مصدومه ,, شقت صور لريلي مع بنات

[Koka_alotaibi]

انا عن نفسي اواجهه
ووضحي ان حياته قبل الزواج شي انتهى مالج حق تحاسبينها عليها لكن الي نرفزج انه حاطهم باللاب
وهذا الشي خوفج منه وخلا الثقه بينكم تنعدم
وقوليله ان هز ثقتج فيه وانج ماراح تأمنين انه ماراح يرد للخرابيط اذا ماسافر مع ربعه
واشترطي عدم سفره معاااااهم
خليه يدري انج تدرين مو مغفله يلعب من وراهااا ويستانس ويقول بينه وبين نفسه عادي هذي خبله ماتدري
خليه بعدين لما يجي يسوي اي شغله يعملج الف حساب وانه ممكن ينكشف
لان في نوع من الرياييل جذي يخق ويبدأ يرقع وولا يسويج يدهينه لاتنكتين بس عشان يدراي فعلته ومايتفشل عند اهله واهلج
اهم شي استخيري قبل اي خطوه تسوينها ووكلي امرج لله

 

[(*ام عهــــد *)]

الله يسخره لج

 

[Alias]

حبيبتي هذا شي طبيعي في مجتماعتنا الرجل عنده علاقات متعدده

 

[Tom ♥ Jerry]

,



لو انا بموقفج .. اذا مآعندي عيال رآح آتطلق
و اذا عندي عيال بصبر عشانهم بس آكيد ماراح اسكت
1/ اواجهه . 2/ آخليه كثر مآ يقدر مآيماشي هالربع . 3/ممكن آدخل آمه آو اخوه آو ابوه بالسالفه
لآنه لهم تأثير آكبر عليه اكثر من آهلي

والله يعينج

 

[خالتي قموش]

لا تواجهينه بيقلبب السالفه عليج
وبيقول درت وما راح يهمه
اذا هلصور من قبل الزواج
خلاص انسي
اكثر الشباب لهم ماضي
ادعيله بلهدايه والله يسخره لج
المواجهه ما تنفع
في رياييل يعاندون

 

[كـويتية]

اول شيء احسني الظن فيه مادام انه صور قبل الزواج

يمكن هو ما قال لاحد وتزوجج عشان يفتك من هالخرابيط ويسوي اللي يبيه بالحلال اذا هو نيته جذي

وصبري عليه

ااما اذا لقيتي له صور وفيديوات ثانية بعد الزواج

صارحيه فيها بعد ماتسوين لها نسخ عشان يمكن يمسحها

والله يصلح اللي بينكم

مووفقه

 

[صاحبة معرض]

إذا كان قبل الزواج صارحيه إنج شفتي الصور أو الفيديو

وإنج مصدومه من اللي شفتيه وللأسف إنك معاهم وصدي

عنه وروحي غرفتج خليه يراجع نفسه ليمااا يبرر موقفه

وإفتحي معاه صفحه جديده يوعدك فيهااا

إن اللي حصل قبل الزواج ومايتكرر ......

 

[NZaKa]

اذا ماضي خلاص طوفي من ذاكرتج انج شفتي لانه لو ريلج خبيث اتوقع ماخلا حسابكم مشترك ومسح فيمكن ماضي وناسيه وانتي بعد انسيه
اما اذا حاضر وبوقتج لا هني حجي ثاني !! تهدين وتكلمينه وعلي حسب الرد تتصرفين

 

[حورياتي]

ادعيله واستغفري

وواجد شباب جذي الله يهديهم


والله يصلحهم ويتوب عليهم

 

[ورود متناثره]

اه ياقلبي ..صدمه الله يعينك

 

[عسل سل]

لو كل شوي بتطالعين الفيديو وتتحسرين ماراح تخلصيييييين وتخلين الفيديو يلصق بمخج اكثر
حذفي الفيديووو وقووولي لزوجج انتي شفت الشي الفلاني وشووفي رده احسن مما تخسييين بقلبج فضفضي له !!

 

[Um Tuki]

قوليله الصج انج دخلتي عاللاب توب وشفتي صور له بس مو اي صور

قوليله مالي حق عليك قبل الزواج بس ياريت تمسحهم ليش محتفظ فيهم

او.


