مكسووورهـ حيل

[عيني عليه]

اي ذكرووني البناااات ...

شووفي ومع كل اللي قلت لج شسوييت ؟؟

قلت يابنت الحياااه كلها رجاااال ؟؟ هذااني وكلته رب خلقه وخلقني واهو اللي يتكفل فينا ...

بعييش في بيتي عشاان ولدي وعشاان نفسي ... صرت البس احسن مااعندي ارووح السووق وانفس بالمشتريااات مابقى شي ماشريته ... رحت الصالوووون وقصيت شعري وصبغته ... حتى اذكر صفرررت رصييدي بدوون لا احس ... اذكر يرسل لي مسج فيه كلااام يمووت من القهرر .. وكانت خطوبه اختي .. مارديت عليه بولا شي .. قلت له طيب بو فلاان انا برووح مع خواتي اتحنى واقاايس ثوووبي اووكي ؟؟ يعني ترى مابمووت اذا سويت لي هالحركااات ...

اقولج من الشي اللي صرنا فييه حتى مايقعد بالبييت ... ماااعلي منه اطبخ لي وحق ولدي اللي اشتهييه ... اهو ماكاان يجييب حتى اكل للشقه ... ارووح انا واشتري لي ولولدي اللي ابيه ...

تخيلي كنا كل واحد يناام بغرفه ... بس صبرررت لاني موكله امري لله ....

لمن سمعت من ازوااج خواااتي انه بيسااافر مع اهله ... ماعصبت ولا شي ... رحت له الغرفه وقلت له انا ابييك تساافر تغيير نفسيتك وتطلع من اللي احنا فيييه ... بس انتظررررك ترجع لي زوجي اللي اعرفه.... وولدك بعد ينتظرك تنام معانا وتقعد معانا ونجتمع على سفره ونطلع مع بعض ... سبحاااااااااااااان الله يااااربي الللي نزززل عليه الهدوووووء وانقلب قلااااب رجع حنااانه رجعت محبته بفضل الله والله بفضله .... تخيلي بعد كل اللي صااار قرررب مني وضمممني ... والله اني من حرر مافي قلبي طقيييته طقيته وانا مييته من الصيااااح ....


يعني لااااتحريييين نفسج سوووي اللي قلت لج عليييه خااصه انج ماغلطتي في شي اهووو اللي غلطاان ولو شماسويتي مافي شي يبرر له خيانته .... لاتخلين نفسج انتي صاحبه الحلقه الاضعف ... خلييج واثقه من نفسج ...

والله يحنن قلبه عليييج ويرجعه لج يااارب يامقلب الاحوااااال اقلب حااال زوج هالبنت

 

[أكذب عليك]

انا بنصحج نصيحه غيرن حياو بنات واجد
دشي قوقل وكتبي مقالات ناعمه الهاشمي بترتاااااااااااااااااااااااااااااااااااااااااحين حيل

كل ماحبيتي نفسج بيحبج زوجج لاتعطينه اكثر من ماهو محتاج
سافر مايشوف شر لادقين ولاتهتمين تطلعي من البيت اشغلي وقتج عنه
شوفي انا قبل فتره كنت اعاني اني مو متاكده من حب زوجي رغم انه شايلني من ع الارض بطيبته وكرمه
بس كنت اقول ليش لاطلع مع ربعه مايدز مسج ؟ ليش لارحت لاهلي بس يدق مرا وحده؟ ليش وليش ولش ولش

الرجاااااااااااااااال يحب يركض ورا المرا ومايحب اللي تركض وراه لاتقولين حب وغيره انتي متزوجه تبين تستقرين
شالهدف تعطينه حب ومافي مقابله تعوووووودي ع حياتج بدونه لاتهملينه بس لا تهتمين اكثر من الازم

انا زوجي مسافر الحين والله صرت طاف معنه سفرته مطوله صرت ماادق ولا اسال ولاحتى بالواتسب
حتي لو يكلمني بالواتسب اقعد ربع ساعه ع مارد لانه موطبيعي بحسسه اني لازقه بتلفون انطر منه يدق ولا يسال

عيشي حياتج هالكلمه استوعبيها انتي تخسرينه ماتكسبينه ..الرجال مو بالحب المبالغ فيه بيقرب
اقري كلام الدكتوره ناعمه عن الرجال اللي يخون وشلون تتعاملين معاه الرجال لاقلتيله انت تخوني
وهو متملل منج صدقيني بيكااااااابر وبيكسر فيج لي باجر

دشي واقري وتثقفي بدال ماتفكرين باتصاله او كلمه حنان منه في مجال تتغيرين وتحبين نفسج وبعدها
بيحبج ...لاتعتقدين انه يخونج مع بنات من كوكب اخر يخونج مع بنات نفسج ماعندهم شي غير عنج
الا انها خبيثات ويدورون وناستهم انتي دوري ونااااااااااااااااااستج

