ملف عن كيكاتي الي سويتها و متجدد كل مرة اسوي فيها

[78MariMar78]

اوكي حياتي ام سلوم

ننتظرك......

 

[ام سلومd]

السلام عليكم يا بناااااااااااااااااااااااااااات و الله صج صج فقتكم حييييييييييييييل سامحوني مع الحمال صايرة ثقيله مالي خلق :ioljnmlk: فا عاد خل اعوض لكم الي فاااااااااااااات بخوش كيك حق احلى كويتيات



ياالله نبدي بسم الله الرحمن الرحييم


كيكه جوز الهند اللذيذة

ملاحظة: الكوب المستخدم كوب المراعي
المقادير:

2 قالب زبدة 100 غرام
2 كوب سكر
5 بيضات
فانيلا
3 كوب طحين
1 ملعقة صغيرة بيكن بودر
1/2 ملعقة بيكن صودا
رشة ملح
كوب حليب
كوب جوز الهمد
الطريقة:

نضع الزبدة+ الفانيلا+ السكر و نخلط

نضع البيض وحدة ورا الثانيه و نخلط و لازم و ضروري الاطراف نغرفها علشان تنغلط مع بعض حتى تصير جذي

ننخل الطحين+ البيكن صودا+ البيكن بودر+ الملح على الخليط و نخلط بالبطيى مع اضافة الحليب بالتدريج

نضع جوز الهند و نخلط بالملعقة الخشبيه

و نضع الخليط في قالب الكيك و ندخله فرن حتى تستوي

و نقدمة

 

[78MariMar78]

يمي يمي

تسلم ايدك ام سلوم


عودا حميدا حبيبتي

ربي يقومك بالسلامه يارب

 

[ام سلومd]

سويس رول الكاكاو

ملاحظة: الكوب المستعمل كوب المراعي

المقاير:
5 بيضات منفصولين عن بعض بياض بروح و الصفار بروح

3/4 كوب سكر
رشة ملح لبياض البيض
فانيلا
1/2 كوب سكر
3/4 كوب طحين اول اقل بقشه يعني شلي قشه كبيرة من الكوب نفسه
قفشة و نص كاكاو بودر

نخلط البياض اول شي مع رشه الملح

و نضع صفار البيض+ السكر + الفانيلا و نخلط حتى تبيض الخلطه

ننخل الطيحن و بودر الكاكاو و نخلط اشوي بالقفشة الخشب و نضع معاه بياض البيض على دغعات

و نضع ورق شمع على صينيه الخبز يعني مراح ياخذ وقت يعني 10 الى ربع ساعة بالكثير لازم تكون السويس رول مو ناشفة يعني رطبه عق ما اطلعها من الفرن

نبدي بالحشوة

عندج علبه كريمه كي دي دي مع قفشتين كبيرة سكر نخلط
نضع الخلطه على السويس رول واي نوع فاكهه تحبين تزين فيها السويس رول كان متوفر عندي الاناناس و نلف عليها

و زنينه بالسكر و البودرو الكاكاو البودر

و نقدمها و يفضل تكون باردة

 

[78MariMar78]

وااااااااااااااااااو

تسلم ايدك ام سلوووووووم

 

[ام سلومd]

كنافة ام سلوم


هذي اهداء حق مرمر و هبون حبيبات قلبي و الله و هم حق البنات كلكم من دون استثناء

المقادير:

كنافة الجاهزة

3 قطع جبن عكاوي مقطع و منقوع لمدة ليله كامله علشان يروح الملح

قالبين زبدة و نص

لون برتقالي

شيرة+ فستق للتزين

الطريقة:

نذوب الزبدة اشوي و نحطها على الكنافة و نفركها معاها لازم نسوي جذي علشان تدخل الزبدة مع الكنافة و تصير حلوة

و نحط اللون البرتقالي على الكنافة ح و نتم نخلط حتي يصير لونها برتقالي كامل و نضعها في صينيه مدورة و نصف نص الكنافة

اول شي نصفي الجين من الماي و نصف الجين على الكنافة اذا ماصفيتها من اول راح تصير الكنافة كلها ماي و تصير وايد لينه

و نصف العجينه الباجي و نضغط و ندخلها فرن حتى تحمر و تذوب الجبن

و هذي بعد ماخلصت و شربتها شيرة و هذي بعد قطعه منها لكم

 

[78MariMar78]

الله الله

تسلم ايدك ام سلوووم


عجيبة


وشكرا على الاهدااااااااااااء

 

[<< أزيان >>]

ام سلوم

تسلم ايدج

ماشاء الله كل شي منج حلو

 

[ام سلومd]

حلو كشخه حلو الفروله الذيذة


هذا الحلو صج صج لذيذة و اذا بتكشخين فيه سويه و قولوا ام سلوم ماقالت هذا ماختها من كتاب قتافيت


