ملتقـى عـرايـس شهـر [12] حيــاكمـ اللـه

[نونو الأموره]

[kh]

لازم تلقطيلج من الحين بجايم وقمصان نوم ستان وقطن من الحين والاكسسوارات والعطورات والجينزات والبلايز مالت البيت والبرمودا >>>> ههههه ماتعرف جمع برمودا هههههههههههههه

علشان ماتنضغطين ياقلبي

وترانا بالهوا بالسوا طبعت لي مجلدات من هالموقع ههههههههههه ولا سويت شي بس اللهم شريتلي جم شغله ذكرتها بردي اللي فوق ردج وبس

طبعا الدراريع والبدل مو الحين نطري شوي ،،،

بالنسبة للذهب مادري انا شايلته ثلاث الاف ونص وماظنتي بيكفون وسط هالاسعار بس ان شاء الله ان شاء الله ينزل

العرايس هالايام كلهم حاطين روج احمر ومسكه حمرا ونفانيفهم فيها وردات حمرا وانا خاطري بهالشي بس ياربي ماحب اكون تقليديه ودي اطلع طلعه مابي اسوي مثلهم محتاررررررره

 

[ذهب ابيض]

صباح الورد عالجميع

اللي اسألوني عن محلات الخبر
مجمع الراشد شامل لكل شي من جناط وجواتي وملافع وعبي
ومجمع فينيسيا مقابل الراشد لبدل السهره حق الليله الثانيه محل اسمه (ساندي) روعه وتصميم لبناني وما تندمين عليه
وهم بنفس المجمع العبي والملافع حلوه وفعلا تحسين انهم حق عروووس

عليكم بهل المجمعين كل اللي تبين فيهم

وعلى فكره اللي ما حصلت بدله لليله الاولى تلقاها بالخبر بنفس المجمع فينيسيا تصاميم روعه وكلها من برى واسعار خياليه ماتصدقينها يعني بلاااااااااااااااااااااش

نصيحه لا يطوفكم انا عن نفسي شفت بدل لليله الاولى وبشتري واحترت من حلاتهم شنو اختار وحطيت في بالي بدله باخذها من هناك لليله الاوله الابيض وعلى فكره التصميم واحد مو مكرر يعني يعني بتميزين فيها وتقدرين تأجرينها بعدين

 

[كويتيه مووت]

حبيباتي وصلت تقسيمه المهر امسكوااا قلوبكم !!!!
<<< اشفيج عليهم صبري ههههههههههههههههههه

_03BA: _03BA: _03BA:

انا مهري 8 الاف وراح احطلكم تقسيمتي للمهر اتمنى تستفيدون منها ...
مع انه لازم تزيدين من عندج يعني ميزانيه مكسوره شوي ..