لاتقلبين ياتج جحيم دق ولا مادق سال ولا ماسال فقدج ولا مافقدج المشاعر ماتطلبينها منه
لازم يحس فيها عشان يدق ويطلب

مافي شي اسمه مكسوره في شي اسمه انج بحياتج تتعاملين غلط ولازوم تتغيرين اذا تبين حياتج تتعدل

 

[ضحكه طفل]

الله يسخره لج

 

[ناديا المطيري]

حبيبيتي
الله يسخره لج ويسعدج بحياتج ياااااارب

 

[قمرية الفيس]

نصيحة لاتعلقين في حيل ولاتكرسين حياتج بس له ويكون هو شغلج الشاغل الهي باشياء ثانية صدي عنه طلعي هواياتج الهي بوظيفتج او دراستج والله بتشوفين بيركض وراج

 

[لافه شعرها]

اول شي جزاكم الله خير والله يرزقكم على قد نيتكم يارب

وثاني اللي تقولي زوجج حلو لا هو عادي حاله حال اي رجال بس حلو بعيني ومو مااقدر قران عشانه

لا في شي يمنعني انا كنت قبل اقيم الليل واقرا قران الحين ماعدت اقدر ليش وشنو السبب ماني عارفه مو عشان هو


اختي عيني عليه مشكوره ومشكورين كل البنات اللي نصحوني ودعولي

كل اللي محتاجته اني اعزز ثقتي بنفسي بس ماني عارفه شلون مع الناس شخصيتي حلوه بس معاه صايره حنااانه

كله وينك ليش ماتدق علي ليش ماعدت تحبني وليش وليش تعبت من نفسي ابي اتغير ماني عارفه كيف

ودي اني اطنشه ومااسال اول اني ماتحسس بزياده

ومشكورين

 

[Le chat]

اللهم وفق بينها وبين زوجها واجمع بينهما على خير .. اللهم اقر عينها بهدايه زوجها وصلاحه وتقواه .. اللهم واشرح صدره للايمان .. اللهم اره الحق حقا وارزقه اتباعه .. واره الباطل باطلا وارزقه اجتنابه .. اللهم ابعد عنه رفقاء السوء .. اللهم جنبه الفواحش والمعاصي .. اللهم اغفر ذنبه وطهر قلبه وحصن فرجه .. اللهم اقر عينها بالذريه الصالحه المعافاه التي تدخل السعاده الى قلبها اللهم امين

 

[سكوتي بذوقي]

الله يهديه ويسخره لك يارب

اهتمي بنفسك وطنشيه

 

[Le chat]

ماكو شي يصير بيوم وليله دربي روحج على التغلي وان شاء الله بتقدرين تثقلين عليه وتغيرين طبعج واسلوبج معاه ابدي بالتدريج لين توصلين للي تبينه الله يوفقج ياعمري وييسر امورج

 

[دلوعة أبوهآ]

ربك معاكِ

ومآقول غير الله يسخر قلبه ويحننه عليكِ ..

 

[المسكـ]

نصيحتي لج

دوسي على قلبج

المرا مو ضروري تعيش مع ريال

بس الريال لازم يعيش مع المرا

خليه اخر اهتماماتج مو اولها عيشي حياتج

الريال ما يبي المرا السهله اللي يدري انها له وماراح تروح لغيره

يبي وحده صعبه يحس بالاكشن معاها

وبعدين شنو يعني ماعني ظهر ؟ ماعندج اهل ؟

ماعندج معاش ؟

اذا ما عندج هالاثنين ذيك الساعه انتي فعلا ما عندج ظهر

حبي اذا الريال حس ان انتي اللي قاعده تركضين وراه راح يمل منج

واقري محاظرات د ناعمه الهاشمي راح تفيدج والله وربي وعن تجربه

 

[رواااااح]

ياحبيبتي اللي ماحط لج حساب وماهميتيه هاذا ماتدوم العشره معاه وتنعاف بعد مو حاط لج قيمه ...

