ملف أطباق المبتدئات بالطبخ تفضلوا ملف متجدد مقبلات - اطباق رئيسيه - حلويات

[dalal]

سويت كبه التونه ... حليوه لكن ماعرف اقدر الملح وصارت مالحه وايد ...

بغيت اسأل لما اقلي الكبه اشكثر ااخليها تقريبا ؟؟ 5 دقايق؟ ولا على اللون لين تصير شقره ؟

 

[سنفوره]

سنفوره حياج الله واكيد ام سلوم راح ترد عليج

ومؤقتا اخاف تكونين مستعيله بجاوبج لحد مااهي تدخل الموضوع

الكانلوني نوع من انواع المعكرونيه مثل مانتي عارف المعكروني تحتاج من 10 الى 15 دقيقه عشان تستوي انتي خليها نص الوقت اقري عالعلبه اذا مدة الطهي 10 دقايق خليها 5 دقايق او جربي طريقه اللمس او اللون اذا لج خبره فيها انا دايم اعتمد على اللون من يصير اللون فاتح اشيلها

وبالنسبه للصلصه تقدرين اتحطين اي ماركه مثل ماقالت ام سلوم وانا اسويها بالباشاميل بعد بس الافضل اول مره تقيدي بالمقادير عشان اذا تطلع مثل ماام سلوم مسويتها موتسوين شي ثاني وتلومينها اذا طلعت مو حلوه لوووووووووووول

مشكووووووووووووووووورة قلبى

 

[سنفوره]

اهداء لسنفوره الحلوه

هذا الكانلوني اللي اقولج عنه الصوره حدها قديمه كنت مشاركه فيها بموضوع شنو كليتي اليوم

شوفيها حشيتها حمسة دياي ومشروم وسبانخ ورشيتها بالجبن والبشاميل

وتقدريت اتحطين الصلصتين وهذا النوع الاصلي انج تحطين صلصة الطمام وبعدها صلصة البشاميل بس ماتخلينها تغطي الصلصه الحمرا


[/colo

r]

يااااااااااااااااااااااااااااااااااااااااى عليج شنو هذا صراحه تحفه مشكورة شنو اموت على خلطات الدجاج

 

[سنفوره]

لالالالالالالالالالالالالالالالالالا كلش ولا تزعلين علي حبيبتي سنفورة مثل ما اشرحت ماركية اذا تبين صلصة انتي اتسوينها بالبيت ترى عبالة انا شريت جاهز و الصراحة طلعت وايد حلوة و على سالفة الصلصة جربي الباشاميل مثل ماقالت ماركية
ان شاء بالليل راح انزل طرق الصلصات الي انا استعملها حق المعكرونيا انشاء علشان خاطركم و علشان ماركية الله يعطيها العافية

ما قصرتوا و مشكورين انتى و و ماركة وكشخة صراحة استفدت منكم ووايد مع انى اطبخ بس صراحة ماييى ببالى هالخلطات الله يوفقكم

 

[أحلى همبه كويتية]

اجتمعوا الحبايب
ماركية وام سلوم

عاشوا طباخاتنا الحلوين
:33_1185028183:

 

[ريم الصبايا]

مرحبا يابنات اللي تبي تسوي ساندويتشات لابو الشباب تتفضل
ساندويتش البيض

المقادير :
بيض مسلوق نقطعه شرايح
طماطم شرايح
خيار شرايح
صلصة رانش
خبز توست

الطريقه :

نحمص التوست بالفرن من جهه وحده بس وندهنه بالرانش ع الوجه اللين << اللي مو محمص
ونوزع عليه حلقات الخيار والطماطم

نصف فوقها حلقات البيض ونصب عليها من الرانش

طبعا نغطيها بشريحة توست ونقصها مثلثات

واستمتعي بأحلى ساندويتش بيض للفطور مع كوب عصير برتقال

فطيرة البيض الامريكيه

المقادير :
بيض
شبت مفروم
جبن موزريلا او شيدر مبشور
ملح وفلفل
مشروم شرايح
جبن شرايح
خبز توست

