ملجه وهذي ردوده ...صح كلامه ولا لا !!!!! ابي نصيحتكم

[أسيرة_أحزاني]

سالفتج وايد طوييييييييلة

والله يعينه على نفسه مسوي روحه ثقيل استغفرالله

 

[pusy cat]

بنات بليز اللي مو متزوجه خل تقول

لا تضيعون البنيه على شي انتو ماجربتوه ولا تعرفونه

لاتصيرون من شياطين الانس اللي يفرقون بين الزوج وزوجته ترى والله ذمبهم برقبتكم لي تطلقو باجر

هالمواضيع حساسه لا تفتون فيها

حتى المتزوجه ترى زوجج مو مقياس للرجاجيل الثانين انتي ماتزوجتي كل الرجاجيل عشان تقولين الرجاجيل مو جذي

مبين عليه الرجال ثقيل وعنده شغل يعني لازم مغازلجي وعنده سوابق والا مايصير طبيعي ؟؟

الله يهديكم بس

 

[Seriously!!]

هاي النوعيه من الريايل يحبون البنت الغامضه الهاديه يعني الحين هي مثل ماقلتي تسولف وهو يرد بكلمه كلمتين ..لكن لو قلبنا السالفه وهي اللي حاقرته وعايشه حياتها بيتشوق لها ويبي يعرف عنها اكثر واكثر .. خل تبتعد عنه وتدور شي يشغلها عنه
وبالنسبه له هو انا ماحس ان هو غلطان بالعكس تفكيييره واايد حلو يمكن مايعجب البعض بس انا بالعكس من وجهة نظري حابه فكرت ان بفتره الخطوبه مايتكلمون احلى شي ايام اللي اتي ورا العرس.. واذكر مره قريت موضوع عن تجارب البنات واصريت اني اذا ملجت ماراح اكلم زوجي الا ورا العرس.. يمكن هو حط هالمبدأ عنه .. بس اكدي عليها خلها تشغل نفسها وتحقره بيركض وراها وبيتشوق ويببي يعرف عنها اكثر واكثر بس خلها عادي مو منفسه خلها دوووم فرفوشه بس هاديه ولا تدقق وايد على كلامه وخله هو يبادر بالكلام الحلو

 

[Seriously!!]

وعلى فكره انا مو متزوجه

 

[Freakya]

أشوف السالفة مافيها شي و رفيجتج مكبرة الموضوع

الرياييل انواع و بالعكس حسيت ان الريال عقله كبير

و اهيا ليش زعلانة اصلا مادام هو من الاول ما يكلمها بالتلفون بس يدز مسجات

المفروض تعرف ان شخصيته هادية .. و ترا كل شي بوقته حلو


طموشـة

 

[المســك]

ما اشووف انه غلط بشي

من البدايه حط النقط عالحروووف ويبي كل شي بعد العرس ومعاه حق بصراحه

خلي رفيجتج تنساه وتعتني بنفسها وتلهي نفسها بمشاغل الدنيا

وصدقيني بعد العرس راح تشوف انسان ثاني ان شالله بغرقها حب

الله يوفقها ويسخرها له ويسخره لها

 

[توته وزيتونه]

اللهم اميييين ربي يستجيب دعواتكم ويسخرهم لبعض
صح والله اكثر الكلام الي قلتووو اهو الصج انا بعد اتوقع ان اهو يبي جذي عن المشاكل البسيطه الي تصير
ربي يهديهم لبعض وانا بحاول اخذ من كلامكم الي يصلح لهم وانها تطنشه هذا اهم شي

 

[PuPa^^SWeeT]

اول شي قولي حق رفيجتج لا تحرق نفسها ترى بهالفتره مو حلو كثرة المواصل خليها شفاقه بينهم

وثاني شي اللي هو احلا شي سلمي عليها وقولي شالعه ضرس العقل تهديج كلمات تنتظر كلمة احبك ههههههههه


