مشكلة رفيجتي وشريجتها؟؟

[أسرار الجمال]

حبيبتي كلمة وحدة هو يحب شريجتها ام عياله وهي راحت جت مالها منه عيال بصراحة بالنسبة للريال ولا شي خلااااااص حب شريجتها ام عياله وهي ان راحت ولا قعدت ما يهمه خلاص بيته عمر بشريجتها

 

[كتكوته حبيبي]

الله يصبرها وياجرها وااي انا قريت الموضوع حتريت الله يعينها جد مادري شالحل ولا اتحمل احط نفسي مكانها

 

[اقماري]

الله يعطيكم العافيه بنات ماقصرتووووو والله واللي قالت مراءه حديديه فعلا انا اشوفها حديديه الله ايثبتها ويرزقها يااااااااااااارب قلبي يعورني عليها ..
البنات اللي قالو خل تهتم وتضييج وسوالف والله يابنات اهي مو قاصرها شيء تبارك الرحمن جمال وسنع وثقه ونظافه الله ايتمم عليها,.

ماحفظت النكات بس اللي قالت شكل الثانيه من فئة الخليجيات اللي ديرتنا عندهم جنه ياليتها جذي ع الاقل نستحقرها اشوي والا انلاقي عليها مدخل ع الاقل نشفي غليلنا فيها ,,والله البنت مو قاصرها شيء لاورث لا فلوس ولا وظيفه ولا دين وثقل..

اهي مو خادمه ع قولت البعض الخدم موجودين بالبيت خدامتين وحده لليهال والثانيه للبيت بس اهي اللي مسنعه الوضع لان رفيجتي دوامها من الصبح ليما العصر صج تتعب ,,البنت صارت مواقف اثبتت فيها طيبها بقولكم موقف منها :مره بعشاءجدام الحريم قامت مرت حماها تعطي ولدها للخدامه وردت قعدت يمها وتتكلم عن اليهال وتعبهم صارت السالفه سالفت الحريم كلهم وايسولفون عن اليهال وتعبهم و و و و المهم قالت مرت حماها واهي اتطالع رفيجتي والله المغضوب عليه مايجيله اعيال ,,
تقول رفيجتي لاتشوفين ويهي جدام الحريم والغصه اللي بقلبي حسيت قلبي ينعصرررر وودي اصرخ بويهاا تقول قالت شريجتي صلي ع النبي يافلانه مايدري المسلم وين الخيره فيه الحرمان والا العطاء ,,اللي قدر يعطيج هالعيال قادر ياخذهم ابلحظه عمر الحرمان مادل ع الغضب وقيل الله اذا احب عبدا ابتلاه ..واكثر الانبيا ماجالهم عيال واللي جاله عيال ماتو ابحضنه ..وكلنا ندري ان الانبياء احب الخلق لله سبحانه ..تقول عقبها والله حسيت قلبي صفا عليها ع الاقل مو متشمته فيني ..

من زمانرفيجتي قايله لي اهي عادي ادويتها كلها بالفريزر واتسوي جدامي لي بغت اتحط بالحليب وبالاكل عاااادي يعني مو خاشه شيء واحيانا اتسويلي وياها هذا بالدوره بس بالولاده ماتدري لأن شريجتها تولد عند امها ماتولد اهني..

ام خزامى ههههههههههه اعتقد صكينا عليها كل شيء جربناه وانعرفه اللهم لك الحمد..

 

[طريق السعاده]

مادري يمه احس موقف صعب وغبي ويجرح وكل المشاعر الانسانيه تتاذى منه

اهو بين انها لحست مخه زوجته ومرتاح معها ويحبها بس عاد يتحكم الواحد بكلامه مو كذا يفقد مستحيل !!


لو منها مستحيل اتقبله وهو يطريها معي اصلن حركه انهم عايشين سوا تقهر بس مرت علي قصص كذا لكن سالفه انها تتحمل وتسكت خمس سنين وهو بحضنها ويطري ذيك ويتغزل فيها ! شلون ماعافته

لو منها قام قلبي منه ومستحيل اتقبله!

خل تستخير قبل تتصرف وتفكر زين بالقرار الي بتتخذه ونتايجه وكل شيء هل هالعيشه تقدر تتحملها !

اذا تقدر خل تسكت ولاتحاكيه !

اذا مو قادره تتحمل لا تسكت تكشخ اخر شيء وتجهز نفسها نفسيا انها تطلب منه معاد يجيها !

