ملف عن كيكاتي الي سويتها و متجدد كل مرة اسوي فيها

[78MariMar78]

ام سلوم حياتي
بانتظار الجديد

 

[الطموحه]

ام السلم شلونج؟
ننتظر يديدج يالغالية
وعيدج مبارك وربي يتقبل منا ومنكم

 

[ABEER FLOWER]

أم سلووووووم ربي يعطيج الصحة و العافية
و يتمم حملج على خير

و في انتظااااار إبداعاتك

عيدك سعيد

 

[<< أزيان >>]

ام سلوم تسلم ايدج

و

7
7
7

 

[<<لمار>>]

ام سلومى عيدج مبارك وعساج من عوادة

 

[دلوعة روحي]

عيدج مبارك م سلوم

توني مخلصة

سويت يتيفور النوتيلا

هذي ثاني مرة اسويه

و الحمدلله الطريقة تنجح معاي

باجر بنروح المخيم ان شاء الله و باخذ البسكوت معاي لليهال

عليهم و علينا بالف عافية

و انتي هم يعطيج الف عافية على الطريقة و الصور

 

[الدانة-81]

شخبارج ام سلوم--
ولهت عليج و على حلوياتج اللذيذة

 

[ام سلومd]

ام سلوم حياتي
بانتظار الجديد

انشاء الله بنات يوم الاحد انشاء الله راح تشوفون جديد في جديد باذن الله

 

[78MariMar78]

انشاء الله بنات يوم الاحد انشاء الله راح تشوفون جديد في جديد باذن الله

ان شاءالله يا قلبي
ننطرج على خير​

 

[ام سلومd]

قوووووووووووووووووة اشلونكم بنات شخباركم صج صج ولهت علييييييييكم حيييييييييل ادري غطيت عنكم وايد و السبب الحمال الله يعيني

المهم خل ابدي بالكيك


كيكة الروب باليمون صج لذييييييييذة

المقادير :
علبة روب
1 كأس سكر
ثلاث ارباع كأس زيت
2 بيض
بشر ليمونه مع عصيرها
1 ملعقة فانيلا
هيل 1/2 قفشة
1 كأس وربع طحين
1 ملعقة كبيرة بيكنج باودر
الطريقة:
نخلط البيض+ السكر + الفنيليا+ الهيل حتى تنتفش و تصير بيضاء

و نضيف الروب و بشر الليمون و عصير الليمون و نخلط اشوي

نضيف الطحين + البيكن بودر المنخول و نخلط و ندخل الخليط في صينيه الخبز و ندخلة فرن حتى يسوي

و هذا شكله النهائي

لا تردون

 

[ام سلومd]

كيكة بالكريمة الحامضة (سور كريم)

كوب واحد سكر
نص كوب زبدة
كوب واحد sour cream
3 ثلاث بيضات
2 ملعقة صغيرة فانيليا
كوبين طحين جميع الاستعمالات
1 ملعقة صغيرة باكنج صودا
1 ملعقة صغيرة باكنج باودر
1/2 ملعقة صغيرة ملح
كوب حليب ضروووووري

الطريقة:
نخلط الزبدة+ السكر لين ماتكون بيضاء اللون

نضيف البيض و نخلط و طبعلا لازم تنزلين الي على الجوانب من الزبدة و نخلط حتى تنتفخ

نضيف الكريمة الحامضة + الملح اشوي و نخلط

و نضيف الطحين + البيكن بودر+ البيكن صودا و نخلط مع مع الحليب بالتدريج حتى يصير الخليط ثقيل اشوي مو وايد

و ندخلة فرن حتى يستوي

 

[ام سلومd]

كيكة الصفراء مع الهييييل

سامحوني كنت مستعيله حيييييل فا ما مداني اصور الطريقة كاملة فا راح انزل الصور النهاية

المقادير:

قالب و نص زبدة 100 غرام
2 كوب سكر
3 بيض
قفشة هييل
2 بياض بيض2 ملعقة شاي روح الفانيلا
كوبين و ثلاثة ارباع طحين
قفشة صغيرة بيكن بودر
كوب و ثلاثة ارباع حليب قليل الدسم

نخلط الزبدة+ السكر+ الفانيلا+ الهيل حتى تصير بيضاء

نضيف البيض + البياض البيض و نخلط حتى تنتفخ
نضيف الطحين الحليب بالتدريج و ندخل الخيلط في الفرن و تقدم

