*** مصــــر ام الدنيـــــا كل ما تحتاجينه عنها ***

[ضحـاوي]

رد: فنادق مصر اللى على النيل

هذا ماريوت القاهره

 

[عشوقه]

بروح مصر وابي الافاده منكم تكفوووووون

السلام عليكم ورحمة الله وبركاتة

شلونكم بنات .

بنات الي عندها خيره في مصر ابي تفيدني انا اول مره اروح
وابي تدلني على المجمعات التجاريه هناك وابي مكان الاستكانات يمدحونها
والشنط والاحذيه وكل شي .
وتسلموووووووون​

 

[الريماس]

رد: بروح مصر وابي الافاده منكم تكفوووووون

ياحلو مصر ذكرتيني فيها على كثر ماروحلها ما أمل منها تهبل ،، شوفي بالنسبه للمجمعات اكيد سامعه بملحق هيلتون رمسيس هالمجمع احلا مافيه الجناط والصنادل بتلاقين موديلات ماانزلت الكويت وعندج مجمع اسمه سيتي صن على مااعتقد بس ترا مومتأكده من اسمه بس هو للوليد بن طلال بس انا ماعجبني حيل احس نفس مجمعات الكويت وفيه محلات بشارع الجامعه هم عندهم شغلات حلوه واذا تبين دررايع اكيد روحي لكرداسه مع اني مااحب الدررايع المصريه احس قصتها مومرتبه احلا شي عندهم دررايع البنات اشحلاتها وترا فيه مجمعات توها فاتحه اكيد سواقين التكاسي يعرفونهم عدل!!!

 

[الريماس]

رد: بروح مصر وابي الافاده منكم تكفوووووون

صج استكانات خان الخليلي وايد ارخص من هيلتون رمسيس انا كنت شاريه لامي طقم من الهيلتون بالف وخمسيه جنيه ولقيت بخان الخليلي طقم بعد اشحلاته بأربعميه وخمسين جنيه جان اشتريه لخالتي،،،،،،،، بس صج استكاناتهم تهبل بس الحين اترست الكويت وبالاسواق الشعبيه بعد يعني خلاص راحت موضتهم،،،،

 

[ArEEj]

رد: بروح مصر وابي الافاده منكم تكفوووووون

الشناط والاحذيه احلى شي ملحق الهلتون رمسيس
وفى بعد بشارع جامعه الدول العربيه
بس اللى بالهلتون احلى وارقى
وهم تلقين فيه الهلتون رمسيس الاستكانات

اما السيتي ستارز مجمع كبيييييير للوليد بن طلال
هذا كله ماركات وفيه هم شغلات حلوه بس اغلى من السوق العادي

بالنسبة للملابس والقطنيات والبيجامات
عندج شارع محمد فؤاد هذا يذكرج بالمباركيه والفحيحيل
حلو ويعجبج محلات جنب بعض على طول شارعين

الدراريع كرداسه بس صايره اسعارهم نااااااار
اللى بأرض المعارض ارخص منهم

وفي قطع الخام الحلوه تلقينها عند محلات أولاد جابر بالسيده زينب

 

[الريماس]

رد: بروح مصر وابي الافاده منكم تكفوووووون

واذا تبين مطاعم حلوه مطاعم مصر كلها تهبل يمكن لاني احب الاكل المصري بزود!! عندج مطعم بوشقره يهبل وعندج العربي وبعد عندج مطعم رامي للكشري عجيب وطبعا مطاعم الفنادق عندهم تب ماعليها كلام ،،، موتروحين الكنتاكي وماكدونالدز!!!! اعرف وحده كل ماتسافر ماتاكل الا بهالمطعمين مع انهم تارسين الكويت!!!! بس عن جد جربي الاكل المصري لذيييييييييييييييييييييييييذ

 

[نورالكويت]

رد: بروح مصر وابي الافاده منكم تكفوووووون

ياحلوووووو مصر ونيييييييييييييسه لاتطوفج عروضات السينما اخر الافلام المصريه وجناطهم وشحاطاتهم اغلى شي ب5 دنانير هذا اللي بملحق رمسيس فندق هيلتون رمسيس فظيييييع نظافه وشغل حلو لاتاخذين الاستكانات اللي بالملحق انا اخذتها وتحسفت نفس سعر الكويت اهني اذا بتاخذينها روحي لخان خليلي.

حلوووووووووة حدها ماراح تملين

 

[شهد ستايل*]

رد: بروح مصر وابي الافاده منكم تكفوووووون

السلام عليكم ورحمه الله وبركاته........:eh_s(17):
شلونكم حبايبى انشالله بخير ........

يا حلاة مصر ........ صج لقالوا ........ اللى يشرب من ميه النيل لازم يرجعلها .....

حبيبتى اول شى سفره موفقه انشالله ....... ويارب ترجعين بالسلامه وتسناتسين فيها ......