الذهب : 4 الاف >->-> راح اشتري طقمين ذهب , وتراجي وبروش ودبله الماس ..
بدله العرس : هذي فيها لبس بالموضوع كنت جاطه لها 1000
لكن امدحولي بدل بالخبر وعلى 400 وشغل مصمم لبناني رااااااقي
ف ما ادري شنو راح اسوي بالضبط فخلينا على 1000
التصوير الفوتوغراف والفيديو : هذا خلصت منه حجزته وقلت لهم يخلون العربون لين نحدد العرس باذن الله حجزتها عند حنان شيك مووووطبيعيه
كانت مصوره عمتي بعرسها صراحه مصوره دلع جنج مصوره باستيديو مو بالصالون !!
كنت حاطتله 400 لان المصوره بــ 300 غير الفيديو ...
طبعا حجزته قبل لا يعطونا المهر فهذا وفر علي اشيااااء وايد ...
المسكه : 100 k.d >->-> وتقريبا عااارفه وين بسويهاااا
البدل والدراريع الاستقبال : 1000k.d >->-> انا اصممهم لنفسي واحهم عند خياطه موثوقه عشان جذي تشوفين المبلغ شوي تقريبا عندي 17 بدله استقبال بينهم جم دراعه فخمه والباجي بروح افتر على المشاغل نصيحه لا تروحون المشاغل اللحين خلوهم عقب الرمضان والعيد ترا الحريم اللحين قازين المشاغل قز ويصير تجهيزج مطشر كل وحده لا بستلج بدله نفسج ديروا بالكم << يعني نصيحه ههههههههه ...
البدل الجاهزه : 500 k.d >->-> وايد عليها وترى السوق ما راح يطير وراح ترجعون له مو تطخون جنكم بحياتكم ماراح تشوفونه بعد لان عقب العرس هم راااح تطخين طلعاتكم كلها مجمعات حج وحااااجه هههههههههه ...
المكياج : 300 k.d >->-> اكيد تكونين عااارفه بالضبط شنو تبين ..
العطور ولوازمه : 250 k.d >->-> لازم ما تكثرين لين تعرفين ذوق زوجج وشنو يحب من العطور وعقب يصير خير حرااام تشترين وااايد وبالاخر ما يحبهم ...
الاكسسوارات : 400 k.d >->-> هذا اذا مو اكثر كل الموضه اللحين يا الماس او اكسسوار الله يعين ...
الجناط والــ هاي هيلز ( الكعب عشتواا ) : 500 k.d >->-> الله يسلم الدو وناين ويست وستيبس اما اللي صج تزلغ اهي الجنااااااااط المااااركه زيدي عليهااا عاد من عندج برا الحسبه عااد هههههههههه ... :eh_s(14):
القمصان والملابس الداخليه : 200 k.d >->-> هم هذي لا تكثرين لين تعرفين ذوق زوجج وشنو يحب تلبسين ...
بجامات وملابس البيت : 200 k.d >->-> فيها سوالف التنانير القصار والشورتات والملابس الكيوت حق البيت وفيهاا بجامات القطن وغيرها سوالف ومن سيكرت واوشيا ولاسنزا ...
ساعات : 500 k.d >->-> عندي ساعتين ماركه فندي و اقنر الله يخليلي خالاتي فكوني من عبالتهم فالــ 500 تكفي وتزيد بعد ..
العبايه واللفه : 250 k.d >->-> فصلت عبايه عند وحده 135 فخمه حيييييل هذي اللي راح البسها اول عرسي والــ 250 باخذ لي جم عباة بعد ولفاااات ...
وباجي التناتيف : 400 k.d >->-> ويييييييييه هذا اذا كفت هالــ 400

يعني الاجمالي يطلع علي 9000 تقريبا
لان انا جهزت قبل المهر لا يوووصل

يعني جذي جذي انا زايده 1000 k.d من مخباتي
هذا اذا مو 2000 ولا 3 ...
مانسال الله الا التوفيق وبس والله التجهيز حااااااااااااله

انشالله اكون افدتكم حبيباتي >->-> ( اشك في ذلك وين الفايده وميزانيتج مكسوره )
ههههههههههههههههههههههههههههه


:cxxxp: :cxxxp: :cxxxp:

 

[مناوووي]

السلام عليكم ورحمة الله وبركاته

مشكووووووورين على الموظوع

انا عرسي اول شهر 1

تقبلوني اشارك معاكم والا لا ؟؟؟

 

[كويتيه مووت]

صباح الورد عالجميع

اللي اسألوني عن محلات الخبر
مجمع الراشد شامل لكل شي من جناط وجواتي وملافع وعبي
ومجمع فينيسيا مقابل الراشد لبدل السهره حق الليله الثانيه محل اسمه (ساندي) روعه وتصميم لبناني وما تندمين عليه
وهم بنفس المجمع العبي والملافع حلوه وفعلا تحسين انهم حق عروووس

عليكم بهل المجمعين كل اللي تبين فيهم

وعلى فكره اللي ما حصلت بدله لليله الاولى تلقاها بالخبر بنفس المجمع فينيسيا تصاميم روعه وكلها من برى واسعار خياليه ماتصدقينها يعني بلاااااااااااااااااااااش

نصيحه لا يطوفكم انا عن نفسي شفت بدل لليله الاولى وبشتري واحترت من حلاتهم شنو اختار وحطيت في بالي بدله باخذها من هناك لليله الاوله الابيض وعلى فكره التصميم واحد مو مكرر يعني يعني بتميزين فيها وتقدرين تأجرينها بعدين

هلا حبيبتي

يعطيج الـــــــــف عااااافيه

هذا بالضبط اللي كنت محتاجته توني قبل شوي اتكلم عن اول ليله مادحين لي مصممين هناك
بس تعرفين ما يقولون كل شي ...

