^**"^**^ مــــــطــــبـــخ مــــــــغــتــربـــات ^**^**^

[dalal]

فديتج مغتربه: لا توسوسين ولا شي..." قل لن يصيبنا الا ماكتب الله لنا"... انا الحمدالله اول شي اهل الكويت الله يسامحهم خرعوني..

تالي قلت شتفيد الخرعه والمحاتات كل واحد الله مقدرله يومه والاخبار بالديره عادي مهولينها شوي بعد اتعرفين الاعلام والمبالغه ...

وروحي طبخي سميجتج.. والله يحفظكم يارب...

 

[chocolate cake]

بناااات شلوووونكم

انا غطيت لان لوووويه قاعده احط اغراضي و اسكر جناطي حق الرده

بس امبي انا ما كنت خايفه

بس الحين استغفرالله قمت اوسوس

اكيد ربي الحافظ و ان شالله ماراح يصير اللي ربي كاتبه

بس انا من امس قاعده اقرا من سايت ال سي ان ان و اقرا عن هالمرض الله يكافينا شره

بولايتنا لقوا 26 حاله و واحد توفى بهيوستن بالمستشفى و اهو ياهل عمره سنتين على ما اعتقد و اهو اساسا كان ياي من المكسيك

و انا خفت اللي قلت حق ريلي يروح وول مارت يشتريلنا المعقم و البخاخ و الوايبس
و كمامات

المشكله اني ما خلصت شغلي من السوووق

و اخاف اروح الصراحه



ابي ارد الكويت
عالاقل نكون بين اهلنا و بديرتنا

صج الغربه مأساة

الحمدلله على كل حال

و انا من ييت امريكا هالمره استفغر الله قاعد تصير اشياء ورا بعض

لاني قبل شهر اجهضت و انا بروحي

صج الوضع صعب كافي بروحج

بس الله كريم

و ربي معانا و هو خير حافظ

 

[chocolate cake]

مو جني قلت قصه حياتي

لووووول

بس بفضفض

 

[مغتربة 2006]

حبيبتي جوكليت كيك لا ان شاء الله ما عليج شر
بس صج لا تطلعين سوق مو لازم صحتج اهم وكمليلهم من المطار ولا اي شي
وان شاء الله ترجعون سالمين

 

[مغتربة 2006]

دلوول
سوي نص الكميه اذا ما تبين
انا سويت شويه يوم وخليت العجينه بالثلاجه واليوم الي وراه سويت خليه نحل لووول
بس سوي نص الكميه احسن

 

[شندوخه]

ابيه يعني كلكم مثلي مصروعينكم الكويت
ولا الوضع العام عادي الناس محد مهتم ومحد لابس كمامات ولاشي
ويتراوالي التلفزيون مهولين الموضوع بعد اليوم واحد بالاصنصير كح تصروعت تالي استغفرت وضحكت على روحي
الله يحفظنا ويحفظ المسلمين ان شاءالله
صاكه فيني وزهقااااانه مادري شسوي فيني بجوه

 

[مغتربة 2006]

شندوخه
حتى انا فيني بجووووووه

 

[pretty eyes]

برتي لووووول .. حبيبتي والله مايبيله شي خلاص ثاني مره صوري بدون ماتطلعين شغلات ماتبينها تطلع ههههههه

وانا بعد نفسج قمت الساعه 2 استغفر الله مو شي النومه لي الظهر اتقومين مالج خلق شي...

انا الحين بسوي بيتزا قيصر من عقب ما مغتربه سوتها وليلحين متشوقه عليها ..


