معاشي حرام ؟؟؟

[عجهرس]

اختي مبين عليج حريصه على دينج اختي انا سمعت انه حرام وانتي تاكدي اعرف وحده مدرسة موسيقى تصوري تقول معاشي مافيه بركه طاااير طاير وهي مدرسه وتشتكي من عدم الراحه بشغلها والسبه تخصصها لين فنشت وتركت وظيفتها عاد انتي دام بداية طريقج وش حادج ؟؟

 

[نهايتنا قبر و موت]

من ترك شيأ لله عوضة الله خير منة .~

جزاج الله خير يا الغالية ,, اخذي اي اي اي اي تخصص تبين ألا هذا وانتي تدرين ان الاغاني كلهااا حرام .~

 

[مشاعر انسانيه]

رد : معاشي حرام ؟؟؟

لايجوز فمعاشك حرام

 

[PiNk Uni]

رد : معاشي حرام ؟؟؟

اللي أعرفه أنه حرااام

فأبعدي عن هالشي احسن, لانه اذا صج حرام بتكونين علمتيه لفلانة اللي بتعلمه لفلانة وغيرها
يعني فكري فالذنوب الكثيرة الي بتحصلينها

والله بيعوضج خير انشاء الله

 

[رمشْ الحَيآ]

رد : معاشي حرام ؟؟؟

حبيبتي الموسيقى لاتجوز عند كثير من الفقهاء بس للتأكد اسألي احد المشايخ الثقه في حالتج و احييج على ضميرج

 

[محبوبه25]

رد : معاشي حرام ؟؟؟

حبيبتي تقدرين اتعيدين رابعه ثانوي
واتيبين نسبه قويه

 

[candeya]

تراوالي انتي يبتيها على الجرح خلقولج سالفتي
انا كنت متخرجة من الثانوية او نسبتي كانت ادخلني اي مكان ابيه مع العلم قدمت بالتربيه قسم تربية بدنية او قدمت ابمعهد الموسيقى بما اني متفوقة كنت بالموسيقى او كنت اييب الدرجة العليا فيها كان شغفي او كنت مو ملتزمة لا ابصلاة ولا بحجاب ماعرف وين الله قاطني المهم قدمت امتحان الموسيقى اللي كان عبارة عن تربية صوت مع عزف او صولفيج وادراك ايقاعي ولله الحمد نجحت بالامتحان ابنسبة قويه او كان الكورس بادي والمفروض اني ادش المعهد على الكورس الياي قالولي باجر اداومين تاخذين الكتب او تيين فاهملت امتحان اللي بالتربية او طبعا هذا كله اختبار من ربي بس انا كنت جاهلة بالدين استمريت بالمهعد او كنت اتوفق كل سنة على دفعتي ليما اخر سنه طلعت الاولى عليهم عقب عينوني معيدة بالمعهد عقب درست صولفيج وبيانو او ايقاعات شعبية كل هذا وانا لاهية عن ربي عقب فترة قلت بحول مدرسة ما كنت حاسة ابراحة سبحان الله والمعاش بعد ماكن في ابركة بس اول كورس بس باجي السنين كله امنتفه ويروح ابسرعه المهم حولت مدرسة صبيان اوقعدت جم سنه عقب بنات عقب صاررلي موقف صحاني من هذا كله التزمت او ربي هداني تدرين شنو اول شي خطر على بالي اني قاعده اسوي شي يغضب ربي اشلون حسيت لما كنت اقيم الليل واصبح اباله ابطابور الصباح كنت احس اني منافقة جدام ربي او ما كنت اقدر امسك المصحف واروح اعزف واغني واسوي حفلات وادش مسابقات وتحتكين ابموجهين طبعا انا كنت مو متحجبه بس لما ربي هداني التزمت ابصلاتي او لبست نقاب او عباية او تركت كل شي يغضب ربي سبحان الله في حديث عن الرسول قال لا يجتعان شيين في قلب المؤمن الموسيقى والقران او صج هذا اللي حسيته عقب هالسنين اللي درستهم تخيلي امتنعت عن التدريس ليما ربي يحلها كانت اتسلط على الناظرة عشان ادرس كنت امتنع كانت اتييبلي كل الطرق بس كنت رافضة لمدة سنه مع العلم مقدر استقيل لان صار عندي التزامات من وين راح ادفع او كنت صابرة او محتسبة وادعي ربي يفكني من هالحرام طبعا كل يوم كنت ساحب ابوي بالوزارة اكتب كتب عشان يمكن القى حل او كل يوم رايحه الوزارة او كاتبة كتاب لهم ليما ابوي قال ادور واسطة شوفي ليما وين اوصلت السالفة وانا مابي واسطة لان واسطتي ربي المهم ابوي راح من وراي او حط الواسطة هم ماكو فايدة سبحان الله كل شي بيد ربي او كنت اصبر عقب سنة افتحوا مجال اني احول ادارية هم مابي هالسالفة عقب ربي رزقني ابريل ملجت او تميت معاه تقريبا سنة او نص عقب تطلقت طبعا من اتعبت نفسيتي او ماقدر اداوم طبعا احنا البشر تفكيرنا محدود(رب ضارة نافعة )اتعبت نفسيتي خلاص احس ماقدر اروح الدوام طبعا تبهذلت تخيلي انتي ابدوامج او ابتستاذنين بتروحين المحمكمه اتطلقين او لويه كرهت دوامي ازياده المهم تطلقت خلصت عدتي قمت استقلت او قام يمشيلي راتب ادفع التزاماتي وافتكيت من الموسيقى او شرها او فوق هذا اقدر ادرس الحين اللي ابيه او عقبها اتوظف ربي حبيبي اهوا المدبر او من ترك لله شي عوضه خير منه واللي يتوكل على الله صدقيني ماراح يضيع انا ابهذيج الفتره كنت احس ماكو مجال مكاو حل خلاص بس ربي اهوا بيده كل شي









