ممكن شووووويـــــــــــهـ

[i'm so happy]

مـرحـبـا خواتي أخباركم ؟؟؟؟؟؟؟؟؟؟ , طبـعـاً أنا أخذت الاذن من رفيجة عمري ((عشقي حمد)) عسى ربي مايحرمني منها
أني اليوم أطرح موضوعي ودي أحصل منكم النصايح وادري ماراح تقصرون مثل ماهي قالت لي بالضبط ..

أنـكـم مـتـعـاونين مع بعض ...

مو حابة اطول بدخل بالموضوع الحين وماعندي مانع تكون ردودكم فيها تجريح ولا ززف ولا ولا عادي كل وحده ولها وجهه نظر ونصيحة طبعـا ..

أنا ربي يطول بعماركم مطلقة خذ لي سنه ونص تقريبا او اقل وحبيت لي شخص متعرفة عليه عن طريق البلاك بيري
(البي بي) في احدى القروبات وصرت اكلمة من بداية ماتطلقت واشكي له واقولة شلي مضايقني بالعكس كان ينصح ويهون علي وكنا ناخذ ونعطي مع بعضنا واهو بعد كان اذا متضايق ولا فيه شي يجيني انا ويشكي لي الحال ويسولف ويضحك كأني من ززززمان اعرفة مو توني شاف شكلي وشفت شكله والحمدلله عاجبين بعضنا وقال انه منعجب فيني وده يتقدم لي اليوم قبل بكره بس انا قلت له حاليا ماودي اتزوج ودي اعرفك اكثر واكثر واهو اصر انه يتقدم لي وانا ماودي حاليا اتزوج ودي اتم شوي فتره اطول فعلا احبه ويحبني بس ودي اتم شوي فتره اراجع نفسي فيها خصوصا اني دخلت على وظيفة يديده وحياه يديده ومابقيت انسى ماضيي الا بالموت وبعد في شي ضايقني به اني اطول منه واهو قصير علي مادري شلون بكون شكلي وياه ... :cxxxp: طبعا اخذت راي صديقاتي قالوا اهم شي اخلاقة وطيب ومحترم ويحطج بعيونة مو مهم طول ماطول بس انا عندي الطول اهم من المتن او الضعف :krkrkr:
متحيره بقراري ودي تنصحوني وتقولون لي شنو ارد عليه اوافق يزورنا بالبيت ولا ماأستعجل بقراري ...:gr4uu:
ساعدوني جزاكم الله خير

 

[الفيروزيه]

حياتي انا ابي اقول رايي واتمنى ماتتضايقين منه من اي كلمه اقولها

حبيبتي انتي متطلقه والناس فيها اللي ماترحم وتحسسج انج نااقصج شي والا بالاساس هي حالها من حالنا
المهــم .....جايج رجال وبصرااحه ماشالله عليه يبي يخطبج يعني مالف ولا داار عليج ولا تعذذر ولا هو يلعب عليج
بس انتي تقولين اقصر منج
يعني انتي تبين تاخذين واحد ماافيه عيووب؟؟
يااما بنات ملكات جمال متزوجين جيااكر بس اللي يهمهم شنوو؟؟؟الاخلاق
توكلي علا الله وتزوجيه شنو نااطره؟؟الوضييفه ؟حلااتج تتوضفين وانتي علا ذمه رجال
انا مااشوف شي يخليج تترددين الطوول لا تلبسيين كعب وهو شنو ذنبه اذا اقصر منج؟؟
بس عندي نصييحه
اذا الله كتب لكم نصيب مع بعض حااولي تغييرين جهاازج وهذا رايي لان خدمه البي بي هو مكان تعاارفكم
لاتخليينه بعد الزواج يشك
خليه يثق فيج
واذا فيه خير الله يكتبه من نصيبج
واذا فيه شر عسى الله يرزقج بالرجال الصالح
تقبلي مروري اختج
الفيروزيه​

 

[ام شووووق]

رد : ممكن شووووويـــــــــــهـ

الفرصه تجي مرة بالعمر لاتضييعها :wqedqw:

 

[صمــت_ALsHfaaH]

