" معاناة التفكير لَ سنتين بَ تقتلني "

[ميمآ101]

واذا ولد عمه تكلم يعني لازم يكون صاج ؟؟

اهو ريال يقدر يدافع عن نفسه ويقدر يوقفه عند حده ويقولها هاذي بتصير ام عيالي وينقص لسان من يطريها بحرف ؟؟

اهو سكت ورضا بالي صار المفروض يسكتهم كلهم ويوقفهم عند حدهم وعقب ماتملجون الي بيتحجى خل يتحجى ويشرب من البحر وحبيبتي ترى مو اول اثنين تتزوجون عن حب والله اعرف وايد بنات بدو وحضر ياخذون عن حب ومحد تكلم عنهم اصلا بروحهم يسولفون بقصتهم هالشي غلط بس اقولج الي قاعد يصير بالمجتمع ..

للاسف الكل صدق واعتبرو هالشي حرام مع ان لو نيتنا غلط ،
ماكان فكرنا نرتبط ع سنة الله ورسوله اصلا ،
كان عمره 23 سنه ولا ابو ولا اخو يسنده والكل عليه شتتوقعين بيصير فيه
لا تقولين رجال وكذا ، كسروه حسبي الله عليهم ..
ليومي ذا بكااه وشهقته بّ اذني من ذيك الليله .. الله لا يوفقهم ولا يريح بالهم ابد
وادري انه واجد تزوجو عن حب ، عندي خواتي والحمدلله حياتهم روعه ماشاء الله
بس المشكله في عقلية هالعالم ..

مشكوره حبيبتي

 

[ميمآ101]

مادري اختي بس ودي اقولج وخااف تزعلين
الصراحه مابني على حرام فهو حرام
علاقتج معاه من الاول غلط لانه عرفج بطريقه مو صح
يمكن الله يبيلج الخير وقاعد يبعدج عنه
ماتدرين يا اختى
انا لو كنت مكانج كنت تركته ادري والله انتي تحبينه وماتقدرين بس دوسسي على نفسج قد ماتقدرين وخليه خلاص الله صاد عنج شي مو حلو وخليه اهوا بحاله وكفايه اللي صارلج
وبعدين رب العالمين يستر عالعبد وايد ويعطيه فرص ابعدي عنه قبل لا يصير شي مو زين وتندمين او احد من اهلج يعرف انج تكلمينه وسمعتج تصير بايخه
ترا ما ابيلج الا الخير
وسوري لو الاسلوب قاسي فكري بكلامي

لا مافيها زعل ، وادري هالشي اساسه غلط .. بس لو في نيتنا يظل غلط
ماسعينا فَ الزواج ، هذا الي معور قلبي انه شخص ما يلعب
كنت ابي لنا حب يقدر فيه يتحرك من مكانه الي قعد فيه من هذيك الليله
ولا قدر ياخذ خطوه وحده لقدام من اليوم هذاك ،
كثير فكرت اتركه والله بس اخاف يصير فيه شي والسبب انا
الحين مشاكله بدت من يوم سالفتنا وكل العالم تخلت عنه ، وانا بعد اتخلى عنه
لكن ابي منش دعوه وانا ادري من ردش انش تبين لي الخير
ادعيلي فَ ظهر الغيب ، ان ربي يجمعنا ع سنته وسنة نبيه ..
حتى لو بعد سنين :eh_s(17):

 

[ميمآ101]

ايه الحب محرم علينا ويسون لنا سين وجيم مع اننا ماسوينا شي حرام
الله يكون في عونك حبيبتي ويجمع بينكم عاجلا غير اجل
وااااااااااااه من ناس وزمن قاسين ..
​

اللهم آمين ، حسبي الله على كل من ظلم

،

 

[قمر بيت أبوها]

