" معاناة التفكير لَ سنتين بَ تقتلني "

[ميمآ101]

بسم الله الرحمن الرحيم
السلام عليكم ورحمة الله وبركاته

..

صراحه ترددت واجد اني اكتب مشكلتي ..
بس يمكن لو قلتها لكم القى حل او حتى ارتاح من الفضفضه ..
لان نوعي اذا صارت لي مشكله وتضايقت ابين للكل اني بخير والوضع عادي ،
وانا اكلها امراض وتعب ..


مشكلتي بدت قبل سنتين تحديدا 25/6/2010

طبعا بقولكم القصه الين اوصل لكم هالتاريخ ..

اخر سنه لي بالكليه وتحديدا في تاريخ 17/3/2009
تعرفت ع شخص وحبيته ، لكن هالشخص كان متزوج مع وقف التنفيذ ..
يعني متزوج بس مرته مو عنده من شهور ، بحكم انه مطلقها بَ اسبوع عرسها
لكن الطامه انها طلعت حامل من اول ليله .. وتأزمت اوضاعهم
لما عرفت هالسالفه حاولت ابعد بس مارجعت لين تأكدت اني ماخربت حياة احد
وحياتهم خربانه من الاساس مع اني سعيت والله يشهد علي في اصلاحها
لكن الشكوا لله ،

المهم حبيت هالشخص من كل قلبي وهو كذلك
وراح قال لامه ، وكلمتني وقالت انهم بيجوني هالحكي مأيو 2010
بس انا بالاساس كنت خايفه من ردت فعل ابوي مو من اي شي
قلت لها خالتي ولدش مطلق وعنده ولد قالت نجي والي كاتبه ربي يصير
طبعا جو في عرس من جماعتنا ، ع اساس يكون الوضع طبيعي
وبعدها اتصلو وقالو بيجون .. وجوني وابوي ما كان يدري عن وضع الولد
المهم قابله وكلمه ويوم راحو قال تراه مطلق !!!
قلت صدق ؟ وشلون يبا قال وعليه ولد !!
قلت اهاا يعني مايصلح ! ، قال بس الرجال رجال ومافيه اي عيب
والطلاق ماهو عيب ، وسألو عنه والعموم قالو لهم انه رجال والعيب في مرته
ومرته بالاساس بنت عمه ..

تمت الخطبه ، ورحنا فحصنا
وفي تاريخ 25/6/2010 كان يوم ملكتي المشؤووم
يتصل علي وهو منهار !
شفيك ؟!
قال عيو يجون يملكون معي ؟!
طبعاً شنو الموضوع .. ان هو ابوه متوفي
وعمه ولي امره ، وولد عمه وصديقه الروح بالروح كان عنده خبر
عن سالفتنا ، بارك لخطيبي وقاله زين ماسويت يوم علمه بالسالفه
لكن من حقارته ، راح وبلغ كل عايلتهم .. انه بياخذني ع حب
وطلعو علي حكي لين قالو بس " وليوم الدين ماراح احللهم ع هالحكي "
ويوم درو جماعته ان ع حب عيو يجون معه الملكه وتركوه لحاله
ولا قدر يجي للملكه وتكنسلت ،
وليومنا ذا مو قادر يواجهه ابوي لا في عشا ولا في مجلس ولا مكان
بحكم اننا من نفس القبيله وتكثر العروس والاجتماعات الي مضطرين يتلاقون فيها

وحاليا لي سنتين ومخي موقف ، ولا زلت احبه
لكنه مكسور ولا قادر يقوم من جديد ، ولا ادري وش اسوي انا
لاني اولا واخيرا بنت مابيدي شي ابد !
والخطاب كل ثلاث شهور واربع في بيتنا ، وخلصت اعذااااري


الي ماعندها حل ، مابي منها غير الدعاء بأن ربي يجعلنا لَ بعض
ولا يفرقنا ويجمعنا بالحلال ،

 

[Tom ♥ Jerry]

,


لا حول و لا قوة الا بالله!
شنو هاذا التفكير الغريب /: خو الريال يبي يتزوج على سنه الله و رسوله
مآ رآح يسوي منكر و آعوووذ بالله !!!

