مكسووورهـ حيل

[لافه شعرها]

السلام عليكم ورحمة الله وبركاته


تعبانه حيل يابنات مضايقه

ماني قادره حتى اقرا قران مجروحه مصدومه اكتشفته مرتين يخوني

وجاوبه لي وريني شتبين تسوين مو خايف

يدري ماعندي ظهر ويكسر فيني حيل ومن بعد ماتصالحنا احس ببرود منه صوبي

المشكله يسمعني كلمة احبج بس ماعمري حسيت فيها ابد ابد

بارد معاي بصوره موطبيعيه وانا مندفعه له حيل ماعرف اثقل عليه ماعرف اصد عنه

اخاف يخليني ويروح تغير حيييييل علي

صرت عنده ولا شي

زوجي مسافر شغل بالخارج بدال لايشتاقلي بااااااارد حيل معاي

ادق عليه ولا مادق عنده عادي

مايفقدني ومايحس بغيابي توني عيزت ادق عليه مايرد بعدين دقيت لقيته مغلق

لاتقول مخلص شحنه هذي مو اول مره واذا سالته ليش يقول نمت وادري ماعندج شي

الي ذابحني خوفي خوفي اني افقده ابي اقسي قلبي شلوووون

ابي منكم دعاء بالهدايه الله يهدينا لبعض

 

[لافه شعرها]

واخيرا نزل الموضوع

 

[شادن33]

لافه شعرها عمري والله

 

[شادن33]

يمكن انتي لما صارحتيه خلاص صار شي عادي عنده
اغلبهم يكشون لما ينصادون بالخيانه والنادر اللي يعترف بغلطه
ويمكن ماله ويه ومتفشل منج
اللي عليج عامليه بما يرضي الله وبري ذمتج
عليج بالدعاااء والصدقه بنيه الستر

 

[حجيه هيونه]

لانه عارف انج ميته عليه يسوي علي كيفه

خفي عنه طنشيه

حسسيه انك ترا مو مهم وممكن ابعد عنك


هو راح يركض وراج

 

[DO7AWE]

اسال الله جل علاه بكل جبروووتة وقوته وعطفه وحناااانه وعجائب قدرته ان يرزقنا بالحمل السليييم المعافا عاجلا غير اجلا يارب العالمين انه علي كل شي قديييير لي ولكم وان يهدي زووجك لج ويقدرج ويهتم فيج ويبعد عنه بنات الحرااام

 

[غدووور الكويت]

الله يهديه ويسخره لج

 

[*شوقي معنيني*]

ما عاااش من يكسسسرج
فووقج رب عااادل

حبيبتي انتي قلبي انتي عمريييي انتي <شتبينه اكثر
خفي علييه عيشي حيااتج طلعي روحي رجعي
مثلاً اهتمي بنفسسجج وخلي اخر اهتمامج
صج شي قوي شوي بس نتيييجته حلووووه

هذي الحررركككههه حللللووووه

ييبي ورقه كبيييره
وكتبي ماراح اعيش حياتي لك بعيشها لنفسي وحطيها بمكان واايد تقعدين فيه
وكل ماطاحت عيونج عليها صدقيني بتقوييين
وربي الحررركه عجييبه

باذن الله راح يحبج
ويركض وراج
بس هااا مو تخورينها بعديين

 

[أجمل إنسـآنـه ~]

ياقلبي انتيي الله يهدييكم لبعض ويسسسخره لج يارب العالمين,,~,~
​

 

[رنيم الروح]

حبيبتي المشكله فيك انتي انتي مندفعه معاه بقوووه وهذا الشي جاب نتيجه سلبيه لك انتي واهوا الحين ضامنك و متاكد مهما يسوي فيك او يخون مع غيرك ماتقدرين تتركينه وتبتعدين وهذا مربط الفرس انتي ثقلي لا تعطينه اهتمام اكثر من الازم والله يهديه لك

 

[فطوم 84]

الله يسخره ويحنن قلبه عليج اللهم امين. شوفي يالغاليه كلامج عور قلبي مومعناته مالج احد تنذلين له وتراكضين وراه والله الريايل "مايحبون المره اللزقه "يشوفون نفسهم عليها. تغلي خليه اهو يجي يشتاق لج يركض وراج. الريال كل ماتبعدين عنه تعطينه مجال انه يشتاق لج ويسال عنج اما تلاحقين وراه٢٤ساعه يمل ويشوف نفسه صدقيني والله يسخره لج ويرزقج الذريه الصالحه عاجلا غير اجلا ويرزق كل محرومه عيال اللهم امين وبنات لكل وحده محرومه من الذريه انا شفت بعيوني بنات محرومات حافظوا علي قراية سورة يس يوميا بنية الانجاب والحين حملوا وفي احاديث وايد للنبي انه اللي تقرا سورة يس بفضل سورة يس صدقوني حافظوا علي قراتها وبتشوفون انك بترزقين بالذريه الصالحه اللي تسعدج

 

[الجوهرا]

الله يعينج ويصبرج ويسخره لج والعضوه كلي دلع ماراح تقصر معاج بالنصايح انطريها

 

