مشكلتي ..

[جنون هاجري]

بختصار شديد
اذا يبيك يشوف له سكن مستقل
اذا تبين الراحه
واذا مايبي مستقل بيت ابوك تحملك صغيرة مايخالف يتحملك كبيرة انتي وبنتك
واذا على الرزق رزقك مكتوب لك من يوم انولدتي

 

[M!SS.LOBY]

الله يكون بعونج

 

[M!SS.LOBY]

حسبي الله عليهم من بشر
ما عندهم لا ذمة ولاضمير ومتخلفين حدهم نظام اهما اذكياء وفلته وما يدرون ان رب العالمين موجود وقاعد يشوفهم
اطلبي الطلاق وتحسبي الله فيهم
حسبنا الله ونعم الوكيل

 

[M!SS.LOBY]

لا يقعد يغثج ويمد إيده عليج
ويرفسج وطراقات ليش متحمله هالذل
موناقصة تو في شبابج عمرج23 سنة
باجر يبيلج مرض سرطان ولا مرض قلب ولا مرض نفسي يشوف وحده غيرج
نفس وحده من جماعتنا كان زوجها يعاملها جذي يمسح فيها البلاط
اهلها والناس يقولون لها اصبري لا تطلقين قاعدة تحمله ويابت منه 7 عيال
جاها يوم وطاحت مريض فجأة أخذوها عالمستشفى وسوا تحليل ولا طلعت النتيجة فيها مرض سرطان وقامت تعالج كيماوي وطاح شعرها وحواجبها وتبهدلت حييييييييل الله يرحمها انتقلت الى رحمة الله
وزوجها واهي مريض بالفراش اخذ بنت بنوت صغيرة عمرها22 وعاش عمره
والمسكينة ام عياله عاشت مهانه ومذلوله وماتت مريضة ومحروقة

 

[M!SS.LOBY]

اذا فيج صبر وتكونين راضية ومقتنعه قعدي وتحملي
واذا ما فيج صبر مو مقتنعه وتحسين نفسج تتعبين وتتضايقين حيييييييل اطلبي الطلاق المهم تصلين وتستخيرين صلاة الاستخارة
هذي مسألة عمر مو يوم ولا يومين
الله يفرجها عليج

 

[Perfume]

لا حول ولا قوة الا بالله
حسبي الله عليهم
طبقي كلام كلي دلع
مافي شي تخسرينه بعد

 

[banota_kuwaitya]

كلي دلع عطتج أفضل وأقوى حل،، سالفة شهر ماتردين عليه بتخليه يطلع عن طوره​

 

[للصبر أخر]

اتمنى تطبقين كلام كلي دلع...

وتخلين ابوج او اخوانج يوقفون له وقفه رجال وياخذون حقج منه ومن اهله

يبينوله انتي شكثر غاليه منو اهو اللي مرخص فيج جذي..

يبنون له انتي طالعه من بيت محترم وبيئه راقيه ونظيفه مو متعوده على هلاقته اهو مع اهله ..

وبضيف بعد ..اذا حابه تشتغلين وعندج طموح خلي ابوج يشطر عليه هالشي

وملزوم يصرف عليج ويوفرلج كل احتياجاتج..خل يشرط عليه والدج مصرف شهري لج

ويشرط عليه بعد يطلعج ويمشيج ومايخلي بخاطرج شي حالج حال اي بنت متزوجه


و كل راس شهر ملزوم يشتري كل لوازم واغراض البيت من اكل ومنظفات وكل شي مو مخليج جذي!!

واذا تبين خدامه ولا حضانه حق بنتج بعد يقوله..وخل يضط عليه بالكلام ويعلمه حق الله..

