت نفسي ما ادري وطنشت
وقدت اشرب ماي(بطل صغير )
وبعدها ب نص ساعه ترقت شاي اخضر مع 2 حبه بسكوت خاص للرجيم
والحين انا قاعده اتغدى
وغداي عباره عن 2 توست مع قطعه مرتديلا وقطعه جبن قليل السد لان ما لقت خالي الدسم
وحطيت معاها خس وطماط
وبس
وانا مخططه يكون عشاي روب وخيار
هااا ؟؟
اش رايكم يني
ترا امس قاومت وايد بليل كله يوعاانه
وكبرت راسي وخليت ارادتي اقوى

 

[كويتيه احب الكشخه]

بعد شوي بروح اسوي تمارين معده

 

[بــ زايد ــنت]

البيتزا عجينتها خفيفه وشغل بيت مافي دهون نفس الجاهزة

بالعافيه

اليوم فطرت بيضتين سلق وشاي بدون سكر
والغداء تونه وسلطه

العشاء شابوره وقطعه جبن

حلو بس احسه قاسي
شربي شاي اعشاب او عصير برتقال عشان ماتحسين بدوخه

امس احس اني جعت
جان اخربها واطلب بيتزا
تهبل ياحلاتها
وعقبها شاي اخضر بالزنجبيل

ووماتعشيت طبعا

اليوم ريوقي بيضتين وكوب حليب

وعلبها للحبن

ها ذهب تونا باول المشوار لازم شوي تشدين على نفسج
اذا بخاطرج بيتزا كليها بالنهار عشان تحركينها بالحركه وبالليل كلي روب مع اناناس سدي يوعج
الافضل عشان ماتحسين بيوع لا تخلين فترات طويله بين وجبه والثانيه

السلام عليكم
اليوم اول ما قعدت من النوم حدي يوعااانه
بس سويت نفسي ما ادري وطنشت
وقدت اشرب ماي(بطل صغير )
وبعدها ب نص ساعه ترقت شاي اخضر مع 2 حبه بسكوت خاص للرجيم
والحين انا قاعده اتغدى
وغداي عباره عن 2 توست مع قطعه مرتديلا وقطعه جبن قليل السد لان ما لقت خالي الدسم
وحطيت معاها خس وطماط
وبس
وانا مخططه يكون عشاي روب وخيار
هااا ؟؟
اش رايكم يني
ترا امس قاومت وايد بليل كله يوعاانه
وكبرت راسي وخليت ارادتي اقوى

برافو عليج

ما شاء الله عليج خلج مثل ما انتي ربي يحفظج
انتي الحين ماشيه تمام

 

[بــ زايد ــنت]

يومي ليوم الثلاثاء

الصبح ما اكل شي لاني الهي مع خالتي بتمارينها ..

الساعه 12 اشرب كوبين ماي كبار و2 توست وجبن

الساعه 4 شوربه ربيان

وللحين ماكليت شي لاني شبعانه


وباجر او اللي عقبه باخذ شاي اخضر لان خلص من عندي

 

[احساس الغلا]

يصير ادش وياكم ؟
انا اتابعكم من جم يوم بس ماكنت اقدر اشارك

وبديت الدايت من يوم السبت
وماشيه على نظام اتكنز

هاه وياكم ؟ ^_^

 

[بــ زايد ــنت]

احساس الغلا اكيد ويانا بس جم كيلو جرام تبين تنزلين

 

[كويتيه احب الكشخه]

اليوم سويت تماريت المعده
واول شي دهنت بطني بكريم التخسيس
وقب لبست الشورت الحراري وسويت تماريت للمعده
وان شاء الله ينفع
بس عندي سؤال اي يوم راح يكون يوم الميزان
انا بتجمعي الثاني متفقين على يوم 30 يناير لان مو باقي عليه شي
انتو شنو محددين ؟؟

 

[Um Ritaj]

اليوم الثلاثاء 18/1

الريوق
3 شابورة + حليب خالي الدسم

وبعدها نمت وما قمت الا المغرب

وكليت

صدر دجاج مسلوق + خضار مسلوقه + سلطة وعصير برتقال فرش


وبعدها مشيت نص ساعه بالحوش

وصعدت الدرج 10 مرات ((( احس بطة ساق الرجل مشدودة وتعورني واحس عضلات بطني السفلي انشدت من هالتمرين )))

وكليت قطعه وحدة معمول تمر


العشا توني الحين اكله


والحين كليت روب قليل الدسم وتفاحة

انا للاسف نومي ملخبط مخلية وقت الغدا المغرب والعشا الساعه 3 الفجر

اليوم كلش ما شربت اعشاب نسيت

 

[احساس الغلا]

مشكوره بنت زايد
بنزل عشره كيلو بحيل الله
وزني حاليا 75 وابي اوصل 65
وطولي 165



بنات بقولكم عن الشابوره
اللي نظام رجيمها مافيه خبز ترا الشابوره نفس الخبر بس محمص
يعني ماكو فايده


النظام اللي ماشيه عليه انا روووعه والله
واحس اني خفيفه من بديت فيه
صح اشتهي الخبز والعيش والكااكاو بسسس لما اشوف النتيجه اهووون وما اكل من هالشغلات



اللي تحب تمشي ع نظامي " د.حسين دشتي" تقولي وانا احط المراحل لها*