رد: ممكن هني تجمع الكظريات
و أخيراااااااااا
طلعت النتيجة طلعت كظرية نفسكم 
بس السؤال رقم 11 ما حليته لأني مو فاهمته وحتى لو حليته ماراح يأثر على شي =)
وتوني مخلصة من قلاصين ماي دافي
الحين بروح واسويلي الريوق
شكلي بتريق شابورا وحليب قليل الدسم
وأنتي حبووبه شتريقتي اليوم وشنو ناويه تسوين غداج ؟
ومتى بتسوين رياضة ؟؟
>> بدينا بالتحقيق << موضة يديدة للتشجيع لوول
زييييييييييييين الله يبشرج بالخيررررررر طلعتي كظريه لووووول والله انا استانست :eh_s(9):
عفيه عليج الماي الدافي اهوا اللي يذوب الدهون عدل مدل
اليوم تريقت كورن فليكس مع حليب نسفيتا ( البودر )
الغدا والله شوفي حسب لو تأخرت آكله العصر ... وتقدرين تسوين اي شي من المسموحات يعني لو ماعندج تحضرين اكلي توست وحطيها تسخن في الشوايه ويذوب الجبن مع طماط يطلع يم يم او جبن وجرجير هذا لو مستعيله
لو عادي تقدرين تسوين دجاج مع خضار سوتيه وتقدرين تسوين حميسة تونا مع بصل وطماط مع نص خبز اسمر وكثري السلطه عشان راح تشبعججج
تقدرين تاكلين مجبوس او برياني اللي تبين مقدار كوبين في اليوم ( اكثر شي ) كوب واحد ( معتدل ) نص كوب ( اقل شي )
يعني بكل المستويات مسموح
يعني احنا الممنوع عندنا المقالي والموالح والدهون الباجي كله مسموح لنا بكميات معتدله
الخيارات وايده جدامج شوفي شنو تحبين انتي تغدي ... شي صحي ولذيذ
وكثري من الحليب بين الوجبات يعني لو يعتي ممكن حليب خالي دسم او حليب وقهوه لذييييييذ
ولاتنسون منقوع البفدونس اقل شي مره باليوم احنا محطوط لنا 3 مرات باليوم ناخذه بعد كل وجبه
بحاول اطبق
البارحه توا ابتديت اشرب بقدونس
بالنسبه للرياضه اسويها الصبح لو راح الوقت علي .... اسويها الساعه 6 المغرب
لو مالي خلق رياضه امشي نص ساعه
وبس
هذا نظامي ... لأي سؤال انا حاضره موجوده
معاكم