بصراااااااحه ما قصرتي يا الغاليه وانا متاكده انج افدتي البنات وااااااااااايد بعد

بالتوفيــق يا رب

 

[كويتيه مووت]

السلام عليكم ورحمة الله وبركاته

مشكووووووورين على الموظوع

انا عرسي اول شهر 1

تقبلوني اشارك معاكم والا لا ؟؟؟

وعليكم السلام ورحمة الله وبركاته

اكيد حبيبتي حياج الله

وانا كنت من عرايس شهر 12 لكن ان عرسي تاجل من اسبوع تقريبا

فانا اكيد معااااهم كلنا بنفس الفتره


اي شي تبينه ترااانا بالخدمه

 

[ذهب ابيض]

كويتيه مووووووووووووت
ولو حياتي ما سويت شي
انا بالخدمه

 

[كويتيه مووت]

تسلميييين يا الغاليه هذا العشم

 

[شيخة الغلا]

مرحبااااااااااااااا ويسلمووووو ع موضوع والفكره اللي كنت حاسده بنات شهر 10 عليهاااا هههههه....,,,,.


اولا انا تقريبا خلصت كل شي بس هم باقيلي جم فستان فخم الاول الاياام ((انا فصلت 6 بدل فخمه من عند حريم وبجد شغلهم رااااااااااااااااااااااااااااااااااقي وقمه)) وسعارهم معقوله


وبنسبه للفستان الابيض فهو من اخوي هدي 3000 ونص تقريبا من ((زوهير مرااااااد)) وقريب يوصل الفريق للمقاسات والخام من لبنان >>الحمدالله هذا اكبر حمل وطاااااااااااااح




بس اللي احس غلطت فيه اني اول شي بديت بالعطور والمكيااااااج وكلفني بالف وميتين وحسيت لعب بميزانيتة المهر ههههههههه..,,,


ووووالبدل العمليه هم تقريبا خلصتها ,,,, بس باقي هم جم وحده فخمه وجم وحده سبووووووووووورت>>ماتستغنى عنها



والذهب انا مااااااحب البسه وااايد وعشااان جذي ماكثرت ولو بيدي اصلا ماشريته بس عشااان خاااطر امي

شريت طقم ذهب من داااماااااس عجيـــــب لانه يلبس ع البدل وجنه اكسوااار تقريبا=عشان جذي حبته هههههه


وشريت عقد الماااااااس مع سوااارته والتراجي من صغيرااااااات اللي بالهيلتوووووون بجد قمـــــــــــــــــــــــــــــــهـ وحتى ع اللبس راقي,,,,.......,,,



واربع خوااااااااااتم الماس من عندهم بعد (صغيرات)



والله يكرمكم الجواااتي والجناااااااط هم خلصتهم بس باقي جم جنطه ماركه ماخذيت,,,,,.......,,


اممممم والله نسي بعد شنواااااا شريت بس ابي مساااعدتكم بالمحلااات الاوكي للجنااااط الحلوه الفخمه


واهم شي لدخلااااااااااااااااااااااااااااااااات ابي مصممين بليززززززز يرتبوووون كل شي وابي افكاااااااار حلوه

الان فستااااني بيكون نااااعم فلازم تكون الدخله فخمه ,,,




يتبع فيما بعد

 

[كويتيه مووت]

شيخة الغلا

حيااااج حبيبتي ومنووووووره

ماشاالله خلصتي اشيااااء واااايد

واهم شي انج افتكيتي من بدله العرس هذي الهم الاكبر

اما بالنسبه للعطور بصراااحه واااااااايد 1200 يعني تخيلي هذيلا مو ذوووق زوجج ومايحب يشمهم عليج
تتطرين تستخدمينهم بس للناس لا طلعتي حراااام ...
وبعدين لااااحقه على السوووق واصلا زوووجج بيلوع جبدج بالهدايا كلها عطوووور شرط كلهم تصير من نصيب امج وخواتج بتقطينها عليهم حااااااااسه ههههههههههههههههههههه ...


انا هم نفسج ما اواطن الذهب بس جذي عشان الوالده واصلا شكلهم جنهم اكسسوار يالله ما نزعل ام محمد ههههههههههههههههه ..

بالنسبه للجناط والله ما كثر الله الا اللي يبيعون الجناط الماركه والتقليد الماركه درجه اولى ...

بس اهم شي لا تنسين التناتيف ترااا مهمه حيييييييييييل !!!