 

[جوري 2007]

وعو مالت عليه هذا ماينصبر عليه

 

[امـ خــزامـى]

اول موضووع اششوف الكل متفق مع كلي دلع حبيبة قلبي

 

[برد ابو الذهب]

لان كلامها عين العقل وهذا التصرف السليم !!! ياعمري عليج صغيره وشفتي كل هذا
وإذا ولد امه ما نفذ شروطكم باللي ما يحفطه ما عليه حسوفه بأجر تتوظفين وتعيشين وتطلعين وقادره تربين بنتج بجو نظيف
عليها بالعافيه بنت عمه بأجر تلوع جبدها منه وحوبتج تطلع فيهم
وأخيرا شكرن يا كلي دلع علي نصايحج اللي بالصميم

 

[كتكوته حبيبي]

مع كلي دلع
وييع شالعيشه ااخ انقهرت عليج وين ابوج وين اهلج هذا يبيله طق وتكسر ضلوع قطيعه هالي شايف نفسه ريال يمد ايده على مره خل يكسر خواته جليلات الحيه ولا اخوه هالي مبسط نعم خير استح قاعد مناشب المره بشقتها ويييع
سويي الي قالته كلي دلع يبيج تردين بشروطج غيره دفعه مردي

 

[كليـ دلعـ]

ياااابعد قلبي يابرد بوذهب

لاشكر ع واجب هذا واجبنا احنا خوات يالغاليه

وفي مشاكل ينفع فيها الانتظار وفي مشاكل لاا حلها

حاار بحاار لازم صرامه وقووه !

وشكرا لاطراائج يالغاليه واسلوبج الراقي

ام خووخه ياعيوني انتي

حرام عليج والله دايم خواتي يايدووني بس تطلع

وحده اوثنتين يخخالفونا بالراي وهذا عادي وامر صحي

اننا نختلف باراائنا

اسعدني تأييدكم الله لايهينكم وكلكم فيكم الخير والبركه

تسلمون حبايبي بلا استثناااااااء​

 

[random90]

كلام دلع عين العقل .. و ما شاء الله عليها كفت و وفت

 

[طريق السعاده]

مازيد على كلام البنات .. طبقي كلام كلي دلع بالحرف اساسا ماعندك شيء تخسرينه عنده حرام تضيعين عمرك بهالعيشه

انتي بداخلك ماتبين تطلقين لان ماتبين ابوك يحسك غبيه وهالسوالف لاتهتمين بهالشيء امك تعرف كل شيء قاعد يصير معك وانتي صبرتي وسويتي كل الي تقدرين عليه

لين رحتي لابوك قولي يبه انا بنتك قطعه منك وربيتني ع الكرامه عمرك مارضيت علي بالقليل ولا بالشينه ولا بالمهانه

انا رحت بيت حموله حشمتهم وقمت بواجبهم سويت كل الي اقدر عليه بس مابين بعينهم طيبي وتربيتي واهانوبنتك وذلوها وع الطالعه والنازله يطقني ويسب ويشتم فيني وف تربيتي قدام بنتي وقدام الله وخلقه ولا يعطيني حقوقي ولا ينفق علي ولا يسال فيني وخلي امك تكلمه قبل وتعلمه بالسالفه شوي شوي

وقولي انا جيتي هنا ابي يتعلم ان وراي ظهر ومرح ارجع الا لما ارضى وبشروطي يايحشمني ويعيشني عيشه زوجيه كريمه ولا وراي رجال ياخذون حقي وبيت ابوي شالني بصغري موب مخليني لاحتجته انا وبنتي وابيك تساعدني يبه ومن هالكلام ترا الااباء بالاخر مايبون الا سعاده بنتهم حتى لو تضايقو من سالفه الطلاق ومستحيل انه يدري عن وضعك ويسكت خصوصا سالفه بيتك كلن يدخله من اهله واخوه بالثانوي كل شوي بوجهك !!

 

[مناير ...!]

كلي دلع يسلم قلبج بردتي قلبي
توني بنفجر في زوجها

 

[Shinexo]

عسى حوبتج مآتعدآهم كلهم ,

 

[ترف بابا]

انتي قاعدة مع هيلق مع نور خل يولي هو وياهم

 

[راحيل العبدلي]

شهاالاوادم الي عايشه وياهم !!!!
الله يعينج حرام بنتج اكسرت خاطري حييييل
حسبي الله عليه وعليهم ،
و روحي علمي ابوج شهالذل الي راضيته ع نفسج
!!!

