ملف عن كيكاتي الي سويتها و متجدد كل مرة اسوي فيها

[ام سلومd]

و هذي لكم

و لاتردون

 

[ام سلومd]

باوند كيك الليمون بالكرز

المقادير:

الكرز:
1/3 كوب عصير ليمون( 3 ليمونات كبار)
كرز مجفف حوالي كوب انا شريته من الرفاعي
قفشة ماي كبيرة
الكيكة:
ثلاثة و نص كوب طحين
1/ 2 ملعقة بيكن صودا
1/2 ملعقة ملح
قالبين زبده
3 أكواب شكر
6 بيضات
بشر ليمون
فانيلا
كوب كريمة حامضة أو روب ( انا استعملت روب)
الطريقة:
اول شي
عندج الكرز + الليمون+ الماي في النار يعني من تشوفين طبخ اويغلي اشوي طفي عليه و صفي الكرز علشان يبرد

في الخلاط نضع الزبده+ الشكر و نخفق ليمن يصير فاتح

نضع بشر ليمون و الفانيلا و نخلط و نضع البيض على دفعات

لاتردون

 

[ام سلومd]

و لازم تكشطون ( تنزلزن الي على الطراف علشان نتخلط المكونات مع بعض)

نضع المكونات الجافة على دفعات بالتناوب مع الروب يعني أول شي نص كوب و بعدين النص الثاني

بعدين نضع الكرز المنقوع بالليمون و طبعلا لازم الليمون تنثرين على طحين علشان ما ينزل لين القاعد و نخلط و نضع الخليط في قالب الكيك و نضعة في الفرن قرابة ساعة الى ساعتين الا ربع حتى تنضج

و تاكل باردة
و هذي من داخل

لاتردون

 

[ام سلومd]

تارت الليمون

القاعدة:
كوب طحين
1/3 كوب شكر بودر
1/8 ملعقة ملح
قالب و ربع زبده
الحشوة:
جبن فيلادلفيا 200 غرام
1/2 كوب شكر
1/2 كوب عصير برتقال
بيضتين
بشر برتقال اذا توفر ( انا ماحطيت)
الطبقة الي فوق دريم ويب مع بشر البرتقال اذا توفر
فانيلا
نخلط الطحين+ الشكر الناعم+ الملح + الزبده نضع الخليط في ورق الزبدة ونفرد و بعدين نفرد في قالب التارت لازم نشيل الزايد عن الطراف و نضعه في الفريزر و نسوى اشوي فتحات بالشوكة علشان لا ترتفع لمدة 15 دقيقة في الثلاجة

 

[ام سلومd]

و نبدي بالحشوة:
نضع في الخلاط الجبن و نخلط اشوي و نضع الشكر و نخلط و نضع البيض + الفانيلا و نخلط و نحط عصير البرتقال+ البشر البرتقال و نخلط و نحط الخلطة على القاعدة و نخبز لمدة 30 ساعة أو 20 دقايق

ترى الخلطة نفس الجيز كيك بس هذي بسرعة تخلص

و هذي النتيجة

و نزينها في الدريم ويب اول الكريمه اذا انتي حابه

راح اكلمل بالليل اذا احنا من الحيين انشاء الله

 

[شيخه***البنات]

بعد عمري شيخه البنات علينا و عليج عادي يا امي تسلمين حبيبتي كاني اليوم راح انزلكم مجموعة حلو كبييييييرة و انشاء الله تعجبكم

حبيبتي و الله ام سلووم .. الله يسلمج ..

حساااافه ترى الصور مو طالعه :\ ..

واكيد تعجبنا و كل شي منج حلوووووو يالغاليه ..

 

[ام سلومd]

حبيبتي و الله ام سلووم .. الله يسلمج ..

حساااافه ترى الصور مو طالعه :\ ..

واكيد تعجبنا و كل شي منج حلوووووو يالغاليه ..