حياتي انا ابي اقول رايي واتمنى ماتتضايقين منه من اي كلمه اقولها​

حبيبتي انتي متطلقه والناس فيها اللي ماترحم وتحسسج انج نااقصج شي والا بالاساس هي حالها من حالنا
المهــم .....جايج رجال وبصرااحه ماشالله عليه يبي يخطبج يعني مالف ولا داار عليج ولا تعذذر ولا هو يلعب عليج
بس انتي تقولين اقصر منج
يعني انتي تبين تاخذين واحد ماافيه عيووب؟؟
يااما بنات ملكات جمال متزوجين جيااكر بس اللي يهمهم شنوو؟؟؟الاخلاق
توكلي علا الله وتزوجيه شنو نااطره؟؟الوضييفه ؟حلااتج تتوضفين وانتي علا ذمه رجال
انا مااشوف شي يخليج تترددين الطوول لا تلبسيين كعب وهو شنو ذنبه اذا اقصر منج؟؟
بس عندي نصييحه
اذا الله كتب لكم نصيب مع بعض حااولي تغييرين جهاازج وهذا رايي لان خدمه البي بي هو مكان تعاارفكم
لاتخليينه بعد الزواج يشك
خليه يثق فيج
واذا فيه خير الله يكتبه من نصيبج
واذا فيه شر عسى الله يرزقج بالرجال الصالح
تقبلي مروري اختج

الفيروزيه​

اتفق ويااهاا

 

[غلطة زمن]

رد : ممكن شووووويـــــــــــهـ

الإستخاره هي اللي بتعلمك الإختيار الصح
الله يوفقك

 

[ام فوووفه]

رد : ممكن شووووويـــــــــــهـ

أنا انصحج فكري عدل قبل لاتوافقين لان في بعض الرجال اذا أخذوا حريمهم بنفس هالطريقه بيظل يشك فيها وانتي كيفج واذا على الطول عادي زوجي قصير ماثر بشي بس انحرمت من الكعب

 

[ابدا يالغالي مانساك]

رد : ممكن شووووويـــــــــــهـ

سوال غير عن الطول او القصر
انتي راضيه تكلمين رجاال غريب
جوابي بصدق

 

[al_jood]

نصيحه لوجه الله
الزواج بهالطريقه هذي فاااااااااااااااااااااااااااااااااااااااااشل وصدقيني ماراح يثق فيج وبتكون الثقه بينكم معدومه تعرفين ليش؟؟؟؟؟؟؟؟؟؟
لان بدايتكم مبنيه غلططططططططط يا اختي لا تحلين مشكله بمشكله اكبر منها ولاتصلحين غلط بغلط اكبر . انتي تطلقتي ولقيتي التلفون المتنفس الوحيد للهروب من مشكلتج , صدقيني الرجال كلهم نفس الشي راح يجي اليوم اللي يعايرج فيه انج عطيتيه فرصه ومجال للسوالف مع اي شخص
ارجو فهمتي قصدي اقطعي الاتصال فيه وتوجهي لربك اكثثثثثثثثثثثثر

 

[الأميرة جوري]

رد : ممكن شووووويـــــــــــهـ

مادري تتوقعين راح تستمر حياتج معاه ؟؟ تتوقعين ماراح يشك فيج ؟؟ تتوقعين راح يطلقج ولالا ؟؟؟ لاتزعلين انا اسالتى نوع من النصيحه لايزوركم ليمن تعرفينه عددددددددددددددددددددددددددددددددددددل والله يوفقج ويستر عليج واخذي الحذذذذذذذذذذذذذذذذرررررررر:yaaaaaarb:ويارب مايكون ماخذ لج صور

 

[ام ريماس خوخه]

رد : ممكن شووووويـــــــــــهـ

الله يهديج بس اذا الريال جاد خليه يجي ويخطبج وملجوا وفتره الخطبه تعرفي عليه اكثر احسن مو مقزرتها سوالف جذي ماكوا رابط يجمعكم بالعكس لا انخطبتوا وملجتوا مددوا فتره الزواج وتعرفوا علي بعض اكثر وعن قرب مو بالتلفون حبيبتي وثاني الشي الطول مو مشكلع عوده اهم شي مثل ما قالول رفيجاتج الاخلاق دام الرجال زين خلاص توكلي انتي وحده مطلقه والمطلقه فرص الزواج ها الايام قليله البنات الحين ما تزوجوا اقولج حبيبتي انتي مطلقه ما تطلقتي من ريلج الا لان فيه مشاكل بحياتكم مو معقوله تطلقتي منه لانه كان قصير دوري علي الصفات الزينه مو الجمال والكماليات شينفعج الجمال والطول والاخلاق زفت استخيري والله يكتبلج اللي فيه الخير سوري قرقت كثير بس لاني بقولج اللي بقلبي وبخاطري يا بنت الناس واتمنالج الخير والله وبشرينا عنج انشاءالله بالزواج امين:hjy5jewf:

 

[ابدا يالغالي مانساك]

رد : ممكن شووووويـــــــــــهـ

:n2006107::n2006107::n2006107:

 

[Tom ♥ Jerry]

رد : ممكن شووووويـــــــــــهـ

.


