ممكن هني تجمع الكظريات(انتهت المده!)

[حواء الكون]

رد: ممكن هني تجمع الكظريات

اتفنا اتفقنا اتقفناااا
حدييييييييي استاااانست و انشالله اشد حيلي و التزم
بس بسألج حواااء بدلة السونا الكاامله الي شكلها مثل التريينق النايلوون و لا شورت و بلووزه ؟ و من ويين ؟؟
امبييي احس حدي مزعجه
السمووووووووحه الغاليه
و انا مووو 70 جاان زين انا فشيييييييله 83 كللللللللللللللللللللش شليييي بعيييد عن الانوووثه
اليووم مفصله عبايه ششخلاااتها لبستها الله لا يوااريج من الجتووووف والزنوود جنهم عضلاات من كبرهم

هلا واللللله :eh_s(6): اي هذا التشجيع والا بلااااااااااش وخليني انا معاج نستمر والله ماتخلص السنه الا واحنا وايد غير

بدلة السونا كامله اتصور نايلون لونها فضي على رصاصي بس واااااايد حلوه خطيره تضعف

تلاقينها بالراجحي اتصلي عليهم واهما يوصلونها لج سعرها 10 دنانير وهذا رقمهم 97614742

اشوا 83 يعني بالبدايه يمديج تلحقين شدعوه انا لو مالحقت عمري ؟ جان الحين بالثمانينات لان الواحد بس ينسى نفسه تتفاقم المشكله وصدقيني رمضان مو اللي فات لا اللي قبله سويت هالنظام ( الكظري ) نزلت من 78 ليما 69 قبل لايلخص رمضان

هذا وماكنت امشي وايد ولا اسوي رياضه

تخيلي لو في رياضه ( حتى لو يوم وترك ) مو لازم يوميا يامعوده لو 3 مرات باالاسبوع :eh_s(6): راضين

انزين بالنسبه للجتوف فديتج شفتي تمارين الاثقال اللي انا حاطتها ؟ روحي اشتري اثقال ابو 2 كيلو

سوي تمارين فيهم رووووووووعه وتشد وتصقل الاجتاف لو حافظتي عليها بتختفي وتصيرين باربي

يالله ام بنتها معزمين نطلع باربيات شقلتي؟؟

وعلى فكره انا متبعه نظام الكظري هذا بس بطريقة الطبق المقسم يعني آكل ربع الكميه ما آكل وايد قليل

وامتنع عن الاكل نهائيا بعد الساعه 7

بعدها جذي لحسيتي يوع جربي هالطريقه تشبببببببع وتسد اليوع

حليب بوقوس قليل دسم+ 3 ملاعق صغيره سكر سويت آند لو + ملعقتين وسط نسكافيه وملعقة صغيره كوفي ميت

وعليج بالعاففففففففيه وسلمي عاليوع خلاص :eh_s(6):

وهم عندج هذي لذيذه : حليب بودره خالي دسم ( انا استخدم نسفيتا ) ملعقتين كبار + 3 ملاعق سكر سويت اند لو+ الزعفران اموتتتتتتتت عليه

وعليج بالعافيه

يسدون يوعج والاحلى يضعفون زياده لان جسمنا يحتاج الالبان القليلة دسم ( لازم يكون قليل دسم او خالي )

وبسسسس انا توا كليت مكرونه مسلوقه وخلطتها مع خضار سوتيه ( فلفل اخضر -كوسا -جزر)

وممكن تسوين سوتيه بروحها ( فطر-فلفل اخضر-كوسا-جزر-بروكلي-زهره )

وعليج بألف عافيه عندج هالطريقه تحلي طعم السوتيه ( حطي زيت سمسم على المكرونه لما تخلص راح تطريها بس شويه مو وايد مقدار ملعقه ووزعيها على سطح المكرونه )

حطي صلصة صويا على الخضار سوتيه ( اهم شي قبل لاتقلبين الخضار حطي ملعقتين زيت زيتون ) ترى صحي

ومايزيد الوزن بالعكس يضعف

 

[حواء الكون]