وآيد يحبون و يتزوجون شفيها يعني :/
مآدري شقولج حبيبتي بس خلاص آعتقد سنتين كآفي لا تعطلين نفسج !
تفكير هآبط .. لا تعطلين حياتج عشآنه !!
الله يكون في عونج توكلي على الله و استخيري ليه ييه آحد يخطبج
وروحي في نصيبج /:

آنت تريد و انا آريد و آلله يفعل مآيريد :*

 

[عالمي انا غير]

مو نصيبج ان جاج واحد زين ارضي فيه

 

[لمى الهاجري]

لحظة لحظة اوكي عمه مسؤول عنه طيب اذا اهله مايبون يجون جان جاه هو وربعه وملجوا مو لازم عمامه او ولد عمه يروح معاه المهم تملجون

 

[el.mlkaa]

اكييييددد خييييررره قولي اللهم لا اعتراض وطردي هالأفكار من راسسجج

 

[ميمآ101]

,


لا حول و لا قوة الا بالله!
شنو هاذا التفكير الغريب /: خو الريال يبي يتزوج على سنه الله و رسوله
مآ رآح يسوي منكر و آعوووذ بالله !!!

وآيد يحبون و يتزوجون شفيها يعني :/
مآدري شقولج حبيبتي بس خلاص آعتقد سنتين كآفي لا تعطلين نفسج !
تفكير هآبط .. لا تعطلين حياتج عشآنه !!
الله يكون في عونج توكلي على الله و استخيري ليه ييه آحد يخطبج
وروحي في نصيبج /:

آنت تريد و انا آريد و آلله يفعل مآيريد :*

شتقولين بعد
والله يوم اقول مرت سنتين وخلاص ويوم اخاف اخذ شخص
والقلب مع شخص ثاني ، الله يعين .:*_*:.

،

 

[ميمآ101]

مو نصيبج ان جاج واحد زين ارضي فيه

شكرا حبوبه

 

[ميمآ101]

لحظة لحظة اوكي عمه مسؤول عنه طيب اذا اهله مايبون يجون جان جاه هو وربعه وملجوا مو لازم عمامه او ولد عمه يروح معاه المهم تملجون

الا فديتش لآزم هالشي ، لان لو جا بدون اهله
الناس بتتكلم ابوي اخواني عمامي خوالي ..
اول شي بيقولونه وين اهله ليه ماجو اكيد فيه شي

 

[ميمآ101]

اكييييددد خييييررره قولي اللهم لا اعتراض وطردي هالأفكار من راسسجج

اللهم لا اعتراض ، والحمدلله ع كل حال :*

 

[روحين في رـوح]

حبيبتي اله سنتين مو باين لهلأ طيب افرضي شاف غيرك وتحوز وانتي شو رح يصير ف حالتك

الي ربنى كاتبه بيصير حاولي تنسيه ازا من سنتين مختفي مافي امل يرجع
طيب حاولتي تردي تكلميهـ لليوم ماشفتيه من ذاك اليوم ماكلمتيهـ ولا شتفيهـ

لا حول ولا قوه الا بالله هالعالم مابتترك الناس بحالها

 

[ميمآ101]

حبيبتي اله سنتين مو باين لهلأ طيب افرضي شاف غيرك وتحوز وانتي شو رح يصير ف حالتك

الي ربنى كاتبه بيصير حاولي تنسيه ازا من سنتين مختفي مافي امل يرجع
طيب حاولتي تردي تكلميهـ لليوم ماشفتيه من ذاك اليوم ماكلمتيهـ ولا شتفيهـ

لا حول ولا قوه الا بالله هالعالم مابتترك الناس بحالها

لا لا حبيبتي علاقتي فيه ما انقطعت ، لكن الرجال مكسور بالكامل
هالسنتين ابد ماقدرت ارجعه لتفائله
مافي امل يتزوج اعرفه اكثر من نفسي ، لكن خوفي ان انا تضيق فيني
كل الاعذار ويزوجوني

،

 

[حايليه بكويت]

لا حول و لا قوة الا بالله!