حسافة عاد الصور عندي طالعة حبيبتي و انشاء الله راح تطلع المرة الياية تسلمين حبيبتي

 

[فينيسيا]

تسلم ايدج على الطبخات الروعه
عندي سؤال
من وين التوت شتريتيه
الي حطيتيه بتشيز كيك الغابه بالليمون

 

[تغاريد11]

تسلم أيدينج ام سلووووم

حلويااااتج وكياكاااااتج روووووعه وماتقصرين

 

[<<لمار>>]

تسلم ايدج يالغالية ومبارك عليج الشهر

 

[ام سلومd]

تسلمون حبايب قلبي و مشكورين

 

[ام سلومd]

راح اكمل الحين بنات المجموعة الكبيرة

بسكوت اليهال بالنوتيلا

المقادير:

4 اكواب طحين منخول
3 قوالب و نصف قالب زبدة 100 غرام الواحد
كوب و نص كاكاو نوتيلا
بيضة
4 ملاعق او 3 ملاعق كاكاو بودر
فانيلا
الحشوة:

كاكاو نوتيلا

الطريقة:
نخط الزبدة+ كاكاو النوتيلا مع بعض

و نضيف البيضة+ الفانيلا و نخلط

و نضيف الكاكاو المنخول مع الطحين المنخول و نخلط مع باقي المقادير طبعا على دفعات

 

[ام سلومd]

و بعدين راح تصير لكم عجينه اشوي لينه عادي
و نبدي نقطع في قطاعات البسكوت

و لازم اشوي ترشين الطاولة علشان تقدرين تفردين العجين

نصيحة لاتفردين او ترقين وايد العجين لانه بسرعة تتفتت لازم ورق زبدة علشان تقدرين تتحكمين في الفرد و لا تلصق العجين

نبدي نقطع

و ندخها فرن ترى 5 دقايق و تخلص

و نحشيها كاكاو نوتيلا و هذا لكم _03BA:

لاتردون

 

[ام سلومd]

حلو المنجا و الخوخ

الطبقة الاولى:

كيك سرالي قالب
كوب و نص منجا مثلجة
1/2 كوب منجا علب مصفى من الماء
3/4 قوطي او كوب كريمة كي دي دي
1 كوب ايس كريم مانجا او فانيلا
كيس جلاتين مذوب بقليل من الماء يعني ربع كوب او اقل

الطبقة الثانية:

1/2 كوب خوخ
كوب و نص منجا مثلجة
1 علبة جبن فيلاديفيا صغير 200 غرام
1/2 قوطي او كوب كريمة كي دي دي
جيس جلاتين مع ربع كوب ماء او اقل

الطريقة:

نقطع الكيك و نرصة في البايركس
و نخلط المقادير الطبقة الاولى و نحطة على الكيك و ندخاة فريزر ليمن يطك اشوي اخليكم مع الصور

لاتردون

 

[ام سلومd]

و نبدي في المقادير الطبقة الثانية و نخلط و نحطة على الطبقة الاولى و هم ندخلة فريزر اشوي

و انزين اشوي بالخوخ و المانجا

لاتردون بعد ماخلصنا

 

[ام سلومd]

برد التوت+ حلو الاهرامات + برد فانيلا من افكاااااااري

جبن فيلاديلفيا حجم العائلي الكبير 300 جرام
كوب سكر
كوب فراولة مثلجة
كيس جلاتين مذوب بكوب ماء حار
لون احمر
بسكوت بيتي بور حوالي 4 او خمس كيس مطحووووون
1/2 علبة قيمر (قشطة)
2 قفشة توت حشوة للجيز كيك
الطريقة:

اول شي الاهرامات

نخلط البسكوت + القيمر و نوزعة على قالب انا شريتها من محل المهند جذي

و ندخلة الثلاجة اشوي
نخط اول شي الفراولة + الجلاتين الذوب بالماء الحار و نخلط مع 4 نقط لون احمر

لاتردون

 

[ام سلومd]

نخلط الجبن+ الشكر اشوي و بعدين نضع خلطة الفراولة مع قفشتين توت الحشوة

و نضع اشوي من الحشوة على البسكوت و ندخله فريزر ليمن يصك عدل

لا تردون

 

[ام سلومd]

و عندج باجي عجين البسكوت نفردها و نقصص بالسكين على شكل مربع و و نغطي الفتحات و نرشها في كاكاو بودر

لاتردون

 

[ام سلومd]

و باقي الحشوة نوزع في القوالب الثانية

و عندج الحين الكيك عندج استكانه نقصص الكيك و نغطي البرد طبعا لازم مدخلة الفريزر

و هذا عقب مابرد و خلص

 

[ام سلومd]

و هذا النوع الثاني

لاتردون