ملجه وهذي ردوده ...صح كلامه ولا لا !!!!! ابي نصيحتكم

[عبير-الشرق]

حبيبتي لاتتضايق الرجال الكويتي يحب المبادره بالكلاموالحلو من الرجال ويحب انها تكون فى قمه حياها وتستحي تقول الكلام الحلو لان بعضهم يفكرون انه الوحده الجريئه تكون مجربه الحب مع احد من قبله فالاحسن انها تصبر وامرها لله

 

[بنت.المطيري]

ورده الدوحه لا والله ماعرفتي تفكيره

صدقيني تفكيره نفس تفكير زوجي ونفس اخوي

وحتا انا من قبل لااتزوج وانا قلت ان شالله لي تزوجت مستحيييل اكلم زوجي والحمدالله صار االي نبي حيل حيل احلا

وحتا لو اصر علي راح ارفض مابي يحرمني من الاحساس اللي ابي احسه بالعرس

وحده من رفيجاتي تقول ان خالها قعد يكلم مرته سنة كامله حتا شوف مايشوفها زهق ولااااعت جبده ومصخت وايد وصار ماكو سوالف واستمر البرود هذا لي حتا بعد الزواج يقول بفتره الملجه كرهت كل شي كرهت كثر متدق وادق صار ماكو سالفه وينك شلونك وينك بس فطلعت من خاطره علا قولته

كل واحد وتفكيره وكل واحد واقتناعه شنو في ناس يشوفون المكالمات خزه الملجه ايجابيه وفي ناس لا ودام واحد من الطرفين رافض الفكره خلاص لاتقط عمرها عليه

وماتزوجها ولاطلبها الا واهو حابها

الله يوفقها

 

[توته وزيتونه]

صح حتئ اهي تقولي ان بس اليً بينهم مسجات وتقول ماعندنا سوالف بس اهي الي تسولف واهو قليل كلام

انزين بنات شنو برايكم الحل انها ترد تبين له ان شخصيتها قويه وانا ماقطت روحها عليه لانها ضعيفه اذا فهمتوني شلون ترد تخلي صورتها جدامه انها ثقيله وواثقه من نفسها وشخصيتها قويه مو مثل مااهو شاف

تصدقون حتئ انا ودي انها خلاص ماتراسله ع قولتكم حلو ان مايكون بينهم شي
اخاف اقولها وتقوله ويفهم ان اهي ماتبيه خلاص او انها كرهته تعرفون الرجال يفهم كل شي غلط
شرايكم تقوله او لا ....هي الحين من كثر ماتضايقت منه صار عادي عندها لو ماتراسله !!!!

 

[حبيبة عبآآدي]

خله تجرب اطنشه ... او تعامله نفس ما يعاملها . ترد ع قد السؤال . .
الله يكون فـ عونها .. احنا البنات نحب الاهتمام والكلام الحلو . ماتنلام مسكينه

 

[lamoshty]

1- لاتراسله ولاشي ولاتكلمه نهائي خليهااا تبين له انه كل شي بعد العرس مثل مايقول ..
2- تنبسط بحياتها وتنساااه دام انها ماراح تنبسط بالملجه تبسط نفسها وهو تخليه لبعد العرس تطبق كلامه كل شي بعد العرسس .
3- لا عاد ترسل له شي لاهدايا ولا حاجه خلاااااااص خليها تصير ثقييييييله وانها ماتفكر فيه ..
4- خواته لاتجيب طاريه ابد ابد حتى لو حست انهم متعمدين الا تقول شي عنه لاتتكلم عنه ..
5- واذا ارسسسسل شيي ان كان يستاهل الرد ترد اذا لا لاترد .. ماله داعي والا اذا اشتهى يسولف سولف واذا لا صرف
وبسس

قسسم يقهر يسوون نفسهم يحمد ربه بعد .. مع انه مو غلطان ابد بسس لانه بدت معه الكلام المفروض مايرد عليها بهالطريقه يعني في طرق احسن من كذا ...شكله مغرور وشايف حاله ..