رد: ممكن هني تجمع الكظريات

واكلي الي احب اكله المعجنااات بجمييع انواااعه لو عجيين خالي استاانس عليه
الكككااوااااااات و السنيييكرز اموووت عليه بس كل الككاوااات احبهااا
البطااطااات الجيااس من طقة نايس وربعه المقااالي اموووت عليهاااا و الفااست فوود بكل انواااعه
الاكل المفيد الي احبه الديااااااااااااااي امووت عليه لة كل يووم اكل ديااي عالغدا عادي
السمج المقلي و الربيان بالبقصماات
هذي الاشياااء الي احبهااا
حدهاا ما ترفع الرااس و تفشل

سكتي المعجناااات لذيييييييييييذه لكنها مأساه تنفخ نفففففففففففخ على قولة دكتور عادل اي حاجه فيها خميره بتنفخ البطن

بعدي عن المعجنااااااات لانها عدونا الاساسي ليما نوصل وزن مثالي ناكلها مره بالاسبوع اوكى

الككاو والسنيكر انصحج اشتري ( الحجم الصغير وايد ) اكليه مع وقت القهوه كل يوم قطعتين عشان تسدين شهيتج وماتخربين نظام اكلج كله اوكى حياتي ولي قدرتي تقاومين لاتاكلينه كل يوم مثلا اكلي يوم يوم لا وهكذا

البطاطس والمقالي والفاست فود اهما اللي خلونا بهالحاله :eh_s(6): منهم لله وانا نقطة ضعفي البطاط

بس احنا ممنوع علينا المقالي والدهون ممكن تاكلين البطاط مشوي بالفرن او حمريه بالفرن وعليج بالعافيه

السمج اكلي مشوي ( يعني نسوي بدائل ) ربيان بالبقسماط بعدي عنه طول ما احنا في نظامنا

وصدقييني راح تمر الايام بسرعه ونتغير وراح تدعي لي

 

[حواء الكون]

رد: ممكن هني تجمع الكظريات

اي ذكرت و الداايت بيبسي عااادي بالييومفوق ال 4 و الكاان الكبير مو الضعييف
بس الحيين مخففه و مو قااعده اشتريه بس حدي اووله عليه

ميخالف لي ولهتي عليه ابي تشترين العلب الصغيره من الدايت .... شربي وحده باليوم او 2 صغار

انا سامحة لج عشان ماتخربين النظام كله لووول

مع ان بالشتا مانحتاج مشروبات بارده كله دافي يماااااااا ماقدر اشرب بارد بالشتا اثلج

 

[حواء الكون]

رد: ممكن هني تجمع الكظريات

توني قريييييييييته خووووووووش نظااااااااااام
و يعطيييييييييج العافيه علىى المجهوود الي سويتييه و التلخيييص ونماااظج الوجبااااااااااات صج صج صج صج صج مشكوووووووووووووووووووووووووووووووووووووووره
بس بسألج عادي ابدل العشااا بالغدااا لان صاير العشاا و جبات رئيييسيه اكثر من الغدااا و اناا اشتهييي الاكل بالغدااا اكثر
؟؟

يعاففففففففيج حياتي هذي النماذج كلها من نظام الرجيم المتبع بحدود المسموح لنا لخصت النظام وممكن لي مالقيتي شي تسوين بدائل للاكل ( يعني مالقيتي سمج نوع معين ) عادي استخدمي تونه او اي سمج فريش كيفج

احنا الكظريات وجبتنا الاساسيه العشا بس لو تحبين الغدا اكثر عادي ممكن تبدلين العشا بالغدا مو مشكله

اهم شي تلتزمين بنوعية الاكل اللي نحتاجها والكميه ماتكون كبيره بالقدر المحدد لنا من نص كوب الى كوب فقط

وعندج لو اشتهيتي ممكن قطعة كيكه مو مشكله وممكن نص اصبع ككاو وممكن زلابيا قطعه او 2 يعني الحلو ممكن تاكلينه في برنامجنا لان جسمنا يحتاج السكر ( بس هاااااا مو تاكلين عالآخر ترى حددت الكميه ) وعشان تساعدين روحج لما تقسمين الحلو على طول وزعيه على اللي حواليج عشان ماتوزج نفسج وتكثرين

تصدقين اختي ابي اضعفها وتاعبتني معاها صج مو مال ويه لي قلت لها نص خبزه كلت كامله لي قلت لها نص ككاو كلته كامل بالله شسوي فيها :eh_s(6): تشتهي وتكمل لووووول قلت لا جذي بتضعفين صراحه

