^**"^**^ مــــــطــــبـــخ مــــــــغــتــربـــات ^**^**^

[chocolate cake]

ههههههههههه

ترا انا بعد ما اطبخ بالويك اند

لوووول

انا الحين يوووعاااااانه بس مالي خلق اسويلي شي اااكل

و فيني ارق مااا اقدر انااااام

ريلي و ولدي نايمينو انا قاعده

 

[محامية كويتية]

موضوعكم عجيب
ويستاهل الشكر
تسلمون

 

[شندوخه]

لوول دلول جنج حاسه اكل البيتزا لايعت ومالي خلق اسويلي شي صايره حدي رفله
اطبخ بحاله وحده بس اذا كنت مشتهيه شي ويوعانه ومحد يظبط دياي الكريمه اللي احبه غيري :\ اضطر اني اطبخ
وبالكويت عالحاله المزاجيه اذا انا بخاطري طبخت وبالكويت في احد يزهبلج البصل والثوم وفي احد يغسل المواعين والدثره من وراج

 

[مغتربة 2006]

سلااام بنات شلونكم اليوم؟؟
ها شنو غداكم ؟
انا اليوم ان شاء الله بسوي مجبوس دياي

 

[pretty eyes]

ياهلا والله بالبنات شخباركم ؟ جنا ما تعرفنا على بعض بنات انتوا باي ولاية ؟؟

شندوخة بسج بسج بيتزا هههههههههه عاد قوليلنا طريقة الكريمة شكلها حلوة ياحلوة

يا هلا (بصديقتي الصدوقة )دلولة وييييييييييييييييييه اتذكرت ايام المدارس ياربي ماعرف شلون انزل الصور ؟؟؟ قريت موضوع عن التنزيل بس ما عرف( ولا مرة نزلت صور) بس شسوي شجعتوني اجكجك بكامرتي خخخخخخخخخخخخخ

 

[dalal]

برتي بدزلج الطريقه الي استخدمها وحدها سهله شوفي الخاص..

 

[مغتربة 2006]

دلووول دزيلي انا بعد
انا صوري كله تطلع نتفه
او عملاااقه
ما ادري شلون اسويهم مثل حجم الصور الي تحطينهم

 

[مغتربة 2006]

بناات بغيت اسألكم
اشتهيت اسوي بيتزا قيصر الي البنات حاطين موضوعها
بس كاتبين درحه حراره الفرن 200
شلون عندنا ؟؟؟؟ مو تفس الشي صح؟ اشكثر اخلي الحراره
جاوبوني الي عندها فكره ترد ظروري

 

[dalal]

ميتين يعني من 350 -400

واكو موضوع مثبت ترى فيه عن كل المقايس والدرجات وتحويلها من سيليزي لي فهرنهايت والعكس

 

[مغتربة 2006]

مشكوره عاد ما صورت المجبوس
خلاص اصور البيتزا لما اسويها وانزلها عاد ريلي تنقع بالمارت ما ادري متى بيي عشان اخلص
على بو ويك اند عادي سهاريه لووول

 

[dalal]

خلاص ناطرين البيتزا...

انا توني راده من كلاس الطبخ هههههههه والله تعلمت شلون اقصص بفن عشتوووو..

بغيت اطير صبعي والله الله ستر.. ورانا الشيف سجينه سهرعا بحدود ال تسعين دينار أبيـــه عجيبه والله

بدون ماتظغطين واتعبين روحج وايدج بس يحط السجينه على البرتقاله من كثر ما اهي حاده تنقص بالنص !!!

صار فيني جذي :eh_s(12)::eh_s(12)::eh_s(12): بس خطره احسها

 

[شندوخه]

هاي بنات
اليوم انا هياته من الصبح توني ادش البيت ررحت المول تشرينا واهم شي ماطبخنا هههههههههه

بريتي
ترى اتشقق هههههههه شوفي والله مافي مقادير معينه الفكره من مخي بس انا واختي طيرنا الصينيه

اخذ صدور دياي وانقعها بخل وكركم وكاري وفي بهار بالوول مارت اشتريه مخصوص لهالسوالف راح اصوره لج بس بعد شوي لان عيزانه هههههههه
المهم
بعدها افوح بطاط مكعبات وجزر عنونو بعدها اقصص شويه بصل وثوم واحمسهم مع صدور الدياي واخليهم نص سوى واحط عليهم صلصه انا صراحه يبتها معاي من الكويت مادري اذا هني موجوده ولالا اهيا Hp فروتي مو العاديه مالت الستيك

وفي بايركس احط البطاط والجزر المفيوح مع صدور الدياي اللي حمسناها وصارت نص سوى وعفسيهم عدل << مصطلح وحده ماتدري عن الطبخ شي
وفي باديه احط قفشه فيلادليفا بالاعشاب وقفشه فيلادلفيا عاديه وكريمه وشويه جبن موزريلا واصبهم عالدياي والخضره واحط فوقهم جبن موزريلا واقطهم بالفرن يكملون سوى
وبس سلامتج وترى دددسمه مو تدعون عليييييي

 

[dalal]

هههههههههههه شندووووووخه ظحكتيني على مصطلحاتج ..

