مصدومه ,, شقت صور لريلي مع بنات

[قَلبڪْ صًخرْ]

الله يسخره لج يارب

 

[زوجة عزيز]

الله يعينج صج قهر

 

[am-abood]

الي يقولون لها لاتحاسبه لانه قبل الزواج مالها شغل فيه
لو كانت هي مسوية غلط قبل الزواج كان ريلها مايحتاج اقول وش بيسوي
وش معنى هم حلال عليهم يحاسبونا و احنا لا
مجتمع دايم يوقف مع الرجال بكل شي .. غريب والله

 

[مناي@]

الملف مسحيه وابدا لا تواجهينه لانج ما راح تستفيدين شي من المواجهه بالعكس بتصير مشكله كبيره وبعدها ماراح يكون لج اي اعتبار واحترام دامج دريتي بسوالفه حاولي تغيرين من نفسج حاولي تقوين الجانب الديني عنده بأي طريقه وادعيله بالهدايه وصدقيني يمكن نزوه وما راح تتكرر ان شاء الله لاتحرين نفسج وعسى الله يريّح قلبج ..

 

[cool zozoa]

شهالعقل الي عليكم
اسوي روحي هبله وما أدري ليش مؤ صاحيه مثلاً
مثل ما قالت اول وحده سيف يهم من غير لا يدري
بالله ليلحين عنده سوالف بالله سكير خمير ليلحين و ما تدرين عنه
دام ما بينكم ياهل تأكدي من كل شي حتى لو ما تواجهينه خلي احد من اهلج يسأل عنه برا
يأمه ناس شزينهم وشهادات يوم يسألون عنهم بره يطلعون سكيره خميره
ومديري بالج اذا ما بينكم ياهل اخري هالموضووع
وبالعقل اذا مدة هالسنه. ونص كان مسافر بيوم يعني بفترة زواجكم مخربط والجوازات موجود بطلي و شوفي متى
اما تحطين إيدا على خدج وجنح ما تدرين عن شي اسمحيلي غلطاااانه

 

[R'3wa-P!nKya]

متى كانت سفرته اذا قبل الزواج ؟؟؟ جيكي عندج التواريخ

 

[R'3wa-P!nKya]

شهالعقل الي عليكم
اسوي روحي هبله وما أدري ليش مؤ صاحيه مثلاً
مثل ما قالت اول وحده سيف يهم من غير لا يدري
بالله ليلحين عنده سوالف بالله سكير خمير ليلحين و ما تدرين عنه
دام ما بينكم ياهل تأكدي من كل شي حتى لو ما تواجهينه خلي احد من اهلج يسأل عنه برا
يأمه ناس شزينهم وشهادات يوم يسألون عنهم بره يطلعون سكيره خميره
ومديري بالج اذا ما بينكم ياهل اخري هالموضووع
وبالعقل اذا مدة هالسنه. ونص كان مسافر بيوم يعني بفترة زواجكم مخربط والجوازات موجود بطلي و شوفي متى
اما تحطين إيدا على خدج وجنح ما تدرين عن شي اسمحيلي غلطاااانه

^
ايييييييييييه والله اهمممم شي اطوووفله يا حليييييييييييييله والله
لوو اهوا شايف صور لي حتى لو قبل الزواج بعشرين سنه ماني قايله شرااح يسوي واحنا نسكت وننر ونبتسم بويوهم بعد بشيييييييييييييه شنو المجتمع مع الريال فقط يغلط وانا اخشش واتبوسم بويهه شرايكم بعد اعطيه هديه على الي سواااااااااه عشان لايزعل....