لابد التقيد بالكميه عشان ماتكثر الكميه ويضطر الجسم ان يخزنها بشكل دهون

عاد تصدقين لما اسوي رجيم صارم مثلا تلتزم!! ماتخربط لان مو حاصلها خبز وتوست وككاو

المشكله انا لما اسوي تخفيف المفروض تنطفي الشهوه مو تزيد بس اللي تحس نفسها مثل اختي لوول

عندها حل انها تقسم الاكل واهي واقفه يعني قطعة ككاو والباجي اوزعه على الاهل واليهال

وبجذي مايبقى لج شي غير حصتج

وسمعي كلامي واللللللله قليل وتصيرين باربي احلى من واااااايد وتصيرين كبت على قولتج والكلام لنا الاثنين

لووووووول

:eh_s(6):

 

[بطة مشتطة]

رد: ممكن هني تجمع الكظريات

مرحبا اختي حواااااء الكون تسلم ايدج على الموضوع الحلوه بس هل هو صحيح ؟؟؟؟؟؟؟؟ يعني في ريجيم على حسب نوع الجسم اول مره اسمع فيه فديتج اذا صج واكيد مية بالمية ابيج ماعليج امر تسوين لي جدول غذائي :eh_s(6):
لاني مافهمت عليه انا اعرف اكلي الساعه الفلاني كذا وكذا فهمتي ماعليج امر ياقلبي انقذيني ماتقصرين ياقلبي وارجو اني كسرت خاطرج ههههههههه >>>>>>ابي ابدء معاكم لاتخلوني:gathering::gathering:
:gathering:

 

[yam_yam]

رد: ممكن هني تجمع الكظريات

متابعتكم

 

[ام بنتها]

رد: ممكن هني تجمع الكظريات

وااااااااااي ونااااااااسه
يالله الله يسمع منج و نصييير باربياااات
وانشالله باجر ادق على الراجحي و اطلب البدله عاااد يااارب موجووده
و على الاثقااال ماا يزيدوون جتووفي ويطلعولي عضلااات ؟؟ متعقده من الي عندي حدهم قباااح
ماا اخذ بو كيلو واحد كاافي شرااايج ولا اتوكل على الله و اخذ بو كيلويين ؟؟

و جااااااان زيين تصيير عندي ارااده اني مااكل بعد ال8 على الاقل
و شكلي بخليي على حطته و اتعشاا تمااام عل اسااس مااخربط بالليل و الغدا خفاايف مثل الي حااطته
بس بسألج النظااااام كلش مافيه عصاااير وانا اموووووت عالعصصصير خصوصاا اناناس كيديدي اليووم مكووده

و على بوقووس مع السويت اند لو و اكوفي مييت شلوون طعمه حاااالي و لا عاااادي و شكله حده يمتن اخاااف يرد عليي عايدي و ازييد
و الله يصبرني على فراااق العجناااات و المقااالي
بس بشألج شنوو يعني الحبووب الكامله
و المعكروونيا عادي شكثر ؟
و شلوون طريقة الصحن المقسم انا عندي ملوت بنتي بس صغااار
شنوو احط بالاقساام و شلوون الطريقه شوقتينييي احسها الطريقه تخلي الواحد يصير ذرب بالاكل

 

[@ام ضاري@]

رد: ممكن هني تجمع الكظريات

ماعتقد ياقلبي نضعف من فووق واللي تحت مايضعف الا اول شي يضعف المنطقه التحتيه بعدين المنطقه
الفوقيه
انا شبه كضريه صدري كبير متناسق اذا لابست دراعه اماا بدل الله لا يوريج اصيرر مصاااااارع هههههههههههههه
زنودي ها لج عليهم موكبار واايد صدري الكبيررر ااااااااااااااه لو ينحف صدري لدعيلج ليلي نهاري

 

[حواء الكون]

رد: ممكن هني تجمع الكظريات

مرحبا اختي حواااااء الكون تسلم ايدج على الموضوع الحلوه بس هل هو صحيح ؟؟؟؟؟؟؟؟ يعني في ريجيم على حسب نوع الجسم اول مره اسمع فيه فديتج اذا صج واكيد مية بالمية ابيج ماعليج امر تسوين لي جدول غذائي :eh_s(6):
لاني مافهمت عليه انا اعرف اكلي الساعه الفلاني كذا وكذا فهمتي ماعليج امر ياقلبي انقذيني ماتقصرين ياقلبي وارجو اني كسرت خاطرج ههههههههه >>>>>>ابي ابدء معاكم لاتخلوني:gathering::gathering:
:gathering:

هلا قلبي يا بطه مشتطه احلا بطه

الله يسلمج ... نعم صحيح وصحيح ولو تروحين مكتبة جرجير بتلاقين كتاب خاص عن انواع الجسم وعن النظام اللي يخص كل جسم ...