الطريقه :
نخفق البيض ونضيف له الشبت والجبن المبشور وملح وفلفل ونمزجهم مع بعض

نجيب شريحة توست ونحط فوقها شريحة جبن بعدين نحط فوقها شريحة توست نكون مفرغينها بالوسط بشكل مربع ونصب فيها خليط البيض بس لا تكثرون ونوزع عليها شرايح المشروم<< بالصوره توضح الفكره

نصفها بصينية فرن ممسوحه بشوي زيت

ونتركها بالفرن لحد ماتستوي ونبلعها بالعافيه

كلوب ساندويش تونا

المقادير :
الحشوه (بصل مكعبات - طماطم مكعبات - جزر مبشور - معجون طماطم - ملح وفلفل - تونا )
جبن شرايح
اوريغانو او بهارات ايطاليه
توست منزوع الاطراف

الطريقه :
نحمس البصل بشوي زيت ثم الطماطم و الجزر ثم الصلصه والملح والفلفل واخيرا التونا

نجيب شريحة توست (بعد مانشيل اطرافها ) ونحط عليها مقدار من الحشوه

 

[ريم الصبايا]

نغطيها بشريحة توست ونحط عليها شريحة جبن ونرش عليها شوي اوريغانو او بهارات ايطاليه

اخيرا نغطيها بشريحة توست ونقصها مثلثين او اربع مثلثات ونصفها بصينية فرن

نحمرها بالفرن من الوجهين ونقدمها حاااره ومقرمشه


ساندويتش النقانق بالموزريلا

المقادير :

الحشوه (نقانق مسلوقه ومقطعه مكعبات - بصل مكعبات - طماطم مكعبات - فلفل رومي مكعبات - معجون طماطم - ملح وفلفل )
جبن موزريلا مبشور
نعناع .. حبق .. ريحان ناشف >> مو كلهم اختاري واحد منهم بس لازم ناشف
خبز توست

الطريقه :
نسوي الحشوه بالطريقه المعروفه

نحمس البصل في زيت بعد مايتحمر نضيف النقانق ونقلبها عدل بعدين الطماط حتى يذوب ونضيف البهارات والملح



نجيب توست ونحط عليها مقدار من الحشوه وجبن الموزريلا ورشه من النعناع الناشف

نغطيها بشريحة توست ونحطها بالتوستر او الحماصه او الفعاصه اللي تسمونها
لحد ماتذوب الجبنه وتتحمر

ساندويتش الدجاج بالصلصه الفرنسيه

المقادير :

بصل جوانح
ثوم شرايح او مفروم
دجاج فيليه مقطع مكعبات
ملح وفلفل
صلصه فرنسيه << حق السلطه
خردل
مايونيز
جبن سايل
طماطم شرايح
خس شرايح طوليه
خبز صامولي او فرنسي

الطريقه :

نحمس البصل والثوم بشوي زيت لحد مايذبل

نضيف الدجاج مع ملح وفلفل

نخلط نص علبة الصلصه الفرنسيه مع ملعقه صغيره خردل وملعقة جبن سايل وملعقتين مايونيز
واذا قرب يستوي الدجاج صبينا عليه الخلطه

نتركها لحد مايستوي
وبعدها نحشيه بخبز مع شرايح الطماطم والخس



الشاورما البارده

المقادير :
دجاج باقي من غداكم وماتدرون وش تسوون فيه
خس شرايح طوليه
طماطم مكعبات كبيره
مخلل خيار مقطع بشكل اعواد
الصلصه (زبادي - طحينه سايله - مايونيز - ليمون - كمون )​

 

[ريم الصبايا]

الطريقه :
اول شي نفتت الدجاج

نضيف له الخضار ونقلبها مع بعض

نخلط مقادير الصلصه ونصبها على الدجاج ونقلب

نحشيها بخبز مفرود وناكلها
ولو كنتي بتحطينه طبق جانبي ضمن سفره الاحسن تستخدمين الخبز المفرود الصغااار مررره
بيكون شكلها اشهى واظرف

طبعا منقووووووووووووووووله وياليت نشوف تطبيقاااااات للمبتدئات

 

[<< أزيان >>]

سويت كبه التونه ... حليوه لكن ماعرف اقدر الملح وصارت مالحه وايد ...