[فطوم 84]

انا كاتبه قال النبي وماقلت الحديث قال عليه الصلاة والسلام سورة يس تسمي المعممه تعم صاحبها بخير الدنيا والاخره وتسمي الدافعه والقاضيه تدفع عنه كل سو. وتدفع عنه كل شر وتقضي له كل حاجه )) ((يس قلب القران لايقراها رجل يريد الله والدار الاخره الا غفر الله له فاقرووها علي موتاكم ))سبحان الله بنات والله وايد احاديث بفضلها وانها تجلب الرزق والله يرحم اللي يقراها ويرزقه لكل محرومه من الانجاب ولج يااختي لاني قريت توقيعج اقرروها يوميا وبتشوفين انك حملتي

 

[لافه شعرها]

جزاكم الله خير


قبل كنت كل مفرفشه اما الحين كله كئيبه بسببه استغفرالله

شلون اثقل عليه ماعرف تدرون اذا حاولت ولامره كملت يوم بالثقل

اقول ماراح ادق وتلقوني اخر اليوم داقه

 

[سفييره الكويت]

خايفه تفقدينه والريال يخونج؟؟

شوفي ساعات الانسان يعاشر انسان العمر كله ولكن ينكشف الوجهه االاخر ونكتشف اننا انخدعنا ..

لازم تقولين له اما تعيش معاي وتتوب الى الله لانه عندك زوجه والا الانفصال وتقولين ماقدر اعيش من بعده بقولج احسن ماتعيشين

قربه ويطعن فيج واذا على قسى القلب فقط اخلصي النيه واطلبي من الله قوه الايمان ..!

 

[حلاه الكون]

وااااااي حدج قاطه نفسج عليه
تراه اهو الحين سحس انج شخصيه هامشيه وماعندج شي
خلج اهتمي بنفسج واذكري الله
شسالفه ماتقدرين تقرين قران علشانه
حدج عجيبييبه
خليه لاتسالين عنه ولا شي
وسوي نفسج عااااادي جدامه وخففي من شوقج له
وشوفي شلون راح يركض وراج
وربي يجبر خاطرج

 

[بكيزة هانم]

الله لا يبلانا ليش اهوا لهالدرجه حلو ويهبل ..مهبل فيج ثقلي وطنشيه وانشغلي عنه من قلب بطلعات وروحات خليه يدورج ما يلقاج كله طالعه ..جربي

 

[عيني عليه]

شوووفي ... ماااااااااااااابيدج شي ابددددد ... انا مرييت مع زووجي بمطب ماتوقعت اني اطلع منه لولا اللي بقولج عليه الحيين ...

صلاااااة الليييل ... جبت لي مجموعه بناااات قروا لي ختمه بالبيييت وختمه الانعاااام وسووا لي الصلاه على محمد مية الف مره وأمن يجيب المضطر اذا دعاه ويكشف السوء ميه الف مره ... سوره البقره على طووول اخليها تشتغل ببيتي ... وطول ماانتي قاعده لهجي ياااودووود ياودووود ياودوووود .... واي دعاااء او عمل عندج اقرييه كل يووووم ...لاتنتظريين منه شي انتظري من رببببج بس ... ودايما حطي في بالج انه كل شي بيصير لج الله مختاره لج .. والله مايختاااار لعبده الا الشي اللي يكون افضل له ... قربي من ربج حيييل وبترتاااحيين .. والا ترى في اوقاات الاحباااط عاادي تموتيين نفسج لو تصيريين بعيده عن ربج ...

انا مررت علي اوقاااات من كثر الاحباااط على طووول نااايمه ولا اكل ولا شي حتى ولدي ماادري عنه تاركته على امي .. مابي اطلع ماابي اشوف احد ...

لولا الادعيه والصلاااه ماادري شصار فيني ... سوري كثرت هذره بس لان توني طاالعه منها ...وباذن الله ومشيئته رجع لي رجلي الحمد لله ياااربي

 

[أم حورية]

قووي نفسج اكثر وضغطي ع نفسسسسج وقولي بثقل مووو عشانه عشانج انتي

شغغلي نفسج عنه عشان لا تدقين اذا طلع انشغلي باي شي او طلعي

واذا انتو بالبيت هم شغلي نفسج بالنت او اقرري كتب سولفي مع رفيجاتج واذا حسيتي ان وده يقعد معاج قعدي بس لا تجابلينه 24 ساعة عشان يفقدج بس مو تنطشيين بالمرة

واضح انج مطنشة بكل شي عشانه بس هالشي قاعد يضايقج قبل لا يضايقه وهالشي اهو اللي كاسرج زيادة ، بس حاولي تشغلين نفسج راح تشوفين ان لج كيانج وشخصيتج

ولارتقولين مااقدر اقرا قران هذا وسواس من ابليس توضي وروحي اقري بتشوفين انج راح تهدين شوي

وادري الخيانة صعبة بس اذا انشغلتي راح يخف الوضع غير لما تفضين و 24 ساعة بس تفكرييييين
*

 

[أم حورية]

الاخت "عيني عليه" مااا قصرت