انتي لازم اول شي تسوين اختبار عشان تعرفين جسمج من اي نوع ... سوي بحث بجوجل كتبي رجيم نوع الجسم راح يطلع لج جاوبي على الاسئله شوفي انتي اي جسم

وانا حاضره اساعدج باللي تبين

:eh_s(6):

وهذي عندج صوره توضح انواع الجسم المختلفه

 

[حواء الكون]

رد: ممكن هني تجمع الكظريات

متابعتكم

ياهلا فيج

 

[حواء الكون]

رد: ممكن هني تجمع الكظريات

ام بنتهاااااااااااااااااا


اي نصير باربيات ليش لا ؟ اهم شي خلي ايدج بايدي اتكلم جد لولا الحيا كنت صورت لكم قبل وبعد عشان تصدقون التغيير لول

اتوقع البدله موجوده وراح يسألج وزنج جم عشان يعطيج بدله مناسبه ... على وزنج ... واذا ماعنده راح يقولج تنطرين يومين ليما اتييهم دفعه بس ان شاء الله بتلاقين

كلكمممممم ماخذين هالفكره ... اول شي ماراح تطلع لج عضلات من الاثقال :eh_s(6): في المواقع اللي تتعلق بالرياضه ينصحون المراه بالاثقال من 1 الى 2 كيلو مو اكثر عاد 3 وفوق للرجاللل فقط

اذا جتوفج ماشي حالهم مو كبار اخذي رقم واحد ( ترى خفيفه وايد ) على قولة اخوي مالت يهال على قدج :eh_s(6):
يتطنز علي من كثر ما اهي خفيفه يقولي مافي داعي تسوين تمارين بطول ماي وايد اشرف لج لوووول

انا اقول لو ماشي حالهم اخذي مثلي 1 اذا كبار انصحج ب2 مو وايد ثقال بس هااااا ترى 2 ونص ثقيله دير بالج لاتاخذينها عموما وانتي تشترين جربي واحد وجربي اثنين اللي تناسبج ومو متعبه اشتريها واحنا ماراح نطلع عضلات ! بس لازم تقوى العضله عندنا عشان معروف ان مايحرق الشحوم الا العضله لما تشد وتقوى .... تو الناس من توصلين تحسين ايدج شدت وايد وتغيرت تقدرين توقفين بس تعضل وفجأه انسي الموضوع لان هالاثقال مخصصه للحريم وامانه اي احلا معضله والا كلها شحم وترهل ؟ انا عن نفسي ماحب العضله تبان عالمرأه بس صدقييني ماراح تبان لان تمارينا خفيفه مو نوع اللي يطلع عضل انتي امشي على كلامي وماتشوفين الا اللي يسرج

لحظه احنا شقلنا ؟ اكل بعد 8 ماكو انزيييييييييين :eh_s(6): للعلم آنا الساعه 6 اوقف اكل الحين شرايج ؟؟

انا اطلب منج 8 وبسسسسسس

الظاهر ماركزتي عالمشروبات اللي انا حاطتها ( حاطه آخر شي عصير اناناس ) لووووووول روحي طالعيها
اي مسموح ولو تحبين العصاير مو مشكله شربي اللي تبين ( بس انواع مافيها سكر ) يعني كي دي دي وندى وسيزرز

بالنسبه للحليب ( انا طالبه بوقوس السائل قليل الدسم ) ما اقصد بوقوس المحلى ديري بالج :eh_s(6): اوكى

وطعمه حلو مو حالي انتي جربيه اول شي .... سكر سويت اند لو مخفف يعني حق الدايت مخصص عموما حطي الكميه اللي تحبينها في ناس تحب السكر يبان في ناس تحبه خفيف

جربيه مثل ماكتبته لج ولايمتن ولا شي انتي طبقي نظامي مثل ما اهوا

صدقيني المعجنات ماراح تطير ولا المقالي كلها موجوده بس احنا نبي نتغير ماخاطرج تتغيرين؟؟ امانه