قوليله بنغزة
تصدق اني اكره الشباب لما يسافرون برع
احسهم يخربطون و انا ما اقدر اتخيل نفسي مع واحد كان من بنت لبنت احس تلوع جبدي منه مادري ليش
و قولي
الله يبعدنا عنهم بس و الحمدلله ان الله رزقني فيك لا لك علاقة بالخراييط و لا الوصاخة فديتك



صدقيني بينحرج و مثل ما الكل قال لج شي قبل الزواج مالج حق عليه

 

[al-musk]

الي تقول لاتواجهه شنو القلب الي عليكم .. ترا انتو بشر ها مو حديد ..

 

[لوولووة]

مسحيهم ولا تفتحين الموضوع معاه

 

[بقلبي انت]

كلام سمر وافتخر عين العقل
خلي عنج الطفاقه ولاتنسخين ولاشي
والله اني ادري هالشي يحر ويعصر القلب بس نفس ماقلت
سمرا لاقعدتي ويااه قولي الحممدالله ان ربي رزقني فيك
مو بغيرك بعض رياجيل حرام اسمه رجال وسواياه تجيب الفشيله وراغي خرابيط
ي علني ماذوق حزنك ي سنايدي رجال ونعم رجال تكانه ومالك خرابيط هذا من فضل ربي عاي
واكبر نعممه انك رجلي وحلالي (هو طبعا بيتملح جدامج بس ضميره بيانبه لان انتي شايفته رجال كامل هو غير
)

وراح يتغير
ونصيحه نصيييحه اذا هو زين معااااااااااج لاتهدمين حياتج بايدج كل رجال وخرابيطه كثر تراب بس. طوفي
والله انج بنعمه رفيجتي زوجها عيني عينك يكلم جدامها ابو فلان وصوت صوت بنت وينكر ومسجات وخرابيط
ومعطيته طاااف بلاول عاندت وجهته وانكر والحين ساحبه عليه معاه في نفس البيت ومعاملتها له عاديه جدا
والله مستعاان

معاها بالراي لاتفتحين الموضوع معاه ومسحي الصور من النت لا يشوفهم ويحن لايام قبل

 

[ام عفاف الكويت]

لاحول ولاقوه الا بالله العلي العظيم
الله يساعدج حبيبتي


المشكله كبيره وايد
ويبلها حكمه في التعامل معاها
انا برايي تهدين وتكلمينه وتقوليله انا دريت (ولاتنسين تنسخين الصور والفيديوات وحفظي حقج لان اكيد بيمسحهم بعدين) ولاتواجهينه فيهم بس قوليله ادري عن اللي كنت تسويه وادري انكم كنتو مع بنات وجذي وجذي لاتقولين فيديوات وصور لان بعدين بيحتاط ان ماينزل شي علي الجهاز
وكلميه
وقوليله ما ارضا بهالاشياء واكيد بيتعذر وان قبل وان تاب وحصن نفسه بالزواج
وبلغيه ان عمرج ماترضين يسافر بروحه او مع ربع كشرط استمرار

اهم نقطه احفظي الصور والفيديو
وكلام دانس صحيح
واجهيه ولا تهددين بالصور والفيديو وتقولين شفت
تري بعدين مارح ينزل شي وراح تقعدين بشك طول عمرج
ويمكن الله تاب عليه
الله يهديه ويسخره لج

 

[بقلبي انت]

المسك وليش تواجهه هذا شي صار قبل لا يتزوجها يمكن الرجال تاب وحب يغير حياته والصور
إلي شافتهم باللاب قديمين ونساهم ليش تفتح عليها باب واذا اهي شاطره تقدر تغير طبع زوجها للاحسن
مو تفتح موضوع قديم صار وتخليه ينفر منها ويفكر يرجع للخرابيط عشان يحرها

الحياه تفاهم وشطارة الزوجه الحكيمه تعرف اشلون تحسن من تصرفات زوجها
مو علي طول مصارحه علي شي صار وانتهي

 

[Zuji 7abibi]