تجيبه بالمدح وكل شيء بعدين تقول انت مو مقصر معي وعشرتنا سنين ومن هالكلام بس معذور خلاص انا معاد لي بهالشيء

ان كان تبيني ع ذمتك اقعد ببيتي اقوم بواجبك وكل شيء الا النومه

او الله يستر علينا وعليك الله يسعدك ويهنيك بحياتك



انا من العصر اطالع الموضوع ويعورني بطني احس المووضوع يعور حيل

 

[اقماري]

مادري يمه احس موقف صعب وغبي ويجرح وكل المشاعر الانسانيه تتاذى منه

اهو بين انها لحست مخه زوجته ومرتاح معها ويحبها بس عاد يتحكم الواحد بكلامه مو كذا يفقد مستحيل !!


لو منها مستحيل اتقبله وهو يطريها معي اصلن حركه انهم عايشين سوا تقهر بس مرت علي قصص كذا لكن سالفه انها تتحمل وتسكت خمس سنين وهو بحضنها ويطري ذيك ويتغزل فيها ! شلون ماعافته

لو منها قام قلبي منه ومستحيل اتقبله!

خل تستخير قبل تتصرف وتفكر زين بالقرار الي بتتخذه ونتايجه وكل شيء هل هالعيشه تقدر تتحملها !

اذا تقدر خل تسكت ولاتحاكيه !

اذا مو قادره تتحمل لا تسكت تكشخ اخر شيء وتجهز نفسها نفسيا انها تطلب منه معاد يجيها !

تجيبه بالمدح وكل شيء بعدين تقول انت مو مقصر معي وعشرتنا سنين ومن هالكلام بس معذور خلاص انا معاد لي بهالشيء

ان كان تبيني ع ذمتك اقعد ببيتي اقوم بواجبك وكل شيء الا النومه

او الله يستر علينا وعليك الله يسعدك ويهنيك بحياتك



انا من العصر اطالع الموضوع ويعورني بطني احس المووضوع يعور حيل

ياحياااااااااااتي سلامتج والحمدلله الذي عافانا مماابتلاهم به وفضلنا على كثير من خلقه تفضيلا..


اهو طبعا مو دايما جذي ولا بكل لقاء بينهم بس اتصير بين وبين من وقت لي وقت,,

ولي نبهته ايقولها شكوووو يتهيء لج وجذي ولي سكتت ايتمتم بأسمها وسوالف عنها..

 

[انسام الكويت]

انا مع نونة المنكوشة

اذا السالفة صج
انا اشوف الاولى اللي تستاهل المدح
وهي اللي صبرت
اصلا اشلون جمعهم بيت واحد!!
شريچتها *تبي تعيش مسكينة*
*اكيد
طروفها صعبة بديرتها*
وصايرة خادمة لها *
حسيت من فئة الخليجيات اللي*
ديرتنا بالنسبة لهم
جنة الله في ارضه*
والله يستر من تواليها*
توهم في البدايات*

ليش تسكت ؟
*الا تفتح الموضوع وتزفه*
يقص ع منو بالكلام هذا ؟

الا اذا يبي يستفزها علشان *تطلب الطلاق
هذا شي ثاني
ومحتمل*

عادي ممكن يستانس مع وحدة اكثر من الثانية بالفراش
بس مو لدرجة اللي يقوله لها

انا دايماً اقرا لج حكيمه وحلوه.. لكن هالتعليق استوقفني ... ((اكيد ظروفها صعبه
وتبي تعيش وصايره خادمه وحسيتها من الخليجيات اللي عندهم الكويت جنة الله فيه ارضه والله يستر من تواليها))

ليش نية شينه احسني الظن *يعني عشان البنت طيبه وعلى نياتها وقلبها ابيض وموراعية مشاكل وداري ريلها وهم تعامل شريجتها بكل طيب واحترام
صارت الحين بنظرج خادمه وانه ظروفها صعبه ومن فئة الخليجيات اللي الكويت بنظرهم جنة !!!!!!! وبعدين شفيهم الخليجيات الحمدلله منا وفينا ونسايبنا وخوالنا واهلنا ..!
ماله داعي هالحزازيه ...

بالنسبه لصاحبة الموضوع رفيجة في شي ناقصها خليها داري نقص وتشوف شنهو اللي فيها يمكن اسلوبها موشي بس تهذر بنفسها او سوالفها ممله يعني لازم تغير شوي من اسلوبها دلع ريلها اهي صارلها متزوجه 12 سنه يعني نفس الروتين كل يوم
ماكو شي جديد يجذب الريال لها ..اذا اهي
مطيحه الميانه ويا شريجتها خليها تجيس نبضها بحيث تسولف لها قصة من خيالها وتشوف شنهو ردة فعلها .. واذا اهو يقول هالشي بغير الجماع فهو قاصدها يبي يغثها
او يبي ردة فعل منها قويه مثل هوشه اما اذا

يقولها بالجماع عاد خليها تشوف هذيج شنو سرها بالجماع ....!؟؟؟؟

 

[عـيّــآره]

بصراحه يا اقماري من كلامج ووصفج الدقيق لها باخر رد لج انا اللي ماعرفها حبيتها اشلون زوجها​

 

[مناير ...!]