وانشالله انا راح اكتب للبنات لسته طويله عريضه بشغلات التناتيف اللي تروح عن البال ...


اسعدني تواجدج معاااانا حبيبتي
وخلينا نتواصل

 

[شيخة الغلا]

هلا وغلاااا كويتيه وبجووووووودج منورين ياقلبي


وبنسبه للعطورااااااات اي والله واااااايد بس ترا معاااه المكياااااااج =تهون ع نفسها ههههههه







وشنوا اهي التناااااااااااااتيف مثل شنوااااا

 

[منتظره]

هاي

بنات ..


عرسي اخر 11

متى اشتري العطورات الفرنسيه ؟؟؟؟؟؟

وشنو الشي التوب حق العرايس ؟؟؟؟؟؟

 

[كويتيه مووت]

هلا وغلاااا كويتيه وبجووووووودج منورين ياقلبي


وبنسبه للعطورااااااات اي والله واااااايد بس ترا معاااه المكياااااااج =تهون ع نفسها ههههههه







وشنوا اهي التناااااااااااااتيف مثل شنوااااا

الله يسلمج حبيبتي


اي صح اذا المكياج معاهم تهووون بس هم وااااااايد حرااام
الميك اب انتي عارفتله خلااااص >>> تخصصهاا ميك اب ههههههههههههههههههه
يعني قصدي مو مثل اللي ما تعرف بالمكياج بس تطخ هذا وهذا وماتعرف شنو يناسبهااااا !!

والتناااااااااااااااتيف راح اسدحها باذن الله بعد شوي بس خل اكتبها واااايد

 

[كويتيه مووت]

هاي

بنات ..


عرسي اخر 11

متى اشتري العطورات الفرنسيه ؟؟؟؟؟؟

وشنو الشي التوب حق العرايس ؟؟؟؟؟؟

هاااااااايين حبيبتي


اولا احب ابارك لج بعرسج واقولج الـــــــــف الـــــــــــــف مبروك والله يوفقج انشالله ..

ثانيا بالنسبه للعطورات تقدرين تشترينهم عقب العيد اصلا ما يبيلهم شي ...
او تلقطين لج جم عطر اللحين وقبل عرسج بجم يوووم تشوفين شنو اخر شي نزل ..

والله انا ما عاااارفه شنووو التوووب التوووب لان الناس اذواااق ولا اعتمد على مدح احد خصوصا بالعطورات ..

لكن اكتب لج جم عطر سمعت عنهم نااااس ما دحينهم ...

عندج عطر اسمه فيفي تلقينه في نعومي >> بمجمع الايوب او بالجهرااا بس وين بالضبط ما ادري ..
وعندج عطر اسمه لوي هذا كان منقطع من السووووق يقولون صار له فتره لان عليه اقبال رهيييب واللحين ردوووو يابوا منه بــ دبنهامز اهو اللي لونه كحلي ...


هذيلا العطووور اللي قالوا ان العرايس تقبل على شراءها اكثر >> اخص يا تقبل والله لغه عربيه عندي ههههههههههههه

اتمنى اكون افدتج حبيبتي

وشاااركينا يا الغاليه

 

[لامـــــار]

مرحباااااااااااااااا صباااايااااا

اااامبي وانا ولا شي سوييييييييتتتت كلا اقول بعدين بعدين وهواش انا وامي وخواتي وخالاتي
عرسي بنص 12

في وقت صح ؟؟ جم باقي ؟؟ 4 شهووور --- تو النااااااااااااااااااااس

 

[لامـــــار]

رفيجاااتي تزوجوا بشهر 5 و 6

خذوا عطوراتهم>> سكسي 212 يمدحونه واستيلا البنفسجي الجديد و Ch
بعدين احنا عرسنا شتا يعني عطوووررات الشتا تختلف عن الصيف -- دير بالكم على هالنقطة

يعني عطري بليلة العرس راح يكون كوكو مادموزيل او اغنر بلاك .

 

[الحلا باليني والكل يبيني]

ايييييييي صح لامااااار بس عطر الور وفلور بومب شى اساسي انا اشوفه للعروس

عاد انا شريت عطوووووري كلهااااااا 10 فرنسي 8 عربيه من غير الخلطااات والواشن حدي كثرت صح؟؟ ولا ازيد

زين بنات فى وحده جهراويه اهني وعرسها معااااي عشان ندل بعض بالاماكن الحلوه بالجهراء؟؟ ههههههههههههههههه

 

[كويتيه مووت]

كل عروووووووووس

تهتم بالاساسيات بعرسها من فستان اول ليله والدخله والمسكه والمصوره وملابسها عند حمولتها والجناط والساعات الماركه والذهب والالماس وهالسوااااااااالف ...