ثانيا ........ مشالله الخوات ماقصروا كفوا ووفوا ...... من ناحيه التسوق ......... احنا يالكويتيين ندور الفرارة فى السوقه من اول يوم لاخر يوم .......

مثل ما قالوا الخوات بالنسبه حق المجمعات وايد مثل مول هيلتون رمسيس وهيلتون النيل بس على خفيف وسيتى ستارز فى مدينه نصر والفورسيزن اهو حق الوليد بن طلال وكايرو مول فى الهرم واركيديا على النيل قريب على الهيلتون وعندج خان الخليلى حق العطور والزجاج ( اللى انا شاطرة فيهم اسويهم عندى ) وكرداسه للدراريع بس اختارى الزين مو التقليد

والحين مصر مو مثل قبل مافيها مولات ومجمعات
اللى يسافر قبل بس يقول رحت اسكندريه والقاهره وبعضهم مايدرى منهى القاهره ومنهى اسكندريه الحين غير ...

بس لاا تنسين تستانسين فى الاثار ....... طبعا اكيد بتروحين ثانى يوم للاهرامات ....... لاا يطوفج ما تدشين بما انج اول مره ..... ماراح تلاقين شى .....بس للذكرى وايد حلووووة..
روحى القريه الفرعونيه فى الجيزة ...... هذى فيها تراث وحضارة مصر الفرعونيه ...... هنى تحسين انهم صج حضارتهم اول شى عندهم ..... يحترمونها . مو احنا ننسى اى شى قديم ....هذى طبعا تبى يوم بطوله انا ما راح اقولج شنو فيها عشان ما تحترق المفاجاه ....... لااتنسين تاكلون المشلتت هناك......... وااااااااااااو
لااتنسين قلعه محمد على ... واللى اهى بالاصل حق صلاح الدين الايوبى.. وهذى طبعا يبيلها يوم .... لبسى جوتى واطى .......مو تلبسن كعب عالى وبعدين تتشكين من ظهرج ..:eh_s(3):
وطبعا المتحف المصرى عند هيلتون النيل وهذا بعد يبيله تعب شوى ...

واذا كنتوا بطولون لازم تروحين الاسكندريه يومين كافى عليها مافيها شى الاا المسارح والالعاب ...... روحى زنأة يعنى ( زنقه ) الستات اللى فيها كانوا ريا وسكينه صج زنأة وزحمه .......

وحاولوا تروحون الساحل الشمالى يبيلها 4 ايام على الاقل وفيها المارينا تشوفين المصريين الكشخه هناك اللى عايشين برة وتشوفين شى غير عن القاهره
طبعا اذا رحتى راح تعرفون وين تروحون

بس بالليل التمشى على النيل ........ واللى يبى يركب الحنطور ويغنى اركب الحنطور واتحنطر ..:eh_s(3): وراح تحسين ان الاغنيه راكبه معاج فى الحنطور ...
او تدشين حفله فى فندق راح تلاقين الفنانين كلهم على البالونات معلقينهم عند الفنادق
روحى هيلتون النيل يوم الخميس عشان تشوفين عرس الكشخه هناك يسوونه تحت وتشوفين الموجودين كلهم يغنون مع اهل العرس

او تسهرين فى الحسين لصبح وبعدها تصلين فى المسيد وترجعين الشقه او الفندق طبعا راح تشوفين سوالف هناك ماراح اقولج عنها
انشالله ترجعين بالسلامه وتقولينها هههههههههه
بس بعد ما بقا مكان اكتب فيه دزى لى ايميل عشان اكمل هههههه:eh_s(17):
بس باى تعبت اكمل بعدين:eh_s(8): :eh_s(8): :eh_s(17):

 

[شهد ستايل*]

رد: بروح مصر وابي الافاده منكم تكفوووووون

نسيت شى روحى مطعم قدورة فى المهندسين للاسماك شى رهيب ذوقى سيفود سوب ها عرفتى شنو والبواخر راصه عمرها على النيل الفرعونيه لاا تنسينها

 

[رنين]

رد: ابي شقه بمصر

تعبتوني....بعد اذنج دام الشقه مو على طلبج بسأل عنها



fahoode712>> الله يعافيج طرشيلي معلومات ها الشقه جم غرفه و شلون صايره..و بجم و عنوانها باي شارع بالضبط؟؟؟؟؟؟؟؟...منطقة الهرم كبييييره.

