ملتقى عرايس 2010 شهر 3 مارس

[غلاوي الديره]

بنات نبيى جدول لثانى يوم العرس من نقعد من النوم شنلبس
لان اختبصت عندى الامور
يلا بنات كل وحده تدخل تكتب شراح تلبس ثانى يوم؟؟!!
يعنى اول ماتقعد؟
العصر؟
وجذى...
طبعا ثانى يوم ماراح انزل عند حمولتى على ثالث يوم انزل...

 

[احلى صغيرونة]

الذين تشاهدون محتوى الموضوع الآن : 3 ( العضوات 2 والزائرات 1)
‏shooshoostar, ‏احلى صغيرونة
وينج صغيرونة حياج

هههه يحليلج يا شوشو
والله انا عاجبني تجمعكم عشان جذي قاعده اقراه من اول صفحه مليت امس واليوم بلشت من اخر صفحه لين جدام
الله يوفقكم ويسهل عليكم
هالله هالله بالنفسيه الحلوه ترى هذي الايام ايامكم عيشوها واستانسو بعدين تندمون اذا مااستانستو فيها وتتمنون انها ترد لو دقيقه بس منها

عسى خلصتو كل شي شنو باجيلكم ماخلصتوه

 

[كراميل لاتيه]

مرحبا غلاوي الديرة
انا ببدي اول ما اقعد على صلاة الفجر اتسبح ومزيل مكياج وبعدين افج التسريحه
وبعد السبوح البس بجامه حرير واحط مسك الطهاره وخمريه للشعر وابخر شعري وهو مبللول واستشور شعري واحط ميك اب ناعم واروح اقعده وانام يعني اسوي روحي نايمه لما
ولما اقعد راح اعدل شعري واغسل وجهي وافرشي اسناني واظل بنفس البجامه
اكيد راح يجيب ريوق

 

[روزماري]

ثاني يوم أول ما اقعد أسبح واغسل شعري وأحط لوشن عطري وألبس بجامه حرير أوف وت وأستشور شعري وأبخره أحط دهن عود كمبودي أصلي أمسح على شعري لاني ما أحب الخمرية وهالسوالف أنا هاذي طريقتي للشعر ودايم يسألوني عن عطر شعري مع أني ما احط عطر بس دهن عود أصلي وبخور أو معمول المهم نكمل بعدها أحط ميك أب خفيف بودر وماسكرا وقلوس وبشغ الفواحة بالصالة والحمام قبل ما يقعد أبو الشباب عشان يقول عروستي سنعه لووووووووووول

 

[روزماري]

روز ماري ياحلوج وياحلو كلامج يشجع<<داشين حرب مو عرس

فديتج غلاوي لازم كلامنا يكون جذي والله صدقوني أذا حسيتو بضيقة حاولي تطلعين منها واستانسو هاذي أحلى أيامكم استانسوا وفرفشوا وأبعدوا الضيقة والتوتر
الله يوفقنا ونكون أحلــــى عرايـــس آآآميــــــــــــــــن
:sfg:

 

[كراميل لاتيه]

آمـــــــــــــــــــــــــــــين الله يجملنا بعيون ازواجنا
ويوفقنا

 

[روزماري]

يــآ هلا بكراميـــل أخبآرج ؟؟

شسويتي خلصتي ولا نفسي ؟ كل ما اقول خلصت تطلع سالفة جديدة

حجزتي صالون ؟؟

 

[جوـوـوري]

شلونكم بنات
غلاوي
شوشو
حلاتي
لحونه
وباجي البنيااااااات
وعسى الله يوفقكم ويرزقكم الذرية الصالحه يااااارب

 

[}{ دلــDaLo0oLـــووول }{]

صبـاح الخيـر



غلاوي هذا اللي بسويه ثاني يوم الصبح



طبعا مستحيل راح أنام وأكيد أكون قاعده قبله

فاللي راح يصير من بعد مايخلص كل شي << راح أقول بأخذلي شور وهو يفهم إني أبيه ينام عاد إذا مافهمني بقوله بالصريح نام لأني مطوله عشان أقدر أدخل للغرفه على راحتي وأخذ منها اللي أبي


وبالبدايه اتوضأ وضوء بدون مااغسل القدمين وأروح أغتسل بالكامل وأفك تسريحتي وأزيل المكياج وكريم الجسم والأهم غسل المنطقه

الحساسه بمطهر وتعطيرها بالمسك طبعا من بعيد لبعيد يعني على الجنب ( لاتقربين للمنطقه المحظوره ) وبعدين اتوضأ وضوء كامل وأكون

مجهزه بالحمام (عزكم الله) الفحم والبخور أنشف شعري على الخفيف يعني بالفوطه بس بعدين أبخره وأستشوره وأسوي تسريحة كيرلي سهله

وسريعه وبعدها يبدأ شغل اللوشن والكريمات المعطره وأكون مزهبه جنطه صغيره للمكياج أتمكيج مكياج ناعم وأقطر بعيني القطره الزرقه

عشان تصفي العين وألبس عدساتي لون بني طبيعي بس حجمها أكبر من العين عشان يعطي وسع للعيون وحلوه مع المكياج الخفيف وألبس

