مصدومه ,, شقت صور لريلي مع بنات

[لك أيامـي ~]

ماني قادره انام وهاذي ثالث ليله
للعلم انا متززجه من سنه ونص


وانا افرفر ف لاب توب ريلي ( مشترك بينا ) شفت ملف صور يشابه ملفي اللي ادور عليه فالاسم
ودشيته وياليتني مادشيته



صور مع ربعه ف اوروبا ويا بنات

بنات مب لابسين شي وخمر وزقاير ومرقص ومره ف البحر
والمشكله انه فيديو بعد


احس بموت انغشيت فيه كلش مايبين
ماعرف شسوي ماعرف
كل مااشوفه تخنقني العبره
ريلي من النوع الصامت الهادي
ماتوقعت تطلع منه هالبلاوي

طيب ليش محتفط فيهم

شسوووي شسوي

 

[Dancing^Queen]

لاحول ولاقوه الا بالله العلي العظيم
الله يساعدج حبيبتي


المشكله كبيره وايد
ويبلها حكمه في التعامل معاها
انا برايي تهدين وتكلمينه وتقوليله انا دريت (ولاتنسين تنسخين الصور والفيديوات وحفظي حقج لان اكيد بيمسحهم بعدين) ولاتواجهينه فيهم بس قوليله ادري عن اللي كنت تسويه وادري انكم كنتو مع بنات وجذي وجذي لاتقولين فيديوات وصور لان بعدين بيحتاط ان ماينزل شي علي الجهاز
وكلميه
وقوليله ما ارضا بهالاشياء واكيد بيتعذر وان قبل وان تاب وحصن نفسه بالزواج
وبلغيه ان عمرج ماترضين يسافر بروحه او مع ربع كشرط استمرار

 

[gorgeous lady]

شعور صعب حبيبتي،يمكن زوجك تاب عن هذه الحركات وواحد من ربعه مرسله اياهم وزوجك كان بيمسحه ونسى،لاني مااعتقد لاب توب مشترك وحطه بالعاني اكيد عارف انك راح تشوفيه،الله يهديه والله يكون في عونك حبيبتي،الله يسخرلك زوجك ومايشوف غيرك ان شاء الله

 

[اميرة زوجي]

كل رجل قبل الزواج له نزواته وحياته الخاصة
انتي مؤ من حقك تحاسبيه عن ماضيه الا اذا كانت
هالصور بعد زواجكم او مازال مستمر بهالعلاقات
غلط وحرام انه يشرب و يكون له علاقات من هالنوع
بس انتي لازم تتأكدي هل تاب ؟ سافر بدونك بعد زواجك؟
لا تنهاري وتخربي بيتك قبل ما تتأكدي

 

[pink vanilla]

مثل ما قالوو اذا كان قبل الزواج مالج حق تحاسبينه

الله يسخره لج ويهديه

 

[لمى الهاجري]

بمكن هاي قبل الزواج وتاب وبعدها تزوجج

 

[احلا المزايين]

بطني قامت اتعورني لاني مريت تقريبا بنفس الموقفاستغفرالله
نفس شخصية زوجي ونفس المشكلة
اذا سافروا يبيعون دينهم
حبيبتي انا واجهته وانكر ورقع السالفة سويت روحي مصدقته عشان احفظ ماي وجهي
لا اتواجهينه ماراح تستفيدين شي
انا خلاص بالزم الدعاء والا ستغفار يمكن من ذنوبنا الله ابتلانا
وعسا ربي يهديهم
مرات اواسي روحي واقول ع الاقل خرابيطة برة مو عندي
لاحول ولا قوة الا بالله

 

[هيبة ملك]

والله. المواجهه. مامنها فايدة. الحين. علي. الاقل. خايف. انج. تطرين. لاواجهتيه بسويهم. عينك. عينك

 

[فوفو22]

حاسبي زوجج من يوم زواجكم

قبله ما لج شغل فيه

فوفو

 

[Perfume]

الله يعينج حبيبتي
حتى لو كان هالشي قبل زواجكم ليش يحطه على لابتوب مشترك بينكم !!
واجهيه بهدوء وتأكدي هالسوالف قبل الزواج والا ما زالت مستمرة

 

[a7la_7b]

الله يعينج ويصبر قلبج

 

[سمراءوافتخر]