لكنها بالغالب تنسى ادق التفاصيل اللي تساعدها بحياتها اليوميه وتنشغل عنها ..

وانا راح اكتب لكم هذه الاشياء اللي نسميها بالـــ .... _03BA:


... الــتـــنـــاتـــيـــف ...

- مجموعه جناط كبيره للتجهيز >>> تكون ست كامل من 6 جناط تقريبا تحطين فيها اغراضج ..
- علبه خاصه للاكسسوارات >> تسهل عليج وااايد ومحد يستغني عنهااا خصوصا وانها تكون لها اماكن خاااصه للتراجي والخواتم والاساور وعلبه ثااانيه خاااصه للساعااات ...
- جنطه ( بوكس ) للمكياج >> تستخدمينها اذا تبين تسافرين او تبين تنامين عند اهلج ...
- مجوعه علب ( بوكسات ) >> هذي تشترين طقم كامل علب متوسطه وحده تحطين فيها اطقم الملابس الداخليه وثانيه تكون لقمصان النوووم شي جذي يعني شغل ذراااابه ...
- اكياس الملابس وقمصان النوم >> مفيده وااايد لملابسج السبيشل بس تعلقينها بالكبت ونفس الشي للقمصان تلقينهم بستنر بوينت او ايكيا ...
- علبه مخصصه للحمر ( الحمره او الروج ) >> سواء بتحطينهم بدرج التسريحه او فوقها ضروري يكون عندج ست كامل لحفظ مكياجج وما يتبعثر عليج هني وهناك ...
- 3 علب >> تكون مثل الكب او القلاص > لاقلام الكحل والثانيه للتحديدات و ثالثه للفرش ( فرشاة المكياج ) ...
- منظره يفضل انها تكون مع ليتات >> عشان اذا بتحطين ميك اب وابو الشباب نااايم ؟؟ واحسن لج الاضاءه من قريب جذي جذي زياده الخير خيرين وتكون دبل فيس وحده مكبره x5 وثانيه عاديه ..
- سشواار >> ماااااايبيـــــــــــــــــله ضروري سواء سشوار هواااا او ستريتر او المخملي او فير ...
- لفافات للشعر كبااار وصغااار >> خليج دااايمه متنوعه ومتجدده ..
- جل + رغوه ..
- سبريه ..
- حشوااات للشعر ..