 

[زوجة عزيز]

تبين الحل!؟

تبين الدواا والا بس كلام!؟

انا وااايد مرو علي هالحالات ! دوامي يمرون فيه اشكال والوان

سمعيني وطبقي اللي بقوله بالحرف وراح تدشين تدعين لي

اولا

ريلج لومايبيج جان طلقج بنتج موعذرر

واهو اللي كان يترجااا يعني يبيج!

ريلج سكانه اهله ويحسب لهم ويضغطوونه ويطقج ويسبج

غصبن عنه من الضغطط اللي يصيير عليه

وكلللله كووم وقعدتهم فبيتج وبحمامج ومطبخج وععع وععع وعع

حتى الهكره موجذي !! ش هالبيىئيه!؟!؟

وييييع!!

غثيييثيين ودعلييين وعاهات بعد!

صبرتي وبلعتي وسايرتي ورضيتي ومشيتي

وهذاا كلللله شافه ريلج وبداخل قراره نفسه داري وعاارف

حتى لوقالج فيج وماافيج!! يعني طيبج اهو عارفه بينه وبين نفسه

سمي بالرحمن واللي مكتوب لج مكتوب قبل لاتولدج امج

يعني اذا بيطلقج بيطلقج لوبعد عشره 40 سنه

واذا ماراح يطلقج ماراح يطلقج لوو اشتكيتيه بالمحكمه

فعرفي انه مكتووووب

سمي بالرحمن وحطي هدومج بالجنطه وشيلي بنتج

وع بيت ابوووووووووووووج!

سمعتيني!؟ وشهر جهازج مغلللللق!

واذا ياا لبووج خل يتعذر انا مشغول تعال بعدين

انا موفااضي يعني خل ينقعه لايعطيه ويه

وعقب الشهر اذا ياااا

يمسكه ابوج ويقوول بنتنا تذكر خذيتها من بيت ابوها

وخذيتها معززه مكرمه مصاانه

واخذتها من بيت مومن ياااخوور!

واخذتهاا موناقصهاا شي!

بشرع منو تسكنها بغرفه وصاله وحمام مشترك!؟

بشرع منو اخوك البالغ يتدعس عليهاا واهي فشقتهاا!؟

بشررع منوو امك وخواتك بصالتهاا!؟

وين قااعدين!؟ ش هاللي قاعد يصيير!؟

اهم يدرون انها بنت حموله وناس والا اخاف قايلهم

ماخذهاا من الشارع!!


لان الحمموله ماتعامل بنات الحمايل جذي !!

هذيلا عدو العيب ! عدووو العادات والتقالليد!!

اللي يسووونه حتى اللي بالعشيش مايسوونه!!

لازقين فبيت المره مناشبينها بحمامهاا!

اذا انت شخصيتك ضعيفه وسكانك اهلك بنتنا ماهي

ملزوومه تدفع ضرايب غيرهاا!!

وسالفه بنات عمتك وبنت عمتك هاللي لازقه

وتوهاا طريت عليها انها تبيك! كل يوم مرتزه فلبيت

وانت تطرشها غصب قعدي معاهم عشان يهييننووونج!!

عيييييب عليج كرامتها من كرامتك وحشيمتها من حشيمتك

مو عشان اهي صبرت وطوفت انت عبالك ان انت صح!؟


لا سكتت تبي الطيب يبين وللاسف ماااابااان

والحييييييييييييييييييييييييييييييييييييييين


قبل كللل شي اذا تبيهاا تروح تاجر شقه برا بيت اهلك

وليأجرتهاا تعال نتفااهم ع الباااجي لان سالفه انها

ترد لنفس العششه اللي كانت فيها مستحييييل!!!


واذا اجر شقه وياااكم

يقوول له اهلك تروح لهم مره وحده تجربهم

اذا حشموهاا وعاملووها زين تزورهم كل اسبووع

واذا راحت وماحشموها ماعااد تطب فبيتتهم وهذا حقهاا!!

واللي ياخذ بنات الناس يايحشمهم يااا لايسوي نفسه ريال ويتزوج


​

معاها الصراحه الله يعينج عيشتج صعبه وايد :eh_s(2):