زوجها نذل والله
شنو تمدح فيها بفراشي!!

 

[نونه المنكوشه]

انا من كثر ماقاهرني الموضوع ودي كل شوي ارد هههههههه زوجته الثانيه حرام طيبه ومبين بنت حلال العيب من المحروس زوجها اللي مومحترم مشاعرها يمكن الثانيه اعرفت تاخذ قلبه موشرط اتسويله ليله حمرا وله صفرا لأ اهيا يمكن اعرفة مفاتيحه ويمكن تعلق فيها بسبة طيبة قلبها والسخره من الله لكن زوجها حرام يسوي جذي مايجوز يولد الغيره والحسد حرام عليه مهما كان اهيا انسانه وتحس ولاتقولون ادويه وخرابيط الحين حتي اللي فيها شي تقدر اتسوي عمليه وينتهي الموضوع اهوه موموضوع خربانه وله لأ اهيا خذت قلبه وتري لاالجمال ولاالجسم ولاالسنع له شغل المحبه من الله والله يسخرلرفيجتج بس خل تدعي تري القلوب بيد رب العالمين ماتدرين يمكن اهيا داعيه ربها وربي سخر لها والله يسخرلكم ازواجكم جميعااااااااااااااااااااااا

 

[unknown1988]

واااااي قهر قهر الله يعينها رفيجتج والله عندي اتطلق ويروح يتزوج ولا يتزوج وادري ان الحين قاعد يسوي شي معاها انقهر انجلط اغاااااار :"(

اهو يرتاح مع هذيك بالفراش مبين اشكرا .. بس صدقيني رفيجتج مالها شغل بالموضوع . مو تقولولي اهتمام وضيج ووسع ..

هذيك بقلبه هذا شي بالريال نفسه ولا وحده فيهم لها شغل ... اللي عليها تسويه تنبهها بحزتها وتكون حازمه ..


اذا غلط باسمها تنبهه تقوله فلان هاذي انا شوف بطل عينك ل ووووو ل حتا لو يخترب ام المزاج ... مره علا مره لين يتأدب ..

وممكن يكون قاصدها شدعوا مايدري اهو مع منو لو شنو ما كان سرحان بالشسمه ماتوصل حق ان يغيب عن عقله وينعمي :/

 

[ري777ما]

الله يصلح مابينهم لبد. تصير غيره والبلا برجالها

 

[امـ خــزامـى]

ام خزامى ههههههههههه اعتقد صكينا عليها كل شيء جربناه وانعرفه اللهم لك الحمد..[/QUOTE]




:eh_s(22):الحمدالله اهم شي اقماااري فهمتني
والظاااهر عقب ردك الاخير هذي نيتها طيبه وانسانه تخااف الله
وهذا جزااها بالدنيا كيف عاد بالاخره الله يرزقنا النيه الطيبه والظن الحسن


من اسلوبها وتعاااملها لزوجته وله وللناس كلهم حبها وعشقها
والا في وحده تدافع عن شريكتها !!!!!!!!!!!!!!!!!

قولي لصديقتك صلي صلاة الشكر واحمدي ربك لانه يحبك رزقك بشريكه تخاف الله وتحبك
تحمللللي واصبررررري وماعلى الله شي بعيد ومابعد الصبر الا الفرررج

وربي يفرررج عليها ويرزززقها بتوووم ولد وبنت عااجل غير اجل ياحي ياقيوووم
وتجين تبشرينا اقمااااري :eh_s(17):

 

[اقماري]

ام خزامى ههههههههههه اعتقد صكينا عليها كل شيء جربناه وانعرفه اللهم لك الحمد..

:eh_s(22):الحمدالله اهم شي اقماااري فهمتني
والظاااهر عقب ردك الاخير هذي نيتها طيبه وانسانه تخااف الله
وهذا جزااها بالدنيا كيف عاد بالاخره الله يرزقنا النيه الطيبه والظن الحسن


من اسلوبها وتعاااملها لزوجته وله وللناس كلهم حبها وعشقها
والا في وحده تدافع عن شريكتها !!!!!!!!!!!!!!!!!