بس مغتربه : مكتوب كيلو طحين ..!!!!!! ولما رحت شفت بالنت جم يعني كيلو طلعلي 8 اكواب !!!!!! جنه وايد يتروالي؟؟ شغبر فيهم؟

هههههههههه دلول ادريييييييييي كنت مصورة كذا صورة بس كلهم بس طلعوا اكثر من 3 ميجا بكسل فمارضوا يتحملون بس هالصورة رضت تتحمل لانها اقل عرفتيى ...... بعدين اشدعوة كيلوو!! وزعي علي الي حواليج والا اقولج تنقصيلي من البيتزا خخخخخخخخخ انزين ما جربتي تقسمين الكمية يعني بدال 8 قلاصات حطي 4 وهكذا دواليك ( اقعد يالفصحى) :dddds:

 

[pretty eyes]

ويييييييه يابعد عمري ياجوكليت كيك الحين احنا يالله انسكت مغتربة الله يعافيج لا تشيشينها ولا تشيشونا على البجوة ترى كلنا على طريف هههههههههههههههه لا ان شاء الله تعوذوا من ابليس وما يصير الا كل خير وبالنسبة لباجي اغراضج كمليها من النت اذا عندج وقت واذا ما عندج يتراوالي صحتج بالدنيا عدل؟؟

 

[مغتربة 2006]

دلوول
ترا لازم تحطين صوره بيتزتج
لوول خل نشوف الانتاج

 

[dalal]

السلاااااااااااااام عليكم ...

عدنا والعود احمد .. توني رادده من السوق رحت اشتري الموزع حق الكاميرا ...

والناس كلها كوول وعادي وزحمه .. ونسيت روحي ورحت صوب الميك اب اتعبث جان اتذكر هالبلوى والانفلونزا !!!!!!

قطيت كلشي وقلت حق ريلي خلاص خل نرد اهئ اهئ مسويه روحي كوول ومو خايفه ...

أبيه العجينه من العصر مسويتها الحين يوم رديت مو منتفخه كلش !!!!!!!! لييييييييييش ؟؟؟؟

 

[chocolate cake]

حبيبتي جوكليت كيك لا ان شاء الله ما عليج شر
بس صج لا تطلعين سوق مو لازم صحتج اهم وكمليلهم من المطار ولا اي شي
وان شاء الله ترجعون سالمين

والله ما همني السوووق طاف بس مادري شفيني قمت اوسوس
بس ان شالله ماكو الا العافيه

ابيه يعني كلكم مثلي مصروعينكم الكويت
ولا الوضع العام عادي الناس محد مهتم ومحد لابس كمامات ولاشي
ويتراوالي التلفزيون مهولين الموضوع بعد اليوم واحد بالاصنصير كح تصروعت تالي استغفرت وضحكت على روحي
الله يحفظنا ويحفظ المسلمين ان شاءالله
صاكه فيني وزهقااااانه مادري شسوي فيني بجوه

انا بعد فيني بجوه :"(

ويييييييه يابعد عمري ياجوكليت كيك الحين احنا يالله انسكت مغتربة الله يعافيج لا تشيشينها ولا تشيشونا على البجوة ترى كلنا على طريف هههههههههههههههه لا ان شاء الله تعوذوا من ابليس وما يصير الا كل خير وبالنسبة لباجي اغراضج كمليها من النت اذا عندج وقت واذا ما عندج يتراوالي صحتج بالدنيا عدل؟؟

اقولج شي اقري المواضيع اللي كنت منزلتها بقسم الحمل و الولاده (دشي المواضيع اللي انا كاتبتها)
شوفي شصار معاي
الحمدلله على كل حال بس تعرفين لما تكونين متأثره من مواقف صارلتج
انا هذا شعوري

و صج اذا في شي احتاجه ضروري يمكن اطلبه من النت

السلاااااااااااااام عليكم ...

عدنا والعود احمد .. توني رادده من السوق رحت اشتري شاحن حق الكاميرا ...

والناس كلها كوول وعادي وزحمه .. ونسيت روحي ورحت صوب الميك اب اتعبث جان اتذكر هالبلوى والانفلونزا !!!!!!

قطيت كلشي وقلت حق ريلي خلاص خل نرد اهئ اهئ مسويه روحي كوول ومو خايفه ...

