منو انخطبت و هي لا تروح ولا تجي؟-تم تعديل العنوان من قبل الإشراف

[قمر عرب]

مرحبا :eh_s(15):
انا ابغى قصص عن اللي انخطبو وهم
لايطلعون ولا يجون ولا يروحون زواجات
وكيف عرفوكم وانخطبتي
زيادة تفاؤل فقط لا غير

 

[دلوعة أبوهآ]

رد: من انخطبت وهي لاتروح ولا تجي

نآس تدل نآس وتصير الخطبه ويتم النصيب ..
الزواج مو بكثرة الطلعات

مسألة نصيب

 

[دآهيــه بحـلاهآ]

رد: من انخطبت وهي لاتروح ولا تجي

مع بنت ابووها بالضبببط

 

[(حكاية قلب )]

رد: من انخطبت وهي لاتروح ولا تجي

الي الله كاتبة بصير
ومثل كلآم البنوتات الي فوق

​

 

[تتعب لومعي تلعب]

رد: من انخطبت وهي لاتروح ولا تجي

انا بنت تاركه الجامعه من 4اسنين ولا اطلع ولا اروح لاي احد يمكن بشهر مره اروح لبيت جدي وباقي فوقي اختي ماتزوجت بس الحمدلله جاء نصيبنا انا وياها في يوم واحد وهذا الفضل يعود بعد الله الي ابوي الله يطول بعمره من سمعتنا الطيبه والتربيه الي ربانا ياها والله يابنات ان الخطاطيب كل يوم يدقون الباب من سمعتنا الي الكل يحسدنا عليها ولله الحمد (لا تقولون تمدح اهلها ) والله يابنات ان كل الي يعرفونا يضربون فينا المثل وانتي ياختي اصبري لين يجيكي نصيبك لان الناس مايجون للبنت من شكلها من السمعه الطيبه والتربيه وبعدين يسالون ع الشكل فالي ابغا اقولك ان الطلعه مالها دخل بالزواج والله يرزقك بزوج الصالح

 

[قطعة حلا2]

رد: من انخطبت وهي لاتروح ولا تجي

انا جارت جارت جارتنا شافتني مره بمناسبه قبل الف سنه

وطبعا نوعيتي ماحب الروحه كلش الا مناسبه من اهلي غيره

فحضرت زواج اخو رفيقتي وشافتني ومرت جم سنه وتدري رفيجتي اني ماتزوجت لاني دايم اقولها الاولويه للدراسه

كانت ناويه تخطبني لاخوها

قبلها بشهر جارت جارتنا سالت عني وجارتنا كلمت امي وامي قالت لها خليهم يجون وجوا وتمت الامور


بس رفيقتي لمن عرفت قالت رحتي واحنا نبيج

لاجا الخير يجي مره وحده

بس هالمناسبه حضرتها وعمري ١٨ وهالحين عمري ٢٢ شفتي شلون توني اخطر غ البال ههههههه

والله بيجي نصيبج لو باخر الدنيا ربجً كريم

 

[فرس بيضا]

رد: من انخطبت وهي لاتروح ولا تجي

الله يرزقج حبيبتي

ماله علاقه بكثرة الطلعات
الموضوع قسمه ونصييب
مثلاً
بنات جيرانا ٢ تزوجو و هم لا يطلعون مناسبات وكلللش مايحضرون عروس
مايحبون هالاجواء علي قولة امهم
و ماشاءالله تزوجوو

وفي بنات ماتخلي عرس ماترقص فيه ولاجاها نصيبهاا

 

[عادت ذكرياتي]

رد: من انخطبت وهي لاتروح ولا تجي

مثل ما قالوا البنات مو بكثرة الطلعات هذا المكتوب ^-^

 

[اميره^_^بحلآها]

رد: من انخطبت وهي لاتروح ولا تجي

انا مع فرس بيضا ..~

 

[شغلي غير]

رد: من انخطبت وهي لاتروح ولا تجي

رفع

 

[*مطبخ الذواقة*]

رد: من انخطبت وهي لاتروح ولا تجي

لا والله حبيبتي

الطلعات مو هي السبب بزواج البنات

حفلات الاعراس والاستقبال ويعني تجمعات الحريم

ممكن تساعد اما الفراره بالمجمعات


ما أعتقد ان من وراها زوأج



ويبقى الموضوع


قسمه ونصيب



والله يرزق البنات الازواج الصالحين

 

[م بقئ إلآ القليل !]

