مشكله وابى لها حل بليز

[زعفرانة_73]

الله يكون بعونك يارب

يسلمج ياحياتي عالدعوه الطيبه:eh_s(17):​

 

[زعفرانة_73]

وضعج نفس وضعي



صفوة القول




خللييله دار بروحه يدخن على كيف كيفه




بس بدارج و دار البنية و الصالة



no way

بوبا حبيبتي الله يكون بعونك بعد، تخيلى اول ما اقعد الصبح على ريحة السجاير شعور يذبح ويخنق، اليوم رحنا الأفنيوز انا مع اليهال بصوب واهو ورانا علشان الريحه،صج خنقه أول الزواج ماكان جذيه وانصح واقوله صحتك والله تضر، وجيته وقلت له انا اذارحت جمعه وعلقت فيني راح يضنون انى انا اشربها موحلوه بحقى وبحقك ، وجيته من ناحية الفلوس اللى تقطهم عالسجاير والله انهم يعيشون فقاره بافريقيا تخيلي الوجبه 15 فلس وعلبه السجاير 400 فلس ماكو فايده.​

 

[ارنوبه الاموره]

اذا بنتج عندها موعد او مراجعه عند الدكتور سألي الدكتور عن اضرار السجاير على صدر بنتج و شلون اتأثر على حاله بنتج و ان شاء الله كلام الدكتور يخليه يراجع نفسه واذا مو خايف ولا هامه نفسه يخالف على صحه بنته و يكون له دافع يقلل سجاير عالاقل داخل البيت

الله يهديه

 

[popa]

حل يقطعها بكبرها او خل يدخن بره البيت وقوليلا اذا بتدخن دخن بس مو فبيتي ولا اي مكان انا اكون فيه

 

[غلاي وروحي]

الله يعينج على هالمشكله ويهدي زوجج ويقطع هالزقاير ويشافي بنتج ويخليها لكم


انا زوجي ادمااااااان شيشه شي موطبيعي ولا رجع ريحة ملابسه سلوم
وحاولت بشتى الطرق اني اخليه يقطعها بس ماكو اي نتيجه يقولي شي
متعود عليه من سنين بتخليني اقطعها بهالسهوله مالنا الا الدعاء والصبر
الله يهديهم ويقطعون هالمرض يارب

 

[زعفرانة_73]

الله يحفظكم ويسلمكم من كل شر حبيباتي
وحتى الشيشه بعد ريحتها تذبح تحسين الأكسجين خلص من الجو
الله يهديهم ويبعدهم عن هالبلا آمين يارب العالمين
تسلمين أختى غلاى ولج المثل حبيبتي​

 

[ام الحلوااات]

اللــــه يـــهـــديــــه ويــبــــطـــــل تــــدخــــيــــن

 

[om-3azo-83z]

حطي قانون ممنووووووووووع منعا باتا التدخين فالبيت عشان بنته و عشانج

 

[زعفرانة_73]

اللــــه يـــهـــديــــه ويــبــــطـــــل تــــدخــــيــــن

يسلمج يا قلبي عالدعوه الطيبه:eh_s(17):​

 

[زعفرانة_73]

حطي قانون ممنووووووووووع منعا باتا التدخين فالبيت عشان بنته و عشانج

يسلمج حبيبتي ، هاذى غلطتى من أول الزواج اللحين بناتي انبههم عالشغله هاذى​

 

[Abraaj]

زوجي مدخن..
بالبيت مايدخن الا في البلكونه
بالسياره اذا ولدي معانا مايدخن.. اذا بس انا المسكينه يدخن وبس الزقاره بره!

بس الحمدلله الحمدلله يعتني باسنانه وايد! كل ما اكل شي فرش وكل3 شهور تنظيف اسنان! ماتخيل اسنان صفره!

وكل مادخن تعطر! يعني نوعا ما السالفه ضايعه

 

[بنوتة أمها]

ابببببب:eh_s(17):

 

[Patcholli]

شوفي حياتي مادري معاج ان ريحة التدخين تلوع الجبد وتخيس الهدوم بس اعرف وحده من ارفيجاتي يوم كلمت زوجها بهالخصوص قام وحطله غرفه حقه بروحه وكله قاعد فيها .. تقول حيل اتحسفت الحين ماقمنا نشوفه كله حابس روحه بذيج الغرفه ويدخن ..
انا زوجي من الملجه تفاهمت معاه اني ماتحمل ريحة الزقاير ولا اطيقها وصار مايدخن بالبيت واذا وصل حده يروح الحمام يطقله زقاره ويطلع ..