 

[LuLiTa]

والي الله يعينج و يصبرج لو انا مكانج جان مت ،،.انا طموشة ف ما اقدر افيتلج بالحل ،، الله يصبرج و يهديج للحل المناسب

 

[رآآحٺ آيآمڪْـ]

لاحول ولاقوه الا بالله العلي العظيم
الله يساعدج حبيبتي

 

[فطوم 84]

طبيعي ماضي. لو مستمر مايحطها جدامج ومدام. مشترك. اللاب. معناته تاب وواثق انه ماعنده سوالف
شوفي الشباب سوالفهم مع بعض وسفراتهم عندهم شي عادي يصورونها ويضحكون اذا شافوها والامر جدا طبيعي بينهم. يحتفطون بهالذكريات. اما. السالفه واضح انها ماضي. صدقيني
بعض الريايل يتوب ويتزوج ويترك خرابيطه وشكله زوجج من هالنوع

انا نصيحتي اخذي فتره راقبيه مراقبه لصيقه لجهازه رسايل والصور الواتس اب. طبعا سوي نفسج تبين العاب او اي شي وتعبثي دايما علشان تتاكدين اذا مستمر او ترك
مع نصيحتي واحس انه ماضي وراح. ترا كل انسان يغلط محد معصوم وبالذات الشاب اذا كان عزوبي فراغ. ووحده اول شي يسويه سفره وبنات. بس اذا قرر يتزوج يترك كل الخرابيط صدقيني

وانشالله. الله ييسر امورج ويسخر. زوجج لج. ويصلحه لج والله يوفقكم اللهم امين

 

[الاهله]

شوفي حبيبتي لاتعاتبين زوجك على الماضي ترى اغلب الرجال لهم ماضي وفي بنات بعد لهم ماضي

لو كل واحد بيحاسب الثاني وبيقول غشني ومدري ايش ماحد متزوج الحين

انتى قوليله بلي شفتي واجد الصراحه حلوة

وخلاص حسسيه انك سامحتيه بتكبرين في عينه

وصدقيني لو متزوجه غيره بتلاقين ماضي عنده بس بعضهم يعرف يخبي كل شي

وبعضهم ماعنده هالدهاء الي بيخبي شغلاته

انسي ياعمري انسي هلي شفتيه وابدي حياتج من جديد

بقولج شغله والله هذا انا احلف لج انه يقول هذي زوجتي حلالي الي محد شاف جسمها الا انا الحمدالله مو ذول الساقطات

انسي وابتدي حياتج تذكري هلي شفتيه قبببببل الزواج مو وانتي على ذمته

 

[m'3rOoOra]

سمعي حبيبتي كل ريال يخربط وعنده سوالف لا تحاسبينه وسكتي واذا شفتي وانتي متزوجه عنده خرابيط وسوالف ذيك الساعه تحجي وفضفضي وقولي ليش محتفظ بالصور اكيد للحين تحب هالسوالف يمكن الريال تاب ويمكن محتفظ فيهم ونسي يمسحهم
وانتي راقبيه من بعيد لبعيد وشوفيه وسكتي لما تصيدين عليه شي تري كل ريال يخربط وسفرات وسوالف بس بعد الزواج فيه منهم اللي يطخ وفي منهم لايبي يزيد يبي يكتشف حريم غير مرته يارب لا تبلانا والله يسخره لج يارب ويحمي ازواجنا وازواج المسلمين وشبابنا من البلاوي وبنات الحرام يارب

 

[حبيبي مالكني]

إذا كانت هالسوالف قبل زواجكم مالج حق تعاتبينه لكن ان كانت يديده
لج الحق اول شي تاكدي اهو متى مصور هالصور وبعدين لكل حادث حديث

 

[لك أيامـي ~]

شكرا بنات ع الردووود


المواجهه مب حل


لانه صج مب من حقي احاسبه علا شي قبل العرس



بس شرايكم بهالحل :

بمسح صور البنات بس من ملفه باقي الصور بخليها

 

[موجة ~ بحر]

واجهيه

 

[om MaRyooM]

لازم تتاكدين اذا قبل الزواج ولا بعده

بس بكلا الحالتين مسحي الملف
مارح يتجرا ويسالج


المشكلة حساسة وصعبه حيل ويبلها صبر وحكمة
ويعتمد اذا عندج عيال ولا لأ

وبالنهاية هذي حياتج وانتي ابخص بالقرار اللي بيناسبج ويريحج

 

[modern]

انا لو مكانك بمسحهم و ما افتح اي موضوع معاه و هو مع الوقت رح يعرب انك شفتيهم و تصرفتي بحكمة و رح تكبري بعينه

 

[نوشيا]