بغيت اسأل لما اقلي الكبه اشكثر ااخليها تقريبا ؟؟ 5 دقايق؟ ولا على اللون لين تصير شقره ؟

هلا حبيبتي بالنسبه لي اعتقد التونه ماتحتاج ملح لأن المعلبات فيها نسبة ملوحه كبيره اذا احتاجت رشه خفيفة تكفي

والقلاي اعتقد بس على ماتتحمر لأن الكبه مو من وصفاتي انا مختارتها من ضمن الاطباق اللي شفتها سهله بالمنتدى

بس كل شي فيها مستوي فاماتحتاج فتره طويله بالقلاي

ما قصرتوا و مشكورين انتى و و ماركة وكشخة صراحة استفدت منكم ووايد مع انى اطبخ بس صراحة ماييى ببالى هالخلطات الله يوفقكم

العفو حياتي واي شي تبين انا حاضره وبالخدمه

اجتمعوا الحبايب
ماركية وام سلوم

عاشوا طباخاتنا الحلوين
:33_1185028183:

ياحياتي يااحلى حمبوشه بالدنيا

اخجلتي تواضعنا بكلامج :eh_s(7):

 

[<< أزيان >>]

يالله يالله ريومه شنو هالفناتك عاد انا قبل جم يوم ماكله كلوب ساندويش شبيه لهالطريقه فعلا فعلا لذيذ نزلته بموضوع شنو كليتي اليوم

واختي من شافته اهي ورفيجاتها بالدوام ادمااااااااان عليه لووووووووووول

جد ريم الصبا مشكوره وايد عالوصفات الحلوه

وفعلا نبي نشوف تطبيقكم بنات والله زعلتونا كل يوم ادخل موضوع الاطباق المجربه اقول يمكن بناتنا مطبقين شي

جد جد قمة الاحباط ورونا ياحافظ خل نستانس انا كل اكله اطبقها انزلها بالاطباق المجربه

يالله عن الكسل ناطرينكم

 

[dalal]

صار معلوووم


أبله ماركيه لاتعصبين علينا ترى انا انسى اصور الاطباق..
وكاني مسويه شي خطير شوفيني :tongue22:

http://q8yat.net/showthread.php?t=345679&page=2

 

[شندوخه]

تسلم ايييدكم شي شي شي مو اي شي
عفيه كثرولنا سوالف سندويجات وصمامين وصواني بالفرن وشي مايصير نغسل فيه مواعين وايد هههههههههههههه

 

[ام سلومd]

لالالالالالالا ريم الصبايا الصراحة انا استانس ليمن تنزل شغل فناتق اعيل الله يعطيج العافية ريم

 

[ام سلومd]

اجتمعوا الحبايب
ماركية وام سلوم

عاشوا طباخاتنا الحلوين
:33_1185028183:

:aha: حبيبتي الهمبة مشكورة اخجلتي تواضعي

 

[ريم الصبايا]

تسلمووووووووووووووووووووون يابنات يعطيكم العافيه

 

[dalal]

تسلم ايييدكم شي شي شي مو اي شي
عفيه كثرولنا سوالف سندويجات وصمامين وصواني بالفرن وشي مايصير نغسل فيه مواعين وايد هههههههههههههه

:dddds::dddds::dddds:

مو قلنالج شغلي الدش وووشر وبترتاحين من سالفة الغسيل

 

[أحلى همبه كويتية]

بنات جربوا هالكيكة وايد حلوة

كيكة هشة بالقرفة والمكسرات

خفيفة ورائعة لشاي العصرية ..

