ممكن مساعدة مستجدة جامعة الكويت

[@@روح الورد@@]

السلام عليكم



اول شي الف الف مبروك قبولنا المستجدين بالجامعة :aha:



عندي كم سؤال فياليت احد يجاوب مشكور :e3:



1- الباص شلون اشترك فيه وبكم وين مكانهم علشان اشترك والا مجانا الركوب

2-بطاقة الجامعية من وين اطلعها عند منو التوجيه والارشاد او القبول او العمادة

3-الكتب اشتريها من مكتبة الشويخ او بالكلية

يعطيكم العافية ومشكورين

روح الورد

 

[@@روح الورد@@]

شدعووووووووووووووووووووووة محد رد

 

[أم حمد =)]

أول شيء مبروك القبول .. وعقبال التخرج

1- ماعندي فكرة والله ..

2- انا اذكر خذيتها من مال الامن !

3- الكتب تشترينها من مكتبة الطالب بالشويخ .. بس في بداية كل كورس يسوون بالكلية معرض للكتب يمكن تلاقين جم كتاب ..


موفقة بإذن الله ..

 

[شوق والدمعه]

اولا مبروك القبول

1- الباص شلون اشترك فيه وبكم وين مكانهم علشان اشترك والا مجانا الركوب

والله ياقلبي مادري بس سالي بنات الي ماسكين الجمعيه مالتكم بس اعتقد مجانا

2-بطاقة الجامعية من وين اطلعها عند منو التوجيه والارشاد او القبول او العمادة

عند الامن ياقلبي الي تبع اللكليه
3-الكتب اشتريها من مكتبة الشويخ او بالكلية
علي حسب في كتب الدكتور يقول تلقينهم من شويخ وفي كتب تلقينها في كليتكم الدكتور يحدد لكم وموفقه

 

[فـديـت ^-^ روحـي]

ألف ألف ألف مبروووك قبولج بالجامعه وفالج التوفيق إنشالله

من الحين أقولج شدي حيلج ولاتساهلين عشان أنتي محتاجه يكون عندج معدل قوي

ونصيحه لاتسمعين كلام البنات اللي يقولون أنتي أول سنه عيشي حياتج ولاتضغطين على نفسج------>> هذيلا بيضيعونج

مابي أخوفج بس بغيت أعطيج جم نصيحه ع الطاير

1- بالنسبه للباص المقر الرئيسي بكيفان تشتركين من عندهم قيمة الإشتراك 15 دينار بس والله مادري إذا السنه كلها ولا بس الكورس الباص يحرك الساعه 2:45 العصر وأكو باصات توصلج للكليات الثانيه من كيفان للشيوخ أو الخالديه ....إلخ هذي ببلاش ماله داعي اشتراك وتكون مختلطه "شباب وبنات"

2- البطاقه تآخذينها من الأمن والسلامة تبع كليتج

3- بالنسبه للكتب تشترينها من مكتبة الطالب الجامعي بالشويخ أرخص وأكو ديسكاونت للطلبه لايقصون عليج اللي بمعرض كليه الآداب ترى يآخذون السعر دبل وبعض الدكاتره ينزلون نوت بالتصوير ع حسب الدكتور وإذا عندج معارف ماله داعي تشترين كتب إخذي من البنات لأن حرام كورس واحد وبينقطون أنا أسوي كذا آخذ وأعطي

أتمنى إني أكون أفدتج وعذريني على هذرتي الزايده
إذا محتاجه شي بلغيني

 

[@@روح الورد@@]

مشكورين ويعطيكم الف عافية والله يوفقنا ونجيب معدل حلو ونتخرج توها داشة صج مستعجلة ههههههههههههههههه


البطاقة القاها جاهزة او لازم صور واوراق وووو

زين شلون على الرقم الجامعي شنو فايدة وشلون ادش على نظام الالي للجامعة بغيت موقع النظام مال الجامعة بليييييييييييييز

 

[&&.. فزاعه ..&&]

البطاقه تحصلينها جاهزه وفيها رقمج الجامعي
لان اتوقع طلبوا منج صور يوم سجلتي بالجامعه ..

مادري شقصدج بالنظام الالي بس اذا قصدج تدخلين ع السستم ماتوقع يصير الحين لين يعطونج الرقم السري تاخذينه من التوجيه والارشاد ووقتها يحطون اعلانات حق المستجدات