>>>>>>للمعلومية ترى عزابييية الاخت بسس يمكن كلامي ينفع

 

[lamoshty]

صح حتئ اهي تقولي ان بس اليً بينهم مسجات وتقول ماعندنا سوالف بس اهي الي تسولف واهو قليل كلام

انزين بنات شنو برايكم الحل انها ترد تبين له ان شخصيتها قويه وانا ماقطت روحها عليه لانها ضعيفه اذا فهمتوني شلون ترد تخلي صورتها جدامه انها ثقيله وواثقه من نفسها وشخصيتها قويه مو مثل مااهو شاف

تصدقون حتئ انا ودي انها خلاص ماتراسله ع قولتكم حلو ان مايكون بينهم شي
اخاف اقولها وتقوله ويفهم ان اهي ماتبيه خلاص او انها كرهته تعرفون الرجال يفهم كل شي غلط
شرايكم تقوله او لا ....هي الحين من كثر ماتضايقت منه صار عادي عندها لو ماتراسله !!!!

شوفي قلبيي هو بكل الاحوال الرجال دايم مخه مقلوب مادري كيف يفهم


بس هي لاتنتظر شي منه يعني لاتنتظر انها تبين له انها قويه ومادري شنو لاآآ



اكبر تطنيششش ولاتقوله شي تصير غاممضه ولاتصير من النوع الي يجيب كل سوالف العالم له وتعلمه اذا هي تبي والا ماتبي


ياايكتشف من نفسه ولا تحاول تبين له ..



من هو الي من تملك عليه وهي تفكر فيه ماتسوى عليها اتحدى اذا يفكر مثلها فيها


واضح انه من النوع الثقيل مايبي يطير فيهاااا و تشوف حالها عليه .. في نوعيه مثله وكثيره بعدد علشان يقدرون يتحكمون في البنت

وحده من قرايبي تدور على رضاه وكل شوي تقول اسوي واللا ماسوي بسس تفكر فيه وهووو اكبر طاف وهذا الي يبيه يشغلهااا من قبل الزواج




ماراح تبين له انها قويه الا اذا ماهتمت فيه

تتخيل انها وحده من البنت ناشبه بحلقها ماهي قادره تقول لها شيي يضايقها ماتقدر غير تجاملها اذا ارسل ترد بكلمه اذا تسوى الرساله انها ترد عليها اذا ماتسوىى لاترد

مو يرسل نمتي
تروح وترد لالالا

مايستاهل




وخلاص وابد هو بيحس وبينقهر بعد منهااا هو هذا الي طلبه





ترا كلامي كلام حريييم يعني اخاف هو من النوع الي يعاند ويتركها والا شي وتدعون علي


مادري بس هذا الي عندي يعني اذا الاخوات يؤيدوني والا لا


بسسس لاتقول ابين والا مابين بحدها رافعه ضغطي اهتمامهم في الرجال :eh_s(10): تتوقعين هو يسوي كذا عند ربعه

 

[كيآن روحي]

سبحآن الله نفس آسلوب زوجي وقليل الكلام ومآيعبر عن شعورة لمآ مليييييييييييييييييييت من آسلوبه وطنشتة0 بيصير لنآ سنه ولسى مآتحدد الزوآج ومليت من الرسآيل والمكآلمآت
خليهآ تطنشه ولاترسل نصيحه مني

خلاص آهو بين لهآ آن كل شي بعد الزوآج لاترسله ولاشي لو حآب هالشي كآن يرسل لهآ دآيم
مومعنآة مآيحبهآ يمكن آهو مومثل بآقي الشبآب عندة نظرة غير

 

[رآآحٺ آيآمڪْـ]

الله يهدي بالهم ويصلح الحال يارب العالمين ،

 

[توته وزيتونه]