ادري موقف مؤ هين واللي عليج تسوينه انج ماااااااااااااااا تواجهينه وانا أقولج ليش
الريال ذكي راح تواجهينه و يبرر و يعتذر و يراضيج لكن تعلم درس اللي اهو ( شلون أصير أذكى و اخش سوالفي مرة ثانية واحتاط بشكل ماهر )
و منها يمكن ينجذب لي برة لان حس انه تهدمت صورته جدامج و راح يقل من مقداره ف تكثر طلعاته مع ربعه و الصاحب ساحب دام شكله مؤ مبين عليه ف اكيد
ماراح يقول عن ربعه شي
ف كوني له ملكة
خلج نادرة بزمن تندر فيه زوجة صبورة هادية عمرها ما شافت العيب من زوجها ، زوجة ما تنبش و محترمة ذربة
واذا حسيتي انج مؤ قادرة تتمالكين نفسج كلش أنا اقولج على خطة تزيد تمسكه فيج و تخليه ما يقدر يفكر نفس الناس و فكرة تؤديه و فكرة اتييبه
ويسويلج كل اللي تبينه و يؤنبه ضميره و تصيرين اقرب لقلبه
حطيها مفتاح لكل مشكلة تصادفج من هل مشاكل بحياتج
شوفي روحي شوفي مجلد الصور اذا ليلحين بمكانه قومي و حطيه بمكان وااضح على سطح المكتب و حطي اللاب بمكان يشوفه على اساس انج مؤ ماسكته اليوم او من امس ولا تجيسينه لين اهو يستخدمه طبعا راح تشوفين ويهه يعتفس واحتمال يدش يسبح 17 مرة و يغسل شعره 20 مرة من الخوف و الوهقة
وانتي خلج سااااكتة والله ثم الله ان معاملته راح تتغير وراح يكون درس له طول عمره ماراح ينساه ومنها طلعتي بالزينة وماختربت صورتج جدامه انج تدورين الزلة عليه أحسن من انج تواجههينه حتى وان كان درس له بيتذكر الموقف راح يكرهج فيه
ولا يضيق خلقج ترا الواحد أوقات مجرد ارتباط بذكريات الماضي ولا جان ما تزوج وترى الحياة مع بنات الشارع مالها طعم ماتشوفين حكمة ربج ان الوناسة معاهم ساعة ولا يوم بالكثير ولو انهم مؤ طايحين بجبد نفسهم و يتمنون تكون لهم حياة مكانج جان ما راحو مكان كله شباب من جميع الأصناف و يدورون لهم فريسة بالحرام
عسى الله يسخره لج
وأي بدلية السموحة هل اي باد اللي بأيدي برقعه بالطوف يصلح من نفسه

 

[الغضى]

الله يعينج
يمكن قبل الزواج
انتي ادرى فيه

 

[سمراءوافتخر]

السلام عليكم

بنات حببيباتي ليش تواجه المواجه فيها خساره كبيره لها اولا راح تخسر ثقته لانه يثق فيها ويخليها عادي تفتح جهازه باجر كل شي بيكون برقم سرري وتحترق ثاني شغله يمكن فعلا هذه صور قديمه ونسي ينسها ليس تحسسينه انا ما له توبه اذا رب العالمين يغفر احنا ما نغفر ما يصير يا بنات ثالث شغله اذا كانت الصور يديده بيقلب السالفه عليها ويبسويها جدامها اشكرا ما يصير وبعدين ليش تخلي زوجها يروح باردة مبردة لغيرها راح تواجه ويزعلون وتروح بيت اهلها وتخلي لي له البيت فاضي ويكون علي كيفه علي بالها بيركض وراها لا بيقول مثل ما اطلعت بروحها ترجع بروحها ةيتدخلون الاهل وبيخترب صورته جدامه اهلها واهله وحزتها بيكرها لان الريال يحب صورته تكون حلوه جدام الاهل يعني خساره من كل الجهات الغلا اذكري الله وسوي اللي قلته لج باول الصفحه خليج ذكيه حرصي وخليج عادي وثقه واهم الشي الدعاء ان رب العالمين يسخره لج يا رب يا كريم ويبعد عنكم عيال الحرام