مناقشه عن جم مره بالاسبوع تطلعين للو ناسه والسوق

[مرتبة]

السلام عليكم ورحمه الله
بغيت اناقش جم مره تطلعين من بيتج فيه حريم كل يوم وفيه حريم نادرا
واليت كل وحده تكتب برنامجها اشلون ​

 

[كليـ دلعـ]

اااااااب

 

[مرتبة]

اب
اب
اب

 

[كويتيه شماليه]

على حسب اهم شي الجمعه جمعة اهلي والثلاثاء جمعتنا انا وخواتي اما باقي الايام على حسب الاغلب الخميس اطلع انا واعيالي او السبت
ماعندي جدول معين للتسوق وللوناسه يمكن علشان اعيالي اصغار توهم مايدرسون

 

[حبيبه فايز22]

السوق حسب الحاجه

جمعات هلي يوم الخميس
واحيانا
اروح اي يوم عادي
وكل سبوعين جذي اروح انا وزوجي مطاعم كافيهات
بس مولازم
كل سبوعين عادي حسب الماديه



ومع خواتي زوجي نضامه مايخليني اروح مع احد يعني مايرضا

يعني نتلاقا بيت اهلي

وبث

 

[جذابه بنت ذيابه]

السوق للحاجه فقط


و اطلع الجمعه والسبت لاهلي و الخميس او الاثنين طلعتي انا واعيالي وزوجي و بس

 

[Alias]

مره بالشهر او مرتين اطلع السوق

 

[مرتبة]

ماشاء الله كلكم سنع
عفيه عليكم
ياكرهي للحريم
كل يوم بالسوق. لو تحط لها سليب باق وتنام بالسوق افضل هههههههه

 

[فكرة]

اروح السوق عادة مره بالشهر ..

وطلعاتي انا وزوجي والعيال يوم الاربعاء .. وزيارتي لاهلي يوم الجمعة ..

 

[إم بــــرٍآك]

طلعاتي على حسب حااجات او اذا متملله وطبعا مع زوجي كنت اطلع مع صديقتي نغير جو وطبعا مودايم بس الحين ماطلع وكلن لاهي بناتي اولى

وجمعتنا في بيت اهلي كل خميس واحيان اروح اي يوم من ايام الاسبوع + الخميس


واهل زوجي مايتجمعون بس اروح حق امه الله يطول بعمرها من حين لحين مره بالاسبوع او كل فتره

 

[PuPa^^SWeeT]

الويك اند يكوون مزحوووم عندي


الخميس اناام


اليمعة الظهر اطلع ويا البنات


المغرب ازوور خالتي



السبت زوارة اهلي الظهر طلعتي و ريلي المغرب



الايام العادية اذا احد ناداني طلعت اذا جمعية بس الغالب ايام الاسبوع بالبيت اريح



طبعي ان دشيت البيت ماطلعت مننه

 

[ام الدرر]

الويك اند خميس والجمعه
يمعات الاهل
السوق حسب الحاجة ودايما يكون الصبح ازرق من الدوام اقضي شغلي وارجع او استاذن
طلعات التمشي كل اسبوعين مرة مع عيالي وابوهم يوم السبت
واحيان بنص الاسبوع انا وزوجي بعد ينامون العيال نطلع
ومرة بالشهر نطلع انا وخواتي نتعشى
وبث​

 

[أم يزيد &سديم&]

بصراحة انا السوق اطلع له نادر
بس طلعاتي تكون في الويك إند يعني الاربعاء اروح ازور امي الغالية الله لا يحرمني منها والخميس يا طلعة مع اهل زوجي يا اروح عند يدتي والجمعة اتغدى
ببيت اهل زوجي وبعد العصر نروح نمشي العيال يا ملاهي يا حديقة يا بر على حسب الجو
او نطلع السوق نشتري الناقص
ويبقى المثل زوجك على ما عودتيه
قلت قصة حياتي بالتفصييل
هههههههههههه

 

[Pinky -cat]

للحين مو مبين نظامي عدل لاني باول ايامي بس اتوقع على حسب الحاجة او اظروف .

 

[مرتبة]

اها

سنعات

 

[أبله أريج]

اااااااااااااااااب

 

[دلال و غلا]

السوق اروح له نااادر حتى لو اكون محتاجته ما اروح لاني اتعب منه و زوجي بعد
و الزواره تكون الجمعه بس مو كل اسبوع متى ما حبو يتجمعون تجمعوا و طلعتي مع زوجي مطعم او كافيه اول كان مره كل تقريبا اسبوعين الحين لا ما اذكر متى اخر مره رحنا مطعم

و بس *

 

[مرتبة]

Up
Up
Up

 

[الحسن كله]

والله تقريبا كل يوم طالعه استغفر الله ما افضي ..ايام الاسبوع كلها عندي النادي لان جسمي شوي خربان وبعد ماطلع من النادي اذا عندي شغيله خياط ولا جمعيه ولا سوق ولا مريت امي ولا سيرت على رفيجاتي ولا اودي بناتي الالعاب ومرات اذا ماوراي شي سويت بالصالون حمام زيت لشعري ولا بدكير ولاحف ..الخ هههههه يعني طلعتي يوميا من الساعه 4 إلى الساعه 7 او 7 ونص وانا مانام الظهر لا رديت من الدوام اقعد اتغدا وراها نشرب جاي انا وزوجي احل واجبات بناتي عقبها النادي وحدي الساعه 10 خامده .. الجمعه عند اهلي والسبت دايما طلعتنا انا وزوجي نتمشا مرات ناخذ الجهال ومرات بروحنا .. وبس <<قلت قصة حياتي

 

[زبده 25]

قوانين سي السيد كالتالي :
الطلعه محسوب الوقت عليي
الاحد والاثنين والثلاثاء والاربعاء ( الطلعه ممنوعه منعاً باتاً )
الخميس نادر ازور اهله( مره بالشهر ) فتره الغدا الى المغرب واحياناً الى العشى
الجمعه ازور اهلي من الصبح الى الساعه 8 باليل موجودة في البيت
السبت الصالون الفتره الصباحيه ، والجمعيه السوق ( مره بالشهر )
زوجي عنده حكمه المراه اللي تطلع بروووحها بعد الساعه 8 باليل تكون مو مضبوطه ( شالنظريه الخايسه )

طبعاً انا ما اروح لاعراس ولا عزايم ممنوع منعاً باتاً
اذا في مناسبه من اهلي قبلها بيوم اروح ازورهم او اتصل واعتذر

زوجي كل اليوم برى البيت بحكم عمله ( الله يعين ) *