 

[روحين في رـوح]

طيب وشو رح تكون نهايه هالعلاقه يجي يرد يطلب ايدك شو عليه اا ع التفائل اول ماتبلش حياتك معه اكيد رح يتفائل ويكون مبسوط ليش مايفكر بهالشي انه رح يكون سعيد معك بعد ماتتزووجووو

اساليه شورح تكون نهايه علاقنتا حبيبتي مافيكي تضلي عايشه طول عمرك وانتي تحاكيهـ ومارح يطلبك

وافرضي اهلك جبرؤكي ماعدو تحملوا كل رفضك لكل الي بيجوا يطلبوكي واجى شخص مقتدر وكويس ومافيه العبيه
شورح تعملي انت متخيله شو رح يكون موقف قلبك بهاي اللحظهـ
اكيد مابتحسبي الاشياء لقدام بس احسبي هالاشياء مارح تلاقي جواب مقنع للي بصير معكم

 

[الفرفوشهـ]

الله يكتبلج اللي فيه الخير ,,

 

[Patcholli]

واذا ولد عمه تكلم يعني لازم يكون صاج ؟؟

اهو ريال يقدر يدافع عن نفسه ويقدر يوقفه عند حده ويقولها هاذي بتصير ام عيالي وينقص لسان من يطريها بحرف ؟؟

اهو سكت ورضا بالي صار المفروض يسكتهم كلهم ويوقفهم عند حدهم وعقب ماتملجون الي بيتحجى خل يتحجى ويشرب من البحر وحبيبتي ترى مو اول اثنين تتزوجون عن حب والله اعرف وايد بنات بدو وحضر ياخذون عن حب ومحد تكلم عنهم اصلا بروحهم يسولفون بقصتهم هالشي غلط بس اقولج الي قاعد يصير بالمجتمع ..

 

[فراشه بيضا]

مادري اختي بس ودي اقولج وخااف تزعلين
الصراحه مابني على حرام فهو حرام
علاقتج معاه من الاول غلط لانه عرفج بطريقه مو صح
يمكن الله يبيلج الخير وقاعد يبعدج عنه
ماتدرين يا اختى
انا لو كنت مكانج كنت تركته ادري والله انتي تحبينه وماتقدرين بس دوسسي على نفسج قد ماتقدرين وخليه خلاص الله صاد عنج شي مو حلو وخليه اهوا بحاله وكفايه اللي صارلج
وبعدين رب العالمين يستر عالعبد وايد ويعطيه فرص ابعدي عنه قبل لا يصير شي مو زين وتندمين او احد من اهلج يعرف انج تكلمينه وسمعتج تصير بايخه
ترا ما ابيلج الا الخير
وسوري لو الاسلوب قاسي فكري بكلامي

 

[بنت السعوديه2]

ايه الحب محرم علينا ويسون لنا سين وجيم مع اننا ماسوينا شي حرام
الله يكون في عونك حبيبتي ويجمع بينكم عاجلا غير اجل
وااااااااااااه من ناس وزمن قاسين ..
​

 

[ميمآ101]

لا حول و لا قوة الا بالله!

اي والله لا حول ولا قوه الا بالله :eh_s(17):

 

[ميمآ101]

طيب وشو رح تكون نهايه هالعلاقه يجي يرد يطلب ايدك شو عليه اا ع التفائل اول ماتبلش حياتك معه اكيد رح يتفائل ويكون مبسوط ليش مايفكر بهالشي انه رح يكون سعيد معك بعد ماتتزووجووو

اساليه شورح تكون نهايه علاقنتا حبيبتي مافيكي تضلي عايشه طول عمرك وانتي تحاكيهـ ومارح يطلبك

وافرضي اهلك جبرؤكي ماعدو تحملوا كل رفضك لكل الي بيجوا يطلبوكي واجى شخص مقتدر وكويس ومافيه العبيه
شورح تعملي انت متخيله شو رح يكون موقف قلبك بهاي اللحظهـ
اكيد مابتحسبي الاشياء لقدام بس احسبي هالاشياء مارح تلاقي جواب مقنع للي بصير معكم

يبي له احط حد لهالموضوع ، لان على قولتكم سنتين كفايه الشخص يوقف من جديد
ويبدأ حياته الي خطط لها ، لكن هو ماشوف له اي شي جديد في حياته
مو بس ع سالفتنا فكل حياته كن الي صار لنا وقفه في نقطه معينه
ماقدر يتحرك منها ابد
الي يحز بَ خاطري ان هو من بعد سالفتنا ترك كل العالم حتى اقرب الناس له
عيال عمه واخوانه والسبب انا فَ لو تركته وش بيكون موقفه شخص لحاله !

يارب انت اعلم ما في القلوب فَ صبرنا

..

 

[ميمآ101]

الله يكتبلج اللي فيه الخير ,,

اللهم آمين :eh_s(17):