هي والله اخذت قرار ع نفسها انها بتطنشه ووعدتني انها اذا دز ماراح ترد بسرعه ووصيتها شكثثثر وخاصه من قريت كلامكم وانا اايد عليها الحجي انها تطنشه وان شاء الله يجيب نتيجه او عالاقل يحس نها غامضه وثقيله مثل ماتقولون


وبالنسبه للغرور صج اهو فيه نسبة من الغرور بس مادري ليش بس تحسوون دايما واثق بنفسه زياده عاللزوم يعني الدليل انه متمسك بتفكيره لابعد الحدووود

بس سؤال اذا مابين لها ان طاير فيها عشان لاتشوف نفسها عليه صج هابشي انا ملاحظته حييل بين الشباب وابي جذي هذا مشكله يعني حتئ بعد الزواج مايكون من النوع الي يمشي ورا المرا صح!!! الله يستر لا تصير اهو الغالب ويمشيها وراه اذا من الحين جذي مايبي يطير فيها عشان لا تشوف نفسها ..عيل يمكن حتى بعد العرس مايكثر عشان لاتشوف نفسها بعد انا بصراحه مااستبعد شي

 

[ياعيون مغليك]

والله مااشوف ان الرجال غلطان.. بالعكس مادام يدري ان الملكه مطوله ليش يكلمها؟؟ شنو بتكوون بينهم سوالف
وحلات الميانه ماتطيح الا بعد العرس بيكون لها طعم حزتها..

البنت بااين عليها صغير ومطفووقه حبتين.. لاترسل له شي وتصير معاه رسميه بس بشويه انوثه ومسايسه
اذا دق خل ترحب وتهلي فيه واذا راح مايشوف شر لاتسأل عنه.. جذي بترد شخصيتها قدامه

مو تحقره واذا دق ماترد ولاتطرش شي << كذا بتصير مشاكل وينولد الحقد

والله يصلح بينهم

 

[ثريا الكون]

الصبر حلو شوي شوي عالريال​

 

[miss mama]

شخلووووو حق العرس اذا من الحين منفسين وعتاب وشرهه ....... قولي لرفيجتج تثقل شوي ترا عقب العرس ماكو دلع ومسجات وقلت لك و قلت لي هههههههه لا اكو اربع طووووف للزوجه واهي الي تراضيه بعد عشان الحياه تمشي ...

 

[• JoJo •]

خل تطنش بس وتعيش حياتها بالطول والعرض


هذا اهو مبسوط وماهمه شحقه تحرق اعصابها عليه

 

[dectora 7elwa]

الله يهديه
البنات ما قصروا نفس رايهم
الثقل

 

[المرتاحة]

وي تفكيره وايد رجعي الحمد الله والشكر

ما عليه خل تخليه ولا تراسله لين العرس علي قولته

 

[حياتي وأنا كيفي]

أنا لو من رفيجتج أشك فأمرة ويمكن أترككه

لان مافي واحد بالملجه يسوي جذي الا اذا كان يعرف وحده

هذي وجهت نظري ياليت ماتقولون أني بخرب على البنت أنا أقول

خل تصحى من العسل وتتأكد منه أحسن ما تتطلق بعدين
وشكراا

 

[pusy cat]

على فكره فترة الملجه مو حكم على شخصية الرجال لأن انتو متزوجين ومو متزوجين بنفس الوقت

انا وزوجي كنا نكلم بعض باليوم فوق 3 مرات وكانت تصير بينا مشاكل كبيره على اسباب تافهه لدرجة ان اتفقنا على الطلاق 3 مرات على ليش مادزيتلي مسج ليش لما دقيت مارديت علي ليش لما شبكت المسنجر انت حولته بزي ليش كاتب هالتوبيك >> شوفي التفاهه

لاني كنت مثلج ادقق على حرف حرف يقوله واطلع لكلامه الف تفسير حتى لما كنت اصارحه كان يستغرب يقول انا عفوي لما اتكلم ليش تدققين حيل وتفكرين بكلامي واجد