اول شي نبدي فيه كيكه الفستق


ملاحظة : الكوب المستعمل كوب المراعي

المقادير:
3 بيضات
1 كوب سكر
2 قالب زبدة 100 غرام
كوب و 1/2 طحين
1/2 كوب فستق
كوب كريمه
ملعقة و نص بيكن بودر صغيرة

الطريقة::

نضع الزبدة+ السكر و نخلط

ننخل الطحين + البيكن بودر و نضع الفستق بعد نخل الطحين
و نخلط مع اظافة الكريمه بالتدريج

اندخل الكيكه فرن حتى تستوي و نضعا على جنب حتى تبرد و تقطع شوفو من داخل

مقادير الروب:

1 جبن فيلاديلفيا 200 غرام
علبه روب
2 ملعقة كبيرة سكر بودر
1 ملعقة جلاتين
الطريقة:

اول شي سخني اشوي الروب و حطي الجلاتين فيها و ذوبيه و حطي على الخلطه السابقة و نخلط

 

[78MariMar78]

معاكِ ام سلوم كملي....

 

[<<لمار>>]

تسلم ايدج يالغالية وفرحتينا برجعتج مع هالاطباق الطيبة اللى نفس صاحبتها وكملى ناطرين

لايوقف لايوقف لايوقف

 

[ام سلومd]

حلو كشخه حلو الفروله الذيذة


هذا الحلو صج صج لذيذة و اذا بتكشخين فيه سويه و قولوا ام سلوم ماقالت هذا ماختها من كتاب قتافيت


اول شي نبدي فيه كيكه الفستق


ملاحظة : الكوب المستعمل كوب المراعي

المقادير:
3 بيضات
1 كوب سكر
2 قالب زبدة 100 غرام
كوب و 1/2 طحين
1/2 كوب فستق
كوب كريمه
ملعقة و نص بيكن بودر صغيرة

الطريقة::

نضع الزبدة+ السكر و نخلط

ننخل الطحين + البيكن بودر و نضع الفستق بعد نخل الطحين
و نخلط مع اظافة الكريمه بالتدريج

اندخل الكيكه فرن حتى تستوي و نضعا على جنب حتى تبرد و تقطع شوفو من داخل

مقادير الروب:

1 جبن فيلاديلفيا 200 غرام
علبه روب
2 ملعقة كبيرة سكر بودر
1 ملعقة جلاتين
الطريقة:

اول شي سخني اشوي الروب و حطي الجلاتين فيها و ذوبيه و حطي على الخلطه السابقة و نخلط

 

[sweet 30]

مشاء الله تبارك الرحمن شنو هالشغل السنع تسلم ايدج الله يحميج من العين حبيبتي

 

[ام سلومd]

لحد يرد عفيه خل اخلص النت وقف عندنا بالدوام فا راح اكمل باجر اسفة ما كملت باقي اخر شي و وصفة بعد

 

[ام سلومd]

الفراولة:
عندج حوالي علبتين فراوله نقطعهم و نهرسهم

مع بعض و نضع معاهم 1/2 كوب سكر مع قفشة و نص كبيرة نشا و نخلط حتى يصك

و نصف على حسب الي تحبينه في اكواب

و الله الي ما تجبربه خسرانه الانه من قلب لذيييييييييييييييييييذ

 

[78MariMar78]

تسلم ايدك ام سلوم

يس شو اللي تحت بسكوت وكريمه؟؟؟

 

[ام سلومd]

و اخيرا برد جالكسي بطعم الاناناس فكرتي الخاصة



المقادير:

2 جبن فيلادليفيا 200 غرام الصغير
3 ابى 4 قفاش كبيرة سكر
2 ملعقة جلاتين
قيمر كي دي دي الكبير
جلاكسي مبشوريعني الصغير
علبه اناناس صغير
علبه كيكه سرالي

الطريقة:

نغلي ماء الاناناس و نطفي على النار و نذوب الجلاتين فيه و نحط الماء في الخلطه السابقة و نخلط و نحط الكاكاو المبشور و نخلط بالقفشه العاديه

نرص الكيكه في قالب البايركس و نحط الاناناس و نحط الخلطه و ندخله الثلاجه حتى تتماسك و تقدم باااااااااردة نصيحة جربوها و الله ماراح تندمون

 

[ام سلومd]

تسلم ايدك ام سلوم

يس شو اللي تحت بسكوت وكريمه؟؟؟

هلا مرمر حبيبتي هذي الكيكه نفسها الفستق الحلو من ثلاثة طبقات و هذي مو بسكوت هذي الكيكه نفسها

 

[ام سلومd]

تسلم ايدج يالغالية وفرحتينا برجعتج مع هالاطباق الطيبة اللى نفس صاحبتها وكملى ناطرين

لايوقف لايوقف لايوقف

:eh_s(9)::eh_s(9): بعد عمري لولو تسلمين

 

[78MariMar78]

عاااااشت ام سلووومي


تسلم ايدك حيتي