أعرف سالفه تشبه سالفتك واعرف ناسه معرفه تامه
الولد متوفي ابوه وعمه يبغاه لبنته بس ماقالها صريحه يلمح للولد الولد قال ابي هذ البنت قالوا اجل تحبها علي البركه والولد جاب الاولي والتالي وعلمهم ان بينهم علاقه مكالمات وشافها كم مره ببيت اخته لانها جارتهم
نفس قصتك خلوه يخطبها وحددو الملكه
وعقب انسحبوا قفلوا جوالاتهم وعلي الشرقيه هم من مناطق الغربيه
الولد انهار والناس قامت تتكلم بسمعة البنت فاهمتني كيف كلامهم وانها طلعت معاه وكيف يتزوجها مررررره كلام قوي
ابو البنت نفسها تعب ومرض ولاعاد طلع لجماعته واخوان البنت حسوا انه في كلام بس ماعندهم شك باختها
الولد واعذريني علي كلمتي اشجع من اللي انتي تعرفينه
اخذ كل فخذه وراح وخطبها
وقال اني ماقلت كلمه بشرفها بس اني شفتها ببيت اختي صدفه وارتحت لها وابيها
ودخل اخته وزوجها بالسالفه
وبرر كلام عمه انه يبيه لبنته وانه قال هالكلام عشان يحطني بالامر الواقع
المهم تزوجوا وعمه وعياله ماعاد لهم علاقه فيه وحتي جماعتهم استحقروهم عقب هالحركه
انا فاهمه شعورك بالذات بعوايل معينه عيب عندهم الواحد يشوف زوجته شوفه شرعيه فما بلاك علاقة حب
انا اشوف انه هو لازم يوقف الكلام عند حده وعمه لازم يعتذر لابوك لاتزعلين مني السالفه الآن مو سالفه حبيب وحبيبته السالفه صارت الآن شرف
وهو بداله ملييييييييييييييييون رجال سمعتك اهم ياعزيزتي منه
لاتاخذين كلامي بسوء نيه اذا انتي عفيفه متربيه وغلطتك بس حبيتي
ترا الناس اللي يتكلمون مايقولون كذا وانتي عاقله وتفهمين المجتمع وعاداتهم زين
الله يفرج همك ويرزق الرجال السنع ماقهرني غير يوم انه انسحب كانه يثبت الكلام عليك ولاهو رجال مايضره

 

[ناتشوو]

بصراحة لو جاد جان استمر
بس واضح في داخله تردد من الزواج
ولما اهله رفضو حس انها فرصته للتراجع
المهم اطويه وانسيه

 

[مياسـة القد]

اذا يحبج بيسوي عشانج المستحيل لو يلف الارض بكبرها
فيه مليون طريقه وطريقه
يقدر ياخذ احد ما اقاربه ويطق بابكم
لايمر العمر و تكبرين ومايجونج خطاب والسبب اهوا اللي معلقج
فكر ي عنه واستخيري عشر مرات
وصارحيه قولي له خلاص سنتين كثير يا تجيني هالاسبوع ياخلاص بتزوج احد غيرك انا يجيني خطاب بالهبل
و قولي له قدرني مثل ما انا مقدرتك صبرت سنتين ومالقيت منك تجاوب لين متى اعيش العمر على هالحال

 

[نمله ذربه]

نصيحه من اخت ابتعدي افضل لانه شكله يلعب او مو واثق من شعوره

هو شكله مايعرف يميز بين الحب الحقيقي والنزوه او الفراق العاطفي !!!

الحب الحقيقي اذا حب مستحيل يفكر بثانيه لو شنو!
اذا قعد بينه وبين نفسه وتذكر يبتسم لاشعوريا
مستحيل يقول كلمة احبك بسهوله


النزوه او الفراغ العاطفي انه يكون ضايع مايعرف شنو يبي وحياته كلها بس كلام حب واشعار والمشكله انه يظن هذا حب ! لانه بالاساس ماجرب الحب من قبل كلها علاقات عابره
يقول احبك لطرف الثاني بسهوله

الجواب
الروح وين تكون ؟
مكان وجودها يكون عند الحب الحقيقي

الارواح جنود مجنده .......

دام قلبه فيه 2 هذا مو صادق مع نفسه ولا عارف لنفسه

ابتعدي افضل يااختي وهذا خيره لج صدقيني

اسفه على الاطاله بس انا حبيت اقنعج بفكرتي

اختج

والله يوفقج :eh_s(7):