ملف شامل عن عملية التكميم ( كل شي يخص التكميم تلقونه هني)

[مذهلة 78]

والله كليت الحيه بغيت اموتً كبسولهً قالي المستوصف مافي شراب لا حق اطفال بس عادي اشرب زنجبيل وليمون ولا حار علي المعدهً حدي تعبانهً وأي شي يقعد علي جبدي

حبيبتي دشي عالدكتور مره ثانيه وقوليله يعطيج اموكسيل شراب اللي يكون بودر وانتي تزيدينه ماي قوليله انج مسويه تكميم ومعدتج ما تتحمل حبوب وراح يعطيج انا جذي سويت

وللحين اشرب ادويه يعني اذا راسي عورني شربت ادول شراب قفشتين كبار اذا نشله اشرب زايرتك وطبعا لازم سؤائل دافيه

وحبيبتي الزنجبيل والليمون لا تاخذينهم الحين يسوون حارج
شربي باببونج يانسون شاي بالنعناج لان هالاشياء خفيفه عالمعده

 

[HOT^CHOCOLAT]

الله يعطيج العافيه مذهله ماقصرتي بصراحة افدتينا وايد

 

[خباري مطر]

مااااقصرتي علي الافاده

 

[vooom]

مذهله انا ودي اسويها بس خرعتيني تقولين انج ندمانه ليش ؟

 

[الاسكريم]

الله يجزاك خير

 

[مذهلة 78]

مذهله انا ودي اسويها بس خرعتيني تقولين انج ندمانه ليش ؟

شوفي حبيبتي صح انا ضعفت ونزلت تقريبا 35 كيلوا وبفتره قياسيه تقريبا 5 شهور وصرت البس مقاس 10 بدال 18 وقمت ادش المحل بثقه والقى مقاسي بس بالمقابل في اشياء راح تخسرينها اللي اهي صحتج صحيح اني ضعفت بس بالمقابل

1- صار ويهي اصفر شاحب مع ان قبل كان وردي وكله نضاره الحين لازم احط كيلوا كريم اساس عشان تبين بشرتي طبيعيه

2- شعري كله حت من قلة الاكل وخذيت ابر حديد والحين خف التساقط

3- يصير الجسم ما فيه حيل تخيلي من فتره بالافنيوز ما قدرت امسك قلاص العصير طاح مني

4- الاكل للحين اعاني منه ما اقدر اكل غير سوائل ومهروس

وحبيبتي انا لما اشوف جسمي استانس بس لما اشوف الاشياء الثانيه اتحسف ودايما اقول بيني وبين نفسي ياليتني ما سويتها بس اللي دار مداري يشجعوني ويرفعون من معنوياتي


ويا قلبي اذا بتسوينها لازم تحين في بالج النقاط اللي ذكرتها واذا عندج استعداد تتحملين توكلي على الله وسويهاا

 

[مذهلة 78]

يعافيكم ربي حبايبي ما سويت شي

 

[زَهر تِشرينْ]

.◈|❀|◈..
مَجهووود اكثر من مُميز
وموضوع شامل ماشاء الله راح يفيد الكثير من البنات
ربي يسلم هالايادي البيضاء الي كتبت لنا هالموضوع
ويجزااااك الجنة وماقرب لها من قولٍ او عمل ​

 

[ايطاليه]

يزاج الله خير حبيبتي عالمجهود

والله خفت جني بهون

 

[.،:"$الـعـوبــــة$":،.]

موضوع متكامل ماشاءالله تسلم ايدينك والله،،

مشكلتي اني مو من النوع اللي ياكل ٢٤ ساعه،،

يعني اقوم اتريق والغدا محذوف من جدولي نهائيا والعصر اداوم واكل بالدوام وارد من الدوام شبعانه ومايطري علي الجوع الا ١١والا١٢ بالليل!

بس طبعا ريوقي بخصم الفيصل بالسمسم او خبز وجبن كيري طبعا مو اي شي بعد ! او كورن فليكس الكاكاو والعصر بالدوام فطاير وحلا وخرابيط

وبالليل وجبات سريعه او فطاير او اكل بالبيت بس لازم شي راهي !

يعني صح ما اكل كل شوي بس اكلي كله يمتن وخرابيط يعني ياليت المتن على صحه بعد حمدالله والشكر !

وفوق هذا انا كل شي استغني عنه عادي الا الحلا والكاكاو والسكريات مقدررررر !!

فاتوقع ماتصلح لي !؟؟

تهقين لو انتي شالحل ؟؟؟ والله جد ابيك تنصحيني ؟؟ لاني تعودتك نصوحه وكلامك يعجبني ويقنعني ،

وتسلميييين لي يالغاليه والله ماقصرتي ،،*​

 

[تختوخه عسل]

بعد عمري والله ماقصرتي علي هالمعلومات جان زين يثبتونها لانه في وايد يسألون عن التكميم

جزاج الله خير حبيبتي

 

[مذهلة 78]

.◈|❀|◈..