ماقول الا الله يعينج ويهديه

 

[احبج ياديرتى]

أدعى ربج وقولى هذا الدعاء بألحاح "اللهم ملكنى قلب من أحوجتنى أليه اللهم أجعلنى ماءعينه"حبيبتى من هالادعيه والله ينصرج ويغير أحوالج قادر على كل شى

 

[حبيبي مالكني]

الله يعينج انتي حاولي تثقلين عليه خليه اهو الي يركض وراج
الريال يحب المراة الثقيله
لا تصيرين طوفه هبيطه
والله يهديه لج

 

[غراوي]

شوفي

مرات تطرين تتقبلين الوضع العائلي او الزوجي غغغغغغغغغغصبن عنج
لانج حاولتي بكل الطرق الدينيه والاجتماعيه والعاطفيه وما جابت نتيجه
ومبين ان زوجج وجه عريض ومايهمه احد
بس كرري عليه( من زني يزني به ولو بعقر داره)والزني مو شرط تري المواقعه لا.. لان الحديث قاله الرسول عليه الصلاة والسلام عشان واحد مسك ايد وحده فلما رجع البيت قالت له مرته ان في واحد بغي يهتك عرضي ..يعني اللي سواها بالمره اللي انرد لاهله
فقولي لزوجك باجر الشي ممكن يصير ابناتك ويقصون عليهم الشباب ويصيرون مثل البنات اللي تكلمهم

 

[mnor]

حبيبتي أنا أمس سمعت مقطع للشيخ عبدالمحسن الأحمد باليوتيبوب

يقول أحدى قريباتي تشتكيلي من زوجها تقول ماأدورغير رضاه وانا بصلاتي ادور رضاه وبكل شي ماافكر إلا برضاه

تدرين شنو نصحها الشيخ عبدالمحسن قالها أوصيكي بصلاة الليل هذا الدعاء" اللهم لاأسألك إلا رضاك"

وإن شاءالله ربي يرضى عنك لأن رضا الله أهم من كل رضا الناس وإذا رب العالمين رضا على عبده راح يسعده

يقول الشيخ مر شهر من بعد ماقلتلها ورجعن قالتلي أن مشكلتها انحلت

صدقيني محد يفيدج غير الله سبحانه وتعالى أطلبي رضاه وأقري قرآن يشرح صدرج لاتقولين مااقدر هذا من وساوس الشيطان أعوذ بالله من الشيطان الرجيم

ولاتنسين الاستغفار الله سبحانه قال في القرآن الكريم "فقلت استغفروا ربكم إنه كان غفارا .يرسل السماء عليكم مدرارا .ويمددكم باموال وبنين ويجعل لكم جنات ويجعل لكم أنهارا"

وقال سبحانه" ويزدكم قوة إلى قوتكم"

ولاتنسين دعوة يونس عليه السلام وهو في بطن الحوت في ظلمات ثلاث: لاإله إلاأنت سبحانك إني كنت من الظالمين.. قال تعالى :"فلولا أنه كان من المسبحين للبث في بطنه إلى يوم يبعثون. فاستجبنا له ونجيناه من الغم وكذلك ننجي المؤمنين"

حبيبتي لاتغفلين عن أمور هامه أهداها إلينا الله عزوجل الذي يسمع كلامنا ويعلم مكاننا ولايخفى عليه شيء

الله يشرح صدرج وييسر أمرج ويوفقج بحياتج دنيا وأخره ولجميع المسلمين والمسلمات ويغفر لنا أجمعين إنه سميع مجيب

 

[لافه شعرها]

جزاكم الله خير

كلامك ودعائكم يشرح الصدر

اختي منور مشكوره على هالاذكار

ان شاءالله يارب بميزان اعمالكم الصالحه

 

[shahad 92]

حبي انتي جاوبتي على نفسك
قلتي صرتي حنانه معاه
الريال يحب المره الثقيله الواثقه من نفسها ماهمها اتصل او لا سال اولا
سالتي مره نفسك ايش الفرق بينك وبين اللي يخونك معاهم
انا اقول مافي فرق يمكن انتي افضل منهم 100 مره
بس اهن واثقات من نفسهم يحبوا يدلعوا عمرهم تلقينهن بالشوبينق او مشاغل تجميل
وتطلب منه فلوس وهو يعطيها ما يقول شي
لانها دلعت نفسها واعتبرته اخر اهتماماتها وهو صار يركض وراه
ما احد يقدر يساعدك ا لا نفسك اقسي على قلبك واشتغلي في شي عشان ماتفكري فيه اشتركي نادي رياضي مثلا
بالتووفيق

 

[زوجة عزيز]

المفروض تخوفينه يوم عرفتي عشان يحسب لج الف حساب الحين خلاص عرف انج رضيتي كل مره بيكررها وبيقول بترضى الله يعينج عليه صج بلوه

 

[نـعـومـه]

لانج قاطه نفسج عليه بجذي يسوي كل هذا شرايج تثقلين ؟!؟ هنيه بيستغرب اصلا ويمكن يتغير

وشنو فوق شينه قوات عينه !!! يقول شبتسوين يعني لما تصيدينه قوليله اخر شي بينا اذا عدتها وصيري قويه