مــــــــــــــــــدرســــــة كــــيــمـــبـــــــــــــــــــــرج بـــــحــــــولـي

[sarah125]

قوه امهات الكيمبردج
حبيت اسلم عليكم
واقول لكم


كل عام وانتوا بخير يا الغاليات

وانتي بخير وصحه وسلامه:nbvppw:​

 

[Suwi]

جم اسعارها و اذا عندج السايت لو سمحتي

 

[sarah125]

جم اسعارها و اذا عندج السايت لو سمحتي

صباح الخير ...ان شاء الله اليوم موعد مقابلة بنتي عندهم ...اذا رحت بطلب منهم قائمة الاسعار والسايت مالهم وحطه لج.....ادعي لبنوتي تتحجى وماتفشلني لانها من النوع المزاجي تتكلم على مزاجها

 

[بناتي حياتي]

الله يوفق بنتج ياساره وتنجح بالامتحان
وطمنيننا عليها

 

[جزيلة العطا]

اب
اب
اب

 

[sarah125]

الله يوفق بنتج ياساره وتنجح بالامتحان
وطمنيننا عليها

صباح الخير عزيزتي حياتي بناتي.....الحمدلله بنتي اجتازت الاختبار...كان موعد الاختبار الساعه 2.45 لكن انا رحت 2.30 دقيقه ودخلوني عل طول،مكان الاختبار كان السرداب الخاص بمرحلة رياض الاطفال وهو تقرببا حوش ساقط اكثر من سرداب يعني فيه شبابيك وتدخله اضائه وتهويه طبيعيه ايضا.​

نزلتنا تحت موظفه اسمها كلودين ،كانت لطيفه وبصراحه لطفها مع بنتي هيء نفسية بنتي لمقابله المدرسه،طبعا انا كنت قبلها بأكثر من شهر يوميا اقول لبنتي اثناء تدريسي لها انه احنا بنروح عند خالتي التيجر ولازم تجاوبيها على اسئلتها حتى تاخذنا نلعب مع الاطفال الحلويين اللي بالمدرسه ،وكنت اوريها على اليوتيوب اطفال بالروضه يلعبون ويغنون مع الابله،و كانت متحمسه لشوفه خالتي التيجر .​

المدرسه ايضا كان استقبالها لطيف،انا بصراحه تميت واقفه لان كنت متوقعه بيخلون بنتي بروحها مع المدرسه ،لكن المدرسه طلبت مني اني اقعد مع بنتي لان الطفل يصعب عليه التجاوب مع شخص جديد عليه بسهوله فوجود الام ضروري،انا هني ارتحت جدا ....اول سؤال سألت بنتي عن اسمها وكيف حالها طبعا باللغه الانجليزيه وبنتي كانت ترد بكلمه واحد بس يعني على قد السؤال.... بعدين عطتها ورقه فيها صورة ذئب وطلبت من بنتي تلونها وبنفس الوقت سألت بنتي عن اسم الحيوان اللي في الصوره...بعدها طلعت صور قطط ملونه كبيره وسألت بنتي عن الالوان....​

اللحين عاد صار وقت التعرف على الارقام والعد...المدرسه رتبت على الطاوله دببه صغار شكلهم واحد وطلبت من بنتي تعد ، كان عددهم عشره وانا معلمه بنتي تعد للعشرين فلما وصلت بنتي لرقم عشره جان تقولي :- قولي حق خالتي التيجر ابي بعد ،تقصد باجي العشرين ، وفعلا طلعت المدرسه باجي الدببه حتى تعد للعشرين وعدتهم ...خلصت من العد ، هني المدرسه طلعت كروت فيها ارقام وسألت بنتي بشكل عشوائي عن كل الارقام من الواحد للعشره.​

اخر شي حطت المدرسه على الطاوله البوم فيه صور وسألت بنتي عن كذا صوره كان من ضمنها :- ساعة حائط - كرسي - باب - يد- حصان - طائره - فراشه - بيت - اسد.​

بعدها بلغتني انهم موافقين عليها وطلبت ان احنا ننتظرها شوي ..هم حاطين كميه لابأس فيها من الالعاب بوسط الصاله وراحت بنتي تلعب بالالعاب وتتزحلق والفرحه مو سايعتها بصراحه هذي من المرات القليله اللي اشوف بنتي تتحرك بهاذي الكميه من الثقه بالنفس في مكان جديد عليها ، بنتي عاده كله لازقه فيني لما نروح مكان جديد.​