انا اقول قوليله آيي يتقدملج ! > بس مو تبطينهآ بويههآ يقول هاذي مآ صدقت
لا يعني اذا قالج قوليله آوكي تعال !
خليه ايي سنه و نص صارلج متطلقه خلاص ييه الوقت الي تنسين فيه مآضيج
و تبدين حياه يديده ديري بآلج لا تطولينهآ معآه ترا رآح يمل و بعدهآ
بتندمين قد شعر رآسج ! ؛@

و سالفه طويل و متين و ضعيف
> هاذي لا تودي و لا اتييب عمره الطول مآ سوه من الذكر ريال !

 

[ضي]

طبعاااا خليه اييلج ويخطبج

سنه ونص فتره كااافيه جداا

والطول والمتن والضعف والله ما ياثررر اهم شي الريال شارررريج

ترا فررصه ويمكن ما تكرر

واللي تقول الزواج هذا فااشل .. لا تحكمين جذي يااما تزوجوا زواج تقليدي وهم ما توفقوا

التوفيق من ربي ،، الله يوفقج يارب

 

[موني^حبيبي]

رد : ممكن شووووويـــــــــــهـ

خل يخطب وبالخطبه تعرفي عليه اكثر

واذا يبتو عيال سموهم بي بي

 

[شقرا كويتيه]

رد : ممكن شووووويـــــــــــهـ

والله الصراحه انا مانصح بالزواج اللي جذي باجر بيقول مثل ماكلمتني بتكلم غيري وماخاب من استخار استخيري والله يوفقج

 

[شمس 20]

فكري عدل
انتي من قبل مطلقه صراحه ماودي تتطلقين مره ثانيه لاسمح الله
لاتستعجلين فكرررري عدل واستخيري الف الف مره
عشان ماتندمين بعدين
وتعضين اصابع الندم
مطلقه مرتين مو حلوه بحقج
اخذي راي امج وابوج ​

 

[الغاليه ام احمد]

الله يكتبلج اللي فيه الخير

 

[hooryah q8]

رد : ممكن شووووويـــــــــــهـ

شوفي حبيبتي انا اقولج لا تستعجلين ابشي بالنسبة لموضوع انه يتقدم لج الحين
انتي شوفي نفسج مستعده لحياة زوجية يديده ولالا؟ عشان لا اتقولين باجر استعجلت

وانا اشوف سنه ونص فترة كافية والفرصة ماتيي اكثر من مره كونج منفصله ولج تجربة سابقة بالزواج
والاهم اذا وافقتي انه يتقدم لج حافظي عليه كثر ماتقدرين ولا تعيدين اخطاءج ابزواجج الاول ..

والي اتقولج بعدي عنه والزواج ابهالطريقه مايدوم ومايوثق فيج ويشك فيج .. اقولج صلي عالنبي
لو اتسوين احصائية ترا نص شباب الكويت يتزوجون عن حب وعلى علاقة سابقه قليل الي اتكون زوتجاتهم
خطبت اهل .. رياييل هالايام يبي البنت الي اهوا يختارها وياما زيجات خطبة اهل وماتوفقوا وزواجات التعارف
اتكون من احسن مايكون .. هالايام مانحكم على استمرارية الزواج ابطريقة الخطبة سواء تعارف او خطبة اهل ..

وابصراحة لو بنقولج هديه الحين ماراح تقدرين صح ولالا؟!

وبالنسبة للطول انا اعرف وحده اططول من ريلها والبنت على طول تلبس افلات وماتلبس كعب .. يعني فيه حل :rerrerek:
والاهم الاخلاق ويحترمج كزوجة ويقدس الحياة الزوجية ..انتي فكري انه اهوا رضا فيج وانتي اطول منه ورضا اتكونين شريكة حياته :hjy5jewf:..

انا اقول فكري عدل بالنسبة لاستعدادج لحياة زوجية يديدة والله يوفقج حبيبتي ويكتبلج كل خير

قرقت وايد :friends:

 

[%دانة%]

رد : ممكن شووووويـــــــــــهـ

اللة يكتب لج اللي فية الخير

 

[al_jood]

خواتي اللي علقوا على ردي وقالو اغلب شباب الكويت كلهم جذي ياخذون عن حب
شوفو خواتي حب شريف بعيد عن المكالمات وتبادل الصور والغراميات هذا مو حب يا حبيباتي هذا يسمونه تسليه لعب < خلونا واقعيين ترضينها لبنتك؟؟؟؟؟؟؟؟؟؟؟؟؟؟
يابنات الواقع شي والخيال شي ثاني , البنت لها تجربه سابقه وفشلت يعني لاااازم تكون اختياره مبني على اسس سليمه
انتو شايفين هالشي هذا في الدين والشريعه صح والا غلط جاوبوني قبل لا تعلقون تعليق هامشي
انا نصحتها وبس لاني شايفه الزواج عن طريق البيبي والنت فاشل ومايبني اسره
اتركيه والله بيعوضك باللي احسن منه وفي النهايه مايصح الا الصحيح