السلام عليكم

حبيتي شوفي نصيحه لج من اخت لا تواجيهنيه ابدا سواء كانوا صور قبل الزواج او بعده بالعكس اذا وجاتيه يمكن يقلب السالفه ضدج انج تنبشين وراه وراح يكون حريص ويمكن ما ارح يثق فيج ابدا لا تخسرينه الغلا اول شي سوي روحج ما شفتي ابدا وخليج طبيعيه صحيح انه شي صعب بس الواحد سشنو يسوي لا تتركين بيتج وزوجج لغيرج باردة مبردة حاربي بي من تحت لتحت فمهتي علي شوفي شنو ناقصه شوفي شنو يحب هل فيه شي معكر بينكم او زعل خليج دايم مبتسمه غامضه لا يعرف كل شي عنج اشغلي نفسج عنه بهواياتج ورفيجاتج خليه يحس انه لج عالم خاص فيج خليه يحس انه صياد ولازم يصيدج فهمتي علي لازم يدور عليج ويدور رضاج انتي بعد لا تقصرين معاه بشي بس بدون زيادة بالطبيعي خلي لكم وقت خاص فيكم للسوالف والضحك والغشمره وكيك وشاي وحب وجذيه فهمتي واعزمي مره علي طلعه علي مطعم زدايما قول انا اثق فيك لو كل الناس خون انتي لا اعرفك ما ترضي بالغدر وما ترضي بالوسخ صدقيني بتكسرين عنيه وبيخاف وبيني له لو في يوم سواها بسشوف شي عمره ما شافه منج خليه يخاف واهم شي الدعاء والصلاه وربي يسخره لج ويهديه ويبعد عنه عيال الحرام يا رب يا كريم

 

[انثى عاشقة]

حبيبتي واجهيه طبعا
ومثل ما قالت دانسنغ كوين احتفظي بنسخة من الصور والفيديوهات
واشرطي عليه ممنوع سفر بروحه مع ربعه
وخليه يجتهد عشان يثبت لك انه تغير
=)​

 

[ام الشقى]

كلام سمر وافتخر عين العقل
خلي عنج الطفاقه ولاتنسخين ولاشي
والله اني ادري هالشي يحر ويعصر القلب بس نفس ماقلت
سمرا لاقعدتي ويااه قولي الحممدالله ان ربي رزقني فيك
مو بغيرك بعض رياجيل حرام اسمه رجال وسواياه تجيب الفشيله وراغي خرابيط
ي علني ماذوق حزنك ي سنايدي رجال ونعم رجال تكانه ومالك خرابيط هذا من فضل ربي عاي
واكبر نعممه انك رجلي وحلالي (هو طبعا بيتملح جدامج بس ضميره بيانبه لان انتي شايفته رجال كامل هو غير
)

وراح يتغير
ونصيحه نصيييحه اذا هو زين معااااااااااج لاتهدمين حياتج بايدج كل رجال وخرابيطه كثر تراب بس. طوفي
والله انج بنعمه رفيجتي زوجها عيني عينك يكلم جدامها ابو فلان وصوت صوت بنت وينكر ومسجات وخرابيط
ومعطيته طاااف بلاول عاندت وجهته وانكر والحين ساحبه عليه معاه في نفس البيت ومعاملتها له عاديه جدا
والله مستعاان

 

[ديانا سبنسر]

لاتواجهينه راااح يقلب السالفة علييييج وحتى لاجا بيتعدل راااح يتذكر انج دريت. انا اقةل السيرة هذي لاتجبينها جدامه بس ان قال سفر والاروحة شاليه مع الربع ارفضي وقولي ريلي على ريلك والله يبعده عن بنات الحرام

 

[NODA 2]