وانا عطيتج ككاو ودايت بيبسي وحارمه نفسي منهم يعني انا اقوى منج ... لان مافي شي احلي فيه بنظامي والله ناشف


بالنسبه للحبوب الكامله راح احط لج موضوع يشرح شنو اهي الحبوب الكامله وهم بحط لج موضوع عن المعجنات عشان تتوبيييييييين وكل ماتشوفينها تتخيلين الكرش وبشاعته:eh_s(14):


المكرونه اكلي نص كوب الى كوب ( شفتي شلون انا كريمه ؟ )

الصحن المقسم انا حاطه لكم موضوع كامل عنه وبحط لج الموضوع وتشوفين شكل الطبق نطريني

لووول على قولتج تخلي الواحد ذرب وتصغر المعده هالطريقه الاجانب يسوونها ... تعودج تهذبين طريقة اكلج ماتاكللين وايد حتى لو ماكو رجيم وبهالطريقه تحافظين على وزنج اليديد

 

[حواء الكون]

رد: ممكن هني تجمع الكظريات


ماهي الحبوب الكاملة؟
هي حبوب لم ينزع عنها الا القشر الخارجي الغير قابل للاكل..مثال للتوضيح:القمح له قشرة خارجية خشنة..واخرى داخلية(النخالة)يمكن للانسان مضغها..نزع هذة القشرة الداخلية يفقد حبوب القمح معظم العناصر الغذائية الهامة الموجودة به..

الحبوب الكاملة تشمل:
الارز الاسمر(البني)-القمح الكامل-الشعير-الدخن-حبوب الشوفان-الجاودار-الحنطة السوداء-الذرة.

 

[حواء الكون]

حواء تعلنها وتقول لااااااااااااا للمعجنااااااااااااات

المعجنات هي السبب في كرشك !! اذآ ماهو البديل؟

تفيد الأبحاث التي نشرت مؤخرا أن للخبز اثر مباشر في اتساع محيط الخصر وازدياد الوزن عند البشر. فقد تبين أن الخبز الأبيض والمعجنات هي التي تتصدر قائمة الأغذية التي تسبب السمنة وذلك بحسب تقرير صدر عن قسم الأبحاث في جامعة بوسطن الأمريكية.

قام فريق من الباحثين الأمريكيين في جامعة بوسطن الأمريكية بإجراء دراسة شملت خمسمائة شخص ولمدة ثلاث سنوات وقد تبين أن الأشخاص الذين كانوا يتناولون كميات اكبر من الخبز الأبيض وغيرة من الحبوب المطحونة والمكررة هم من يعانون من الكرش ومن معدلات سمنة أعلى من أقرانهم ممن يستهلكون كميات اقل من الحبوب المذكورة.

لكن يبقى السؤال الأهم وهو لماذا يعد الخبز الأبيض سيئا لهذه الدرجة؟

الجواب:
يعزي العلماء السبب إلى أن هذه الحبوب المطحونة تتحول إلى سكر بمجرد دخولها إلى جسم الإنسان مما يجعل مستويات الأنسولين ترتفع في الجسم لكي تقوم بحرق كمية السكر الموجودة في الدم وتخزينها في خلايا الجسم، وعادة ما تكون الخلايا الموجودة فوق المعدة هي المكان الأمثل لخزن هذه الكميات من السكر الزائد.

هذا الأمر ينطبق فقط على الخبز الأبيض أما تناول الخبز ذو الحبوب الكاملة فهو جيد للجسم لذا كل ما عليك فعلة هو التحول من الخبز الأبيض إلى تناول الخبز ذو الحبوب الكاملة لتجنب ظاهرة الكرش.

كذلك فقد توصل العلماء إلى أن إضافة الخبز ذو الحبوب الكاملة إلى نظام الإنسان الغذائي تؤدي إلى الوقاية من الإصابة بمرض السكري (النوع 2) كما يخفف من احتمالات الإصابة ببعض أنواع السرطان وأمراض القلب.

هذا ومن جانب آخر، فإن الطعم اللذيذ لا يقتصر فقط على الأطعمة الغنية بالدهون أو السكر، بإمكانك الآن عمل أغذية ذات نكهات لذيذة بإضافة بعض المكونات المنخفضة السعرات مثل المكونات التالية:

- الفلفل المعلب:

أضيفي الفلفل إلى الدجاج المشوي أو إلى البيض المقلي، كذلك من الممكن إضافته إلى الشطائر.