على فكره المدرسه كانت من جنوب افريقيا ، لكن للاسف ماعرفت اسمها ، لكن للامانه تحسين من نبره صوتها مع الطفل وطريقة استعلامها عن المعلومه انها انسانه تربويه بالفعل.​

دوختكم ادري ، لكن حتى تستفيد الامهات المقبلين على اجراء اختبار القبول للطفل وكيف يهيئون الطفل لهاذي المقابله.​

 

[بناتي حياتي]

الله يعطيج العافيه على كل هذي المعلومات حتى تستفيد منها باقي الامهات

والف مبروووووك على قبولها كنت احاتيها والحمد لله انها تكلمت وما استحت

الله يوفقها يارب

 

[sarah125]

الله يعطيج العافيه على كل هذي المعلومات حتى تستفيد منها باقي الامهات

والف مبروووووك على قبولها كنت احاتيها والحمد لله انها تكلمت وما استحت

الله يوفقها يارب

الله يبارك فيك عزيزتي ، عموما جو المدرسه عندهم فيه الفه وايضا الناس اللي تعاملت معاهم هناك كانوا جدا ودودين ، لهذا السبب بنتي تجاوبت معاهم بسرعه.​

على فكره احدى الاخوات كانت ساءله عن الرسوم عندهم وهي كالتالي:ـــ​

kg1
قيمتها 985 دينار في العام الدراسي الواحد ،وتندفع على ثلاث دفعات
الدفعه الاولى عند التسجيل قيمتها 200 دينار
الدفعه الثانيه يوم 1/9/2010 قيمتها 400 دينار
الدفعه الثالثه يوم 1/12/2010 قيمتها385 دينار

kg2
قيمتها 1095 دينارللعام الدراسي وايضا تندفع على ثلاث دفعات
الاولى 200 دينار
الثانيه 500 دينار
الثالثه395 دينار ​

 

[Q8-Engineer]

رد : مــــــــــــــــــدرســــــة كــــيــمـــبـــــــــــــــــــــرج بـــــحــــــ

للرفع​

 

[Q8-Engineer]

رد : مــــــــــــــــــدرســــــة كــــيــمـــبـــــــــــــــــــــرج بـــــحــــــ

السلام عليكم.....عندي سؤال للامهات اللي عيالهم يدرسون بالكمبردج - حولي.

بالنسبه لسنه اولى روضه...شنو نوع الجنطه اللي ياخذها الطفل معاه؟؟ اللي اقصده نشتري الجنطه اللي ينحط فيها الاكل بس ؟؟ولا نشتري بعد الجنطه اللي تنحط فيها الكتب بعد؟

وبعد ابي اعرف شنو الزي المدرسي اللي يلبوسنه في سنه اولى روضه ،وشنو لبس الرياضه؟؟​

 

[qa6wa_q8]

مرحباا امهاات

انا سجلت اعيالي بكامبيرج هلسنه وان شاء خيير

وكل عام وانتوو بخيير وسنه دراسيه سعييده

 

[ام كتكوت]

وانتي بخير قطوه
الله يوفقج ويوفق الجميع وولدي بعد الله يوفقه ويكون من الاوائل
انا متخوفه من المدرسه لانها اختلاط بس الله كريم ان شالله خير
دام انه صبي شوي اهون لوبنيه بيكون اصعب من وجهه نظري

 

[نـــــور]

بنات متي ياخذون فرنسي بييير جم و متي التسجيل

 

[نـــــور]

بنات نظام الامتحانات اشلون يعني اللي يمتحنون فيه يردون له مرة ثانية بنفس السنة

 

[نـــــور]

للرفع بليز ردوا على

 

[احب الزين]