فنصيحة مني اختي اذا تبين رضا ربج واتوفقين ابحياتج لا اتوظفين هالوظيفة الديرة متروسة وظايف عندج التمريض رواتبهم اكثر من المدرسين او يقبلون مو شرط نسبة او عندج وايد معاهد بالكويت او هم عندج معهد بالسالمية اتصيرين يا مساعده مهندسة يا ابلة فنية او تقدرين على حسابج تدرسين بالكويت او برا الكويت او عيدي الثانويه في وايد طرق صدقيني غير هالوظيفة اصلا التدريس ملل او تعب او لوعة جبد

 

[candeya]

ادري طولت عليج بس ياريت تسمعين كلامي او تقرينه عدل انا عندي بنت خالتي هم نفس حالتج او كانت بتروح معهد موسيقى او نصحت او راحت معهد ابحولي او صارت ادرس ابمدارس المعاقين او راتبه 800 او فوق

 

[نور العبون]

رد : معاشي حرام ؟؟؟

من ترك شيئا لله
عوضه الله خيرا منه

 

[miss kl al’3la]

الله يوفقج ...بس الكل يعرف ان الموسيقى حراام فشلون تدريسها وتعليمها ..وممكن المعاش حرام راحتاخذين الذب عن المعاش وعن التعليم اللي راح يستمر مع الطالب ... وانصحج تبتعدين عن هالمجال ..واذا للحين مو مقتنعه افل لج انج تكلمين شيء معروف وتتطمنين والله يوفقج

 

[g76aniya]

حبوبه انتي بتعلمين اجيال ,, وهالاجيال .. بتعلم اجيال ..

اقري هذا الحديث بتمعن ..

قال صلى الله عليه وسلم : ((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) خرجه مسلم في صحيحه.

يعني باختصار الناس اللي بتعلمينهم .. بتظلين تحملين اثمهم واثمج .. لي يوم القيامة ..

كفانا الله واياج شر الفتن ماظهر منها وما بطن ..

 

[لآلئ الكويت]

حبيبتي ذا نسيتج ما تدخلج غير موسيقى

حاولي تأخذين كورس بس أو موااد التحويل وحولي ..


أو قدمي على جامعه خااصه بعثه داخليه

 

[& مــشــايــخ &]

لا لا ابتعدي

الله لايحدج عليها ان شاء الله

 

[miss_math]

رد : معاشي حرام ؟؟؟

حبيبتي ثقي أنه من ترك شيئا لله عوضه خيرا منه

ممكن تقولين ماكو غير هالتخصص علشان نسيتي

بس صدقيني دامج ابتعدتي عن الحرام ربي بيوفقج ورزقج بيبارك فيه حتى لو كان قليل

وممكن تدخلين بعثات جامعات خاصة اتوقع يقبلون نسب متدنية والله يوفقج

 

[رنين]

رد : رد: معاشي حرام ؟؟؟

المفتي / أبو يوسف , الموقع : موقع الفتاوى الشرعية ,

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شنو المفتي ابو يوسف!!!!
منو هو و على اي اساس يفتي؟





حبيبتي صاحبه الموضوع و لا احد فينا هني مؤهل للفتوى
و المواضيع بعين العوام مثلي شي و بعين العلماء الفاهمين الراسخين بالعلم شي ثاني....

بارك الله فيج لحرصج عالحلال بس خلج حريصه بعد على من منو تاخذين دينج و احكامه الفتاوى مو بالتصويت و لا براي الاغلبه و لا بالظن و لا احنا اهل قياس ناخذ الحديث و نبني عليه احكام شرعييه و احنا اصلا ما فهمنا الفاظه.......



ردي لأهل الثقه من العلماء
مو من الدعاة
مو من المنتديات
مو من خريجين الشريعه الشباب الا الي يتقى الله و ينقل لج عن علم راي عالم بعيد عن هواه اهو!

و عسى الله يوفقج للحلال الطاهر المبارك

 

[*peace*]

الموسيقى حرام وهالشي مايختلف فيه العلماء والمشايخ

ابسط شي دوري فتوى بن باز او بن عثيمين

وبتتاكدين بنفسج

حبيبتي كلش ولافلوس الحرام

وانتي ليلحين ماتخصصتي فا لحقي على عمرج

وحطي ربج بين عيونج

 

[! هُوْ وِينِه !]

من ترك شئ لله أعآضه الله بخير منه

 

[مرتاحه]

الموسيقى كلها حرام
فاحسلك دوريلك تخصص ثاني
والله يرزقك بتخصص احسن منه

 

[بعيون مغليك]

تراااااااااااااااا ما تقدرين تحويييييييلين من موسيقى الى اي تخصص اخر كلللللللللللللللللش


لانهم يوقعونج على تعهد انج تظلين عندهم دربااااااااااااالج

 

[كيكه توفي]

رد: رد : رد: معاشي حرام ؟؟؟

انا الي اعرفه الاغاني الوطنيه عادي

بس الاغاني الي فيها غزل وكلام الحب حرااام

صح هذا اللي اعرفه