مع الأسف ,, كثير من الرجال يفتقر إلى الخلق الراقي في التعامل مع زوجته !

[أأأحبه]

^
^
^
""" معاها في كل كلمة قالتها ""
يسسسسلمو اناملك يابعدي

 

[كريستال]

الله يسلمج حبيبتي :eh_s(7):

 

[s-h-9]

و الله هذه السالفه دااارجه بشكل رهيب كل صديقاتي و خواتي او بنات عمي الي متزوجااات و عماتي هذه السالفه معاهم و ما شاء الله كلهم احلى من ازواجهم يعني الزوج لا اخلاق و لا جمااال ..!!

و المسكيناات حاطين بقلوبهم و ساكتين يمكن بس وحده من الي اعرفهم و هي عمتي الي ترد ع الزوج..!!

و المصيبه كم وحده منهم تقول زوجي يقول لي الكل حاسدك عشان اخذتيني ما ادري الاخ منو؟؟

الله يعين الي يبون يتزوجون بس..

 

[ام ريتاج.]

خوش موضوع يعطيج العافيه

 

[ننوشه الحلوه]

الله الله ياقلبي على الموضوع
يا انا منفقعه من الرجال اللي زي هذولا ودي امسح بهم القاع
الزوج اللي يكون زي كدا ماله اي احترام انا ما جيت من بيت اهلي عشان انهان وياكتر مانسمع في هالزمن من المتزوجات ياليت ما تزوجنا ياليت ما غلطنا وياليت ........وياليت نتمنى انه يكون في رجال بعقليات متفتحه وناضجه
وربنا يهدي الجميع ويسلموا خيتوا

 

["بوح الجروووح"]

طلعتي اعزوبيه وانا جايتج باندفاع بعد عمري ........

سمعي من ناحية كظم الغيظ كظمناه لما قلنا بس والله طلع من عيوناه وكافي نجمل عيوبهم جدام الناس والقرايب هذا ابو فلان والنعم فيه والغالي والمديح اللي تعرفينه انا دخلت اهنيه بافض فض مو اكثر اكيد متحملينهم والا اشلون استمرت الحياه الزوجيه .
وترى سالفة الاستهزاء صايره موضه عندهم وروتين يومي بس عاد مالي شغل فيه معطيته طاف .باجر تتزوجين وتذكرين بوح .وتقولين صاجه يابوح .ماينفع الا التجريج .وعقبها راح يسكت مايبطل حلجه .

وسالفه ورويسج والله ادري انها ماتجوز بس خذتني السوالف وما اقولها الا لحبايبي والناس اللي ارتاحلهم تطلع عفويه وشكلي ارتحت لج


وجزاج ربي خير على هالنصايح الطيبه وربي ان شاء الله يرزقج بابن الحلال الطيب اللي ماله بسوالف التجريح والتشبيه بفلانه وعلانه

 

["بوح الجروووح"]

موضوعك رائع ويستحق النقاش ..
خاصة بأن في وقتنا هذا كثرت المشاكل الزوجيه والمقارنات بين الزوجه وغيرها ..

بس اختلف معك في نقطه ...!
إذا الزوج كان مقصر مع زوجته من أي نآحيه او من جميع النواحي حتى ..
ومايهتم بنفسه وجسمه ومظهره .. ولا يمدح ويشكر في زوجته ويقّدر التعب اللي بتقوم فيه عشانه وعشان بيتهم ..!
ويجي ينزل من قدرها ومن جمالها ويقارنها بأي وحده من الشارع ..!
ليه تسكت له ....؟
ليه تعطيه المجال الكافي انه يتكلم عنها ويهز لها ثقتها بنفسها ...؟
يكفي انها حافظه عرض وشرف زوجها وصاينته
يكفي انها تهتم بنفسها وبيتها وعيالها وشكلها
يكفي انها تطبخ له وتأكله وتشربه و و و و و
وبالأخير يهينها ..!
ليه تسكت له وتصبر ..؟؟

بالعكس المفروض الوحده تكون أقوى من كذا في هالمواقف
ماتعطي الرجال مجال انه يهينها او ينزل من قدرها لمجرد انها طيبه أو تصبر عليه ..
هي مو مجبوره تصبر عليه وتتحمل كلامه الجارح ( هي كانت تقدر تخونه وتشوف الف واحد غير لكن دينه وربها فوق كل اعتبار )
خلاص بالمقابل ماتسكت له تدافع عن نفسها وتضحياتها ..

واذا كان هالشخص يشوف زوجته مافيها جمال أو و و و
خليه يشوف نفسه وجسمه وشكله بالأول ..,


وآعذريني ع المداخله الطويله ..

:eh_s(15):