 

[بتبوتااا]

رد: بروح مصر وابي الافاده منكم تكفوووووون

ااااااااااااه يا مصر
طبعا ماخلت شي اختي شهد وبزيدج انا كل سنه اروح لها لانه اهل امي هناك
روحي الحسين واناااااااااااااااسه وروحي مطعم قدوره هذا حق الاكلات البحريه وروحي اكلي شاورما عند جاد الله يمي يمي ووواايد الحين بنتي تحن مو قادره اركز برد لج انشالله

 

[أميرة الحلا]

رد: ابي شقه بمصر

اختي اشمعنه المعادي؟؟؟؟
الناس الحين هابين بمصر الجديده "مدينة نصر

 

[ام الخييير]

رد: ابي شقه بمصر

عندي شقة مدخل المعادي 3 غرف نظيفة جدا جدا احنا ساكنين فوقهم على الكورنيش على طول اتوقع اليوم 50 دينار

 

[عشوقه]

رد: بروح مصر وابي الافاده منكم تكفوووووون

تسلموووووووووون كلكم يا فديتكم
والله ما قصرتوا ونعم فيكم كفيتوا ووفيتوا
سجلت كل شي بورقه على شان ما انسى هههههههههههههه
شهد يا لبا قليبج يا عسل ما قصرتي
حببتوني في مصر :eh_s(17):

تشكراتي لكم حبايبي :eh_s(7): :eh_s(7): :eh_s(7):​

 

[صدى الشوق]

رد: بروح مصر وابي الافاده منكم تكفوووووون

وفوا وكفوا البناات بس صج ام الدنيا بس بنبهج على شغله راح تشوفين شغلات غريييييبه الطراره واللي يطيح على سيارتج يطر لاا تنصدمين اقولج من الحين حتى الشرطه عندهم مايمشونج الا برشوى حتى لو تقطين عليه جنيه وبالنسبه للاماكن احلى شششي النيل يهبل صج ماراح تحسين فيها الا لمن تردين الكويت صج تفقدين هالاماكن الحلوه والجو الاروع..

 

[& شهد &]

انا في مصر شنو تنصحوني فيه

السلام عليكم ورحمة الله وبركاته

حبيباتي انا الحين في مصر شنو تنصحوني اجيب او اشتري من هني ووين الاماكن الرخيصه الحلوة

والله لا يخليني منكم

 

[jaggy-cat]

رد: انا في مصر شنو تنصحوني فيه

بيجامات نسائية: بمصر الجديدة .. روكسي.. شارع الأهرام.. عند الحرية مول

للاحذية سوق العتبة [ وسط البلد ] اسواق رخيصة ومتنوعة البضاعة ، ويفضل الذهاب مساء

المراكز التجارية للتسوق

المعادي جراند مول
ملحق النيل هلتون
ملحق رمسيس هلتون
اليمامة سنتر
طيبة سنتر
أركاديا مول
مركز التجارة العالمي
مركز البستان
الحرية مول
العقاد مول
كايرو مول
طلعت حرب مول
جنينية مول
السراج مول
سوق العصر للكمبيوتر مول
مول الأمير
وندر لاند مول
فيرست مول
سيتي سنتر مول
كمبيو مي مول روكسي
كمبيو مي مول المهندسين.
وسط البلد:

منطقة وسط البلد وفيها شوارع قديمه مشهوره ..
في شارع شريف وشارع فؤاد وطلعت حرب ..
ومحلات وسط البلد محل (( حلاوه )) للجلابيات الرجاليه والنسائيه والمنتجات القطنيه وهو من افخم محلات مصر
وسط البلد .. يشتهر بالمحلات النسائيه شارع كامل يبيع الملابس النسائيه المختلفه.
ولا تنسى الكتب ان كنت من هواتها فاروع واكبر المكتبات توجد في وسط البلد.
الاحذيه الجلديه التي تشتهربها مصر من هذا المكان ستجدها باسعار مناسبه وجوده عاليه وتصميمات مختلفه
مركز طلعت حرب التجاري .. مجمع من اربع ادوار
وسط البلد ومنطقة العتبة لمن يبحثون عن كثرة المحال ورخص الاسعار
منطقة وسط البلد مزدحمة فيها شارع عبدالخالق ثروت يشتهر بالذهب.

​

 

[& شهد &]

رد: انا في مصر شنو تنصحوني فيه

صج صج افدتيني

سوق العتبه فيه شغلات حلوة ولا بس متخصص احذيه وشنط

 

[ردينه]

رد: انا في مصر شنو تنصحوني فيه

انصحج بخان الخليلي الفضيات و الشغلات الحلوه المواعين و بعد الخامات اخذي الاقطان و مخاملهم حلوه عشان تخيطينهم اذا رديتي دراريع عجيبيبن صدقيني

 

[Dandona]

رد: انا في مصر شنو تنصحوني فيه

الملابس القطنيه الحلوة يمدحون التوحيد والنور وانا مدرى عنه لان ما جربته والجلابيات عند الكرداسه معرووف


وابقولك معلومه ترى الماركات عندهم اغلى من عندنا لانهم ياخذون الضريبه من المشترى
وسلامتك تروحين وتجين بالسلامه ورحله موفقه وممتعه ان شاء الله