- الفطر:

تناولي الفطر المشوي أو أضيفيه إلى السلطة واطباق المعكرونة بدل استخدام اللحم المفروم.

- الفلفل الحلو الأحمر و الأصفر:

أضيفيه إلى شطائر الجبن والبيض واكثري في استخدامهما في السلطات.

- البصل الأحمر:

قطعية إلى شرائح رقيقة أضيفيه إلى السلطات، والى أطباق البيض

- العسل:

أضيفيه إلى اللبن أو مع التفاح المقطع. استخدميه للتحلية بدل السكر.

- البقدونس الطازج:

اخلطيه مع الفلفل وأضيفيه للسمك المشوي.أو امزجيه مع الثوم المدقوق وضعية على الخبز قبل تحميصه.

- النعناع:

أضيفيه لسلطة الطماطم المقطعة والخيار.

- الزنجبيل الطازج:

أضيفيه إلى الكاري لتتبيل الدجاج والى الأطباق الصينية.

- الأعشاب الطازجة:

إضافة الأعشاب الطازجة إلى المأكولات تعطي طعم افضل من الأعشاب المجففة. أضيفي الريحان الطازج إلى أطباق المعكرونة الإيطالية. كذلك استخدام حصى البان مع اللحوم للتتبيل يعطي طعم مميز.

- الصنوبر:

استخدمي الصنوبر مع الخضار المحشية أو مع الدجاج المحشي



حرمتي معجنات بعد هالتقرير :eh_s(6): المر والا بعد لووووووول

 

[حواء الكون]

رد: ممكن هني تجمع الكظريات

ام بنتها هذا الموضوع في الطبق المقسم مع نظامه

http://q8yat.net/showthread.php?t=254258

شوفيه عشان تعرفين قصدي

 

[حواء الكون]

رد: ممكن هني تجمع الكظريات

ماعتقد ياقلبي نضعف من فووق واللي تحت مايضعف الا اول شي يضعف المنطقه التحتيه بعدين المنطقه
الفوقيه
انا شبه كضريه صدري كبير متناسق اذا لابست دراعه اماا بدل الله لا يوريج اصيرر مصاااااارع هههههههههههههه
زنودي ها لج عليهم موكبار واايد صدري الكبيررر ااااااااااااااه لو ينحف صدري لدعيلج ليلي نهاري

ليش ياقلبي ماتعتقدين هذا نظام مدروس مو من عندي :eh_s(6): والحكم بعد التجربه وانا جربته ماتكلمت من فراغ اول شي كل وحده منكم تجربه اسبوعين بعدين اتيي تسجل تجربتها .... بس الاهم تتأكد ان جسمها كظري

انا نوع جسمي الكظري وما ابتدي اضعف الا من فوق وحوالي البطن

طبعا مو معناته الجسم من تحت مايضعف ! لا طبعا كل الجسم

لكن التركيز الاعلى في الحرق يكون في الاماكن اللي فوق وحوالي الخصر لان لو تسوين بحث عن الزبادي القليل دسم او حليب قليل دسم بتلاقين ان يقضي على الكرش والدهون في البطن وهذي حقيقه علميه انتي بس سوي بحث اقري عنهم

لوووووول بالنسبه لمصارع ضحكتيني والله :eh_s(6): مو آنا مانبي نتحول لمصارعين من جذي عازمه ما اهمل نفسي عشان مابي اوصل هالمرحله بسوي المستحيل عشان اوصل لوزن مثالي واحافظ عليه يعني مو عشان وزني مو وايد كبير اتساهل ليما يوصل للأميه

بالنسبه للصدر دلكي في زنجبيل طازج وخل تفاح وزيت زيتون بعدين حطي على اوراق ملفوف ونامي

بتشوفين فرق كبير لان الصدر عباره عن خلايا دهنيه والملفوف يذوب الدهون

هذا اللي اقدر افيدتج فيه ودخلي على جدول تماريني تلاقين تمارين خاصه بالصدر راح تنفعج

 

[حواء الكون]