السلام عليكم
خواتي الي عندهم عيال في كامبرج المنقف ياليت تفيدوني والي يعافيكم
انا عيالي 2سجلتهم بالكامبرج المنقف بس ماعرف عنها وايد وماعندي خلفيه بالمدارس لان اهما البجر عندي واحتاج وحده صاحبه خبره تساعديني
حاولت اسجلهم بالتكامل وكان العدد مكتمل
وحاولت اسجلهم في الرساله وكان العدد مكتمل
واخيرا رسيت عل الكامبردج
والله يعطيهم الخيره ياررررررررررررررررررررررررررررررررررررررررررررب
وطالبه خبراتكم الله يخلي عيالكم

 

[Make A Wish]

استعداد تام لتنظيم كافه حفلات اعياد الميلاد والتخرج ..اغاني خاصه تنفيذ ستديو باسم المواليد ...
دي جي مع نظام اضاءه كامل وبيست مضيئ
66564271​

 

[sarah125]

السلام عليكم
خواتي الي عندهم عيال في كامبرج المنقف ياليت تفيدوني والي يعافيكم
انا عيالي 2سجلتهم بالكامبرج المنقف بس ماعرف عنها وايد وماعندي خلفيه بالمدارس لان اهما البجر عندي واحتاج وحده صاحبه خبره تساعديني
حاولت اسجلهم بالتكامل وكان العدد مكتمل
وحاولت اسجلهم في الرساله وكان العدد مكتمل
واخيرا رسيت عل الكامبردج
والله يعطيهم الخيره ياررررررررررررررررررررررررررررررررررررررررررررب
وطالبه خبراتكم الله يخلي عيالكم

السلام عليكم....انا بنتي سنه اولى روضه بمدرسة الكيمبردج -فرع حولي ،من ناحية اللغه واللي اقدر احكم عليه من خلال مستوى بنتي ،يعتبرون جيدين،يعني اللغه عندي بنتي مقارنة بعمرها وايد حلوه.

لكن....وهذه المشكله اللي تخليني اطلع بنتي من المدرسه،انهم وايد يصارخون على الطلاب بمعنى ان المدرسه تعتمد اسلوب الصراخ بالصف،لان بنتي لما ترد البيت تقلد المدرسه ،الاحظ انها وايد تصارخ وتعصب على اليهال ، اللي تتخيلهم جدامها ،سألت بنتي ليش تصارخين تقول حتى اصير نفس مس شيخه.

المشكله الثانيه ،انه قبل يومين رحت اخذ بنتي من المدرسه ولا اشوف قميصها عليه دم ،وعلى طول نطنت مساعدة المدرسه مالتها ولا تقول انه طالب ضرب بنتي وخشمها نزل دم واحنا اتخذنا الاجراء اللازم،طبعا حتى الاداره ماكلفوا نفسهم يبلغونا او حتى يتصلون يتطمنون .

قبل مده كان عندهم رحله للافنيوز، ماجك بلانت،فكرنا انا وزوجي نروح هناك ونشوف بنتي وهي تلعب مع الاطفال وحتى تتسانس انها شافتنا....بصراحه كان الموقف بايخ ...المدرسات الاساسيات كانوا يلفون على المحلات،والمساعدات قاعدين على طاوله جانبيه يسولوفن،واليهال يلعبون بلعبة البازل ...بروحهم ولافي اي مدرسه من المدرسات تراقب الاطفال.وخلال وقفتنا اللي خذت اقل منعشر دقايق شفنا هوشتين بين اليهال ولا احد حولهم

 

[نـــــور]

حبيبتي سارة و الله خفت عاد كنت بسجل ولدي شكلي بهون

 

[أنهار الكويت]

السلام عليكم بنات انا سمعت تجارب واااايد بنات عن هالمدرسه والغالبيه يمدحون واكيد مافي شي يخلى من العيوب
بس انا اهم شي عندي ان اذا بنتي خلصت منهم kg2 شنو تكون استفادت منهم هل تكون عارفه تتحجى انجليزي ماقول انها تكون بلبل بس عالاقل تفهم اذا احد كان يكلمها انجليزي مو ضايعه
هذا شي والشي الثاني هل فعلن تكون قادره على انها تقرى قصه قصيره انجليزيه ؟
يعني ابي من الامهات اللي جربوها ولاعليهم امر يقولون عيالهم شنو استفادوا عقب ماخلصواا kg2
بليييييز لاني حيل مرتاحه لها وبسجل بنتي فيها بااااجر فابي الرد منكم نااااااطرتكم بليييز