- ماشات للشعر + كلبسات ..
- شباصات هذي اكيييد ما تنســــــي ..
- جلاليب
- مزيل المكياج >> سواء تستخدمين لكويد او مناديل مزيله ...
- مزيل لرائحة العرق dudrant ...
- صينيه للبخور والخلطات >> تكون صينيه راااقيه فيها علبتين صناديق وحده للبخور والثانيه للمعمول والعود المسقااا وتكون احيااانا معاااها ملقاط خاص ومباخر وهالسوالف ...
- مبخرين >> واحد للمعمول وثاني للعود >> لان مثل ما الكل عارف ان المعمول يخرب ريحه العود فلازم مبخرين منفصلين >> ماشاءالله عليج مره ههههههههه ...
- فحم سريع الاشتعاااال >> مو تشترين فحم مال اول لازم على الجوله ههههههههههههههه ...
- ولاعة الفحم >> تلقينها عند أي محل يبيع بخور وعود ومباخر هالسوااالف يعني ...
- ملقاط للفحم ..
- ملقاط صغير العااادي ..
- مقص >> هذا مهم جدااااا مثل ما تعرفين نص ملابسج للحين عليهم الليبل مو تقطعينهم بضروسج عبالج ببيتكم لا حبيبتي اللحين ركاااده ودلع ما عندج هالسوالف ونصيحه حتى جيس البفك قولي ما اعرف افتحه يعني يااااااااي كلش مقطعه الذرااابه >> ؟؟؟ الا صج وين راح ييج جيس بفك وانتي توج عرووووس اقول اسكت احسن لي ههههههههههههههههه ...
- مقراظ اظافر ...
- علاليق ملابس ...
- اعواد اذاني >>> لجميع الاستعمالات >> للمكياااج خخخخخخخ ...
- قطن >>> اهم شي بشرتج مو تنسينها وتعوبلين فيها بكلينكس ترى كل الكلينكسات اعاده تصنيع خافي على بشرتج ...
- الميلك ( الحليب ) واللوشن للبشره >> او أي مستحضر تستخدمينه لا تقطعين عنه ...
- كريم مرطب ..
- آله لنزع الشعر >> انصحج بآله براون اللي اهي سيلك ابيل معاها هديه للعروس اهي آله صغيره مزيل دقيق للشعر يستخدم للوجه وااايد حلووو ...
- اكسسوارات الحمام >> مثل الشموع المعطره واطقم الحمام وهالسوالف ..
- فوط صغيره >> للاستخدام الشخصي
- فوط مع روب الحمام >> تكون مجموعه كااامله مزدوجه لج ولــ ابو الشباب معاج ..
- فوط صحيه >> كوتكس !! بس مو تشترين الجيس ابو عشرتعش حبه لا صغااار عشان تخشينهم للطوارىء بس ... :O_SHH_:
- جنطه للخياطه ولوااازمها >>> هذي 777 بالنسبه لنا :eh_s(14): ...
- مجموعه مشوطه ( جمع مشط )
- فرشاة اسنان ومعجون صغير جود ان عنتر ناااسي يشتري لين تكونين عااامله حسابج ..
- شيره او حلاااوه >> مو بعد جم اسبوع بتحتاجينه خليه معاج للضروره ماتدرين بالله سافرتوا فجاه شتقولين ههههه ابي شيره !!
- اكياس معطره >>> منها انواااع اللي تتعلق بالكبت واللي تنحط بين الملابس المسفطه واللي تكون مثل البيبر تنحط على ادرج الكبت ريحتها حلووووه واشكالها ذربه او الكور المعطره هذي تقطينها في البوكس مال ملابسج الداخليه وقمصانج ..
- مصلى مع سجاده >> اهم شي صلاتج عشان تتوفقين لا تلهين مع زوجج ...
- واخر شي اشتري بندوووول ترا بيصدع راسج لا اكل مثل الناس ولا نوووم كله سهرااانين هههههههههه .. oster_av1:



اي صج بنات اشترووو علوج وفرشمنت ...
<<<<< حشا البنت مهاااااااااااجره هههههههههههههههههههه رايحه لافريقيا ...

وهـــ تعبت

:cxxxp: :cxxxp: :cxxxp:

اتحدى اكون ناسيه شي هههههههههههههههههههههههه

تكفوووووووووووووووووووووووووووووووون تشجيع ترى صج تعبت ...

 

[كويتيه مووت]

مرحباااااااااااااااا صباااايااااا

اااامبي وانا ولا شي سوييييييييتتتت كلا اقول بعدين بعدين وهواش انا وامي وخواتي وخالاتي
عرسي بنص 12

في وقت صح ؟؟ جم باقي ؟؟ 4 شهووور --- تو النااااااااااااااااااااس

هلا فيج حبيبتي لامااار

ومنوووووووووره معانا الشات


الله يهداج وين تو الناس يالله بلشي فديتج ما بقى شي
شدعوه برمضان بتسوقين ولا عقب العيد ؟؟؟

لا والله ابدي من اللحين عندج شهر قبل رمضااان
وارتاااحي شوي برمضان ضبطي امورج وعدلي حسبتج وميزانيتج
وعقب العيد عاد تكملين الباااااجي الدراريع والبدل والذهب وهالسوالف ..

اللحين دوري بدله اول يوم والمصوره والحجوزات والصوالين والدخله
خلصي جناط كعوب اكسسوارات ملابس داخليه بجامات وملابس البيت وقمصان النوم ...

تقول 4 شهور تو الناااااااااس

لامـــــــــــــــــــــــــــــــــــار :eh_s(14): :eh_s(14): :eh_s(14):



واقوووولج مره ثاااانيه حياج الله معانا يا عرووووسه وبالمبارك مقدما

ننتظر تواصلج يا الغاليه

 

[كاادي]

كويتيه موت يعطيج العافيه حبيبتي بطبع الي حطيتيه خوفج الواحد ينسى

تحياتي لكل