تنتظر كلمة احبك, شايفك مشغول فيها
كل شي بوقته حلو.. ليه مستعجل عليها ؟!!!
بكره هي اللي تجيك... وتمر كل لحظة عليك...
انت بس طولي بالك.... وكل شي بوقته حلو
في ثواني... في دقايق... في شهر ولا سنه
القلوب هي اللي تحكم... ماهو انت او انا
ينولد حبك وحبي.... واعشقك ياروح قلبي
انت بس طولي بالك.... وكل شي بوقته حلو
خلنا نفهم بعظنا... قبل مانهوى نظيع
مابعد برد الشتا..... الا نسمات الربيع
واوعدك كلمة احبك..... منها مايمل قبل
انت بس طولي بالك ....وكل شي بوقته حلو

http://www.youtube.com/watch?v=flmybxpxgfs

واذا عادي عندهم الواحد يكلم مرته بفترة الملجهيمكن هو مايبي يحرق نفسه بعدين
وترى مو حلو البنت هي اللي تبادر كان خلته هو يبادر
بس خلاص توقف وتثقل ولاتطلب شي ولاترسل الا اذا هو ارسل لا تحرق نفسها ترى الكلام الحلو بيطلع وبتشبع منه بعدين

امبيييه مو اموت على الاغنية صج صج صج حلوة




هذا المو حلوو بتطويل الملجة

لازم واحد من الطرفين تحترق اعصابه


بس اقوولج ترا مو حلو البنية اللي اتبادر باي شي

حتى لو تبي تسكت


اهوو اللي يبادر بكل شي

وشكله اهوو مو بتاع الغراميات و المكالمات

يعني ممكن باجر لما اتكون عنده و يشوفها ممكن يفج شوي

واهوا قالها كل شي بوقته حلوو

وترا لا تسترغبين

ترا المتزوجين اللي اربع و عشرين ساعة كلام و غراميات مايحبون بعض صج الا لما تقوا علاقتهم و عشرتهم مع بعض


فا انتي ريلج صاج مايبي يزهق من الكلام الحلوو وياج

عرفتي

 

[بنت التمايمة]

براي انه رجل عاقل وثقيل

 

[amami al-kuwai]

يمكن يكون خايف انها تمله

مو انتي تقوليني مايتحجى مع خواته

وبعدين المسجات تخلي الواحد جرئ اكثر من الفون

عادي حبيبتي قولي لها لا تحاتي يمكن عنده وجهة نظر

 

[مـزآج ــــية]

خل تثقل و الله

لا تقعد تدزدزله مسجات اذا اهوا مو قاعد يعطيها ويه


باجر يقول هاذي ميتة علي

الله يعينها

بس راح توضح الصورة عقب العرس

 

[قاهره عذالي]

شوفي

نفس اسلوب زوجي قبل بالملجه

واتضح لي انه طبعه جذيه بخيل بمشااعره واحاسيسه مايحب الا نفسه

بس ان شاء الله مايكون زوجها جذيه

خل تبعد وتقطع المسجات وتحقره

وخير شر ما تتكلم معاه

ولو دز مسج لا ترد

خل تثقل عليه عدل

ترا السكات والثقل يطلع اللي بقلب الرجال شنوو

وربي يوفقها لا تهتم

 

[توته وزيتونه]

ان شاء الله يارب مايكون بخيل عليها بمشاعره

اهي خلاص بتثقل عليه وعدتني انها بتتغير لانها خلاص ملت من تصرفاته مع العلم يابنات ان اهو ماكان جذي قبل معاها كان من احسن مايكون كانو حيل ع بعض اقولكم لدرجه كل الناس لاحظو وكان كل كلامه حلو بس اهو من كيفه قرر فجاه ان مايبي يبين اهتمامه ولا بيقول كلام حلوو الا بعد العرس يعني شي يخص علاقتهم كان لازم يتفاهم معاها ويتفقون ع هالشي مايصير يقرر بروحه

الله يهديهم لبعض

 

[الانوثه]