بيجامتي الساتان لون الأوف وايت الفاتح وألبس شحاطة الريش اللي كعبها متساوي وماراح أنسى طبعا إكسسوار ناعم دبله وتراجي صغار

وسلسال ناعم وأخيرا أتعطر بعطر فريش وهادي مايكون قوي وبس بعدها أصلي الفجر وأسوي لي نسكافيه عشان أصحصح وأبخر الشقه بخور

القرشي وأعطرها عطر خلطه وأشيل العشا وأحذفه كله باللي فيه بالزباله (عزكم الله) وأرتب غرفة الجلسه وأقعد على التلفزيون لي الساعه 9

الصبح بعدين أقعده من النوم وبس


^
^
^

أدري طولت بالكلام إن شاء الله أفدتج بشي بسيط جم غلاوي عندنا

 

[الغلا الكايد]

يمه أنا أحس أني خايفه من الخوف نفسه

ما أحب شكلي لمن أكون خايفه

طبعا ماراح أخليه يقربني أول يوم

ولا راح أقرب معاه صوب الغرفه بقعد ليلي كله بالصاله كيفه

وبنطر لين ينام وأشيل قشي وأروح أغسل مكياجي وأتسبح

طبعا قشي بيجامتي الأوف وايت والشحاطه مالتها

وروبي وجنطه صغيره

حطيت فيها مكياج خفيف ومزيل مكياج ومزيل صبغ أظافر ومحلول العدسات والقطره وحلاو للحلج وكريم أولاي
وكماشه صغير للشعر ومشط صغير

راح أتسبح وعقب أتنشف وأحط كريماتي وأتتمكيج وأتعطر من عطر الياسمين من بودي شوب خياااااااال

واذا قدرت أتبخر بالحام بعد يكون أفضل وبس

 

[غلاوي الديره]

صبااااااحووؤوؤو منو موجوووود؟؟؟

 

[}{ دلــDaLo0oLـــووول }{]

<<<<<<<<<<<<<<<

صـبـآح الورد

 

[غلاوي الديره]

أحلى صغيرونه حياج ياقلبوؤوؤ باي وقت
واجمعين...
كراميل لاتيه
روز ماري
دلول فديتكم والله
بس مافهمتوا على اقصد شراح تلبسون اول ماتقعدين من النوم شنو تلبسين؟
والعصر شنو تلبسين هذاقصدي...
بس تدرون ذكرتونى بشغله كنت ناسيته
كعب الريش ماحطيتها مع جنطة اول ليله للبجامه ...

 

[غلاوي الديره]

دلول شخبارج؟
وين حجزتى صالونج؟
وشنو ناويه الوان مكياجج؟
ومسكتج اي لون؟؟
^
^
تحقيق...

 

[غلاوي الديره]

الغلا الكايد هدى عمرج
مو زين جذى نفسيتج تتعب
وكل شي سهالات ان شاء الله...

 

[غلاوي الديره]

شلونكم بنات
غلاوي
شوشو
حلاتي
لحونه
وباجي البنيااااااات
وعسى الله يوفقكم ويرزقكم الذرية الصالحه يااااارب

يااااهلا وغلاااا
انا بخير ياقلبي
انتى شلونج؟
شمسويه؟؟؟
شخبارج مع التجهيز؟؟؟
واجمعين يالغاليه..​

 

[}{ دلــDaLo0oLـــووول }{]

هلا والله آنا الحمدلله بخير أنتي شلونج شخبارج



ماأدري على الصالون للحين ماقررت احتمال حنان دشتي بس بفتر عشان يرتاح ضميري

وألوان مكياجي قررت نفس الفيديو اللي حطيته حق أحمد القبيسي

والمسكه احترت فيها في صوره عاجبتني احتمال أسويها

<< باختصار للحين ماسويت أي شي من اللي فوق :d

 

[غلاوي الديره]

هلا بج
انا بخير الحمدالله
انزين ليش ماتفترين هالاسبوع وترتاحين
وبدلتج من وين ماخذتها؟؟
وشراح تلبسين اليوم الثانى العصر عند ريلج؟

 

[}{ دلــDaLo0oLـــووول }{]

إن شاء الله الأربعاء بروح أشوف لي مسكه وبمر على صالون بريجيت وألاء دشتي وبعدين إذا ماعجبوني بروح حنان وأحجز عندها

والسبت بروح أضبط بدلة العرس مأجرتها من وحده شرتها من الصالحيه

والحمدلله آنا مرتاحه موشايله هم كثر هم يوم العرس << هالطاري صار يبجيني


موالعصر راح ألبس الظهر من بدل الشقه << لأني بروح الصالون العصر عندهم ثاني يوم

 

[غلاوي الديره]

ياحياتى ان شاء الله تيسر امورج وتخلصين كل شي ولا تحاتين وتبجين
انا مشكلتى ماعندى ثانى يوم واهله واهلى راح يكونون بالعرس بس انا وياه موجودين وراح نطلع نتمشى ولا نتعشى برى
فاحاتى شراح البس شنسوي
امبيه راسي صدع من التفكير
وكل شوي طاريتلى شغله واروح اكتبها ولا احطها بجناطى
اي بناااااااااااااااااااااااات لاتنسون تشترون ولاعه ولا جبريت للفواحه والشموع...