 

[ولد المدينه]

الرجل اللي يدخن ..

يتضايق من الزقارة ومن مزاجها ويكرهها ولايكملها .. ويصير فيه صدااااااااااع عنيييييييييييييف اذا حس أن هناك شخص متضايق منه


تبغين حل !! في طريقتين .. بس اهم شي لايطلع منك كلمه وحدة .. يعني لاتقولين له لاتدخن بالبيت او غيره من الكلام
اللي ابغاه تسوين الطريقتين هذي وان شاء الله راح يكره انه يدخن قدامك او بالبيت

الطريقة الاولى والمهمة :- اذا ولع زقارته خلي معاكي كمام او قطعة قماش صغيرة وحطيها على خشمك طول ماهو يدخن

الطريقة الثانية :- بعد مايخلص من الدخان حاولي تتمشين بالبيت وتفتحي الابواب والشبابيك وبرضو كل شوي تحطي يدك على خشمك
وتوضيحن له انك منزعجة من ريحة الدخان ..



واذا قالك ليش حاطه ايدك .. قولي له باللطف .. لا عادي مافيه شي .. بس الريحة تتعبني ..


واسأل الله ان يبعد الدخان عنا وعنكم ..


(انا سجلت عشان ارد عليك .. وادري سياسة المنتدى تمنع الرجال .. في امان الله )

 

[السماء والارض]

أولا كيف التعاون والتفاهم فيما بينكم إذا كان فيه ود وقرب كل واحد من الاخر يتم التفاهم بالهدوء والعقل والمنطق وعدم نرفزة الزوج والتوقيت مهم.
أختاري افضل الاوقات يكون فيها الزوج رايق وبين له اضرار التدخين وضرره على الطفل والاطفال في المستقبل بالاضافة الى تذمرك من رائحة التدخين وإن ذلك يسبب لك الاحراج مع الاهل والزميلات بهذا يكون قد امتنع عن التدخين في المنزل أو في السيارة على أقل تقدير وحاولي أن يساعدج أحد من لهم تأثير عليه وخاصة المقربين من الزوج ، بالاضافة والاهم الدعاء له بالصلاح والهدايه .
نسأل الله له الهداية والتوفيق وأن تكونين له عون على طاعة الله ويكون لج عون على طاعة الله .

 

[طريق السعاده]

برايي ماتقولين له دخن برى البيت او كذا لانو شفت هالطريقه مع خالي ومع زوج عمتي ابدا مانفعت
واغلب المدخنين ينحاش لان يدري ان البيت يتضايقون من ريحه التدخين بس هالشيء يسبب مشكله اكبر
الي هي انه يتعود يطلع كله برى البيت ويتمادى بسالفه السهر برا البيت بحجه ماتبيني ادخن هني بجلس مع ربعي وادخن براحتي ! ابوي عشان من جيل اول يعني تقريبا بنص الخمسينات عمره لما امي قالت له
دخن برا وكانت تقريبا تبين انها متضايقها من الريحه وكذا بطل تدخين بس كان شخص عاقل وكبير مو شاب يعني ولا من جيلنا يعني زمان كان يتحمل مسؤوليه اكثر ويهمه تواجده بالاسره وكذا مادري وش الحل لكن مالك الا الدعاء والله يبعد عنه وعن كل مدخن ..

 

[طريق السعاده]

بعد اذن صاحبه الموضوع /عجبني رد ولد المدينه واهم شيء نكه شكرا على هالاسلوب الراقي عجبتني الصراحه
نك صريح انه ولد ودخل رد بالمفيد وسجل خروج وطلع فعلا حسيت هالتصرف رجولي وواضح انه شخص محترم مادش متخفي
افاد وطلع تحيه لك اخوي ..

 

[فديت من سماني]

قولي له لا يدخن بالبيت وييييييييع يا شين ريحة البيت اذا صار فيه دخان

 

[Pinky -cat]

كلام ام كوثر عين العقل وهاذا الصح واهوا مع الوقت بيمل انه كل شوي يقوم يروح هالمكان عشان يدخن فتلقائي راح يخفف

وانتي بعد كلمتين حلوين كحة كحتين وكتبي له على العلبة حبيبي اخاف عليك خفف الزقاير وتبين تضحكينه كتبي له لوحه

بالبيت ممنوع التدخين بيضحك بس هم بيتذكرها لمن يدخن

 

[زعفرانة_73]

:balo:تسلمون بارك الله فيكم ردودكم أثلجت صدري وصج أحسكم عزوه وذخر الله يحفظكم ​