حبيبتي اذا بتخربين على نفسك مسجيه واطلبي منه يكلمك واذا تبين يتم زواجك وتعيشين حب ورومانسيه اتركيه ولاتمسجينه ولاتطلبين منه اي كلام حلووووووووووووووووو واضح ان زوجك جاااااد وينظر للمره صح وفوق هذا ماخذ فكره عن البنات انهم كلهم جذي احتمال مار بتجارب ولا يبي يشوفك بالصوره اللي مو حلوه انا معاج فترة الملجه حلوه بس هي هم اختبار للبنت وخليييك ثقيله فديتك وهذا كلام اخت كبيره فاهمه طيعي كلامي وعيشي حياتك ولا تمسجينه كلش ولا تعاتبينه عن طريق خواته ترى الملجه الطويله موحلوه وتملل الوحده بس لاتخربين بيتك وحياتك بنفسك وراح الكثير ومابقى الا القليل وواجد نااااس نفس خطيبك وتصرفه ترى مو غلط بس حنا الحريم واجد رومانسيات ورومانسيتك نصيحة اخت اجلللللللللللللللللللللللللللللللللللليها لايمل منك الرجااااااااااااال فديتك وربي يبارك لك ملجتك ويتمم عليك يااارب

 

[دلوعة حمني]

حبوبة ترى الرياييل مايحبون الحنة و الرنة!! و هذا طبع متأصل فينا يالحريم

خليها تخليه على راحته و لي جمعهم بيت واحد تستلمه حزتها

 

[dubai girl]

خليها اتسايره
يعني اتسوي نفسه اذا اتصل اترد واذا مااتصل لا تتصل وهكذا
بنشوف لين وين بيوصل مع هالتفكير المتحجر

بس كيف تبغي كلام حلو مسرع ماحبته
المفروض تتريا الكلام منه لااتشوف غيرها
كل ريال يختلف عن الثاني
!

 

[أنا الثريا]

هذا شي عاادي من الشباب اهما جذي مايعرفون يقولون كلام حلو..هذا شي طبيعي
لاتنصدم او تخاف منه..ترى مافيه شي بس الرياييل تطلع مشاعرهم وبعد العشرة والتعلوم..يعني تعلمه شلون يقول كلام حب ورومانسية
بس بذكاء وصبر​

اعرف وحده كان ريلها يحبها وتحدى اهله عشان ياخذها وبعد صبر سنين..لما ملجوا يتصرف عادي ماكانه عاشق..المشكله الرياييل مايعرفون يعبرون..بس مع العشرة ومن تصرفاته معاها يبين انا يحبها ..

ويمكن واحد من الشباب قايله جذي احسن..!!ترى واحد يخرب على الثاني
كل واحد يسوي روحه ابو العريف...!​

لاتاخذ عنه فكرة موزينة شكله خوش واحد لاتخرب على روحها وتخسره وتخليه ياخذ فكره موزينة وتبدا حياتها غلط
احسن حل ..تشيله من بالها وتحاول تشغل نفسها بشي مني للعرس

​

الله يوفقها ويتمم على خير​

ياكرهي للخطبة او الملجة اللي تطووووول..يصير من وراها بلاوي​

 

[نونو العصله]

يبه عادي
وايد رياييل جذي
حتى بعد الزواج داقين ثقل
هم عمليين
احنا العواطف والرومانسيه ذابحتنا
خليها تثقل عليه
من مصلحتها
الريال ما يحب الشي اللي يجي بلساهل
ولاحقه عليه بعد الزواج
والله يهنيهم انشاء الله

 

[توته وزيتونه]

ايه والله الملجه الطويله تسبب مشاكل لاحول ولاقوه الا بالله

اللهم اميييين ربي يستجيب دعواتكم وجزاكم ربي كل خير ماقصرتوو وربي يهديه لها اهو للحين مابين منه شي من يوم السالفه
واهي بصراحه اشوفها بدت تطلع وتستانس وموقاعده تفكر هذا الي اشوفه بصراحه بس مادري شنو تحس بقلبها بس ربي يصبرها ويفرج كربتها

حبيباتي انتو والله ماتقصرون