المقادير :

المجموعة الأولى :

2 بيض + شوية فانيليا
ثلاثة أرباع الكوب سكر
نصف كوب زيت
4 حبات جبن كيري
نصف كوب حليب سائل
كوب طحين + ملعقة طعام بيكنج باودر

المجموعة الثانية ..

2 ملعقة طعام سكر بني + 2 ملعقة طعام جوز هند
قليل من الجوز واللوز
ملعقة طعام قرفة

الطريقة :

في خلاط العصير ، نخلط بالترتيب البيض والفانيلا
ثم السكر
ثم الزيت
ثم الحليب
جبن الكيري

ونصب المزيج في قالب على الطحين والبيكنج باودر

ونخلط بالخفاق اليدوي على أقل سرعة ، ونصب المزيج في قالب مدهون ..

تدخل الفرن على نار هادئة لمدة 30 دقيقة وتخرج .. ( قبل تحمير الوجه )

الآن نخلط مقادير المجموعة الثانية وتوضع فوق خليط الكيك .. وترجع للفرن ونفتح من الأعلى لمدة دقيقتين فقط .. حتى يتحمر الوجه ويلتصق خليط القرفة والمكسرات ..

ثم تخرج وتترك لتبرد ، وتقطع وتقدم ..

 

[<< أزيان >>]

صار معلوووم


أبله ماركيه لاتعصبين علينا ترى انا انسى اصور الاطباق..
وكاني مسويه شي خطير شوفيني :tongue22:

لوووووووووول اهم شي اني خوفتج اي ديري بالج ولا ترا :eh_s(4):

اي ترا انا مااغمشر هههههههاهه ياحلوج والله فديتج وفديت غشمرتج الحلوه

http://q8yat.net/showthread.php?t=345679&page=2

تسلم ايييدكم شي شي شي مو اي شي
عفيه كثرولنا سوالف سندويجات وصمامين وصواني بالفرن وشي مايصير نغسل فيه مواعين وايد هههههههههههههه

الله يسلمج ياحياتي ترا البنات يعجبونج وانتي بعد خوش طباخه يالله خنشوف اطباقج لوووووووول

 

[<< أزيان >>]

همبوشه

يالهمبونه انتي

الكيكه شكلها
يم
يم
يم

عذبتيني اموت عالكيك مع شكر ودارسين

 

[<< أزيان >>]

بنات هالاكله عجييييييييييييييبه ووالله انا مسويتها اقتباسات من مخي
وايد اشوفها يسونها بالاجبان او المايونيز انا سويتها بشكل غير واهي
اللزانيا الجذبيه لوووووووووول انا سميتها شذي يالله خل نبلش بالطريقه
اول شي ناخذ صينيه متحركه الخاصه بالشيز كيك ونحط بالقاع بشاميل ومقاديرها
1 لتر حليب + ربع زبده + 4 ملاعق طحين + رشة ملح وفلفل ابيض او اسود
نحركهم عالنار لحد مايثخن الخليط وبعدها نرفعه عن النار
مسحنا قاع الصينيه بثلاث ملاعق بشاميل بعدها نصف التوست بهالطريقه

وبعدها ادهن التوست بالشاميل قبل مااحط الدياي

نحط الطبقه الثانيه وهي مسحب الدياي افوح الديايه بالطريقه المعتاده بعدها اقطعها مثل المسحب واحمسها مع بصل وجزر واي نوع تحبينه من الخضار بعدها احط منها مقدار اللي يغطي التوست مثل ماانتو شايفين بالصوره
بين كل طبقه والثانيه اصب ملعقتين الى ثلاث من البشاميل واكرر العمليه لحد ماتنترس الصينيه وتكون اخر طبقه عندنا اهي توست

بعدها ارش جبن موزريلا