بس مشالله احسها لذيذه شوقتيني عليها ... بس شيطلع فيلدلفيا بالاعشاب ؟؟؟ داخل الجبنه اعشاب؟

ولما اتنقعين الصدور شلون اشكثر المده؟ ولاقصدج بس تخلطينها ويا البهارات وعلى طول تنحمس مع البصل والثوم؟؟

 

[شندوخه]

هلوو دلول
الصدور اقصصها مكعبات واخليها على ماقصص البصل والثوم وافوح الخضار

فيلادليفا تحصلينها بالوول مارت تصير انواع هذي فيها صوره بصل وبقل هههههههه بالهيرب يعني
والتنقيعه قلتلج بو ربع نص ساعه وبعدين اخذهم كلهم واقطهم عالبصل والثوم
صار معلوم ؟

 

[شندوخه]

بنات بقولكم شي بس لاتضحكون
انا غرامي الشوربات بس مابي شي اطحنه بمطحانه لان مالي خلق هههههههههههههه
ابي افكار لاشياء سريعه سريعه شتسون ؟
في وحده عجيبه اسويها اذا فحنا الدياي للمجبوس وزاد مايه
اخذه واقط فيه باكيت ماجي النودلز واقصص جزر وبطاط وبروكلي ولوبا ومرات باميه هههههه كلشي اقطه فيها
لم تستوي الخضار وبالعافيه
شنو في سوالف بعد سريع سريع وماتستهلك جدور للغسيل <-- اهم شي ولاتقولون دش ووشر لايعه جبدي من شكلها ومابي استخدمها

 

[pretty eyes]

ما قصرتي شندوخة مشكورة شكلها حلوة بس شسم الكريمة الي تحطينها؟
من صجج مغتربة بيتزا قيصر الله يبيلة مع شاي بس اكملت ما عليج امر حطيلنا رابط بيتزة قيصر > مو قادرة انطر الصور بسويها هههههههههههه
دلول شقصيتوا؟ جان زين تزيين الفواكة ؟ تدرين انا شتو بخاطري اتعلم امممممممممم تعرفين الباسكت الي فيها كل انواع الفواكة بس مقصصة على اشكال ورود عرفتيها ودي اتعلم تقطيع البطيخ الي على شكل ورود وييييييييية حدي مزاج خخخخخخخخخخ

 

[شندوخه]

بريتي
والله ماذكر شسمها بس لون قوطيها ازرق وعليها صورت كيك اعتقد وwhippe cream شي جذي

 

[pretty eyes]

شندوخة جربتي الكويكر مع الذرة سريع جدااااااااا والشوربة الثانية اذا فحتي ديايتج اخذي ماي الدياي وحطي فوقة كل الخضرة الي عندج بالثلاجة بقدونس بصل وكوسا والخ الا ما قلتي لي انتي باي ولاية؟؟؟

 

[pretty eyes]

بعد عندج شوربة حب الهريس زيدي ماية ويصير شوربة ماكو بعد اسرع من جذي الاشوربتهم ام قواطي الله يزيد النعمة مادري شلون ياكلونها؟؟؟

 

[dalal]

برتي الكريمه عادي اي نووع اسمها heavy whippe cream

الاقيها دايما يم الحليب ...

والتقصص الله يسلمج لا حسافه مو فواكه انا عبالي فوتكهه هم لووووووول.. بس طلع لأ بشكل عااام يعني


معنه كانو كاتبين اسم الكلاس مهارات السجينه knife skills مع تزيين الاكل .. بس ماشرح لنا شلون نزين بس علمنا شلون

نقصص البرتقاله على شكل ورده ههههههه وساعه يعلمني ماعرفت فقصتها بيدي وتنرفزت وكليتها لوووول

وهم شلون نقصص الاشياء بسرعه بدون مانشوف .. يعني باستخدام الاحساس ... خل يستريح مو بايعه

اصابعي.. وهم شلون كل تقصصين الشغلات بنفس الحجم بدون اختلاف... يعني مثل الخظرا والبصل والطاط والخيار... جذي شغلات وانواع السجاجين وشلون تمسكينها مممممم

وهيك...


شندوخه عندي عاد شوربه مشرووم حلوه بس لازم خلاط لوووووول تبينها ؟؟؟