مشكلتي السهله الممتنعة

[برد & سلام]

السلام عليكم ورحمة الله وبركاته

سعيدة بانضمامي لكم خواتي ومن دواعي سروري اشارككم بمشكلتي الصغيرة


لاني بصراحة شايفة بنات عقلهم كبير وعندهم نفس طويل وحب للخير ...

فحبيبت اعرض عليكم هالتساؤل يمكن فيكم وحده تشاركني نفس المشكلة او تساعدني القى حل


انا الدنيا حدتني ارضى بكوني زوجة ثانية :eh_s(2):


وصارلي متزوجة اربع سنين وعندي بنوته مثل القمر والحمدلله ومسالمة حدي


انا في حالي وزوجته الاولى في حال مالي شغل فيها


بس بطاقة التموين مالة زوجي وحده ومسويلي اضافة في بطاقته والمستفيد الوحيد هي زوجته الاولى

تاخذ اللي لي واللي لها

ولاني ماحب اناقش زوجي في كل التفاصيل وكل طالعة ونازلة سكت لها على هالتصرف الغير لائق

ومن الكرم قاعده توزع اللي من نصيبي على اللي يحتاجه من اهلها وجيرانها وحتى الجمعيات

فانا ابي اعرف الحين زوجي يقدر يسويلي بطاقة تموين منفصلة ؟ خصوصا اني بمنطقة واهي بمنطقة ثانية ؟



ومشكورين حبيباتي .. واللي تقدر تساعدني او تعطيني حل الله يسعدها ويعطيها لين يرضيها

 

[Tom ♥ Jerry]

,



-ينقل للحياة الزوجيه-

 

[اخت خالتهم]

الله يهنيج يارب

 

[فوفو22]

اي حبيبتي تقدرين

تاخذين عقد الزواج

وشهاده ميلاد البنت

وبطاقتج المدنية

\وبطاقه الخدامه وجوازها اذا الزوج الكفيل

وتراجعين مركز التجاره الموجود بالجمعيه

وتسجلين الاسماء المستفيده ويصير واضح بالكمبيوتر ان الزوج له بيتين

وتدفعين 5 دنانير رسوم تسجيل

وبعدها كل شهر تاخذين المخصصات لج

فوفو

 

[قموشه21]

يصصير تفصلين عنهم .,,. بس اتوقع لازم ولي الامر لازم موافق ويكون معاج ..

مادري اذا يصير بروحج

 

[نزغه كويتيه]

والله مادري انشالله البنات يفيدونج

 

[دلوعة صلوح]

البنات يقولون يصير خلاص حبيبتى توكلى على الله وكلمى ريلج .

 

[هاناا]

ان شاء الله البنات يفيدونج

 

[ام كوثر2007]

اي حبيبتي انا لي ناس تشتغل بحمايه المستهلك والمكان نفسه تسوين فيه البطاقه

بس حطي في بالج .. لازم ريلج اهو اللى يسويلج ما يصير انتي اللى تروحين


وباجي التفاصيل مثل ما قالت لج الاخت فوفو ..


وبجذى كل شهر تروحين تموين جمعيتكم ويكون التموين بأسمج وتكون بنتج معاج واذا عندج خدامه همن بعد بتكون معاج وبتاخذين حصتج من التموين ..

 

[simone]

موفجة حبيبتي

 

[Beautiful soul]

الله يوفقج ويخلي لج بنتج

 

[ياليتهم يشعرون]

نفس مشكله اختي مع شريجتها الله يعينكم البنات انشالله يفيدونج

 

[فانيلا بفراولا]

الله يوفقج و يوفق الجميع

 

[بــــدره]

سبحان الله
تنازلي شوي
الحين ماخذه ريلها و مو راضيه تاخذ تموينج !!
لو انا منج استحي من نفسي و ما امد ايدي عالتموين

 

[منال $]

ما حبيت اطلع بدون ما حط رد
ان شالله البنااااااااااااات فادوكي
اناما بعرف

 

[حجيه هيونه]

كلميه قولي له يفصلج ببطاقة

الله يعينج

 

[ام كوثر2007]

سبحان الله
تنازلي شوي
الحين ماخذه ريلها و مو راضيه تاخذ تموينج !!
لو انا منج استحي من نفسي و ما امد ايدي عالتموين

اختي بدره هذا حق من حقوقها وهي ما تعدت علي احد

ما يجوز نقول حق وحده ليش متزوجه واحد متزوج لانها مو هي اللى طاقته علي ايده عشان ياخذها ..

والبيووت اسرار وهالشي شرع من رب العالمين ليش احنا جذى ؟؟؟؟؟؟؟


تبينها تسكت وتاكل تبن عشانها زوجه ثانيه ؟؟ والله خووووش ​

 

[UNICORNA]

فوفو ماقصرت

بس استغرب سلوك زوجك كان مفروض من الاول

يسوي هالشي من نفسه او اضعف الايمان يمنعها

تاخذ من نصيبك شي

عموما محلوله وعسي ربي ييسر امورك وأمورنا ان شالله

 

[بطوووطة$بيضة]

لووووول ضحكني رد الاخت بدرة حسستني ان الريال خيشة عيش ...انتي اخذي ريلي وانا التموين حقي...والله عجايب

 

[dnyay_mll]

كلمي زوجج يسوي لج بطاقه بروحج
والحمدلله انها يات عالتموين
الله يعينج