أبيه العجينه من العصر مسويتها الحين يوم رديت مو منتفخه كلش !!!!!!!! لييييييييييش ؟؟؟؟

اي خميره مستعمله ؟

من وين شاريتها ؟؟

 

[dalal]

بناااات شلوووونكم

صج الغربه مأساة

الحمدلله على كل حال

و انا من ييت امريكا هالمره استفغر الله قاعد تصير اشياء ورا بعض

لاني قبل شهر اجهضت و انا بروحي

صج الوضع صعب كافي بروحج

بس الله كريم

و ربي معانا و هو خير حافظ

ام فهودي يا قلبي ربي يعوضج ان شالله ...
وأبد ماكنتي بروحج الله وياج ... الواحد اشيبي اب ابن ادم والله محد بيفده غير ربه...
وكل الي يصير لنا انقول الحمدالله خيره من الله ... سبحان الله

والله يرزق كل وحده اتمنى الظنى ويتمم على كل حامل حملها قولوا اميـــن..

 

[مغتربة 2006]

اي والله كل شي خيره جوكليت كيك والله يعوضج يارب
يمكن الله كاتبلج اتحملين بالكويت بين اهلج اريح لج
دلول يمكن ما صار لها 4 ساعات
ولا حاطتها بمكان بارد؟؟
اذا ما انتفخت خليها لي باجر

 

[chocolate cake]

الحمدلله على كل حال و كلش ما كنت متضايقه و الا زعلانه

بالعكس الحمدلله لان كل شي من رب العالمين خير

بس انا اقصر اني عشت تجربه يديده

والله استفدت منها وايد مو شويه

الغربه تعلم

يعني تخيلي انج متعلقه بأهلجو امج و انتي توج يمكن مو عارفه الدنيا عدل و تصيرلج مواقف تحسين تحتاجين تكونين فيها قويه

سبحان الله صج صج الغربه علمتني وااايد اشياء مو شويه

احس كل شي كان يصير ورا بعض و بطريقه غريبه

و كل شي يصير يعلمني شي يديد

 

[مغتربة 2006]

اي والله
لولا هالغربه جان لا تعلمت اطبخ
ولا اربي
ولا تعامل مع ريلي مثل الاوادم
بالكويت كنت ازعل على اي شي
هني مالي الا اهو احس وايد كبر مخنا بالغربه

 

[مغتربة 2006]

انا اول حمال لي كان بالغربه وطرحت بعد شهر صج صج ماساه
لان انا تاخرت سنه ونص فكنت ابي احمل ولما حملت طرحت
بس ما كنت ابين حق احد
والحمدلله الله عوظنب بعيالي بعد هالحمله

 

[dalal]

الله يخليهم لج مغتربه...

انا بعد والله مع انه اشكثر الي عارضوا سفرتي وقالولي خلج بالديره وكل عطله روحيله لكني ابيت لوووووول

يعني احس فوايدها تغطي على مساوئها.. مع اني ماشوف مساوئ وايد الحمدالله.. غير اني اوله على الاهل واليمعه ...

يعني الغربه تخليج تتعلمين اشياااء وايد ممكن ماتتعلمينها بسنين طويله وانت بالديره ...

فالحمدالله على كل حال

 

[dalal]

عادي مستخدمه خميره عاديه الي كل مره استخدمها وكل مره عيينتي تظبط وياي بس اليوم غريبه !! مانتفخت كلش

على العلم اني اليوم اول مره اعينها بالمكينه ...

بجرب جم حبه وان ماطلعو اوكي بخليها لي باجر.. عاد مشتطه عليها مسويتها حق دوانية سي السيد ...

 

[مغتربة 2006]

ان شاء الله تضبط

انا ما تفخت وايد معاي اول ما سويتها بس اليوم الثاني صارت حلوه
انتي جربي عينه
اذا ما طلعت حلوه خليها باجر
والحين سويلهم بيتزا بالتوست
لوووووووول