السلام عليكم

حبيتي شوفي نصيحه لج من اخت لا تواجيهنيه ابدا سواء كانوا صور قبل الزواج او بعده بالعكس اذا وجاتيه يمكن يقلب السالفه ضدج انج تنبشين وراه وراح يكون حريص ويمكن ما ارح يثق فيج ابدا لا تخسرينه الغلا اول شي سوي روحج ما شفتي ابدا وخليج طبيعيه صحيح انه شي صعب بس الواحد سشنو يسوي لا تتركين بيتج وزوجج لغيرج باردة مبردة حاربي بي من تحت لتحت فمهتي علي شوفي شنو ناقصه شوفي شنو يحب هل فيه شي معكر بينكم او زعل خليج دايم مبتسمه غامضه لا يعرف كل شي عنج اشغلي نفسج عنه بهواياتج ورفيجاتج خليه يحس انه لج عالم خاص فيج خليه يحس انه صياد ولازم يصيدج فهمتي علي لازم يدور عليج ويدور رضاج انتي بعد لا تقصرين معاه بشي بس بدون زيادة بالطبيعي خلي لكم وقت خاص فيكم للسوالف والضحك والغشمره وكيك وشاي وحب وجذيه فهمتي واعزمي مره علي طلعه علي مطعم زدايما قول انا اثق فيك لو كل الناس خون انتي لا اعرفك ما ترضي بالغدر وما ترضي بالوسخ صدقيني بتكسرين عنيه وبيخاف وبيني له لو في يوم سواها بسشوف شي عمره ما شافه منج خليه يخاف واهم شي الدعاء والصلاه وربي يسخره لج ويهديه ويبعد عنه عيال الحرام يا رب يا كريم

فعلا كلامها عين العقل والله لو يسوي الغلط جدامج و تواجهينه صدقني هم راح تطلعين انتي الغلطانه بالدرجه الاولي للاسف

 

[سكوتي بذوقي]

الله يهديه ويسخره لك يارب

 

[الحياه الفاخره]

السلام عليكم

حبيتي شوفي نصيحه لج من اخت لا تواجيهنيه ابدا سواء كانوا صور قبل الزواج او بعده بالعكس اذا وجاتيه يمكن يقلب السالفه ضدج انج تنبشين وراه وراح يكون حريص ويمكن ما ارح يثق فيج ابدا لا تخسرينه الغلا اول شي سوي روحج ما شفتي ابدا وخليج طبيعيه صحيح انه شي صعب بس الواحد سشنو يسوي لا تتركين بيتج وزوجج لغيرج باردة مبردة حاربي بي من تحت لتحت فمهتي علي شوفي شنو ناقصه شوفي شنو يحب هل فيه شي معكر بينكم او زعل خليج دايم مبتسمه غامضه لا يعرف كل شي عنج اشغلي نفسج عنه بهواياتج ورفيجاتج خليه يحس انه لج عالم خاص فيج خليه يحس انه صياد ولازم يصيدج فهمتي علي

لازم يدور عليج ويدور رضاج انتي بعد لا تقصرين معاه بشي بس بدون زيادة بالطبيعي خلي لكم وقت خاص فيكم للسوالف والضحك والغشمره وكيك وشاي وحب وجذيه فهمتي واعزمي مره علي طلعه علي مطعم زدايما قول انا اثق فيك لو كل الناس خون انتي لا اعرفك ما ترضي بالغدر وما ترضي بالوسخ صدقيني بتكسرين عنيه وبيخاف وبيني له لو في يوم سواها بسشوف شي عمره ما شافه منج خليه يخاف واهم شي الدعاء والصلاه وربي يسخره لج ويهديه ويبعد عنه عيال الحرام يا رب يا كريم

[font=.helvetica neueui]

انا نفس رأيها وصاحبه بكل كلمه قالتها وشوفي حبيبــتــــي حذفي الملف بكبره ولا تبينين له عشان ما يشوفه مره ثانيه واهتمي بلبسج بالبيت وكشختج وشوفي شنو اللي مؤ عاجبج بجسمج وغيريه اذا كنتي متيه وكلش كلش كلش لا تبينين له


والله يوفقج حبيبــتــــي​

[/font]

 

[كويتيه مذهله 87]

موقف صععععععععععععب اذا قبل الزواج خليه لا تكلمينه بس ليش محتفظ فيهم
المفروض تزوج خلاص يبطل هالسوالف

 

[أم عزيـز]

اذا كان قبل الزواج مالج حق تحاسبينه
بس لج حق تحاسبينه ان ليش محتفظ فيهم
ولو انا منج امسحهم من غير ما اقوله عشان اذا سأل عنهم قوليله وهذا شي يشرف تسأل عنه ؟
قوليله انا مسحته عشان ما ابي تزيد ذنوبك وابي الله يرضى عنك لما تنسى هالخرابيط

وان شاء الله يكون تاب ونسى هالسوالف