قولي لصديقتك صلي صلاة الشكر واحمدي ربك لانه يحبك رزقك بشريكه تخاف الله وتحبك
تحمللللي واصبررررري وماعلى الله شي بعيد ومابعد الصبر الا الفرررج

وربي يفرررج عليها ويرزززقها بتوووم ولد وبنت عااجل غير اجل ياحي ياقيوووم
وتجين تبشرينا اقمااااري :eh_s(17):[/QUOTE]


ههههههههههه ولا يهمج ام خزامى فديت قلبج..

أأأأأأأأأميييييييييييييييييييييييييييييييين يارب التوافيق والرزق بيدك الله يرزقها وكل من انحرم..

بعد قلبي تسلمين ع هالدعوه الطيبه ويرزقج حبيبتي وايخليلنا عيالنا ويصلحهم ياااااااااااارب..

 

[مجنونة ولدها99]

اول شي زوجها مو عادل أبدآ..... لو عادل جان ماجاب طاري شريجتها بليلتها وهي متأكده أنه بليلة شريجتها ماراح يجيب طاريها ...
ثانيأ بما إن رفيجتج خفيفه وماعندها عيال أنصحها تروح لأهلها شهر منها يشتاقلها زوجها ومنها تسوي نيو لوك وتعتني بنفسها عدل ... وإذا ردت لبيتها تتنازل عن ليلتها لمدة شهر او شهرين بس يشوفها ويسولف معاها ختى اللمس لا تسمحله من بعيد لبعيد وتركز عاللبس وبهالفتره راح يكون على شريجتها ضغط يومي من زوجها وعيالها ومجبوره تقصر فيه وهنيه يجي دور رفيجتج ... بعد هالمده الطويله توافق إنها تستقبله وتكون مغيره حتى غرفتها وديكوراتها وديباجها ولبسها وحتى أسلوبها بالعلاقه الزوجيه واجواء الغرفه تكون أجواء أسترخاء ودلع وتركز أن سوالفها ماتكون فيها تشكي وهموم ...
هنيه راح يرتبط بعقل زوجها ان غرفتها والليله عندها جنه ونعيم وراح يتشفقها ...
والله يوفقها ...

 

[الجوهره70]

حبيباتي الرجل اناني بكل شيء واحس انه مستحي يطلقها عقب صبرها ويمكن تكون من قرايبه
فيستفزها يبيها تطلب الطلاق :eh_s(14)::eh_s(4):

والله اعلم

 

[كليـ دلعـ]

كللللللللل الردود اللي ردو بعدي

رددوو كلمتي اللي اهي

تتتازل عن ليلتها ولاتخليه يلمسهاا

اتمنى تستوعب صاحبه المشكله

وسالفه نيولوك وليله وديباج

هذي امور ماخوذ خيرها

الثانيه عندها عيال وتحمل وتنفسس

ماعاافهاا شافها بجميع حالاتهاا فماعتقد انها بتدش

قلبه غصصصب!

 

[smo0o]

بصراحه محتاره مادري شقولج
بس شريكة رفيقتج مبين طيبه و بنت حلال
والله عطاها على نيتها
الغلط من الزوج
الله يرزقها بالذريه الصالحه عاجل غير آجل يارب

 

[ملوكة الامورة]

انا مع نونة المنكوشة

اذا السالفة صج
انا اشوف الاولى اللي تستاهل المدح
وهي اللي صبرت
اصلا اشلون جمعهم بيت واحد!!
شريچتها تبي تعيش مسكينة
اكيد
طروفها صعبة بديرتها
وصايرة خادمة لها
حسيت من فئة الخليجيات اللي
ديرتنا بالنسبة لهم
جنة الله في ارضه
والله يستر من تواليها
توهم في البدايات


ليش تسكت ؟
الا تفتح الموضوع وتزفه
يقص ع منو بالكلام هذا ؟

الا اذا يبي يستفزها علشان تطلب الطلاق
هذا شي ثاني
ومحتمل

عادي ممكن يستانس مع وحدة اكثر من الثانية بالفراش
بس مو لدرجة اللي يقوله لها

حبيبتي اشوف كلامك مو صحيح الحمدلله كل الخليج بخير ونعمه وش فئه الخليجيات حسستيني انا من الدول العربيه ولا من عالم اخر
كل الخليج الحمدلله يعيش بنعمه وستر من رب العالمين

 

[يـاكـرهـي $:]

^ أي والله صاجه حسستنا الخليج من بعض الدول العربيه خخخخ !!

الحمد الله و الشكر ..

 

[ناتشوو]

ياكرهي/
حمدلله والشكر مرة وحدة!
عدم معرفتج بهالفئة لايعني عدم وجودها

وبعدين المشكلة مو متعلقة بشريچتها
طيبة او شريرة
زوجها ليش يسوي چذي
هذي هي مشكلتها