مشكله محرجه ياريت اتساعدوني بحل سريع

[glby7sas]

السلام عليكم ورحمه الله وبركاته

بنات انا متأزمه من شغله مو عارفه اشلون اشرحلكم انا صار معاي التهاب وعطوني تحميله مهبليه اسمها dalacin vaginal ovule اهي عباره عن ثلاث تحاميل وعصايا داخل القوطي مو اهني المشكله المشكله كل مااحط التحميله اطيح جربت وانا واقفه جربت وانا قاعده وجربت وانا منسدحه وكله نفس الشي احطه داخل حيل ومن اطلع العصا اطيح رفيجتي قالت جربي باييدج جربت نفس الشي والحل اشلون احطها معني مو اول مره احط تحاميل مهبليه بس هالتحميله مادري ليش مااتم داخل اطيح على عدالها

 

[أأأميرة الورد]

الله يعينج

جربي تحطين كريم عليها ودخليها

وان شالله البنات يفيدونج

انا ماحب التحاميل ولا اعرف استخدمها ومرات اكون مضطره بس شسوي نفسج ماعرف

 

[glby7sas]

ايي والله اميره تعبت مو عارفه احطها المشكله لازم احطها عشان اعالج الالتهاب ومادري ليش كله اطيح

 

[fofowa_q8]

حبيبتي حطيها وانتي منسدحه ونامي على طول لاتقومين

خليها لي الصبح .. استغفر الله التحاميل غثا

مااحبها .. الله يشافيج يارب

 

[مسـك]

حبيبتي مريت بالتج ونفس التحميله



حطيها وانتي مرخيه عضلات المهبل وبيدج افضل انا ماستخدم العصايه


وحاولي تسدين الفتحه بيدج واذا بتطلع رديها مره ثانيه والبسي كوتكس وطولي شوي وانتي ع ظهرج لما تحسينها ذابت


سوري ع شرحي المفصل بس انا عانيت مثلج وهذا البي كنت اسويه

 

[فيونكا الروسية]

استخدمي جل كي وأي عشان تزلق واب ايدج وبسرعه قومي صكي ريولج انا عانيت يالله ضبطت وياي الله يعينج

 

[مطلقه جريحه]

حطي وارفعي رجولك عشر دقايق ع فوق

 

[New_bride]

ولا مره جربت احط تحميله من قدام بس دوم اقرا ان الوحده لازم بعد ماتحط التحميله تنسدع حلى ظهرها نص ساعه وتحط مخده تحتها

 

[glby7sas]

باجر بجرب احطها واسكر والله مشكله هالتحاميل اجرب واقولكم النتيجه

 

[زوزووووووووو]

انتي حطيها بايدج بس وديها داخل حيل ولا تقومين رفعي ريولج شوي وبعدين حاولي تنامين خليها بالليل كلش قبل النوم

 

[noo7a]

حاولي تحطينها و انتي نايمه على ظهرج و اول ما تدخل و تطلعين الانبوبه سكري ريولج ضميهم و تمي فتره منسدحه
وانشالله تتم

 

[3houd86]

إذا ما ضبط معاج شي خلي زوجج يحطها لج إذا عادي عندج و عنده.

 

[ماي زهر]

يمكن يكون المهبل رطب بزيادة تنشفي عدل و جربي
أول غيري التحميلة بغيرها

 

[~جودي~]

حطيها وانتي مريحه اعصابج و منسدحه ولا تقومين الا بعد ساعتين

 

[glby7sas]

بنااات مشكورين حيل حيل باركولي واخيرا اضبطت من اول مره طبعا اول شي نشفت المكان عدل مدل بعدين رخيت اعصابي وانا احطها ولما طلع ايدي سكرت ريولي على طول. مااجذب عليكم حسيتها بطيح بس الحمدالله تمت داخل واخيراا مشكوورين بنات

 

[# غنوجة بيبي #]

الحمدلله