سامحوني على الصور الكاميرا اشوي كانت مخرفة:dddds:

 

[78MariMar78]

يمي يمي

تسلم ايدج ام سلوووم
وعساج على القوة
ويعطيج الف مليون عافية

 

[الدانة-81]

قواج الله يا ام سلوم

والله يعينج عالحمال--ديري بالج لا تكثرين وقفة بالمطبخ

 

[ام سلومd]

يمي يمي

تسلم ايدج ام سلوووم
وعساج على القوة
ويعطيج الف مليون عافية

يعافبج مرمر حبيبتي

 

[ام سلومd]

قواج الله يا ام سلوم

والله يعينج عالحمال--ديري بالج لا تكثرين وقفة بالمطبخ

هلاااااااااااااااااااااااااا من طول الغيبات اشلونج شخبارج من وين طالعة الشمس شخبارج الدانة

 

[الدانة-81]

هلا ام سلوم----هيهيهي الا قولي من وين طالعة الغيوم؟!! (اليوم ماكو شمس)

انا تمام---شخبارج انتي و جم لج؟؟

 

[ام سلومd]

راح اكمل

برد البسيط

قالب مانجا مثلجة مذوبه عنها الثلج يعني مو تصير مثل الماي يعني تخلينها من نفسها تذوب
كيس فراولة مثلجة مذوبه عنها الثلج نفس الملاحضة
كوبين سكر

الطريقة:

هذا انا شفته في فاتافيت فا قلت خل اقلدها بس راح اسوي حراكات فيها :eh_s(6):

نطحن المانجا مع كوب سكر في الخلاط و نخلي على جنب
نطحن الفراولة مع كوب سكر في الخلاط و نخلي على جنب

عندج قوالب السيلكون او قوالب الثلج بس افضل قوالب الثلج النايلون علشان تقدرين تشيلين البرد
و نحط مقدرا قفشة صغيرة برد من الفراولة او المانجا و ندخلة فريز لمدة يوم كامل

اشرايكم تقدم جنها حلاو

لاتردون

 

[ام سلومd]

جيز كيك مقسم
تقدريبا نفس شغل جارونه بالضبط بس الصلصة بروووووووحي و الجيز كيك هم بروحي بس الفكرة نفسها

بسكوت بيتي بور حوالي 8 كيس صغير
زبدة مذوبة 100 غرام قالب صغير و نخلطه مع بض و نرصة في قالب الجيز كيك

1/2 كوب سكر
5 بيضات
قالبين جبن فيلاديفيا 200 غرام الصغير
كريمة حامضة
2 ملعقة كبيرة ممسوحة طحين و نخلط

و نضع الخليط في قالب الجيز كيك و ندخلة فرن لمدة ساعة وربع و تترك تبرد

الحين الصلصات الاربع
اول شي نقسم الكيك تبين كتكات او اي بسكوت يكون على شكل اصبع و نفسمة الى 4 اقسام

الحين عنج الصلصة
رمان + كاكاو +مانجا+توت
اول شي رمان انا استعملت حوالي 4 رمانات كبيرة اطحنهم مع 1/2 كوب سكر 1/2 كوب ماء و 3 فقاش نشا و نخلط و نشخله

و نضع على النار حتى يتماسك و نخلي يبرد اشوي و نحطه على اول ربع من الكيك

همبة اي نوه تفضلينه معلب طري المهم تطحينه بالمطحانه اليدوية و يفضل المعلب لانه في سكر

و نحطه في الربع الثاني
و عندج كاكاو جالكسي حوالي 2 كبير نذوبه بحمام مائي و نحطه في الربع الثالث
و صلصة التوت نحطه في الربع الرابع و بجذي نخلص الجيز كيك و ندخلها الثلاجة لمدة يوم كامل و تقدم باردة

لاتردون

 

[ام سلومd]

و اخييييييييرا ميني جيز كيك من ابتكااااري

ميني جيز كيك
بسكوت بيتي بور حوالي 5 او 6 كيس
زبدة حوالي قالب و ربع 100 غرام الصغير
انا استعملت قوالب الكب كيك الصغيرو و الاكبر اشوي
ونحشي القراطيس بالبسكوت

الحين عندج 6 بيضات + قفشة صغيرة هيل + كوب سكر+ فانيلا و نخلط مع بعض حتى تنتفش

الحين عندج جبن فيالادليفا قالب صغير 200 غرام و قيمر كي دي دي و نحه في الخليط و نخلط اشوي حتى تصير الخلط