حزتها حسيت ان كلامه صح وماقمت ادقق على كلامه والحمدلله انتهت كل المشاكل وكانا تزوجنا وصرنا سمن على عسل

قوليلها لا تستعجل على رزقها وصح مو شرط تكون الملجه احلا ايام الزواج على حسب في ناس احلا ايامهم ايام الملجه وفي ناس شهر العسل وفي ناس لا ملجه ولا شهر عسل في ناس سعادتهم بعد الزواج لانهم يكونون متفاهمين وتعودو على بعض اكثر

هذا الشيطان قاعد يقص عليج تعوذي منه

بالعكس الرجال زين ومافيه شي بس انتي حساسه وودج تعيشين قصة حب >> وانا كنت نفسج

تخيلي زوجي كان لما يتغشمر معاي بالملجه كان يتطنز على شكلي وانا كنت اضحك بالبدايه بس عقب مايروح افكر بكلامه واقول ليش يقولي جذي بدال ما يتغزل فيني يعيب على شكلي ووووالخ وفجأه اقلب عليه واهو مايدري شالسالفه لانه مو قاصد يجرحني يبي يطيح الميانه معاي ويبيني آنا بعد اتطنز عليه

وداخلي كنت اقول اذا هذي اولها ينعاف تاليها اشلون باجر لي حملت وولدت وتغير شكلي صج اذا الحين مو عاجبته اشلون لي اعتفست صج

ولما كنت اصارحه اقوله انت قلتلي جذي وجذي وجذي ينصدم يقول انا اصلا نسيت شنو قلتلج ليش اتدققين حيل انا كنت اتغشمر بضحكج

ويوم تأزمت الامور بينا قالي انا واجد رجاجيل انصحوني اني ما احتك فيج واجد بفترة الملجه عشان ما تصير هالمشاكل التافهه

اكيد زوجج ناصحينه انه لا تكلمها واجد بفترة الملجه عشان ما اتطلقون

 

[pusy cat]

أنا لو من رفيجتج أشك فأمرة ويمكن أترككه

لان مافي واحد بالملجه يسوي جذي الا اذا كان يعرف وحده

هذي وجهت نظري ياليت ماتقولون أني بخرب على البنت أنا أقول

خل تصحى من العسل وتتأكد منه أحسن ما تتطلق بعدين
وشكراا

لا والله خربتي عليها ونص الله يهديج

لاتشككين البنت بأخلاقياته بالعكس لو انه مغازلجي جان غرقها بالكلام المعسول لأنه متعود

مبين عليه حتى مايعرف يغازل ولا عنده مسجات غزل لأن محد يدزله

والرجاجيل انواع لاتقولين مافي رجال جذي لا فيه

 

[اسراب الطيور]

شوفي
اول شي انا بصراحه ما اشوف في مشكله من الاساس
ليش
لانه باختصار قليل الكلام مع اهله يعني فيه هالطبع مو تجاهلا لها وواضح انه حيوي
واكيد الزوج يحب الخجوله حتى لو كان جرئ ويحب اهو يبادربالمشاعر
والاهم انه يعاملها باحترام وعلى انه قال الله اكبر عليك يعني يمكن متعودعلى هالكلمه وقايلها بالغشمره
بعدين اهو عنده مبدأ انه مؤجل كل شي لبعد الزواج خل تحترم رغبته وتمشي طبيعيه
وسالفه انه قلتي لها غيري اسمه الله يهداك ماله داعي هالشي
ونصيحتي لها انها تحتفظ باسرارها ومسجاتها ماله داعي ترسلهم لربعها اذا من اولها جذي!
راح تكبر مشاكلها اذا تناقلتها
خل تحلها بينها وبين زوجها
الله يوفقهم

 

[غـرامـي أنـت]

خليهاااا تحقررررره بالمره وحتى اذا ارسل لهاا تطوول على ماترد عليه ولما ترد يكووون بـ أختصأر

يعني مثل اسلوووبه معهاا الحيييييييين ,, والله بيحس

اهم شي تطنشه ..