لا حول ولا قوة الا بالله
استعجب من اللي يقول لج لا تواجهينه
انااا مع نقطة ان الوحده ضروري تحافظ على بيتهاا بسس بهالطريقه ؟؟؟
اني اسكت وابلع لساني ولا اواجهه لييييش ؟
اولا لو انه مستمر بالغلط حياتج شنو بتكون من كثر التفكير والقهرر
وانا لو مكانج ريال انا ما املى عيوونه هو بعد مايملي عيني

بعض الردود الله يهديهم تحسسني انها من اللي تقدس الريال بشكل جنوني وهذا احد الاسباب اللي تخليه يتجرا ويسوي الغلط ويدري ان محد كفو يحاسبه

وجهة نظر والله يكون بعونج حبيبتي

 

[اريج الجوري]

السلام عليكم

حبيتي شوفي نصيحه لج من اخت لا تواجيهنيه ابدا سواء كانوا صور قبل الزواج او بعده بالعكس اذا وجاتيه يمكن يقلب السالفه ضدج انج تنبشين وراه وراح يكون حريص ويمكن ما ارح يثق فيج ابدا لا تخسرينه الغلا اول شي سوي روحج ما شفتي ابدا وخليج طبيعيه صحيح انه شي صعب بس الواحد سشنو يسوي لا تتركين بيتج وزوجج لغيرج باردة مبردة حاربي بي من تحت لتحت فمهتي علي شوفي شنو ناقصه شوفي شنو يحب هل فيه شي معكر بينكم او زعل خليج دايم مبتسمه غامضه لا يعرف كل شي عنج اشغلي نفسج عنه بهواياتج ورفيجاتج خليه يحس انه لج عالم خاص فيج خليه يحس انه صياد ولازم يصيدج فهمتي علي لازم يدور عليج ويدور رضاج انتي بعد لا تقصرين معاه بشي بس بدون زيادة بالطبيعي خلي لكم وقت خاص فيكم للسوالف والضحك والغشمره وكيك وشاي وحب وجذيه فهمتي واعزمي مره علي طلعه علي مطعم زدايما قول انا اثق فيك لو كل الناس خون انتي لا اعرفك ما ترضي بالغدر وما ترضي بالوسخ صدقيني بتكسرين عنيه وبيخاف وبيني له لو في يوم سواها بسشوف شي عمره ما شافه منج خليه يخاف واهم شي الدعاء والصلاه وربي يسخره لج ويهديه ويبعد عنه عيال الحرام يا رب يا كريم

كلام سمر وافتخر عين العقل
خلي عنج الطفاقه ولاتنسخين ولاشي
والله اني ادري هالشي يحر ويعصر القلب بس نفس ماقلت
سمرا لاقعدتي ويااه قولي الحممدالله ان ربي رزقني فيك
مو بغيرك بعض رياجيل حرام اسمه رجال وسواياه تجيب الفشيله وراغي خرابيط
ي علني ماذوق حزنك ي سنايدي رجال ونعم رجال تكانه ومالك خرابيط هذا من فضل ربي عاي
واكبر نعممه انك رجلي وحلالي (هو طبعا بيتملح جدامج بس ضميره بيانبه لان انتي شايفته رجال كامل هو غير
)

وراح يتغير
ونصيحه نصيييحه اذا هو زين معااااااااااج لاتهدمين حياتج بايدج كل رجال وخرابيطه كثر تراب بس. طوفي
والله انج بنعمه رفيجتي زوجها عيني عينك يكلم جدامها ابو فلان وصوت صوت بنت وينكر ومسجات وخرابيط
ومعطيته طاااف بلاول عاندت وجهته وانكر والحين ساحبه عليه معاه في نفس البيت ومعاملتها له عاديه جدا
والله مستعاان

كلامهم عين العقل ان كنتي شرايه الرجال وتبينه وان كنتي ماتبينه واجهيه واهدي بيتج

 

[نـعـومـه]

مادري شقولج

اللي سواه منكر والله مايرضى بالمنكر شلون تسكتون !!!

حطي حد شنو خمر وبنات !!! موشي سهل لازم يعرف غلطته