مَجهووود اكثر من مُميز
وموضوع شامل ماشاء الله راح يفيد الكثير من البنات
ربي يسلم هالايادي البيضاء الي كتبت لنا هالموضوع

ويجزااااك الجنة وماقرب لها من قولٍ او عمل ​

بعد عمري حبيبتي تسلمين و مشكوره على هالحجي الحلو ما قصرتي

 

[مذهلة 78]

موضوع متكامل ماشاءالله تسلم ايدينك والله،،​

مشكلتي اني مو من النوع اللي ياكل ٢٤ ساعه،،​

يعني اقوم اتريق والغدا محذوف من جدولي نهائيا والعصر اداوم واكل بالدوام وارد من الدوام شبعانه ومايطري علي الجوع الا ١١والا١٢ بالليل!​

بس طبعا ريوقي بخصم الفيصل بالسمسم او خبز وجبن كيري طبعا مو اي شي بعد ! او كورن فليكس الكاكاو والعصر بالدوام فطاير وحلا وخرابيط​

وبالليل وجبات سريعه او فطاير او اكل بالبيت بس لازم شي راهي !​

يعني صح ما اكل كل شوي بس اكلي كله يمتن وخرابيط يعني ياليت المتن على صحه بعد حمدالله والشكر !​

وفوق هذا انا كل شي استغني عنه عادي الا الحلا والكاكاو والسكريات مقدررررر !!​

فاتوقع ماتصلح لي !؟؟​

تهقين لو انتي شالحل ؟؟؟ والله جد ابيك تنصحيني ؟؟ لاني تعودتك نصوحه وكلامك يعجبني ويقنعني ،​

وتسلميييين لي يالغاليه والله ماقصرتي ،،*​

والله حبيبتي انا يمكن عاداتي الغذائيه اسوء من عاداتج بمليون مره والكاكاو كنت مدمنه عليه يعني و كل يوم لازم اطلب من المطعم عشا يا وجبه بيتزا هت لصغيره مع اجنحة دياي ولا وجبه من برغر كينج وزني كان 70 وصل 94 والحمدلله من سويت العمليه ليه يومج ماطب بحلجي اي شي من هذا ولا قمت اتشهى الاكل الكاكا آكل حبة من جالكسي جواهر مع قهوه

والحين وصلت للوزن المثالي قمت البس مقاس 10 uk من كنت البس 18uk شفتي الفرق

والضعف يصغر ويفكج ويريحج من امراض السمنه بعيد الشر
وحبيبتي اذا لنج نيه تسوينها توكلي على الله صج بالبدايه صعب بس بعدين لما تشوفين النتيجه راح ترتاحين

 

[مذهلة 78]

بعد عمري والله ماقصرتي علي هالمعلومات جان زين يثبتونها لانه في وايد يسألون عن التكميم

جزاج الله خير حبيبتي

شاكره مرورج حبيبتي ونورتي الصفحه:eh_s(7):

 

[غرام مرمر]

انا وزني ٧٩ واحاول بالرجيم ان شاااااءالله ما احتاجها ونصيحه حاولوا بالرجيم قبل تفكرون بالعمليه

 

[!! Ba6a 7lwa !!]

يعطيج العافيه

 

[جلكسيه اس 3]

الحمدلله على سلامتج
انا كنت مفكرهفيها بس تراجعت لان الفيتامين الي راح اخذه بعد العمليه بيكون ثقيل على معدتي و ماله بديل غير الابر و انا سامعه ان الابر تذبح
فتراجعت
بسالج الحين صحتج احسن يعني عادي ماتحطين مكياج و لا ليلحين ويهج اصفر

 

[مذهلة 78]

الحمدلله على سلامتج
انا كنت مفكرهفيها بس تراجعت لان الفيتامين الي راح اخذه بعد العمليه بيكون ثقيل على معدتي و ماله بديل غير الابر و انا سامعه ان الابر تذبح
فتراجعت
بسالج الحين صحتج احسن يعني عادي ماتحطين مكياج و لا ليلحين ويهج اصفر

الله يسلمج حبيبتي

بالنسبه للابر عادي جنها ابر بنسلين انا خذيتهم والحمدلله تحسنت حالتي وبالنسبه لويهي لا بدا يرد مثل قبل الحين مكتفيه بكونسيلر خفيف تحت الحين وكريم مرطب

 

[مذهلة 78]

يعطيج العافيه

الله يعافيج

 

[** رش رش **]

يعطيييج ألف ألف ألف عافيه على هالمعلومات
و جزاج الله خير صج استفدت منه واااااااايد