رد: ممكن هني تجمع الكظريات

وين البنات اللي قالوا انهم كظريات ببداية الموضوع وطلبوا مني النظام

ميخالف ردوا حتى لو مو عاجبكم النظام قولوا ماعجبنا بس والله وللأمانه من تجربتي ولاني نوع جسمي كظري ماشفت شي عجيب غير هالنظام اللي يجرب بصدق كلامي

سووا بحث عن رجيم نوع الجسم بتقرأون النظام بالتفصيل الممل

 

[@شمس الضحى@]

رد: ممكن هني تجمع الكظريات

انا عكسكم ارداف وخلفيه بس مافى بطن ولا زنود وصدرى زين متوسط

مالنا ريجيم بعد احنا معين ؟؟؟؟:0bee2e8d89:
افيدونا افادكم الله​

وانا نفس اختي بنت فهد السمنه تحت بس

 

[حواء الكون]

رد: ممكن هني تجمع الكظريات

وينج ام بنتها لايكون مخربتها

 

[ام بنتها]

رد: ممكن هني تجمع الكظريات


شااريه كتااب من المعرض مندمجه فيه :eh_s(6):

يعني مووو وايد
واااي قصة ويه
انشالله بأذن الله بأذن بأذن بااااجر ابدي من صـــــج ادعيلي الله يعطيني الاراااده و التزم
بس مخففه وايد و تعشييت 9 يعني زيين اهون من كل يووم 12 و 11 ونص

و مشكووووووووووووووووووووووووووووووره حواااااااااااااااااااااء صج صج صج صج مااااا تقصريييين على الموواااضيع الي يمعتيهااا لي و علىى المعجناااااااات انشالله لله يبعدهااا عناا و لا نقرب صوووبهاااا يااااااااارب
و الداايت و الكااكا انشالله بقطعهم نهااااااااااااائي بس عندي سنيكرز كبير شااريته من امس بس اكله و انشالله يكوون اخر ككااو قولي انشالله
و الاثقاال شوورتج و هدااية الله و ارووح و اجربهم و صج العضلااات مو حلوه كلش و صعبه انها تضعف لي صااارت
و وبوقووس قليل الدسم عندنا ايااه نتعاامل معااه و كاان في بعد صفر دسم بس مااقمت اشووفه الظاهر وقبل اسبووع كنت رايحه بشتري و لا القى كرنييشن هم قليل الدسم اول مره اشووفه و اخذت واحد اجربه
بس شكر سويت اند لوو مااحبه وايد حالي اقدر احط شكراسمر او فركتوز اخف حلاة ؟؟ شراايج استااذتي

و قولييناا جم كاان وزنج و جم صرتي و شلوون قاام يخف جسمج من المنن الي فوووق ونااااسه حدج شوقتييني و خلال شكثر فرقتي جتووفج و زنوودج و الجزء العلوي العنيد كله خق ؟
حدي تحمست و انشالله تووووصليين الوزن المثاالي الي ببالج و نوصل معاااااج يااااارب
و فمهمت الحبووب الكااامله مشكوووره عالشرح
يعني كورنفليكس فتنس عاادي مووو ؟؟

انشالله بس اكل الككاو وابلش من باااجر و الله يعيينااا ويسهل عليناا وتقوى الاراده بأذن الله
و الزنجبيل مع الدارسين سويت لي امس و شربته اليوم تكرميني بطني وايد طلع لاني اعاني من امساك مزمن بسبة القولون و طلع الزنجبيل مفيد حق الي فيهم قولون ويمشي البطن لاني كنت خاايفه و سويت سيرج و طلع انه مفييد و على طوول سويتلي واحد وانشالله باجر اروح الجمعيه و اشتري زنجبيل لان كنت مسويته في بيت هلي و حساافه اليوم ما عندي ما سويت
و حووااء عادي تحطيلي طرقة خلطة القهوه الي تسوينها عشاان اسويهاا
و بسألج اذاا عندج خبره بمشكلتي ؟؟
من كثر ما انفجرت بالمتن بفتره قصيره طلع لي سترج ماارك بزنوودي صاارلهم شهرين تقريبا من طلعوا و لونهم احمر غامج و قاعد يزييد شلوون يرووح شكله حده حده قبييح :krkrkr:
عندج حل حق مشكلتي العوييصه

 

[حواء الكون]

رد: ممكن هني تجمع الكظريات

لي عوده وان شاء الله بجاوبج على كل اسئلتج لي عوده