:eh_s(17):
عروساتنا الحلوات واللي يدورون على زياده الحلا بكل مكان
ادري الاغلبيه يقطون قط على الخلطات الغير مضمونه
واغلبها تحتوي على كورتيزون
ليش ما تخلين شغلج بيدج وباشياء متوفره بالمطبخ:sfg:
سواء كنتي طالبه - موظفه لازم تفضين نفسج ساعه باليوم حق العنايه
والحين نبتدي موضوعنا
وعلى فكره - ارحب بمشاركاتكم كل اللي عندها وصفات سهله ومجربه تحطها بالموضوع
نبلش
قبل فتره كان عندي موعد عند الدكتور عيسى بشور ( طبعا ما استفدت منه بشي) بس لقطت منه شغله وهو يسولف لي عن بعض منتجات البشره
وهي تقشير للبشره - شرح لي شلون يسوون هالمستحضر
يقول يخلون الفواكه الي ان تنتهي صلاحيتها للاكل وبمعنى اصح تخترب وتذبل
وتالي يسون المستحضرات التجميليه منها
قامت مشرفتكم وفكرت بشغله - طبعا ماراح اقدر اييب فواكه وانطرها تخترب
قمت وشريت روب الفواكه
فوائد الروب معروفه فما بالكم لمن يكون بالفواكه
قمت اخليه ليمن تنتهي مدته - تالي ابدي استخدمه حق ويهي ورقبتي
واخليه نص ساعه الي ساعه اليوم والنتيجه بشره نضره وشاده
---------------------------
خلطه ثانيه للويه
نشا + ماي ورد
قفشه وسط نشا وحطي فوقها ترس فنيال (مال القهوه العربيه) ماي ورد
خلها على ويهج ليمن تنشف تالي غسليها بماي دافي
+
ملاحظه ترا الصور من النت يعني مو شرط تشترون نفس الماركه بالضبط
----------------------------------------
خلطه ثانيه تفيد اللي فيها سواد الرقبه
هرده و روب عادي
قفشه وسط هرده وكبيره روب
الهرده للي ما يعرفونها بهالاسم اهي الطحينه
و
اذا تحبين تضيفين عسل هم احسن واحسن:eh_s:
--------------------------------
ماي الورد + ماي الزهر
علمتي على هالشغله وحده سوريه
ويها تبارك الرحمن جنه اكرستال :wqedqw:
تقول حاطه بخاخين واحد فيه ماي ورد والثاني ماي زهر
رايحه راده تبخ بويها منهم
-------------------------
شي تعلمته هالمره من صديقتي اللي تميت فتره ما شفتها
ولمن شفتها قبل فتره والا محلوه وااااايد والخدود حمر من الله
شلوووون
تقول كل يووووم
تسوي هالسلطه - اللي مكوناتها كالتالي
جرجير
روب
زيت زيتون
وليمون
شوية ثوم
يعني نفس طريقه الخيار بالروب بس تستبدلينها بجرجير
اسم الله عليها ويها صاير تفاحه
ما وصيكم كل يووووم ليمه العرس وعقب العرس اكلوها :rerrerek:
---------------------------------
عندي شغلات حق الجسم بعد
بعد شوي احطهم
لي شفت تفاعل :bbbiu:
* اقروا الموضوع كله العضوات مو مقصرين حاطين تجاربهم بعد *