رد: من انخطبت وهي لاتروح ولا تجي

صادقين البنات الموضوع قسسمه ونصيب

وغير كذا أنا من يوم يومي م احضر عروس غير اهلي المقربين
فقطططططط

وكان يجيني خطاب

وغير بنات المدرسهه جوني كذا واحد من طرفهم ومن طرف الابلاات


لكن قبل عرس اخوي حضرت عرسين عشان الناس تحضر لناا
ويكتب ربشش ان ب هالعرس شافوني اهل خطيبي وتقدموا ثاني يوم



وتدرين وش القهرر انخطبي وخلصي يجوون ناسس من احسن م يكون
وكثر التراب والصدممه لا قالوواا وين خخاششينهاا هذي عنّا

الزبددده الموضوع قسسمه ونصيب


ووالله بنت عمي م بقئ عرس م حضرته وم اسمع لهاا خطاب واجد وانا نادر احضضر وم احضر غير
القرابهه المقربهه ولله الحممد كان يجيني
ششفتي الفرق ☺

 

[بـآربيـآ]

رد: من انخطبت وهي لاتروح ولا تجي

قسسمه ونصيب

 

[طلتي هيبه]

رد: من انخطبت وهي لاتروح ولا تجي

الله مقسم الارزاق سبحانه لا عرس ولا خطابه ولا كلام الناس ينفع

 

[Miss Glamorous]

عادي حبيبتي النصيب ايي بأي مكان
عندي رفيجتي ما كانت تروح عروس ولا مناسبات كلش ما تحب
كانت مسافره اهي واهلها مع قروب وشافوها ناس معاهم بالقروب واخطبووها
يعني النصيب ماله مكان

 

[موكا لاتيه]

ابد ماله شغل

النصيب يصيب لو انتي بديرة ثانيه

 

[راقية بذوقها]

انا قليل اطلع وفيني عين قويه بعد ومع هذا جى نصيبي الزواج ماله دخل بالطلعات المسئله مساله توفيق من الله

 

[منورة 90]

اي و الله الزواج قسمه و نصيب ماله دخل الطلعات و العروس
انا وحده ماحب احضر عروس الا الاهل القريبين بنات الخاله بنات العمه اما ابعد لا
ولا احب الترزز جدام الحريم والله تعالو خطبوني
لكن الحمدلله تمت خطبتي
و ام الولد كانت رفيجة امي ايام ما كانت فالمعهد
و دارت الدنيا و سنين ما شافو بعض
و تطلع جارتها صديقه امي بعد و قالت لها انا سامعه ان فلانه عندها بنت
و دلتها على بيتنا و تمت الخطبة
يعني حتى ما شافتني من الاساس على خبرها في امي ايام المعهد
لكن رب العالمين اهوا اللي يوفق

وعلى طاري الخطاب " ما بقى الا القليل "
انا بعد صادني نفس الموقف
قبل خطوبتي كان اللي يتقدموني على قولتهم العوية و المنكسره
وانا اقول في قلبي شالحظ
يوم انخطبت انهلو الخطاطيب اللي والنعم فيهم
لكن طارت العصفوره
حتى ضحكتني عمتي فديتها
كانت تبيني حق ولدها بس انا قايله لهم مابي من الاهل
خصوصا القراب لان عيالهم بحسبه اخواني ما افكر فيهم اكثر من اخوان
و الحين عيالها مشالله عرسو
و يوم خطبتي تييني عمتي تقولي والله بغيتج حق واحد من عيالي
على ضحك يعني فديتها تينن ما تغيرت علي حتى يوم رديت ولدها
عكس عمتي الثانيه بعد خطبتني حق ولدها ووقتها كنت ادرس و امي قالت لها البنت تدرس
و من يومها مشينه النفس علي :eh_s(2):

جني طولتها و هي قصيره
المغزى اللي الله كاتبه بيصير و لا له علاقة بطلعات و لا روحات و لا عروس

 

[Vous jamais]

المسالة كلها نصيب

و اللي اشوفه الناس تخطب من السمعه أكثر من العروس

يعني يسألون ناس عن بنات حلال و هم يدلونهم

 

[اشلون يعني &]

موضوع حلووو
بنت عمي تزوجت وهي ماتحضر عروس من قرايبنا وبنت عمي الثانيه كل عرس فيه ولا تزوجت
رفيجتي تزوجت وهي ماتطلع